| ᠰᠠᠶᠢᠡᠡᠯᠪᠡᠭ | | | ᠪᠠᠭᠰᠢ ᠭᠦᠮᠤᠨ ᠪᠤᠯ ᠪᠢᠴᠢᠭ ᠵᠢᠭᠠᠵᠤ ᠭᠦᠮᠤᠨ ᠢ ᠭᠦᠮᠦᠵᠢᠭᠦᠯᠭᠦ ᠨᠠᠨᠳᠢᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠲᠠᠢ | ᠪᠠᠶᠢᠳᠠᠭ ᠠᠴᠠ ᠨᠡᠶᠢᠭᠡᠮ ᠲᠠᠶᠠᠭᠠᠷ ᠲᠤ ᠭᠦᠨᠳᠤᠯᠡᠭᠳᠡᠵᠤ᠂ ᠦᠪᠡᠷ ᠤᠨ ᠪᠡᠶᠡ ᠳᠤ ᠪᠠᠨ ᠴᠦ ᠴᠢᠩᠭᠠ ᠬᠠᠳᠠᠭᠤ | ᠱᠠᠭᠠᠷᠳᠠᠯᠭᠠ ᠶᠢ ᠲᠠᠯᠪᠢᠳᠠᠭ ᠠᠴᠠ ᠶᠠᠭᠠᠷᠠᠯᠳᠠᠢ ᠮᠦᠷᠳᠡᠭᠡᠨ ᠵᠦᠳᠡᠷᠡᠯᠳᠡᠢ ᠪᠠᠶᠢᠳᠠᠭ᠃ ᠡ᠊ᠨᠳᠠ ᠪᠠᠭᠰᠢ ᠭᠦᠮᠤᠨ ᠤ | ᠡᠳᠤᠷ ᠲᠤᠵᠢ ᠬᠢᠭᠦ ᠭᠤᠷᠪᠠᠨ ᠴᠢᠬᠤᠯᠠ ᠶᠠᠪᠤᠳᠠᠯ ᠢ ᠲᠦᠭᠦᠮᠭᠡᠨ ᠶᠠᠷᠢᠶᠠ᠃ | ᠨᠢᠭᠡ᠂ ᠪᠢᠳᠠ ᠡᠳᠤᠷ ᠲᠤ ᠪᠠᠨ ᠨᠢᠭᠡ ᠡᠷᠡᠨ ᠤ ᠠᠮᠳᠠᠳᠤ ᠬᠤᠭᠤᠯᠠ ᠶᠢ ᠪᠡᠯᠡᠳᠭᠡᠨ ᠬᠢᠵᠤ ᠢᠳᠡᠴᠢᠭᠡᠶᠡ᠃ | ᠬᠤᠭᠤᠯᠠ ᠪᠤᠳᠠᠭᠠ ᠪᠠᠨ ᠬᠢᠵᠤ ᠢᠳᠡᠭᠦ ᠪᠤᠯ ᠪᠢᠳᠠᠨ ᠤ ᠶᠡᠷᠤ ᠶᠢᠨ ᠪᠠᠶᠢᠩᠭᠤ ᠶᠢᠨ ᠠᠵᠢᠯ ᠪᠤᠯᠤᠨᠠ᠂ | ᠭᠡᠪᠡᠴᠤ ᠠᠵᠢᠯ ᠤᠨ ᠶᠠᠭᠠᠷᠠᠤ᠂ ᠴᠢᠨᠠᠭᠰᠢᠯᠠᠪᠠᠯ ᠴᠠᠭ ᠦᠶᠡ ᠶᠢᠨ ᠭᠦᠭᠵᠢᠯᠳᠠ ᠶᠢᠨ ᠲᠦᠭᠦᠮ ᠠᠴᠠ ᠪᠤᠯᠵᠤ ᠪᠢᠳᠠ | ᠨᠢᠭᠡ ᠡᠳᠤᠷ ᠤᠨ ᠭᠤᠷᠪᠠᠨ ᠡᠷᠡᠨ ᠤ ᠬᠤᠭᠤᠯᠠ ᠪᠠᠨ ᠢᠩᠬᠢᠵᠤ ᠲᠡᠭᠡᠵᠤ ᠠᠷᠭᠠᠴᠠᠭᠠᠬᠤ ᠪᠤᠶᠤ ᠲᠦᠭᠦᠮᠴᠢᠯᠡᠵᠤ | ᠢᠳᠡᠳᠡᠭ᠃ ᠦᠵᠡᠭᠦ ᠳᠤ ᠴᠠᠭ ᠲᠤ ᠠᠷᠪᠢᠳᠡᠢ ᠮᠦᠷᠳᠡᠭᠡᠨ ᠲᠦᠭᠦᠮ ᠲᠦᠳᠡ ᠶᠢᠨ ᠲᠦᠷᠦᠭᠳᠡᠯ ᠦᠭᠳᠡᠭ᠃ ᠶᠠᠭᠠᠬᠢᠪ | ᠳ᠋ᠠ᠂ ᠶᠠᠭᠠᠷᠠᠤ ᠠᠴᠠ ᠪᠤᠯᠤᠬᠰᠠᠨ ᠢ ᠤᠶᠢᠯᠠᠭᠠᠵᠤ ᠪᠤᠯᠤᠨᠠ᠂ ᠭᠡᠪᠡᠴᠤ ᠪᠢᠳᠠ ᠡᠨᠡᠭᠦ ᠠᠰᠠᠭᠤᠳᠠᠯ ᠢ ᠲᠠᠬᠢᠨ | ᠰᠡᠳᠬᠢᠵᠤ ᠦᠵᠡᠪᠡᠯ ᠭᠡᠷᠪᠡ ᠡᠳᠤᠷ ᠲᠤ ᠪᠠᠨ ᠬᠠᠮᠤᠭ ᠤᠨ ᠨᠠᠭᠠᠳᠤ ᠵᠠᠬᠠ ᠳᠤ ᠪᠠᠨ ᠨᠢᠭᠡ ᠡᠷᠡᠨ ᠤ ᠬᠤᠭᠤᠯᠠ ᠪᠠᠨ | ᠦᠪᠡᠷ ᠢᠶᠠᠨ ᠬᠢᠵᠤ ᠢᠳᠡᠪᠠᠯ ᠭᠡᠳᠤᠢ ᠤᠯᠠᠨ ᠰᠠᠶᠢᠨ ᠲᠠᠢ ᠲᠠᠯᠠ ᠪᠠᠶᠢᠬᠤ ᠶᠢ ᠤᠯᠵᠤ ᠲᠠᠨᠢᠵᠤ ᠪᠤᠯᠤᠨᠠ᠃ ᠨᠡᠩ | ᠢᠯᠠᠩᠭᠤᠶᠠ ᠲᠤᠩ ᠴᠢᠬᠤᠯᠠ ᠨᠦᠯᠦᠭᠡ ᠶᠢ ᠠᠪᠴᠢᠷᠠᠳᠠᠭ᠃ ᠪᠤᠳᠠᠳᠡᠢ ᠭᠡᠯᠡᠪᠠᠯ ᠪᠢᠳᠠᠨ ᠤ ᠪᠡᠶᠡ ᠮᠠᠬᠠᠪᠤᠳ ᠤᠨ | ᠡᠷᠡᠭᠦᠯ ᠮᠠᠨᠳᠤ᠂ ᠲᠤᠳᠤᠭᠠᠳᠤ ᠰᠡᠳᠬᠢᠴᠠ ᠶᠢᠨ ᠲᠠᠶᠢᠪᠤᠰᠢᠷᠠᠯ ᠵᠢᠴᠢ ᠰᠤᠷᠭᠠᠨ ᠭᠦᠮᠦᠵᠢᠭᠦᠯᠭᠦ ᠤᠶᠤᠨ ᠤᠬᠠᠭᠠᠨ ᠤ | ᠲᠠᠯᠠ ᠪᠠᠷ ᠠᠷᠪᠢᠨ ᠵᠦᠪ ᠭᠦᠴᠤᠨ ᠵᠦᠢᠯ ᠢ ᠤᠯᠭᠤᠵᠤ ᠦᠭᠳᠡᠭ ᠪᠠᠶᠢᠨᠠ᠃ ᠬᠤᠭᠤᠯᠠ ᠪᠤᠳᠠᠭᠠ ᠪᠠᠨ | ᠦᠪᠡᠷ ᠢᠶᠠᠨ ᠪᠡᠯᠡᠳᠭᠡᠵᠤ ᠬᠢᠭᠦ ᠶᠠᠪᠤᠴᠠ ᠳᠤ ᠤᠶᠤᠨ ᠲᠠᠷᠢᠬᠢ ᠴᠢᠨᠠᠭᠰᠢᠯᠠᠪᠠᠯ ᠲᠤᠳᠤᠭᠠᠳᠤ ᠰᠡᠳᠬᠢᠴᠠ ᠪᠠᠨ | ᠲᠠᠷᠦ᠋ᠢᠬᠠᠨ ᠲᠤᠩ ᠶᠠᠭᠠᠷᠠᠯᠳᠠᠢ ᠪᠠᠶᠢᠭᠠ ᠰᠤᠷᠭᠠᠨ ᠭᠦᠮᠤᠵᠢᠯ ᠤᠨ ᠠᠵᠢᠯ ᠠᠴᠠ ᠪᠠᠨ ᠰᠠᠯᠭᠠᠵᠤ ᠠᠪᠴᠢᠷᠠᠭᠠᠳ | ᠠᠮᠢᠳᠤᠷᠠᠯ ᠤᠨ ᠬᠠᠯᠠᠭᠤᠨ ᠪᠦᠯᠢᠶᠡᠨ ᠢ ᠡᠳ᠋ᠯᠡᠵᠤ ᠴᠢᠳᠠᠨᠠ᠃ ᠠᠮᠢᠳᠤᠷᠠᠯ ᠳᠤ ᠪᠠᠨ ᠬᠠᠶᠢᠷᠠᠳᠡᠢ ᠭᠦᠮᠤᠨ ᠰᠠᠶ᠋ᠢ | ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠠᠵᠢᠯ ᠢ ᠪᠠᠶᠠᠷ ᠪᠠᠶᠠᠰᠤᠯ ᠲᠠᠢ ᠬᠢᠵᠤ ᠴᠢᠳᠠᠨᠠ᠂ ᠮᠥᠨ ᠴᠦ ᠠᠷᠤ ᠳᠤ ᠨᠢ ᠪᠠᠶᠢᠭᠠ | ᠲᠡᠳᠤᠢ ᠠᠷᠪᠢᠨ ᠰᠤᠷᠤᠬᠴᠢᠳ ᠴᠤ ᠪᠠᠭᠰᠢ ᠶᠢᠨ ᠢᠶᠠᠨ ᠪᠡᠶᠡᠨ ᠠᠴᠠ ᠠᠮᠢᠳᠤᠷᠠᠯ ᠢᠶᠠᠨ ᠬᠠᠶᠢᠷᠠᠯᠠᠵᠤ᠂ | ᠠᠮᠢᠳᠤᠷᠠᠯ ᠳᠤ ᠪᠠᠨ ᠪᠠᠶᠠᠰᠤᠩᠭᠤᠢ ᠭᠦᠮᠤᠨ ᠪᠤᠯᠬᠤ ᠭᠦᠮᠦᠵᠢᠯ ᠨᠦᠯᠦᠭᠡ ᠶᠢ ᠤᠯᠵᠤ ᠰᠤᠷᠳᠠᠭ᠃ | ᠨᠢᠭᠡ ᠡᠷᠡᠨ ᠤ ᠠᠮᠳᠠᠳᠤ ᠬᠤᠭᠤᠯᠠ ᠪᠠᠨ ᠬᠢᠵᠤ ᠢᠳᠡᠵᠤ ᠪᠠᠷ ᠲᠠᠮᠵᠢᠨ᠂ ᠭᠡᠷ ᠪᠦᠯᠢ ᠶᠢᠨ ᠬᠠᠶᠢᠷᠠ | ᠪᠢᠯᠬᠠᠬᠰᠠᠨ ᠡᠶᠡᠯᠳᠡᠭ ᠰᠠᠶᠢᠬᠠᠨ ᠤᠷᠴᠢᠨ ᠲᠤᠭᠤᠷᠢᠨ ᠤ ᠲᠤᠮᠳᠠ ᠭᠦᠮᠤᠨ ᠤ ᠡᠷᠡᠭᠦᠯ ᠰᠠᠶᠢᠬᠠᠨ ᠰᠡᠳᠬᠢᠴᠠ ᠶᠢᠨ | ᠵᠠᠰᠠᠯ ᠴᠦ ᠰᠠᠮ ᠰᠡᠮᠡᠭᠡᠷᠭᠡᠨ ᠶᠠᠪᠤᠬᠳᠠᠵᠤ ᠪᠠᠶᠢᠳᠠᠭ᠃ ᠭᠡᠳᠦ᠋ᠢᠪᠠᠷ ᠡᠳᠡᠭᠡᠷ ᠠᠵᠢᠯᠯᠠᠭᠠᠨ ᠤ ᠲᠤᠮᠳᠠ ᠪᠢᠳᠠ ᠶᠠᠮᠠᠷ | ᠴᠦ ᠬᠠᠷᠠᠯᠳᠠ ᠵᠤᠷᠢᠯᠳᠠ ᠦᠭᠡᠢ ᠪᠠᠶᠢᠳᠠᠭ ᠪᠤᠯᠪᠠᠴᠤ ᠡᠨᠡ ᠨᠢ ᠬᠠᠷᠢᠨ ᠬᠠᠮᠤᠭ ᠤᠨ ᠪᠦᠳᠦᠮᠵᠢᠳᠡᠢ ᠰᠡᠳᠬᠢᠴᠠ | ᠮᠡᠳᠡᠷᠡᠯ ᠤᠨ ᠰᠤᠪᠢᠯᠠᠯᠳᠠ ᠪᠤᠯᠳᠠᠭ᠃ ᠡᠨᠡ ᠪᠤᠯ ᠲᠠᠷᠤᠢ ᠡᠬᠢ ᠪᠠᠶᠢᠭᠠᠯᠢ ᠠᠮᠢᠳᠤᠷᠠᠯ ᠤᠨ ᠠᠭᠤᠤ ᠶᠡᠭᠡ ᠳᠤ ᠪᠠᠶᠢᠭᠠ | ᠶᠤᠮ᠃ ᠡᠭᠦᠨ ᠤ ᠤᠯᠠᠮ ᠢᠶᠠᠷ ᠪᠢᠳᠠ ᠨᠡᠩ ᠠᠮᠠᠷᠠᠨ ᠲᠠᠶᠢᠪᠤᠰᠢᠷᠠᠵᠤ ᠠᠮᠢᠳᠤᠷᠠᠯ ᠨᠡᠩ ᠢᠯᠠᠩᠭᠤᠶᠠ ᠠᠵᠢᠯ | ᠤᠶᠢᠯᠡᠰ ᠲᠤ ᠪᠠᠨ ᠤᠷᠬᠢᠯᠤᠮᠠ ᠬᠠᠯᠠᠭᠤᠨ ᠰᠡᠳᠬᠢᠯᠭᠡ ᠪᠠᠷ ᠤᠷᠤᠯᠴᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠮᠥᠨ ᠴᠤ ᠠᠵᠢᠯ ᠤᠨ | ᠲᠤᠮᠳᠠ ᠪᠠᠨ ᠲᠤᠩ ᠠᠮᠠᠷᠬᠠᠨ ᠰᠢᠨᠡ ᠡᠭᠦᠳᠤᠯᠳᠠ ᠶᠢ ᠭᠠᠷᠭᠠᠵᠤ ᠴᠢᠳᠠᠨᠠ᠃ ᠦᠭᠡᠷᠡ ᠪᠠᠷ ᠭᠡᠯᠡᠪᠠᠯ ᠰᠤᠷᠭᠠᠨ | ᠭᠦᠮᠦᠵᠢᠯ᠂ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠠᠵᠢᠯ ᠤᠨ ᠲᠤᠮᠳᠠ ᠪᠠᠨ ᠨᠡᠩ ᠠᠮᠠᠷᠬᠠᠨ ᠰᠤᠷᠤᠬᠴᠢ ᠶᠢᠨ ᠢᠶᠠᠨ ᠡᠭᠦᠳᠡᠨ ᠠᠴᠠ | ᠭᠠᠳᠠᠭᠠᠳᠤ ᠶᠡᠷᠳᠢᠨᠴᠤ ᠶᠢ ᠤᠶᠢᠯᠠᠭᠠᠨ ᠲᠠᠨᠢᠵᠤ᠂ ᠰᠤᠷᠤᠬᠴᠢᠳ ᠢᠶᠠᠨ ᠡᠷᠡᠭᠦᠯ ᠪᠡᠶᠡ ᠲᠠᠢ᠂ ᠰᠠᠷᠠᠭᠤᠯ ᠤᠬᠠᠭᠠᠨ ᠲᠠᠢ | ᠭᠦᠮᠤᠨ ᠪᠤᠯᠭᠠᠨ ᠭᠦᠮᠦᠵᠢᠭᠦᠯᠵᠤ᠂ ᠪᠢᠴᠢᠭ ᠵᠢᠭᠠᠵᠤ ᠭᠦᠮᠤᠨ ᠭᠦᠮᠦᠵᠢᠭᠦᠯᠭᠦ ᠲᠠᠷᠬᠠᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠠᠨ | ᠰᠡᠳᠬᠢᠯ ᠬᠠᠨᠤᠮᠵᠢᠳᠡᠢ ᠬᠢᠵᠤ ᠴᠢᠳᠠᠨᠠ᠃ ᠡᠶᠢᠮᠤ ᠠᠴᠠ᠂ ᠪᠤᠯᠵᠤ ᠯᠠ ᠪᠠᠶᠢᠪᠠᠯ ᠪᠠᠭᠰᠢ ᠨᠠᠷ ᠮᠢᠨᠢ ᠭᠡᠳᠤᠢ ᠶᠠᠭᠠᠷᠠᠤ | ᠶᠠᠳᠠᠷᠠᠯᠳᠡᠢ ᠪᠠᠶᠢᠬᠰᠠᠨ ᠴᠦ ᠬᠠᠮᠤᠭ ᠤᠨ ᠨᠠᠭᠠᠳᠤ ᠵᠠᠬᠠ ᠳᠤ ᠪᠠᠨ ᠡᠳᠤᠷ ᠤᠨ ᠨᠢᠭᠡ ᠡᠷᠡᠨ ᠤ ᠬᠤᠭᠤᠯᠠ ᠪᠠᠨ ᠭᠡᠷ | ᠪᠦᠯᠢ ᠶᠢᠨ ᠭᠦᠮᠤᠰ ᠲᠠᠢ ᠪᠠᠨ ᠬᠠᠮᠳᠤ ᠬᠢᠵᠤ ᠪᠡᠯᠡᠳᠭᠡᠨ ᠬᠤᠭᠤᠯᠠᠯᠠᠵᠤ ᠪᠠᠶᠢᠭᠠᠷᠠᠢ᠃ ᠠᠮᠢᠳᠤᠷᠠᠯ ᠪᠤᠯ ᠲᠡᠷᠡ | ᠭᠡᠪ ᠢᠶᠠᠷ ᠢᠶᠠᠨ ᠰᠤᠷᠤᠯᠴᠠᠯᠭᠠ ᠪᠤᠯᠤᠨᠠ᠂ ᠠᠮᠢᠳᠤᠷᠠᠯ ᠤᠨ ᠵᠤᠯ ᠵᠢᠷᠭᠠᠯ ᠢ ᠡᠳ᠋ᠯᠡᠵᠤ ᠪᠠᠶᠢᠭᠠᠳ ᠠᠮᠢᠳᠤᠷᠠᠯ ᠳᠤ ᠪᠠᠨ | ᠬᠠᠶᠢᠷᠡᠳᠡᠢ ᠲᠡᠷᠠ ᠤᠯᠠᠨ ᠭᠡᠦᠭᠡᠳ ᠢ ᠭᠦᠮᠦᠵᠢᠭᠦᠯᠭᠦ ᠪᠠᠷ ᠴᠢᠷᠮᠠᠶᠢᠵᠠᠭᠠᠶᠠ᠃ | ᠬᠤᠶᠠᠷ᠂ ᠪᠢᠳᠠ ᠡᠳᠤᠷ ᠲᠤ ᠪᠠᠨ ᠨᠢᠭᠡ ᠴᠠᠭ ᠤᠨ ᠪᠡᠶᠡ ᠲᠠᠮᠢᠷ ᠤᠨ ᠪᠤᠯᠪᠠᠰᠤᠷᠠᠯ ᠳᠤ ᠤᠷᠤᠯᠴᠠᠵᠠᠭᠠᠶᠠ᠃ | ᠪᠡᠶᠡ ᠪᠠᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠶᠢᠨ ᠴᠢᠬᠤᠯᠠ ᠴᠢᠨᠠᠷ ᠢ ᠪᠢᠳᠠ ᠮᠡᠳᠡᠳᠡᠭ᠂ ᠭᠡᠪᠡᠴᠤ ᠪᠤᠳᠠᠳᠡᠢ ᠤᠶᠢᠯᠡ | ᠠᠵᠢᠯᠯᠠᠭᠠ ᠪᠤᠯᠭᠠᠨ ᠪᠠᠷᠢᠮᠳᠠᠯᠠᠳᠠᠭ ᠨᠢ ᠭᠡᠳᠤᠢ ᠪᠠᠶᠢᠭᠠ ᠶᠢ ᠰᠠᠨᠠᠭᠠᠰᠢᠷᠠᠵᠤ ᠪᠠᠶᠢᠨᠠ᠃ ᠪᠡᠶᠡ ᠲᠠᠮᠢᠷ ᠤᠨ | ᠪᠤᠯᠪᠠᠰᠤᠷᠠᠯ ᠢ ᠬᠢᠵᠤ ᠪᠤᠳᠠᠳᠡᠢ ᠦᠷᠡ ᠪᠦᠳᠦᠮᠵᠢ ᠤᠯᠳᠠᠭ ᠦᠭᠡᠢ ᠶᠢᠨ ᠭᠤᠤᠯ ᠰᠢᠯᠳᠠᠭᠠᠨ ᠨᠢ ᠨᠢᠭᠡ ᠳᠤ ᠬᠠᠰᠢᠯᠠ | ᠠᠵᠢᠯ ᠶᠠᠭᠠᠷᠠᠤ ᠭᠡᠳ ᠴᠠᠭ ᠰᠢᠬᠠᠵᠤ ᠭᠠᠷᠭᠠᠵᠤ ᠲᠡᠶᠢᠯᠳᠡᠭ ᠦᠭᠡᠢ᠂ ᠲᠠᠷᠠᠭᠠ ᠨᠢ ᠬᠤᠪᠢ ᠭᠦᠮᠤᠨ ᠤ ᠦᠵᠡᠯ | ᠲᠠᠨᠢᠯᠳᠠ ᠵᠢᠴᠢ ᠲᠠᠳᠬᠠᠯ ᠠᠴᠠ ᠪᠤᠯᠵᠤ ᠴᠠᠭ ᠦᠷᠭᠦᠯᠵᠢ ᠪᠠᠷᠢᠮᠳᠠᠯᠠᠵᠤ ᠲᠡᠶᠢᠯᠳᠡᠭ ᠦᠭᠡᠢ᠃ | ᠪᠠᠭᠰᠢ ᠭᠦᠮᠤᠨ ᠤ ᠮᠦᠷᠤᠨ ᠲᠡᠭᠡᠷᠡ ᠲᠠᠯᠪᠢᠬᠳᠠᠵᠤ ᠪᠠᠶᠢᠭᠠ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠤᠯ ᠲᠦᠢᠯ ᠤᠨ | ᠭᠦᠨᠳᠤ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠭᠡᠳ ᠭᠡᠯᠡᠪᠠᠯ᠂ ᠰᠤᠷᠤᠬᠴᠢᠳ ᠤᠨ ᠪᠡᠶᠡ ᠰᠡᠳᠬᠢᠴᠠ ᠶᠢᠨ ᠡᠷᠡᠭᠦᠯ ᠴᠢᠬᠢᠷᠠᠭ ᠦᠰᠤᠨ | ᠪᠤᠶᠢᠵᠢᠯᠳᠠ ᠶᠢ ᠬᠠᠶᠢᠷᠠᠯᠠᠵᠤ ᠬᠠᠯᠠᠮᠵᠢᠯᠠᠬᠤ ᠠᠴᠠ ᠡᠬᠢᠯᠡᠨ ᠬᠢᠴᠢᠶᠠᠯ ᠪᠡᠯᠡᠳᠭᠡᠭᠦ᠂ ᠬᠢᠴᠢᠶᠡᠯᠯᠡᠭᠦ᠂ ᠲᠠᠰᠬᠠᠯ | ᠲᠠᠭᠠᠭᠠᠯᠭᠠᠪᠤᠷᠢ ᠬᠠᠯᠠᠨ ᠵᠠᠰᠠᠬᠤ ᠵᠢᠴᠢ ᠵᠢᠯᠤᠭᠤᠳᠤᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠭᠡᠳ ᠲᠡᠳᠤᠢ ᠠᠷᠪᠢᠨ ᠠᠵᠢᠯ ᠤᠨ ᠲᠤᠮᠳᠠ | ᠵᠢᠭᠠᠬᠠᠨ ᠴᠦ ᠭᠡᠰᠡᠨ ᠰᠡᠳᠬᠢᠯ ᠠᠯᠭᠠᠰᠠᠵᠤ ᠪᠤᠯᠳᠠᠭ ᠦᠭᠡᠢ᠂ ᠶᠠᠭ ᠡᠶᠢᠮᠤᠷᠭᠦᠤ ᠠᠵᠢᠯ ᠲᠦᠷᠤᠯ ᠤᠨ | ᠱᠠᠭᠠᠷᠳᠠᠯᠭᠠ ᠠᠴᠠ ᠪᠤᠯᠵᠤ ᠶᠡᠷᠤ ᠨᠢ ᠴᠠᠭ ᠢ ᠰᠢᠬᠠᠨ ᠭᠠᠷᠭᠠᠵᠤ ᠪᠡᠶᠡ ᠲᠠᠮᠢᠷ ᠤᠨ ᠪᠤᠯᠪᠠᠰᠤᠷᠠᠯ ᠳᠤ ᠤᠷᠤᠯᠴᠠᠬᠤ ᠨᠢ | ᠲᠤᠳᠠᠮᠠᠭ ᠠᠴᠠ ᠪᠠᠭᠰᠢ ᠭᠦᠮᠤᠨ ᠤ ᠪᠡᠶᠡ ᠮᠠᠬᠠᠪᠤᠳ ᠵᠢᠴᠢ ᠰᠡᠳᠬᠢᠴᠠ ᠶᠢᠨ ᠡᠷᠡᠭᠦᠯ ᠮᠠᠨᠳᠤ ᠶᠢᠨ ᠲᠠᠯᠠ ᠪᠠᠷ | ᠨᠠᠶᠢᠭᠡᠮ ᠨᠡᠶᠢᠳᠠ ᠶᠢᠨ ᠠᠩᠬᠠᠷᠤᠯ ᠢ ᠤᠯᠠᠮ ᠲᠠᠳᠠᠬᠤ ᠪᠤᠯᠵᠡᠢ᠃ ᠪᠢᠳᠠ ᠡᠳᠤᠷ ᠲᠤ ᠪᠠᠨ ᠨᠢᠭᠡ ᠴᠠᠭ ᠤᠨ ᠪᠡᠶᠡ | ᠲᠠᠮᠢᠷ ᠤᠨ ᠪᠤᠯᠪᠠᠰᠤᠷᠠᠯ ᠢ ᠪᠠᠷᠢᠮᠳᠠᠯᠠᠵᠤ ᠪᠠᠶᠢᠪᠠᠯ ᠬᠠᠮᠤᠭ ᠤᠨ ᠨᠠᠭᠠᠳᠤ ᠵᠠᠬᠠ ᠳᠤ ᠪᠠᠨ ᠦᠪᠡᠷ ᠢᠶᠠᠨ ᠡᠷᠡᠭᠦᠯ | ᠰᠠᠷᠠᠭᠤᠯ ᠪᠡᠶᠡ ᠰᠡᠳᠬᠢᠴᠠ ᠲᠠᠢ ᠪᠤᠯᠵᠤ᠂ ᠰᠤᠷᠤᠬᠴᠢᠳ ᠲᠤ ᠪᠠᠨ ᠴᠦ ᠪᠡᠶᠡ ᠰᠡᠳᠬᠢᠴᠠ ᠶᠢᠨ ᠭᠡᠪ | ᠪᠤᠯᠪᠠᠰᠤᠷᠠᠯ ᠢᠶᠠᠷ ᠦᠨᠳᠤᠷ ᠪᠠᠭᠰᠢ ᠶᠢᠨ ᠭᠡᠪ ᠲᠦᠷᠢ ᠶᠢ ᠪᠦᠳᠦᠭᠡᠨ ᠦᠭᠴᠦ ᠴᠢᠳᠠᠨᠠ᠃ ᠪᠠᠭᠰᠢ ᠭᠦᠮᠤᠨ ᠪᠤᠯ | ᠲᠠᠷᠡ ᠭᠡᠪ ᠢᠶᠠᠷ ᠢᠶᠠᠨ ᠰᠤᠷᠤᠬᠴᠢᠳ ᠤᠨ ᠰᠤᠷᠤᠯᠴᠠᠬᠤ ᠲᠠᠭᠤᠷᠢᠶᠠᠯ ᠪᠤᠯᠤᠨᠠ᠃ ᠪᠡᠶᠡ ᠲᠠᠮᠢᠷ ᠤᠨ ᠪᠤᠯᠪᠠᠰᠤᠷᠠᠯ ᠳᠤ | ᠤᠷᠤᠯᠴᠠᠬᠤ ᠪᠠᠷ ᠲᠠᠮᠵᠢᠨ ᠪᠢᠳᠠ ᠶᠠᠭᠠᠷᠠᠯᠳᠠᠢ ᠠᠵᠢᠯ ᠠᠴᠠ ᠪᠠᠨ ᠪᠡᠶᠡ ᠪᠠᠨ ᠴᠢᠯᠦᠭᠡᠯᠡᠵᠤ ᠴᠢᠳᠠᠬᠤ ᠮᠦᠷᠳᠡᠭᠡᠨ | ᠰᠤᠷᠤᠬᠴᠢᠳ ᠤᠨ ᠡᠷᠡᠭᠦᠯ ᠴᠢᠬᠢᠷᠠᠭ ᠢᠶᠠᠷ ᠦᠰᠤᠨ ᠪᠤᠶᠢᠵᠢᠬᠤ ᠶᠢ ᠨᠡᠩ ᠢᠯᠡᠭᠦᠤ ᠠᠩᠬᠠᠷᠤᠯ ᠳᠤ ᠪᠠᠨ ᠠᠪᠴᠤ | ᠵᠢᠭᠠᠨ ᠵᠢᠯᠤᠭᠤᠳᠴᠤ ᠴᠢᠳᠠᠨᠠ᠃ ᠢᠢᠮᠤ ᠠᠴᠠ ᠪᠢᠳᠠᠨ ᠤ ᠡᠳᠤᠷ ᠤᠨ ᠠᠵᠢᠯ ᠭᠡᠳᠤᠢ ᠶᠠᠭᠠᠷᠠᠤ ᠪᠠᠶᠢᠬᠰᠠᠨ ᠴᠦ᠂ | ᠰᠤᠷᠤᠬᠴᠢᠳ ᠪᠠ ᠦᠪᠡᠷ ᠤᠨ ᠪᠡᠶᠡ ᠶᠢᠨ ᠢᠶᠠᠨ ᠡᠷᠡᠭᠦᠯ ᠴᠢᠬᠢᠷᠠᠭ ᠤᠨ ᠲᠦᠯᠦᠭᠡ ᠴᠠᠭ ᠢᠶᠠᠨ ᠲᠤᠬᠢᠷᠠᠭᠤᠯᠵᠤ | ᠪᠠᠶᠢᠭᠠᠳ ᠡᠳᠤᠷ ᠲᠤ ᠪᠠᠨ ᠨᠢᠭᠡ ᠴᠠᠭ ᠤᠨ ᠪᠡᠶᠡ ᠲᠠᠮᠢᠷ ᠤᠨ ᠪᠤᠯᠪᠠᠰᠤᠷᠠᠯ ᠳᠤ ᠢᠳᠡᠪᠬᠢᠳᠡᠢ ᠤᠷᠤᠯᠴᠠᠵᠤ ᠰᠤᠷᠭᠠᠨ | ᠭᠦᠮᠦᠵᠢᠯ ᠤᠨ ᠠᠵᠢᠯ ᠢᠶᠠᠨ ᠨᠡᠩ ᠦᠷᠡ ᠪᠦᠳᠦᠮᠵᠢᠳᠡᠢ ᠬᠢᠭᠦ ᠪᠠᠷ ᠴᠢᠷᠮᠠᠶᠢᠵᠠᠭᠠᠶᠠ᠃ | ᠭᠤᠷᠪᠠ᠂ ᠪᠢᠳᠠ ᠡᠳᠤᠷ ᠲᠤ ᠪᠠᠨ ᠨᠢᠭᠡ ᠴᠠᠭ ᠤᠨ ᠨᠤᠮ ᠤᠩᠰᠢᠵᠤ ᠰᠤᠷᠤᠯᠴᠠᠬᠤ ᠲᠠᠳᠬᠠᠯ ᠢ ᠪᠤᠢ | ᠪᠤᠯᠭᠠᠴᠢᠬᠠᠶᠠ᠃ | ᠪᠠᠭᠰᠢ ᠭᠦᠮᠤᠰ ᠡᠳᠤᠷ ᠲᠤᠵᠢ ᠲᠦᠢᠯ ᠤᠨ ᠶᠠᠭᠠᠷᠠᠯᠳᠠᠢ ᠬᠢᠴᠢᠶᠡᠯ ᠲᠦᠷᠣᠯ ᠤᠨ ᠵᠢᠭᠠᠨ ᠰᠤᠷᠭᠠᠯᠳᠠ ᠠᠴᠠ | ᠭᠠᠳᠠᠨᠠ ᠪᠠᠰᠠ ᠲᠤᠩ ᠠᠷᠪᠢᠨ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠲᠠᠭᠠᠯᠳᠤᠬᠰᠠᠨ ᠠᠵᠢᠯ ᠢ ᠮᠥᠨ ᠴᠠᠭ ᠲᠠᠷᠤᠢ ᠳᠤ ᠨᠢ | ᠪᠡᠶᠡᠯᠡᠭᠦᠯᠭᠦ ᠪᠠᠷ ᠪᠠᠷᠠᠬᠤ ᠦᠭᠡᠢ ᠤᠯᠠᠨ ᠲᠠᠯᠠ ᠶᠢᠨ ᠭᠦᠮᠤᠰ ᠤᠨ ᠬᠤᠭᠤᠷᠤᠨᠳᠤᠭᠢ ᠬᠠᠷᠢᠴᠠᠭᠠ ᠶᠢ ᠴᠦ ᠡᠪᠯᠢᠭ | ᠰᠠᠶᠢᠬᠠᠨ ᠰᠢᠢᠳᠪᠤᠷᠢᠯᠡᠭᠦ ᠭᠡᠷᠡᠭᠳᠡᠢ ᠪᠠᠶᠢᠳᠠᠭ᠂ ᠡᠳᠡᠭᠡᠷ ᠠᠵᠢᠯ ᠨᠢ ᠪᠠᠷᠤᠭ ᠪᠦᠭᠦᠯᠢ ᠡᠳᠤᠷ ᠤᠨ ᠴᠠᠭ ᠢ ᠡᠵᠡᠯᠡᠭᠦ | ᠮᠦᠷᠳᠡᠭᠡᠨ ᠵᠠᠷᠢᠮ ᠳᠤ ᠪᠠᠨ ᠴᠠᠭ ᠨᠠᠮᠠᠵᠤ ᠠᠵᠢᠯᠯᠠᠬᠤ ᠭᠡᠷᠡᠭᠳᠠᠢ ᠪᠠᠶᠢᠳᠠᠬ᠃ ᠶᠠᠭ ᠡᠶᠢᠮᠤᠷᠭᠦᠤ ᠪᠡᠶᠡ ᠰᠡᠳᠬᠢᠴᠠ ᠶᠢᠨ | ᠶᠠᠳᠠᠷᠠᠯ ᠭᠦᠨᠳᠤ ᠪᠠᠶᠢᠬᠤ ᠦᠶᠡᠰ ᠪᠢᠳᠠ᠂ ᠨᠤᠮ ᠤᠩᠰᠢᠵᠤ ᠰᠤᠷᠤᠯᠴᠠᠨᠠ ᠭᠡᠳᠡᠭ ᠬᠠᠮᠤᠭ ᠤᠨ ᠪᠦᠳᠦᠮᠵᠢᠳᠡᠢ | ᠠᠷᠭᠠ ᠵᠠᠮ ᠢᠶᠠᠷ ᠪᠡᠶᠡ ᠪᠠᠨ ᠴᠡᠨᠡᠭᠯᠡᠪᠠᠯ ᠠᠵᠢᠯ ᠤᠶᠢᠯᠠᠰ ᠢᠶᠠᠨ ᠦᠭᠡᠳᠡ ᠲᠠᠢ ᠰᠠᠶᠢᠬᠠᠨ ᠡᠷᠭᠦᠵᠤ ᠶᠠᠪᠤᠨ | ᠵᠢᠷᠭᠠᠯ ᠲᠠᠢ ᠪᠠᠭᠰᠢ ᠪᠤᠯᠵᠤ ᠴᠢᠳᠠᠨᠠ᠃ | ᠨᠤᠮ ᠤᠩᠰᠢᠵᠤ ᠰᠤᠷᠤᠯᠴᠠᠯᠭᠠ ᠶᠢ ᠡᠷᠬᠢᠮᠯᠡᠳᠡᠭ ᠭᠦᠮᠤᠨ ᠪᠤᠰᠤᠳ ᠠᠴᠠ ᠨᠡᠩ ᠢᠯᠡᠭᠦᠤ ᠦᠪᠡᠷ ᠤᠨ | ᠪᠡᠶᠡ ᠶᠢᠨ ᠢᠶᠠᠨ ᠲᠤᠳᠠᠭᠤ ᠲᠤᠮᠳᠠᠭᠤᠷ ᠢ ᠤᠶᠢᠯᠠᠭᠠᠵᠤ᠂ ᠪᠤᠰᠤᠳ ᠭᠦᠮᠤᠰ ᠪᠠ ᠰᠤᠷᠤᠬᠴᠢ ᠲᠠᠢ | ᠬᠠᠷᠢᠴᠠᠬᠤ ᠳᠤ ᠪᠠᠨ ᠨᠡᠩ ᠡᠶᠡᠯᠳᠡᠭ ᠵᠦᠭᠡᠯᠡᠨ᠂ ᠲᠠᠷᠤᠤ ᠬᠢᠴᠢᠶᠡᠩᠭᠦᠢ ᠪᠠᠷ ᠲᠤᠩ ᠤᠯᠠᠨ ᠵᠦᠷᠢᠴᠡᠯ | ᠮᠦᠷᠭᠦᠯᠳᠤᠭᠡᠨ ᠢ ᠵᠦᠪ ᠤᠨᠤᠪᠴᠢᠳᠡᠢ ᠰᠢᠢᠳᠪᠤᠷᠢᠯᠠᠵᠤ ᠴᠢᠳᠠᠳᠠᠭ᠃ ᠡᠨᠡ ᠨᠢ ᠵᠤᠯ ᠵᠢᠷᠭᠠᠯ ᠲᠠᠢ ᠪᠠᠭᠰᠢ | ᠪᠤᠯᠬᠤ ᠶᠢᠨ ᠦᠨᠳᠤᠰᠤᠨ ᠨᠦᠭᠦᠴᠡᠯ ᠪᠤᠯᠵᠤ ᠪᠤᠯᠤᠨᠠ᠃ ᠨᠤᠮ ᠤᠩᠰᠢᠵᠤ ᠰᠤᠷᠤᠯᠴᠠᠯᠭᠠ ᠶᠢ ᠡᠷᠬᠢᠮᠯᠡᠳᠡᠭ ᠭᠦᠮᠤᠨ | ᠠᠮᠢᠳᠤᠷᠠᠯ ᠵᠢᠴᠢ ᠠᠵᠢᠯ ᠤᠶᠢᠯᠡᠰ ᠤᠨ ᠢᠶᠠᠨ ᠲᠤᠮᠳᠠ ᠲᠤᠯᠭᠠᠷᠠᠭᠰᠠᠨ ᠠᠰᠠᠭᠤᠳᠠᠯ ᠤᠳ ᠢ ᠭᠦᠨᠴᠠ ᠲᠠᠢ ᠰᠡᠳᠬᠢᠵᠤ | ᠴᠢᠳᠠᠳᠠᠭ᠃ ᠤᠴᠢᠷ ᠨᠢ ᠭᠦᠮᠤᠨ ᠤ ᠰᠡᠳᠬᠢᠨ ᠪᠤᠳᠤᠯᠬᠢᠯᠠᠬᠤ ᠤᠨᠴᠠᠯᠢᠭ ᠠᠴᠠ ᠠᠪᠴᠤ ᠦᠵᠡᠪᠡᠯ ᠶᠡᠷᠤ ᠨᠢ | ᠲᠦᠭᠦᠮ ᠲᠦᠳᠡ ᠳᠤ ᠲᠤᠷᠠ ᠲᠠᠢ ᠪᠠᠶᠢᠳᠠᠭ ᠠᠴᠠ ᠠᠮᠢᠳᠤᠷᠠᠯ ᠲᠤᠮᠳᠠ ᠦᠪᠡᠷ ᠤᠨ ᠰᠡᠳᠬᠢᠨ ᠪᠤᠳᠤᠯᠬᠢᠯᠠᠬᠤ | ᠴᠢᠳᠠᠪᠤᠷᠢ ᠪᠠᠨ ᠭᠡᠷᠬᠢᠨ ᠭᠦᠮᠦᠵᠢᠭᠦᠯᠭᠦ ᠳᠤ ᠠᠩᠬᠠᠷᠤᠯ ᠪᠠ ᠭᠦᠴᠤ ᠭᠦᠳᠡᠯᠮᠤᠷᠢ ᠵᠠᠷᠤᠴᠠᠭᠤᠯᠳᠠᠭ ᠦᠭᠡᠢ ᠲᠤᠯᠠ | ᠠᠮᠠᠷᠬᠠᠨ ᠰᠡᠳᠬᠢᠭᠦᠢ ᠶᠢᠨ ᠶᠠᠳᠠᠷᠠᠭᠤᠷᠠᠯ ᠳᠤ ᠤᠷᠤᠳᠠᠭ᠃ ᠶᠠᠭ ᠡᠭᠦᠨ ᠲᠠᠢ ᠡᠰᠡᠷᠭᠦ ᠪᠠᠷ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ | ᠠᠵᠢᠯ ᠪᠤᠯ ᠰᠡᠳᠬᠢᠨ ᠪᠤᠳᠤᠯᠬᠢᠯᠠᠬᠤ ᠴᠢᠳᠠᠪᠤᠷᠢ ᠶᠢ ᠱᠠᠭᠠᠷᠳᠠᠵᠤ ᠪᠠᠶᠢᠬᠤ ᠮᠦᠷᠳᠡᠭᠡᠨ ᠡᠭᠦᠳᠤᠨ ᠪᠦᠳᠤᠭᠡᠯᠴᠢ | ᠴᠢᠨᠠᠷ ᠲᠠᠢ ᠠᠵᠢᠯ ᠲᠦᠷᠤᠯ ᠪᠤᠯᠤᠨᠠ᠃ ᠡᠶᠢᠮᠤ ᠠᠴᠠ ᠪᠠᠭᠰᠢ ᠭᠦᠮᠤᠨ ᠤ ᠦᠰᠤᠨ ᠪᠤᠶᠢᠵᠢᠯᠳᠠ ᠳᠤ ᠨᠤᠮ | ᠤᠩᠰᠢᠵᠤ ᠰᠤᠷᠤᠯᠴᠠᠬᠤ ᠨᠢ ᠲᠤᠩ ᠴᠢᠬᠤᠯᠠ ᠠᠴᠢ ᠬᠤᠯᠪᠤᠬᠳᠠᠯ ᠲᠠᠢ᠃ ᠨᠤᠮ ᠤᠩᠰᠢᠵᠤ ᠰᠤᠷᠤᠯᠴᠠᠯᠭᠠ ᠶᠢ | ᠡᠷᠬᠢᠮᠯᠡᠳᠡᠭ ᠭᠦᠮᠤᠨ ᠰᠠᠶ᠋ᠢ ᠪᠢᠴᠢᠭ ᠵᠢᠭᠠᠵᠤ ᠭᠦᠮᠤᠨ ᠢ ᠭᠦᠮᠦᠵᠢᠭᠦᠯᠭᠦ ᠠᠵᠢᠯ ᠢ ᠪᠦᠳᠦᠭᠡᠯᠴᠢ ᠪᠠᠷ ᠰᠡᠳᠬᠢᠵᠤ | ᠰᠤᠷᠤᠬᠴᠢ ᠪᠠᠨ ᠵᠦᠪ ᠲᠠᠭᠠᠭᠤᠯᠤᠨ ᠵᠢᠯᠤᠭᠤᠳᠴᠤ ᠴᠢᠳᠠᠨᠠ᠃ ᠰᠤᠷᠤᠯᠴᠠᠨᠠ ᠭᠡᠳᠡᠭ ᠪᠤᠯ ᠭᠦᠮᠤᠨ ᠦᠪᠡᠷ ᠤᠨ | ᠪᠡᠶᠡ ᠪᠠᠨ ᠤᠯᠠᠮ ᠰᠢᠯᠢᠳᠡᠭ ᠪᠤᠯᠭᠠᠨ ᠭᠠᠳᠠᠭᠠᠳᠤ ᠶᠢᠷᠳᠢᠨᠴᠤ ᠲᠠᠢ ᠵᠤᠬᠢᠴᠠᠨ ᠨᠡᠩ ᠴᠢᠨᠠᠭᠰᠢᠯᠠᠪᠠᠯ ᠡᠭᠦᠳᠤᠯᠳᠠ ᠲᠠᠢ | ᠡᠪ ᠨᠠᠶᠢᠷᠳᠡᠢ ᠪᠠᠷ ᠶᠢᠷᠳᠢᠨᠴᠤ ᠲᠠᠢ ᠬᠠᠷᠢᠴᠠᠵᠤ ᠴᠢᠳᠠᠬᠤ ᠠᠵᠢᠯᠯᠠᠭᠠ ᠪᠤᠯᠤᠨᠠ᠃ ᠨᠤᠮ ᠤᠩᠰᠢᠵᠤ ᠰᠤᠷᠤᠯᠴᠠᠨᠠ | ᠭᠡᠳᠡᠭ ᠠᠵᠢᠯ ᠨᠢ ᠲᠡᠷᠡ ᠲᠤᠤᠷᠠ ᠪᠠᠨ ᠨᠢᠭᠡ ᠭᠦᠮᠤᠨ ᠤ ᠦᠰᠤᠨ ᠪᠤᠶᠢᠵᠢᠯᠳᠠ ᠳᠤ ᠨᠢᠳᠤᠨ ᠳᠤ ᠦᠵᠡᠭᠳᠡᠵᠤ | ᠭᠠᠷ ᠲᠤ ᠪᠠᠷᠢᠬᠳᠠᠮᠠᠷ ᠢᠯᠡᠳᠳᠠ ᠬᠤᠪᠢᠷᠠᠯᠳᠠ ᠭᠠᠷᠭᠠᠳᠠᠭ ᠦᠭᠡᠢ ᠪᠤᠯᠬᠤᠷ ᠪᠢᠳᠠ ᠶᠡᠷᠤ ᠶᠢᠨ ᠴᠠᠭ ᠲᠤ ᠪᠠᠨ | ᠪᠠᠷᠢᠮᠳᠠᠯᠠᠬᠤ ᠪᠠᠷ ᠠᠨᠠᠢ ᠪᠠᠶᠢᠳᠠᠭ᠃ ᠭᠡᠪᠡᠴᠤ ᠪᠠᠭᠰᠢ ᠭᠦᠮᠤᠨ ᠤ ᠰᠤᠷᠭᠠᠨ ᠭᠦᠮᠦᠵᠢᠭᠦᠯᠭᠦ ᠤᠬᠠᠭᠠᠨ᠂ | ᠰᠤᠷᠤᠬᠴᠢ ᠪᠠᠨ ᠤᠶᠢᠯᠠᠭᠠᠬᠤ ᠴᠢᠳᠠᠪᠤᠷᠢ ᠵᠢᠴᠢ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠠᠵᠢᠯ ᠢᠶᠠᠨ ᠪᠦᠳᠦᠮᠵᠢᠳᠡᠢ ᠭᠢᠭᠦ ᠳᠤ | ᠴᠢᠬᠤᠯᠠ ᠪᠦᠭᠦᠢ ᠢᠳᠡᠪᠬᠢᠳᠡᠢ ᠨᠦᠯᠦᠭᠡ ᠦᠵᠡᠭᠦᠯᠳᠡᠭ ᠪᠦᠭᠡᠳ ᠬᠠᠮᠤᠭ ᠤᠨ ᠴᠢᠬᠤᠯᠠ ᠨᠢ ᠪᠢᠳᠠᠨ ᠤ ᠠᠵᠢᠯ ᠤᠨ | ᠶᠠᠳᠠᠷᠠᠭᠠ ᠶᠢ ᠲᠠᠶᠢᠯᠵᠤ ᠴᠢᠳᠠᠳᠠᠭ᠃ ᠡᠶᠢᠮᠤ ᠠᠴᠠ ᠰᠤᠷᠭᠠᠭᠤᠯᠢ ᠶᠢᠨ ᠠᠵᠢᠯ ᠭᠡᠳ ᠪᠦᠭᠦᠯᠢ ᠡᠳᠤᠷ ᠢᠶᠠᠷ | ᠶᠠᠭᠠᠷᠠᠭᠠᠳ ᠪᠠᠶᠢᠬᠤ ᠳᠤ ᠪᠠᠨ ᠡᠷᠳᠡ ᠤᠷᠤᠢ ᠶᠢᠨ ᠴᠢᠯᠦᠭᠡ ᠵᠠᠪ ᠢᠶᠠᠨ ᠰᠢᠬᠠᠵᠤ ᠪᠠᠶᠢᠭᠠᠳ ᠨᠠᠮᠵᠢᠭᠤ ᠲᠠᠶᠢᠪᠤᠭᠤ | ᠨᠤᠮ ᠤᠩᠰᠢᠵᠤ ᠰᠠᠭᠤᠪᠠᠯ ᠶᠤᠰᠤᠳᠡᠢ ᠨᠢᠭᠡᠨ ᠴᠠᠭ ᠤᠨ ᠦᠵᠠᠯ ᠰᠡᠳᠬᠢᠯᠭᠡ ᠶᠢᠨ ᠪᠠᠶᠠᠰᠤᠯ ᠪᠤᠯᠳᠠᠭ ᠠᠴᠠ ᠪᠠᠭᠰᠢ | ᠨᠠᠷ ᠮᠢᠨᠢ ᠡᠳᠤᠷ ᠪᠦᠷᠢ ᠨᠤᠮ ᠤᠩᠰᠢᠨ ᠰᠤᠷᠤᠯᠴᠠᠬᠤ ᠲᠠᠳᠬᠠᠯ ᠲᠠᠢ ᠪᠤᠯᠵᠠᠭᠠᠶᠠ᠃ | ᠰᠤᠷᠭᠠᠨ ᠭᠦᠮᠦᠵᠢᠯ ᠪᠤᠯ ᠢᠷᠡᠭᠡᠳᠤᠢ ᠶᠢᠨ ᠠᠵᠢᠯ ᠪᠠᠶᠢᠵᠤ᠂ ᠪᠠᠭᠰᠢ ᠭᠦᠮᠤᠨ ᠪᠤᠯ ᠰᠤᠷᠤᠬᠴᠢ ᠶᠢᠨ ᠮᠠᠷᠭᠠᠰᠢ | ᠪᠤᠯᠤᠨᠠ᠃ ᠰᠤᠷᠤᠬᠴᠢ ᠳᠤ ᠪᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠢᠷᠡᠭᠡᠳᠤᠢ ᠶᠢ ᠤᠯᠭᠤᠨ᠂ ᠰᠢᠯᠢᠳᠡᠭ ᠰᠠᠶᠢᠬᠠᠨ ᠪᠡᠶᠡ | ᠰᠡᠳᠬᠢᠴᠠ ᠶᠢᠨ ᠭᠡᠪ ᠪᠤᠯᠪᠠᠰᠤᠷᠠᠯ ᠲᠠᠢ ᠭᠦᠮᠤᠨ ᠪᠤᠯᠬᠤ ᠶᠢ ᠵᠢᠭᠠᠵᠤ ᠦᠭᠭᠦᠶᠡ ᠭᠡᠪᠠᠯ ᠪᠢᠳᠠ ᠦᠪᠡᠷ ᠤᠨ | ᠪᠡᠶᠡ ᠠᠴᠠ ᠪᠠᠨ ᠡᠬᠢᠯᠡᠨ ᠵᠤᠯ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠵᠤ ᠰᠤᠷᠤᠯᠴᠠᠵᠤ ᠴᠢᠳᠠᠭᠰᠠᠨ ᠪᠠᠶᠢᠬᠤ ᠭᠡᠷᠡᠭᠳᠡᠢ᠃ ᠡᠶᠢᠮᠤ ᠠᠴᠠ | ᠭᠡᠳᠤᠢ ᠶᠠᠭᠠᠷᠠᠤ ᠪᠠᠶᠢᠬᠰᠠᠨ ᠴᠦ ᠡᠳᠤᠷ ᠪᠦᠷᠢ ᠪᠡᠶᠡᠨ ᠳᠤ ᠪᠠᠨ ᠨᠢᠭᠡ ᠴᠠᠭ ᠤᠨ ᠨᠤᠮ ᠤᠩᠰᠢᠵᠤ ᠰᠤᠷᠤᠯᠴᠠᠨ | ᠦᠰᠤᠨ ᠪᠤᠶᠢᠵᠢᠬᠤ᠂ ᠪᠡᠶᠡ ᠰᠡᠳᠬᠢᠴᠨ ᠪᠠᠨ ᠲᠠᠶᠢᠪᠤᠰᠢᠷᠠᠭᠤᠯᠤᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠲᠠᠮᠢᠷ ᠤᠨ ᠪᠤᠯᠪᠠᠰᠤᠷᠠᠯ ᠪᠠ | ᠨᠢᠭᠡ ᠡᠷᠡᠨ ᠤ ᠠᠮᠳᠠᠳᠤ ᠬᠤᠭᠤᠯᠠ ᠪᠤᠳᠠᠭᠠ ᠪᠡᠯᠡᠳᠭᠡᠨ ᠢᠳᠡᠭᠦ ᠴᠠᠭ ᠢ ᠭᠠᠷᠭᠠᠨ ᠦᠭᠴᠤ ᠪᠠᠶᠢᠭᠠᠷᠡᠢ᠃ ᠵᠤᠯ | ᠵᠢᠷᠭᠠᠯ ᠲᠠᠢ ᠪᠠᠭᠰᠢ ᠰᠠᠶ᠋ᠢ ᠨᠡᠩ ᠰᠢᠯᠢᠳᠡᠭ ᠰᠤᠷᠤᠬᠴᠢᠳ ᠢ ᠭᠦᠮᠦᠵᠢᠭᠦᠯᠵᠤ ᠴᠢᠳᠠᠨᠠ ᠭᠡᠳᠡᠭ ᠢ ᠢᠳᠡᠭᠡᠨ᠂ | ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠵᠤᠯ ᠵᠢᠷᠭᠠᠯ ᠤᠨ ᠤᠬᠠᠭᠠᠨ ᠢ ᠢᠯᠡᠭᠦᠭᠡᠨ ᠰᠤᠷᠤᠯᠴᠠᠶᠠ᠃ | ᠠᠵᠢᠯᠯᠠᠵᠤ ᠪᠠᠶᠢᠭᠠ ᠪᠠᠶᠢᠭᠤᠯᠭᠠ᠄ ᠦᠤᠰᠢᠨ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠦᠨᠳᠤᠰᠤᠳᠡᠨ ᠤ | ᠲᠤᠷᠰᠢᠯᠳᠠ ᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ | ︵ᠡᠾᠦ᠋ᠩ ᠮᠸᠢ ᠨᠠᠶᠢᠷᠠᠭᠤᠯᠪᠠ︶ | |