| ᠰᠡᠴᠡᠨᠴᠢᠮᠡᠭ | | | | ᠰᠢᠨᠠ ᠮᠢᠩᠭᠠᠨ ᠤ ᠰᠢᠨᠠ ᠴᠠᠭ ᠦᠶᠡ ᠳᠤ ᠡᠴᠢᠭᠡ ᠡᠭᠡᠴᠤᠤᠯ ᠬᠡᠤᠭᠡᠳ ᠤᠨ ᠢᠶᠠᠨ ᠪᠡᠶᠡ ᠰᠡᠳᠬᠢᠯ ᠤᠨ | ᠡᠷᠡᠬᠦᠯ ᠮᠡᠨᠳᠦ ᠶᠢᠨ ᠪᠤᠯᠪᠠᠰᠤᠷᠠᠯ ᠢ ᠲᠡᠷᠢᠬᠦᠨ ᠪᠠᠶᠢᠷᠢᠨ ᠳᠤ ᠲᠠᠯᠪᠢᠨ᠂ ᠬᠡᠤᠭᠡᠳ ᠨᠢᠭᠡ ᠪᠦᠷᠢ ᠪᠤᠯ ᠨᠢᠭᠡᠨ ᠪᠤᠳᠠᠭᠠᠯᠢ | ᠪᠡᠶᠡ ᠪᠤᠯᠬᠤ ᠶᠢ ᠬᠦᠨᠳᠤᠳᠭᠡᠵᠤ᠂ ᠲᠡᠳᠡᠨ ᠤ ᠦᠪᠡᠷ ᠦᠪᠡᠷ ᠤᠨ ᠤᠨᠴᠠᠯᠢᠭ ᠰᠢᠨᠵᠢ ᠲᠠᠢ᠂ ᠦᠰᠤᠨ ᠪᠤᠶᠢᠵᠢᠬᠤ | ᠶᠠᠪᠤᠴᠠ᠂ ᠤᠷᠤᠨ ᠵᠠᠢ ᠲᠠᠢ᠂ ᠰᠡᠳᠬᠢᠬᠦᠢ᠂ ᠮᠡᠳᠡᠷᠡᠮᠵᠢ ᠲᠠᠢ ᠭᠡᠳᠡᠭ ᠢ ᠦᠢᠯᠠᠭᠠᠨ᠂ ᠲᠡᠳᠡᠨ ᠤ ᠲᠤᠳᠤᠭᠠᠳᠦ | ᠭᠡᠷᠡᠭᠴᠡᠭᠡ ᠶᠢ ᠬᠠᠩᠭᠠᠵᠤ᠂ ᠠᠮᠢ ᠨᠠᠰᠤᠨ ᠤ ᠤᠷᠤᠰᠬᠠᠯ ᠠᠶᠢᠵᠠᠮ ᠢᠶᠠᠷ ᠠᠮᠢᠳᠤᠷᠠᠭᠤᠯᠤᠨ᠂ ᠬᠡᠤᠭᠡᠳ ᠤᠨ | ᠲᠡᠷᠢᠬᠢ ᠶᠢ ᠬᠦᠭᠵᠢᠬᠦᠯᠵᠦ᠂ ᠤᠶᠤᠨ ᠰᠠᠨᠠᠭᠠ ᠰᠡᠳᠬᠢᠬᠦᠢ ᠶᠢ ᠪᠤᠶᠢᠵᠢᠭᠤᠯᠬᠤ ᠳᠤ ᠰᠠᠶᠢᠨ ᠰᠠᠭᠤᠷᠢ ᠶᠢ ᠲᠠᠯᠪᠢᠬᠤ | ᠴᠢᠬᠤᠯᠠᠳᠠᠢ᠃ | ᠤᠳᠤᠬᠠᠨ ᠤ ᠡᠵᠢ ᠠᠪᠤ ᠪᠤᠯᠤᠬᠰᠠᠳ ᠬᠡᠤᠭᠡᠳ ᠢᠶᠠᠨ ᠦᠰᠬᠡᠨ ᠬᠦᠮᠦᠵᠢᠬᠦᠯᠬᠦ ᠲᠠᠯᠠ ᠳᠤ ᠮᠠᠰᠢ ᠤᠯᠠᠨ | ᠠᠰᠠᠭᠤᠳᠠᠯ ᠤᠷᠤᠰᠢᠵᠤ᠂ ᠭᠠᠴᠢᠬᠳᠠᠯ ᠲᠦᠪᠡᠭ ᠲᠤ ᠤᠴᠠᠷᠠᠵᠤ ᠪᠠᠶᠢᠭᠠ ᠪᠠᠶᠢᠳᠠᠯ ᠳᠤ ᠴᠢᠭᠯᠡᠬᠦᠯᠦᠨ᠂ ᠰᠢᠨᠠ ᠴᠠᠭ | ᠡᠷᠢᠨ ᠤ ᠬᠡᠤᠭᠡᠳ ᠢ ᠶᠠᠭᠠᠬᠢᠵᠤ ᠵᠦᠪ ᠬᠦᠮᠦᠵᠢᠬᠦᠯᠬᠦ ᠲᠤᠬᠠᠢ ᠬᠡᠳᠤᠨ ᠲᠠᠯᠠ ᠪᠠᠷ ᠲᠦᠬᠦᠮ ᠶᠡᠷᠢᠶᠠ᠃ | 1. ᠬᠡᠤᠭᠡᠳ ᠢᠶᠠᠨ ᠵᠦᠪ ᠬᠠᠶᠢᠷᠠᠯᠠᠬᠤ ᠭᠡᠷᠡᠭᠳᠡᠢ | ᠬᠡᠤᠭᠡᠳ ᠪᠤᠯ ᠠᠪᠤ ᠡᠵᠢ ᠠᠴᠠ ᠪᠠᠨ ᠬᠠᠮᠤᠭ ᠤᠨ ᠶᠡᠭᠡ ᠡᠨᠧᠷᠬᠢ ᠠᠪᠤᠨᠠ᠃ ᠡᠶᠢᠮᠤ ᠠᠴᠠ ᠠᠪᠤ ᠡᠵᠢ | ᠪᠤᠯᠤᠬᠰᠠᠳ ᠬᠡᠤᠭᠡᠳ ᠢ ᠰᠡᠳᠬᠢᠯᠭᠡ ᠪᠠᠷ ᠢᠶᠠᠨ ᠤᠴᠢᠵᠤ ᠬᠦᠮᠤᠵᠢᠬᠦᠯᠵᠦ ᠬᠠᠶᠢᠷᠠᠯᠠᠬᠤ ᠭᠡᠷᠡᠭᠳᠡᠢ᠃ ᠲᠡᠷᠤᠢ | ᠬᠡᠤᠭᠡᠳ ᠲᠤ ᠪᠠᠨ ᠬᠠᠶᠢᠷᠠᠳᠠᠢ ᠭᠡᠳᠡᠭ ᠢᠶᠠᠨ ᠵᠦᠪ ᠮᠡᠳᠡᠷᠡᠬᠦᠯᠵᠦ ᠰᠤᠷᠬᠤ ᠭᠡᠷᠡᠭᠳᠡᠢ᠃ ᠤᠴᠢᠷ ᠨᠢ ᠰᠢᠨᠠ ᠡᠷᠢᠨ ᠤ | ᠬᠡᠤᠭᠡᠳ ᠤᠳ ᠮᠡᠳᠡᠷᠡᠮᠵᠢ ᠨᠢ ᠬᠠᠮᠤᠭ ᠤᠨ ᠶᠡᠭᠡ ᠴᠡᠪᠠᠷᠰᠢᠭ᠍ᠰᠡᠨ ᠤᠴᠢᠷ ᠠᠴᠠ ᠲᠡᠳᠡᠨ ᠢ ᠵᠦᠪᠬᠡᠨ ᠰᠠᠶᠢᠨ ᠢ | ᠢᠳᠡᠬᠦᠯᠵᠦ᠂ ᠰᠠᠶᠢᠬᠠᠨ ᠢ ᠡᠮᠤᠰᠬᠡᠬᠦ ᠠᠴᠠ ᠬᠠᠶᠢᠷᠠ ᠶᠢ ᠮᠡᠳᠡᠷᠡᠵᠤ ᠲᠡᠶᠢᠯᠬᠦ ᠦᠭᠡᠢ᠃ ᠬᠠᠷᠢᠨ ᠦᠪᠡᠷ ᠤᠨ ᠦᠭᠡ | ᠶᠠᠷᠢᠶᠠ ᠦᠢᠯᠡ ᠠᠵᠢᠯᠯᠠᠭᠠ᠂ ᠤᠪᠤᠷ ᠬᠠᠨᠳᠤᠯᠭᠠ ᠪᠠᠷ ᠤᠴᠢᠵᠤ ᠲᠡᠳᠡᠨ ᠤ ᠰᠡᠳᠬᠢᠯ ᠳᠤ ᠨᠢ ᠦᠷᠬᠦᠯᠵᠢ ᠲᠠᠭᠠᠳᠠᠢ | ᠮᠡᠳᠡᠷᠡᠮᠵᠢ ᠶᠢ ᠤᠯᠭᠤᠨᠠ᠃ ᠵᠢᠱᠢᠶᠠᠯᠠᠪᠠᠯ᠂ ᠬᠡᠤᠭᠡᠳ ᠤᠨ ᠢᠶᠠᠨ ᠲᠤᠯᠤᠭᠠᠢ ᠶᠢ ᠢᠯᠪᠢᠵᠦ ᠠᠪᠤ ᠡᠵᠢ ᠨᠢ ᠬᠠᠶᠢᠷᠠᠳᠠᠢ | ᠭᠡᠳᠡᠭ ᠢᠶᠠᠨ ᠬᠡᠯᠡᠵᠤ ᠢᠯᠡᠳᠭᠡᠬᠦ᠂ ᠲᠡᠪᠡᠷᠢᠵᠤ ᠦᠨᠤᠰᠬᠦ᠂ ᠰᠠᠶᠢᠨᠳᠠᠢ ᠲᠠᠪᠠᠭᠤᠯᠢᠭ ᠲᠠᠯᠠ ᠶᠢ ᠤᠯᠵᠦ ᠦᠵᠡᠨ᠂ | ᠬᠡᠤᠭᠡᠳ ᠢᠶᠠᠷ ᠢᠶᠠᠨ ᠪᠠᠭ᠋ᠠᠷᠬᠠᠬᠤ᠂ ᠪᠦᠬᠦ ᠶᠠᠭᠤᠮᠠ ᠶᠢ ᠤᠷᠮᠠᠰᠢᠭᠤᠯᠵᠤ ᠵᠤᠷᠢᠬᠵᠢᠭᠤᠯᠤᠨ᠂ ᠡᠶᠡᠷᠬᠦ ᠰᠠᠶᠢᠨᠳᠠᠢ | ᠲᠠᠯᠠ ᠠᠴᠠ ᠨᠢ ᠢᠯᠡᠬᠦᠤ ᠶᠠᠷᠢᠵᠤ᠂ ᠵᠦᠪ ᠲᠡᠶᠢᠰᠢ ᠦᠭᠡᠳᠡᠷᠭᠡᠭ ᠢᠶᠠᠷ ᠲᠠᠭᠠᠭᠤᠯᠵᠤ ᠴᠢᠭᠯᠡᠬᠦᠯᠦᠨᠡ᠃ | 2. ᠬᠡᠤᠭᠡᠳ ᠢᠶᠠᠨ ᠵᠦᠪ ᠦᠢᠯᠠᠭᠠᠬᠤ ᠭᠡᠷᠡᠭᠳᠡᠢ | ᠡᠴᠢᠭᠡ ᠡᠬᠡ ᠪᠤᠯᠤᠬᠰᠠᠳ ᠬᠡᠤᠭᠡᠳ ᠢᠶᠠᠨ ᠴᠠᠭ ᠢᠮᠠᠭᠳᠠ ᠠᠩᠬᠠᠷᠴᠤ ᠬᠠᠯᠠᠮᠵᠢᠯᠠᠨ ᠪᠡᠶᠡ ᠮᠠᠬᠠᠪᠤᠳ ᠪᠠ | ᠰᠡᠳᠬᠢᠴᠡ ᠶᠢᠨ ᠦᠰᠤᠯᠳᠠ ᠬᠦᠭᠵᠢᠯᠳᠡ᠂ ᠬᠤᠪᠢᠷᠠᠯᠳᠠ ᠪᠠᠶᠢᠳᠠᠯ ᠢ ᠵᠦᠪ ᠦᠢᠯᠠᠭᠠᠨ᠂ ᠲᠠᠳᠡᠨ ᠤ ᠠᠳᠠᠯᠢ ᠪᠤᠰᠤ | ᠨᠠᠰᠤᠨ ᠤ ᠬᠢ ᠦᠰᠤᠨ ᠪᠤᠶᠢᠵᠢᠯᠳᠡ ᠶᠢᠨ ᠵᠢᠮᠡ ᠶᠤᠰᠤ ᠶᠢ ᠮᠡᠳᠡᠵᠤ ᠬᠦᠮᠤᠵᠢᠬᠦᠯᠵᠦ ᠬᠦᠭᠵᠢᠬᠦᠯᠦᠨᠡ᠃ ᠲᠠᠳᠡᠨ | ᠢ ᠪᠠᠶᠢᠭᠠ ᠪᠠᠷ ᠨᠢ ᠬᠦᠯᠢᠶᠡᠨ ᠵᠦᠪᠰᠢᠶᠡᠷᠡᠵᠦ᠂ ᠠᠭᠤᠴᠢᠯᠠᠨ ᠪᠠᠭᠳᠠᠭᠠᠵᠦ᠂ ᠰᠡᠳᠬᠢᠯ ᠢ ᠨᠢ ᠵᠦᠪ | ᠪᠤᠯᠪᠠᠰᠤᠷᠠᠭᠤᠯᠤᠨᠠ᠃ ᠵᠢᠱᠢᠶᠠᠯᠠᠪᠠᠯ᠂ ᠴᠢᠨᠤ ᠬᠡᠤᠭᠡᠳ ᠴᠢᠨᠢ ᠰᠢᠯᠭᠠᠯᠳᠠ ᠳᠤ ᠪᠠᠨ ᠠᠨᠠᠢ ᠬᠤᠪᠢ ᠠᠪᠤᠬᠰᠠᠨ ᠴᠤ | ᠵᠦᠪ ᠬᠦᠯᠢᠶᠡᠨ ᠠᠪᠴᠤ ᠪᠠᠭᠳᠠᠭᠠᠵᠤ ᠰᠤᠷᠬᠤ ᠭᠡᠷᠡᠭᠳᠡᠢ᠃ ᠲᠠᠷᠤᠢ ᠠᠨᠠᠢ ᠬᠤᠪᠢ ᠠᠪᠤᠬᠰᠠᠨ ᠰᠢᠯᠳᠠᠭᠠᠨ ᠢ ᠡᠷᠢᠵᠤ᠂ | ᠲᠠᠷᠠᠭᠠᠴᠢ ᠪᠠᠷ ᠠᠯᠬᠤᠮ ᠲᠠᠪᠰᠢᠬᠤ ᠳᠤ ᠨᠢ ᠵᠤᠷᠢᠬᠵᠢᠭᠤᠯᠤᠯ ᠬᠦᠴᠤ ᠦᠭᠬᠦ ᠭᠡᠷᠡᠭᠳᠡᠢ᠃ | 3. ᠬᠡᠤᠭᠡᠳ ᠲᠠᠢ ᠪᠠᠨ ᠵᠦᠪ ᠬᠠᠷᠢᠴᠠᠭᠠ ᠶᠢ ᠪᠠᠶᠢᠭᠤᠯᠬᠤ ᠭᠡᠷᠡᠭᠳᠡᠢ | ᠪᠦᠬᠦ ᠬᠦᠮᠦᠨ ᠳᠤ ᠠᠳᠠᠯᠢᠬᠠᠨ ᠦᠭᠬᠦᠭᠳᠡᠭᠰᠡᠨ ᠨᠢᠭᠡ ᠵᠦᠢᠯ ᠪᠤᠯ ᠭᠡᠷ ᠪᠦᠯᠢ ᠪᠠᠶᠢᠳᠠᠭ᠃ ᠭᠡᠷ ᠪᠦᠯᠢ ᠶᠢᠨ | ᠤᠷᠴᠢᠨ᠂ ᠡᠴᠢᠭᠡ ᠡᠬᠡ ᠶᠢᠨ ᠠᠩᠬᠠᠷᠤᠯ ᠬᠠᠯᠠᠮᠵᠢ ᠬᠡᠬᠦ ᠮᠡᠳᠦ ᠶᠢᠨ ᠤᠯᠠᠨ ᠵᠦᠢᠯ ᠠᠴᠠ ᠰᠢᠯᠳᠠᠭᠠᠯᠠᠭᠳᠠᠨ ᠲᠤᠰ | ᠬᠦᠮᠦᠨ ᠨᠢ ᠨᠠᠶᠢᠭᠡᠮ ᠳᠤ ᠶᠠᠮᠠᠷ ᠬᠦᠮᠦᠨ ᠪᠤᠯᠵᠤ ᠦᠰᠴᠤ ᠲᠤᠷᠨᠢᠬᠤ ᠶᠢ ᠨᠦᠯᠤᠭᠡᠯᠡᠳᠡᠭ᠃ | ᠭᠡᠷ ᠪᠦᠯᠢ ᠳᠤ ᠪᠠᠨ ᠡᠶᠡ ᠨᠠᠶᠢᠷᠠᠮᠳᠠᠭᠤ᠂ ᠬᠠᠶᠢᠷᠠ ᠪᠢᠯᠬᠠᠬᠰᠠᠨ ᠤᠷᠴᠢᠨ ᠢ ᠪᠤᠢ ᠪᠤᠯᠭᠠᠵᠤ᠂ | ᠬᠡᠤᠭᠡᠳ ᠲᠠᠢ ᠪᠠᠨ ᠬᠡᠵᠢᠶᠡᠳᠡ ᠡᠶᠡᠷᠬᠦ ᠪᠠᠷ ᠵᠦᠪ ᠬᠠᠷᠢᠯᠴᠠᠨ᠂ ᠤᠷᠢᠳ ᠢᠶᠠᠷ ᠲᠠᠳᠡᠨ ᠤ ᠰᠠᠨᠠᠯ ᠪᠤᠳᠤᠯ ᠢ | ᠬᠦᠨᠳᠤᠳᠭᠡᠨ ᠰᠤᠨᠤᠰᠴᠤ᠂ ᠲᠠᠷᠠᠭᠠ ᠨᠢ ᠭᠡᠷ ᠤᠨ ᠠᠬᠠᠮᠠᠳ ᠠᠴᠠ ᠦᠪᠡᠷ ᠤᠨ ᠰᠠᠨᠠᠯ ᠰᠠᠨᠠᠭᠤᠯᠤᠮᠵᠢ ᠪᠠᠨ ᠢᠯᠡᠳᠬᠡᠨ᠂ | ᠬᠠᠷᠢᠯᠴᠠᠨ ᠦᠢᠯᠠᠭᠠᠯᠴᠠᠵᠤ᠂ ᠡᠴᠢᠭᠡ ᠡᠬᠡ ᠪᠤᠯᠤᠬᠰᠠᠳ᠂ ᠦᠪᠡᠷ ᠤᠨ ᠰᠠᠨᠠᠭᠠ ᠪᠤᠳᠤᠯ ᠢᠶᠠᠨ ᠬᠡᠤᠭᠡᠳ ᠲᠤ ᠲᠤᠬᠤᠬᠤ᠂ | ᠲᠠᠳᠡᠨ ᠢ ᠤᠷᠤᠯᠡᠨ ᠰᠢᠢᠳᠪᠤᠷᠢ ᠭᠠᠷᠭᠠᠬᠤ᠂ ᠲᠡᠳᠡᠨ ᠢ ᠠᠯᠪᠠᠳᠠᠨ ᠦᠪᠡᠷ ᠤᠨ ᠰᠠᠨᠠᠭᠠ ᠪᠠᠷ ᠢᠶᠠᠨ ᠶᠠᠪᠤᠭᠤᠯᠬᠤ ᠠᠴᠠ | ᠵᠠᠶᠢᠯᠠᠰᠬᠢᠬᠤ ᠭᠡᠷᠡᠭᠳᠡᠢ᠃ ᠠᠯᠢᠪᠠ ᠤᠴᠢᠷ ᠲᠤ ᠰᠢᠢᠳᠪᠤᠷᠢ ᠭᠠᠷᠭᠠᠬᠤ ᠡᠷᠭᠡ ᠶᠢ ᠲᠡᠳᠡᠨ ᠳᠤ ᠦᠭᠬᠦ ᠬᠡᠷᠡᠭᠳᠡᠢ᠃ | ᠭᠡᠷ ᠪᠦᠯᠢ ᠶᠢᠨ ᠠᠵᠠ ᠵᠢᠷᠭᠠᠯ ᠢ ᠮᠡᠳᠡᠷᠡᠬᠦᠯᠵᠦ᠂ ᠬᠡᠤᠭᠡᠳ ᠲᠤ ᠦᠰᠤᠨ ᠪᠤᠶᠢᠵᠢᠬᠤ ᠲᠤᠬᠢᠶᠡᠯ ᠨᠦᠬᠦᠴᠡᠯ᠂ | ᠤᠷᠴᠢᠨ ᠢ ᠬᠠᠩᠭᠠᠵᠤ᠂ ᠡᠴᠢᠬᠡ ᠡᠬᠡ ᠪᠠ ᠬᠡᠤᠭᠡᠳ ᠤᠨ ᠵᠦᠪ ᠬᠠᠷᠢᠴᠠᠭᠠ ᠶᠢ ᠪᠠᠶᠢᠭᠤᠯᠤᠨᠠ᠃ | 4. ᠬᠡᠤᠭᠡᠳ ᠲᠤ ᠪᠠᠨ ᠢᠳᠡᠭᠡᠯ ᠵᠤᠷᠢᠭ ᠢ ᠤᠯᠭᠤᠨᠠ | ᠬᠡᠤᠭᠡᠳ ᠢᠳᠡᠭᠡᠯ ᠢ ᠬᠠᠮᠤᠭ ᠤᠨ ᠦᠢᠷᠠ ᠬᠦᠮᠤᠨ ᠠᠴᠠ ᠪᠠᠨ ᠠᠪᠳᠠᠭ᠃ ᠡᠶᠢᠮᠤ ᠠᠴᠠ ᠡᠴᠢᠭᠡ ᠡᠬᠡᠴᠦᠤᠯ | ᠵᠠᠭᠤᠨ ᠤ ᠵᠠᠭᠤ ᠪᠠᠷ ᠬᠡᠤᠭᠡᠳ ᠢᠶᠠᠨ ᠢᠳᠡᠭᠡᠵᠤ᠂ ᠬᠡᠤᠭᠡᠳ ᠢ ᠦᠪᠡᠷ ᠢ ᠪᠠᠨ ᠢᠳᠡᠬᠡᠬᠦ ᠢᠳᠡᠭᠡᠯ ᠲᠠᠢ᠂ ᠵᠤᠷᠢᠭ | ᠰᠦᠰᠤ ᠲᠠᠢ ᠪᠤᠯᠭᠠᠨ ᠬᠦᠮᠦᠵᠢᠬᠦᠯᠦᠨᠠ᠃ ᠪᠠᠭᠠ ᠠᠴᠠ ᠨᠢ ᠦᠪᠡᠷ ᠤᠨ ᠬᠢᠵᠤ ᠲᠡᠶᠢᠯᠬᠦ ᠵᠦᠢᠯᠡᠰ ᠢ ᠪᠡᠶᠡ ᠶᠢ ᠨᠢ | ᠲᠠᠭᠠᠭᠠᠯᠭᠠᠨ ᠬᠢᠯᠭᠡᠵᠤ᠂ ᠦᠪᠡᠷ ᠤᠨ ᠪᠡᠶᠡ ᠪᠠᠷ ᠨᠢ ᠦᠰᠤᠨ ᠪᠤᠶᠢᠵᠢᠬᠤ ᠶᠠᠪᠤᠴᠠ ᠠᠷᠭᠠ ᠶᠢ ᠪᠡᠶᠡᠴᠢᠯᠡᠨ | ᠦᠩᠭᠡᠷᠡᠭᠡᠵᠤ ᠮᠡᠳᠡᠷᠡᠬᠦᠯᠤᠨᠠ᠃ ᠶᠡᠷᠤᠨᠢ ︽ᠵᠢᠭᠠᠵᠤ ᠰᠤᠷᠭᠠᠬᠤ ᠪᠠᠷ ᠵᠠᠷᠤᠵᠦ ᠰᠤᠷᠭᠠ᠂ ᠬᠡᠯᠡᠵᠤ ᠰᠤᠷᠭᠠᠬᠤ ᠪᠠᠷ | ᠬᠢᠵᠤ ᠰᠤᠷᠭᠠ︾ ᠭᠡᠳᠡᠭ ᠰᠢᠤ᠃ | ᠪᠢᠳᠠ ᠬᠡᠤᠭᠡᠳ ᠲᠤ ᠪᠠᠨ ︽ᠪᠢ ᠪᠤᠯᠵᠤ ᠪᠠᠶᠢᠨᠠ︾᠂ ︽ᠪᠢ ᠶᠠᠭᠤ ᠬᠢᠭᠰᠡᠨ ᠴᠦ ᠴᠢᠳᠠᠨᠠ︾ ᠬᠡᠬᠦ | ᠢᠳᠡᠭᠡᠯ ᠵᠤᠷᠢᠭ ᠢ ᠴᠠᠭ ᠢᠮᠠᠭᠳᠠ ᠤᠯᠭᠤᠵᠤ ᠪᠠᠶᠢᠪᠠᠯ ᠲᠡᠳᠡᠨ ᠤ ᠬᠤᠶᠢᠰᠢᠳᠠ ᠶᠢᠨ ᠦᠰᠤᠨ ᠪᠤᠶᠢᠵᠢᠯᠳᠡ᠂ | ᠬᠦᠭᠵᠢᠯᠳᠡ ᠬᠤᠪᠢᠷᠠᠯᠳᠠ ᠳᠤ ᠴᠢᠬᠤᠯᠠ ᠦᠢᠯᠡᠳᠤᠯ ᠦᠵᠡᠬᠦᠯᠤᠨ᠂ ᠦᠪᠡᠷ ᠤᠨ ᠪᠡᠶᠡ ᠳᠤ ᠪᠠᠨ ᠢᠳᠡᠭᠡᠯ | ᠲᠦᠬᠦᠷᠠᠩ ᠤᠷᠤᠬᠰᠢ ᠲᠠᠪᠰᠢᠵᠤ ᠲᠡᠶᠢᠯᠤᠨᠠ᠃ | 5. ᠬᠡᠤᠭᠡᠳ ᠢ ᠬᠦᠰᠡᠯ ᠲᠡᠮᠡᠤᠯᠤᠯ ᠲᠠᠢ ᠪᠤᠯᠭᠠᠨᠠ | ᠬᠡᠤᠭᠡᠳ ᠤᠨ ᠨᠢᠭᠡ ᠨᠠᠰᠤᠨ ᠳᠤ ᠪᠠᠨ ᠬᠠᠳᠠᠭᠠᠯᠠᠵᠤ ᠶᠠᠪᠤᠬᠤ ᠡᠷᠳᠡᠨᠢ — ᠡᠷᠬᠢᠮ ᠨᠠᠨᠳᠢᠨ ᠵᠦᠢᠯ ᠪᠤᠯ | ᠬᠦᠰᠡᠯ ᠪᠤᠯᠤᠨᠠ᠃ ᠬᠡᠤᠭᠡᠳ ᠤᠨ ᠦᠪᠡᠷ ᠤᠨ ᠬᠢᠨᠢ ᠰᠤᠨᠢᠷᠬᠠᠯ᠂ ᠲᠤᠷᠡ ᠪᠠᠬᠠ ᠶᠢ ᠨᠢ ᠨᠡᠭᠡᠭᠡᠨ ᠢᠯᠡᠷᠡᠬᠦᠯᠵᠦ᠂ | ᠬᠦᠰᠡᠯ ᠮᠦᠷᠤᠭᠡᠳᠤᠯ ᠲᠠᠢ ᠪᠤᠯᠭᠠᠨᠠ᠃ | ᠬᠡᠤᠭᠡᠳ ᠤᠨ ᠦᠪᠡᠷ ᠤᠨ ᠬᠦᠰᠡᠯ ᠲᠡᠮᠡᠤᠯᠤᠯ ᠢᠶᠠᠷ ᠠᠮᠢᠳᠤᠷᠠᠬᠤ ᠴᠢᠭᠯᠡᠬᠦᠷ ᠵᠤᠷᠢᠯᠭᠠ ᠲᠠᠢ ᠪᠤᠯᠭᠠᠪᠠᠯ᠂ | ᠲᠡᠳᠡ ᠦᠪᠡᠷ ᠤᠨ ᠲᠤᠷᠠᠳᠠᠢ ᠵᠦᠢᠯ ᠢᠶᠠᠨ ᠬᠢᠬᠦ ᠡᠷᠴᠢ ᠬᠦᠴᠦ ᠨᠢ ᠨᠡᠮᠡᠭᠳᠡᠵᠦ᠂ ᠬᠦᠰᠡᠯ ᠲᠡᠮᠡᠤᠯᠤᠯ ᠤᠨ ᠢᠶᠠᠨ | ᠲᠦᠯᠤᠭᠡ ᠲᠡᠮᠡᠴᠡᠬᠦ ᠬᠠᠷᠠᠯᠳᠡ ᠲᠤᠳᠤᠷᠬᠠᠢ ᠪᠤᠯᠵᠤ ᠠᠮᠵᠢᠯᠳᠠ ᠤᠯᠵᠦ ᠴᠢᠳᠠᠨᠠ᠃ | ᠵᠢᠱᠢᠶᠠᠯᠠᠪᠠᠯ᠂ ᠨᠢᠭᠡ ᠬᠡᠤᠭᠡᠳ ᠵᠢᠷᠤᠬᠴᠢᠨ ᠪᠤᠯᠬᠤ ᠬᠦᠰᠡᠯ ᠲᠠᠢ ᠪᠤᠯ ᠵᠢᠷᠤᠭ ᠵᠢᠷᠤᠬᠤ ᠲᠤᠷᠠᠳᠠᠢ᠂ ᠨᠠᠷᠡᠳᠦ | ᠵᠢᠷᠤᠬᠴᠢᠨ ᠤ ᠪᠦᠳᠤᠭᠡᠯ ᠢ ᠰᠤᠨᠢᠷᠬᠠᠳᠠᠭ᠂ ᠶᠠᠮᠠᠷ ᠵᠢᠷᠤᠭ ᠤᠨ ᠮᠠᠷᠭᠡᠵᠢᠯ ᠢ ᠰᠤᠷᠤᠯᠴᠠᠬᠤ ᠨᠢ ᠨᠠᠳᠠ ᠳᠤ ᠲᠤᠬᠢᠷᠠᠬᠤ | ᠵᠠᠷᠭᠡ ᠶᠢ ᠪᠦᠷ ᠦᠪᠡᠷ ᠢᠶᠠᠨ ᠰᠤᠳᠤᠯᠵᠤ ᠰᠤᠩᠭᠤᠵᠤ ᠲᠡᠶᠢᠯᠳᠡᠭ ᠮᠦᠷᠳᠡᠭᠡᠨ ᠡᠬᠦᠨ ᠤ ᠲᠦᠯᠤᠭᠡ ᠴᠢᠷᠮᠠᠶᠢᠨ | ᠲᠡᠮᠡᠴᠡᠵᠤ ᠦᠨᠡᠨ ᠬᠦ ᠠᠮᠵᠢᠯᠳᠠ ᠪᠦᠳᠤᠭᠡᠯ ᠢ ᠤᠯᠵᠦ ᠴᠢᠳᠠᠨᠠ᠃ | 6. ᠬᠡᠤᠭᠡᠳ ᠢ ᠵᠦᠪ ᠲᠠᠳᠬᠠᠯ ᠲᠠᠢ ᠪᠤᠯᠭᠠᠨᠠ | ᠰᠠᠶᠢᠨ ᠰᠠᠶᠢᠬᠠᠨ ᠲᠠᠳᠬᠠᠯ ᠤᠨ ᠬᠦᠮᠤᠵᠢᠯ ᠨᠢ ᠨᠠᠰᠤᠨ ᠲᠤᠷᠰᠢᠳᠡ ᠶᠢᠨ ᠰᠠᠶᠢᠨ ᠰᠠᠶᠢᠬᠠᠨ | ᠦᠢᠯᠡ ᠠᠵᠢᠯᠯᠠᠭᠠᠨ ᠤ ᠲᠠᠳᠬᠠᠯ ᠲᠠᠢ ᠪᠤᠯᠭᠠᠬᠤ ᠪᠠᠷ ᠵᠤᠷᠢᠯᠳᠡ ᠪᠠᠨ ᠪᠤᠯᠭᠠᠳᠠᠭ ᠠᠴᠠ ᠬᠡᠤᠭᠡᠳ ᠢ ᠵᠦᠪ | ᠠᠮᠢᠳᠤᠷᠠᠬᠤ ᠲᠠᠳᠬᠠᠯ ᠲᠠᠢ ᠪᠤᠯᠭᠠᠬᠤ ᠡᠩ ᠤᠨ ᠴᠠᠭ ᠤᠨ ᠠᠷᠰᠠᠷ ᠪᠠᠭᠠ ᠶᠠᠪᠤᠳᠠᠯ ᠠᠴᠠ ᠭᠠᠷᠳᠠᠨ | ᠬᠦᠮᠦᠵᠢᠬᠦᠯᠤᠨᠠ᠃ ᠵᠢᠱᠢᠶᠠᠯᠠᠪᠠᠯ᠂ ᠬᠡᠤᠭᠡᠳ ᠢ ᠲᠤᠬᠳᠠᠭᠰᠠᠨ ᠴᠠᠭ ᠲᠤ ᠤᠨᠳᠠᠵᠤ ᠠᠮᠠᠷᠠᠭᠤᠯᠬᠤ᠂ ᠡᠷᠡᠬᠦᠯ ᠢᠶᠠᠷ | ᠬᠤᠭᠤᠯᠠᠯᠠᠬᠤ᠂ ᠡᠳᠤᠷ ᠪᠦᠷᠢ ᠠᠷᠪᠠᠨ ᠲᠠᠪᠤᠨ ᠮᠢᠨᠦ᠋ᠲ ᠨᠤᠮ ᠤᠩᠰᠢᠬᠤ᠂ ᠪᠡᠶᠡ ᠶᠢᠨ ᠲᠡᠮᠢᠷ ᠤᠨ ᠬᠦᠳᠡᠯᠭᠡᠭᠡᠨ ᠳᠤ | ᠤᠷᠤᠯᠴᠠᠬᠤ ᠮᠡᠳᠦ ᠪᠠᠷ ᠪᠠᠭᠠ ᠵᠦᠢᠯ ᠢ ᠬᠢᠵᠤ ᠲᠡᠶᠢᠯᠦᠭᠰᠡᠨ ᠢᠶᠠᠷ ᠬᠤᠵᠢᠮ ᠶᠡᠭᠡ ᠶᠢ ᠪᠦᠳᠤᠭᠡᠬᠦ ᠰᠠᠶᠢᠬᠠᠨ ᠲᠠᠳᠬᠠᠯ | ᠤᠬᠠᠮᠰᠠᠷ ᠲᠤ ᠰᠠᠶᠢᠨ ᠰᠠᠭᠤᠷᠢ ᠲᠠᠢ ᠪᠤᠯᠵᠤ᠂ ᠨᠠᠰᠤᠨ ᠲᠤᠷᠰᠢᠳᠡ ᠶᠢᠨ ᠠᠮᠢᠳᠤᠷᠠᠯ ᠳᠤ ᠨᠢ ᠵᠦᠪ ᠨᠦᠯᠤᠭᠡ ᠶᠢ | ᠠᠪᠴᠢᠷᠠᠵᠤ ᠲᠡᠶᠢᠯᠤᠨᠠ᠃ | 7. ᠬᠡᠤᠭᠡᠳ ᠲᠤ ᠵᠦᠪ ᠤᠷᠴᠢᠨ ᠢ ᠬᠠᠩᠭᠠᠵᠤ ᠦᠭᠬᠦᠨᠡ | ᠬᠡᠤᠭᠡᠳ ᠢ ᠪᠠᠭᠠ ᠠᠴᠠ ᠨᠢ ᠡᠴᠢᠬᠡ ᠡᠬᠡ ᠨᠢ ᠦᠭᠡᠳᠡᠷᠭᠡᠭ ᠵᠦᠪ ᠠᠮᠢᠳᠤᠷᠠᠳᠠᠭ᠂ ᠰᠤᠷᠤᠯᠴᠠᠬᠤ ᠲᠤᠷᠠᠳᠠᠢ᠂ | ᠪᠤᠰᠤᠳ ᠢ ᠬᠠᠯᠠᠮᠵᠢᠯᠠᠵᠤ ᠬᠠᠪᠰᠤᠷᠤᠨ ᠬᠦᠨᠳᠤᠳᠭᠡᠳᠡᠭ ᠭᠡᠷ ᠪᠦᠯᠢ ᠶᠢᠨ ᠵᠦᠪ ᠡᠷᠡᠬᠦᠯ ᠤᠷᠴᠢᠨ ᠢ ᠪᠤᠢ ᠪᠤᠯᠭᠠᠨ᠂ | ᠲᠠᠭᠤᠷᠢᠶᠠᠯ ᠤᠨ ᠦᠢᠯᠡᠳᠤᠯ ᠢᠶᠠᠷ ᠬᠡᠤᠭᠡᠳ ᠢ ᠲᠠᠭᠠᠭᠤᠯᠵᠤ᠂ ᠭᠡᠷ ᠪᠦᠯᠢ ᠶᠢᠨ ᠰᠤᠶᠤᠯ ᠤᠨ ᠤᠷᠴᠢᠨ | ᠲᠤᠭᠤᠷᠢᠨ ᠢᠶᠠᠷ ᠬᠡᠤᠭᠡᠳ ᠤᠨ ᠲᠤᠳᠤᠷᠠ ᠪᠠᠶᠢᠭᠠ ᠤᠶᠤᠨ ᠰᠠᠨᠠᠭᠠ ᠶᠢ ᠬᠦᠭᠵᠢᠬᠦᠯᠦᠨ ᠪᠤᠶᠢᠵᠢᠭᠤᠯᠵᠤ | ᠤᠷᠭᠤᠭᠤᠯᠤᠨᠠ᠃ ᠡᠰᠡᠬᠦᠯᠠ ᠡᠬᠡ ᠪᠠᠶᠢᠭᠠᠯᠢ ᠳᠤ ᠨᠢ ᠦᠢᠷᠠᠳᠤᠭᠤᠯᠤᠨ ᠮᠤᠩᠭᠤᠯ ᠠᠮᠢᠳᠤᠷᠠᠯ᠂ ᠮᠠᠯᠵᠢᠬᠤ ᠰᠤᠶᠤᠯ | ᠠᠬᠤᠢ ᠶᠢ ᠦᠢᠯᠠᠭᠠᠭᠤᠯᠤᠨ᠂ ᠬᠦᠮᠤᠵᠢᠯ ᠬᠦᠷᠳᠡᠭᠡᠵᠤ ᠪᠤᠯᠤᠨᠠ᠃ ᠵᠢᠱᠢᠶᠠᠯᠠᠪᠠᠯ᠂ ᠮᠠᠯᠵᠢᠬᠤ ᠰᠤᠶᠤᠯ ᠤᠨ | ᠬᠠᠮᠳᠦ ᠶᠢᠨ ᠵᠤᠰᠠᠯᠠᠩ ᠤᠨ ᠠᠵᠢᠯᠯᠠᠭᠠ ᠳᠤ ᠤᠷᠤᠯᠴᠠᠬᠤ ᠲᠤᠮᠳᠠ ᠡᠬᠡ ᠪᠠᠶᠢᠭᠠᠯᠢ ᠳᠤ ᠴᠢᠯᠤᠭᠡᠳᠡᠢ ᠨᠠᠭᠠᠳᠴᠤ | ᠲᠤᠬᠯᠠᠭᠤᠯᠬᠤ᠂ ᠪᠤᠰᠤᠳ ᠲᠠᠢ ᠬᠠᠷᠢᠯᠴᠠᠵᠤ ᠰᠤᠷᠬᠤ᠂ ᠮᠤᠩᠭᠤᠯ ᠠᠮᠢᠳᠤᠷᠠᠯ ᠳᠤ ᠪᠡᠶᠡᠴᠢᠯᠡᠨ ᠤᠷᠤᠯᠴᠠᠵᠤ | ᠪᠤᠯᠤᠨᠠ᠃ | 8. ᠬᠡᠤᠭᠡᠳ ᠲᠤ ᠠᠵᠠ ᠵᠢᠷᠭᠠᠯ ᠢ ᠮᠡᠳᠡᠷᠡᠬᠦᠯᠵᠦ ᠰᠤᠷᠭᠠᠨᠠ | ᠬᠡᠤᠭᠡᠳ ᠢ ᠦᠷᠬᠦᠯᠵᠢ ᠦᠭᠡᠳᠡᠷᠭᠡᠭ ᠪᠠᠶᠢᠯᠭᠠᠵᠤ᠂ ᠪᠠᠶᠠᠷ ᠪᠠᠶᠠᠰᠤᠯ ᠢᠶᠠᠨ ᠬᠤᠪᠢᠶᠠᠯᠴᠠᠬᠤ᠂ ᠪᠤᠰᠤᠳ ᠤᠨ | ᠰᠠᠶᠢᠨ ᠲᠠᠯᠠ ᠶᠢ ᠢᠯᠡᠬᠦᠤ ᠬᠠᠷᠠᠵᠤ᠂ ᠰᠠᠭᠠᠳ ᠪᠠᠷᠭᠡᠰᠢᠶᠠᠯ ᠢ ᠡᠶᠡᠷᠬᠦ ᠪᠠᠷ ᠬᠦᠯᠢᠶᠠᠨ ᠠᠪᠬᠤ᠂ ᠵᠤᠷᠢᠭ ᠰᠦᠰᠤ᠂ | ᠲᠡᠰᠪᠤᠷᠢ ᠲᠡᠪᠴᠢᠶᠠᠷᠢᠳᠡᠢ ᠪᠠᠶᠢᠬᠤ᠂ ᠪᠤᠰᠤᠳ ᠢ ᠠᠭᠤᠴᠢᠯᠠᠵᠤ ᠪᠠᠭᠳᠠᠭᠠᠬᠤ᠂ ᠲᠠᠯᠠᠷᠬᠠᠵᠤ ᠬᠠᠶᠢᠷᠠᠯᠠᠵᠤ | ᠰᠤᠷᠬᠤ ᠠᠴᠠ ᠠᠮᠢᠳᠤᠷᠠᠯ ᠤᠨ ᠠᠵᠠ ᠵᠢᠷᠭᠠᠯ ᠢ ᠮᠡᠳᠡᠷᠡᠬᠦᠯᠵᠦ ᠰᠤᠷᠭᠠᠨᠠ᠃ | ᠡᠨᠡ ᠮᠡᠳᠦ ᠪᠠᠷ ᠬᠡᠤᠭᠡᠳ ᠢ ᠠᠮᠢᠳᠤᠷᠠᠯ ᠢ ᠬᠠᠶᠢᠷᠠᠯᠠᠬᠤ᠂ ᠠᠮᠢᠳᠤᠷᠠᠯ ᠢ ᠡᠷᠬᠢᠮᠯᠡᠨ ᠲᠡᠭᠡᠳᠤᠯᠡᠬᠦ᠂ | ᠦᠪᠡᠷ ᠢ ᠪᠠᠨ ᠦᠨᠡᠯᠡᠬᠦ᠂ ᠦᠪᠡᠷ ᠤᠨ ᠪᠡᠶᠡ ᠳᠤ ᠪᠠᠨ ᠢᠳᠡᠭᠡᠯᠳᠡᠢ᠂ ᠤᠬᠠᠭᠠᠯᠢᠭ ᠪᠠᠶᠢᠬᠤ ᠵᠦᠪ ᠬᠦᠮᠤᠨ ᠪᠤᠯᠤᠨ | ᠬᠦᠮᠤᠵᠢᠬᠦ ᠳᠤ ᠰᠠᠶᠢᠨ ᠰᠠᠭᠤᠷᠢ ᠶᠢ ᠲᠡᠯᠪᠢᠵᠦ ᠲᠡᠶᠢᠯᠬᠦ ᠮᠦᠷᠳᠡᠭᠡᠨ ᠮᠡᠳᠡᠯᠭᠡ᠂ ᠰᠢᠳᠤᠷᠭᠤ ᠶᠤᠰᠤ᠂ ᠬᠦᠮᠤᠨ ᠴᠢᠨᠠᠷ᠂ | ᠠᠪᠢᠶᠠᠰ ᠴᠢᠳᠠᠪᠤᠷᠢ ᠵᠠᠷᠭᠡ ᠪᠦᠬᠦ ᠲᠡᠯᠠ ᠶᠢ ᠨᠢ ᠲᠡᠩᠴᠡᠬᠦᠷᠢ ᠲᠠᠢ ᠬᠦᠭᠵᠢᠬᠦᠯᠵᠦ ᠲᠡᠶᠢᠯᠬᠦ ᠨᠢ ᠯᠠᠪᠳᠠᠢ ᠶᠤᠮ᠃ | ᠠᠵᠢᠯᠯᠠᠵᠤ ᠪᠠᠶᠢᠭᠠ ᠪᠠᠶᠢᠭᠤᠯᠭᠠ᠄ ᠬᠦᠪᠡᠭᠡᠳᠤ ᠰᠢᠷᠠ ᠬᠤᠰᠢᠭᠤᠨ ᠤ | ᠨᠢᠭᠡᠳᠤᠭᠡᠷ ᠪᠠᠭᠠ ᠰᠤᠷᠭᠠᠭᠤᠯᠢ | ︵ᠠᠯᠳᠠᠨᠰᠦ᠋ᠭᠡ ᠨᠠᠶᠢᠷᠠᠭᠤᠯᠪᠠ︶ | | | |