| ᠰᠤᠶᠤᠯᠳᠠᠯᠠᠢ | | | | | ᠠᠴᠢ ᠶᠢ ᠬᠠᠷᠢᠭᠤᠯᠠᠵᠤ ᠡᠯᠪᠡᠷᠢᠯ ᠢ ᠬᠦᠢᠴᠡᠳᠬᠡᠬᠦ ᠪᠣᠯ ᠬᠦᠮᠦᠨ ᠪᠦᠬᠦᠨ ᠳᠤ ᠪᠠᠶᠢᠪᠠᠰᠤ ᠵᠤᠬᠢᠬᠤ | ᠬᠠᠮᠤᠭ ᠤᠨ ᠦᠨᠳᠦᠰᠦᠨ ᠶᠤᠰᠤ ᠰᠤᠷᠳᠠᠬᠤᠨ ᠤ ᠪᠠᠷᠢᠮᠵᠢᠶᠡ ᠪᠤᠯᠬᠤ ᠮᠦᠷᠳᠡᠬᠡᠨ ᠬᠦᠮᠦᠨ ᠪᠤᠯᠬᠤ ᠶᠢᠨ ᠬᠠᠮᠤᠭ ᠤᠨ | ᠨᠠᠭᠠᠳᠤ ᠵᠠᠬᠠ ᠶᠢᠨ ᠦᠨᠳᠦᠰᠦᠨ ᠬᠡᠪ ᠪᠤᠯᠪᠠᠰᠤᠷᠠᠯ ᠮᠥᠨ᠃ ᠲᠠᠪᠤᠨ ᠮᠢᠩᠭᠠᠨ ᠵᠢᠯ ᠤᠨ ᠪᠤᠯᠪᠠᠰᠤᠨ ᠲᠡᠦᠬᠡ ᠲᠠᠢ | ᠳᠤᠮᠳᠠᠳᠤ ᠶᠢᠨ ᠦᠨᠳᠦᠰᠦᠳᠡᠨ ᠳᠤ ᠡᠷᠳᠡᠨ ᠠᠴᠠ ᠠᠪᠤᠭᠠᠳ ᠬᠦᠮᠦᠨ ᠤ ᠠᠴᠢ ᠶᠢ ᠬᠦᠷᠳᠡᠪᠡᠯ ᠵᠠᠪᠠᠯ ᠲᠤᠰᠠ ᠪᠠᠷ | ᠬᠠᠷᠢᠭᠤᠯᠠᠬᠤ ᠪᠤᠳᠠᠳᠤ ᠦᠯᠢᠬᠡᠷ ᠪᠤᠷᠬᠠᠨ ᠰᠡᠴᠡᠯᠡᠯ ᠮᠤᠩ ᠦᠬᠡᠢ ᠪᠢᠯᠡ᠃ | ︽ᠤᠤᠭᠤᠭᠰᠠᠨ ᠤᠰᠤ ᠷᠠᠰᠢᠶᠠᠨ᠂ ᠤᠨᠠᠭᠰᠠᠨ ᠰᠢᠷᠤᠢ ᠠᠯᠳᠠ︾᠂ ︽ᠬᠦᠮᠦᠨ ᠬᠦᠮᠦᠨ ᠤ ᠬᠦᠴᠦᠨ ᠳᠤ᠂ | ᠵᠢᠭᠠᠰᠤ ᠤᠰᠤᠨ ᠤ ᠬᠦᠴᠦᠨ ᠳᠤ︾᠂ ︽ᠤᠰᠤ ᠶᠢ ᠨᠢ ᠤᠤᠭᠤᠪᠠᠯ ᠡᠬᠢ ᠶᠢ ᠨᠢ ᠪᠤᠳᠤ︾ ᠬᠡᠮᠡᠨ ᠮᠠᠨ ᠤ ᠲᠡᠬᠡᠳᠦᠰ᠂ | ᠦᠷᠡ ᠬᠤᠶᠢᠴᠢ ᠳᠤ ᠪᠠᠨ ︽ᠠᠴᠢ ᠬᠡᠳᠡᠭ ᠢᠪᠡᠬᠡᠯ ᠳᠤ ᠲᠤᠰᠠ ᠬᠠᠷᠠᠮᠨᠠᠵᠤ ᠪᠠᠴᠢᠭᠤᠷᠠᠭᠠ ᠦᠬᠡᠢ︾ ᠭᠡᠵᠦ ᠤᠶᠠᠨ | ᠴᠢᠨᠠᠷ ᠤᠨ ᠰᠡᠴᠡᠨ ᠰᠤᠷᠭᠠᠯ ᠢᠶᠠᠨ ᠲᠤᠩᠬᠠᠭᠯᠠᠭᠰᠠᠭᠠᠷ ᠬᠦᠮᠦᠨ ᠮᠦᠰᠤ ᠶᠢᠨ ᠬᠠᠳᠠᠨ ᠴᠡᠬᠡᠯ ᠢᠶᠠᠨ ᠵᠤᠵᠠᠭᠠᠷᠠᠭᠤᠯᠵᠤ᠂ | ᠬᠦᠯᠦᠭ ᠰᠦᠯᠳᠠ ᠶᠢᠨ ᠰᠤᠳᠤᠨ ᠪᠢᠯᠢᠭ ᠢᠶᠠᠨ ᠰᠦᠢᠵᠤ ᠶᠠᠪᠤᠨᠠ᠃ | ᠬᠦᠮᠦᠨ ᠤ ᠤᠷᠤᠩᠨᠠᠯ ᠳᠤ ᠡᠴᠢᠬᠡ ᠲᠡᠭᠷᠢ᠂ ᠡᠬᠡ ᠲᠡᠯᠡᠬᠡᠢ ᠶᠢᠨ ᠰᠢᠷᠬᠡᠭ ᠡᠪᠡᠰᠤ᠂ ᠮᠦᠬᠦᠯᠢᠭ ᠰᠢᠷᠤᠢ | ᠬᠦᠷᠳᠡᠯᠠ ᠬᠠᠶᠢᠷᠠ ᠶᠢᠨ ᠲᠤᠯᠤᠭ ᠢᠮᠠᠭᠠᠷᠢ ᠪᠤᠯᠳᠠᠭ ᠪᠠᠶᠢᠬᠤ ᠳᠤ᠂ ᠲᠡᠬᠡᠬᠡᠵᠤ ᠲᠦᠷᠦᠬᠦᠯᠦᠭᠰᠡᠨ ᠲᠡᠭᠷᠢ ᠡᠵᠢ᠂ | ᠲᠡᠳᠬᠦᠵᠤ ᠦᠰᠬᠡᠭᠰᠡᠨ ᠲᠦᠰᠢ ᠠᠪᠤ ᠶᠢ ᠦᠬᠦᠯᠡᠬᠦ ᠨᠡᠩ ᠶᠠᠭᠤᠨ ᠪᠢᠯᠡ︕ ᠦᠨᠡᠬᠡᠷ ᠴᠦ ᠲᠡᠶᠢᠮᠦ᠃ ᠡᠴᠢᠬᠡ ᠬᠦᠤ | ᠡᠬᠡ ᠦᠷᠡ ᠶᠢᠨ ᠰᠢᠳᠦᠯᠴᠡᠯ ᠬᠡᠵᠤ ᠶᠤᠰᠤᠳᠠᠢ ︽ᠡᠩᠬᠡᠷ ᠭᠠᠵᠠᠷ ᠤᠨ ᠨᠤᠭᠤᠭᠠ︾ ᠬᠡᠮᠡᠷ ᠤᠶᠠᠩᠭᠠ | ᠲᠠᠢ᠃ ᠲᠡᠬᠡᠬᠦ ᠪᠠᠷ ᠢᠶᠠᠨ ᠦᠷᠡ ᠬᠡᠦᠬᠡᠳ ᠲᠤ ᠪᠠᠨ ᠡᠴᠢᠬᠡ ᠡᠬᠡ ᠨᠢ ᠬᠠᠶᠢᠷᠠ ᠶᠢᠨ ᠲᠦᠰᠢᠭ ᠪᠠᠶᠢᠵᠤ ︽ᠠᠪᠤ ᠶᠢᠨ | ᠪᠤᠢ ᠳᠤ ᠬᠦᠮᠦᠨ ᠲᠠᠨᠢ᠂ ᠠᠭᠳᠠ ᠶᠢᠨ ᠪᠤᠢ ᠳᠤ ᠭᠠᠵᠠᠷ ᠲᠠᠨᠢ︾ ᠬᠡᠰᠡᠨ ᠰᠤᠷᠭᠠᠯ ᠭᠠᠷᠴᠤ᠂ ᠡᠴᠢᠬᠡ ᠡᠬᠡ ᠳᠤ ᠪᠠᠨ | ᠦᠷᠡ ᠬᠡᠦᠬᠡᠳ ᠨᠢ ᠭᠤᠯᠤᠮᠳᠠ ᠶᠢᠨ ᠬᠢᠨ ᠴᠤᠭ ᠪᠠᠶᠢᠳᠠᠭ ᠢᠶᠠᠷ ︽ᠦᠳᠡᠯᠡᠬᠦ ᠶᠢᠨ ᠦᠵᠦᠬᠦᠷ ᠦᠷᠡ ᠲᠠᠢ | ᠰᠠᠶᠢᠬᠠᠨ︾ ᠬᠡᠰᠡᠨ ᠬᠦᠮᠦᠨ ᠤ ᠶᠤᠰᠤᠨ ᠤ ᠵᠦᠢ ᠲᠠᠢ ᠪᠢᠯᠡ᠃ | ᠬᠡᠪᠡᠴᠤ ᠨᠡᠶᠢᠬᠡᠮ ᠴᠠᠭ ᠡᠷᠢᠨ ᠤ ᠬᠦᠭᠵᠢᠯᠳᠠ ᠬᠤᠪᠢᠰᠦᠯᠳᠠ ᠶᠢ ᠲᠠᠭᠠᠵᠤ ᠬᠦᠮᠦᠰ ᠤᠨ ᠦᠵᠡᠯᠳᠡ ᠲᠠᠨᠢᠯᠳᠠ | ᠦᠬᠡᠷᠡᠴᠢᠯᠡᠭᠳᠡᠨ ᠬᠤᠪᠢᠷᠠᠬᠤ ᠪᠠᠷ ︽ᠲᠠᠵᠢᠬᠡᠭᠰᠡᠨ ᠪᠢᠷᠠᠭᠤ ᠲᠡᠷᠬᠡ ᠡᠪᠳᠡᠬᠦ︾ ᠵᠦᠴᠦᠬᠡ ᠤᠯᠠᠰᠢᠷᠠᠵᠤ ︽ᠰᠠᠶᠢᠨ | ᠦᠷᠡ ᠳᠤ ᠪᠤᠤ ᠨᠦᠬᠡᠬᠡ᠂ ᠮᠠᠭᠤ ᠦᠷᠡ ᠳᠤ ᠪᠤᠤ ᠵᠦᠬᠡᠬᠡ︾ ᠬᠡᠬᠦ ᠰᠤᠷᠭᠠᠯ ᠢ ᠤᠯᠠᠨ ᠤᠯᠠᠨ ᠡᠴᠢᠬᠡ ᠡᠬᠡ ᠠᠬᠢᠨ | ᠲᠠᠬᠢᠨ ᠡᠷᠬᠢᠴᠡᠬᠦᠯᠦᠨ ᠲᠤᠩᠭᠠᠬᠤ ᠦᠬᠡᠢ ᠪᠤᠯᠬᠤ ᠦᠬᠡᠢ ᠪᠤᠯᠵᠠᠢ᠃ | ᠠᠢ︕ ᠬᠦᠬᠡᠷᠦᠬᠦᠢ᠃ ᠡᠴᠢᠬᠡ ᠦᠷᠡ ᠶᠢᠨ ᠬᠡᠯᠬᠢᠶᠡ ᠬᠡᠭᠴᠢ ᠡᠯᠢᠬᠡ ᠵᠢᠷᠦᠬᠡ ᠦᠬᠡᠷᠡ ᠤᠤ︖ ᠶᠠᠷᠤ ᠨᠢ | ︽ᠡᠬᠡ ᠶᠢᠨ ᠰᠠᠨᠠᠭᠠ ᠦᠷᠡ ᠳᠤ︾ ᠪᠠᠶᠢᠬᠤ ᠳᠤ ᠶᠠᠭᠠᠬᠢᠬᠤ ᠳᠤ ᠪᠠᠨ ᠤᠳᠤᠬᠠᠨ ︽ᠦᠷᠡ ᠶᠢᠨ ᠰᠠᠨᠠᠭᠠ ᠠᠭᠤᠯᠠᠨ | ᠳᠤ︾ ᠲᠡᠷᠪᠡᠬᠦ ᠪᠤᠯᠤᠭᠰᠠᠨ ᠬᠡᠮ᠃ ︽ᠠᠯᠠᠪᠠᠯ ᠠᠬᠠᠳᠠᠨᠠ᠂ ᠠᠯᠠᠭᠠᠳᠠᠪᠠᠯ ᠪᠠᠭᠠᠳᠠᠨᠠ︾ ᠴᠤᠬᠤᠮ ᠶᠠᠭᠠᠬᠢᠳᠠᠭ ᠴᠦ ᠪᠢᠯᠡ | ᠬᠡᠦᠬᠡᠳ ᠢ᠃ ︽ᠬᠠᠮᠠᠷ ᠢᠶᠠᠨ ᠨᠢᠰᠤ ᠲᠠᠢ ᠬᠡᠳ ᠬᠠᠮᠢᠭᠠ ᠬᠠᠶᠠᠬᠤ ᠪᠤᠢ︾ ᠭᠡᠳᠡᠭ ᠢᠶᠠᠷ ᠴᠤᠬᠤᠮ ᠬᠡᠷᠬᠢᠬᠦ ᠪᠢᠯᠡ | ᠡᠴᠢᠬᠡ ᠡᠬᠡ ᠪᠠᠨ᠃ | ᠬᠠᠶᠢᠷᠠ ᠶᠢᠨ ᠪᠤᠷᠬᠠᠨ ᠡᠴᠢᠬᠡ ᠡᠬᠡ ᠳᠤ ᠪᠠᠨ ᠡᠯᠪᠡᠷᠢᠵᠤ ᠶᠠᠪᠤᠭᠠᠷᠠᠢ︕ | ᠬᠠᠶᠢᠷᠠ ᠶᠢ ᠨᠢ ᠲᠠᠷᠬᠠᠯᠠᠵᠤ᠂ ᠬᠠᠶᠢᠷᠠ ᠶᠢ ᠨᠢ ᠢᠨᠢᠶᠡᠯᠬᠡᠵᠤ ᠬᠠᠶᠢᠷᠠᠯᠠᠵᠤ ᠶᠠᠪᠤᠭᠠᠷᠠᠢ︕ | ᠡ᠊ᠨᠳᠠ ︽ᠬᠦᠤ ᠳᠤ ᠪᠠᠨ ᠢᠯᠡᠬᠡᠭᠰᠡᠨ ᠵᠠᠬᠢᠳᠠᠯ︾ ᠬᠡᠳᠡᠭ ᠵᠤᠬᠢᠶᠠᠯ ᠢ ᠤᠩᠰᠢᠬᠴᠢ ᠲᠠ ᠨᠠᠷ ᠲᠤ ᠪᠠᠨ | ᠲᠤᠯᠢᠯᠠᠭᠤᠯᠬᠤ ᠶᠢᠨ ᠬᠠᠮᠳᠤ ᠡᠯᠪᠡᠷᠢᠯ ᠢ ᠲᠡᠬᠡᠳᠦᠯᠡᠵᠤ ᠶᠠᠪᠤᠬᠤ ᠳᠤ ᠴᠢᠨᠢ ᠴᠠᠷᠢᠠᠭᠤᠨ ᠢᠳᠡᠬᠡᠯ ᠲᠠᠢ ᠴᠠᠳᠬᠤᠯᠠᠩ | ᠬᠦᠰᠡᠯ ᠬᠠᠶᠢᠷᠠᠯᠠᠶᠠ᠃ | ᠬᠦᠤ ᠳᠤ ᠪᠠᠨ ᠢᠯᠡᠬᠡᠭᠰᠡᠨ ᠵᠠᠬᠢᠳᠠᠯ | ᠬᠠᠶᠢᠷᠠᠳᠤ ᠬᠦᠤ ᠮᠢᠨᠢ᠄ | ᠴᠢ ᠬᠡᠳᠦ᠋ᠢᠪᠡᠷ ᠪᠢᠳᠠ ᠬᠤᠶᠠᠷ ᠤᠨ ᠰᠡᠳᠬᠢᠯ ᠢ ᠬᠦᠷᠦᠬᠡᠭᠰᠡᠨ ᠪᠤᠯᠪᠠᠴᠤ ᠶᠠᠰᠤ ᠮᠢᠬᠠᠨ ᠤ ᠲᠠᠰᠤᠷᠬᠠᠢ ᠶᠤᠮ | ᠴᠢᠨᠢ ᠴᠢᠮᠠ ᠳᠤ ᠶᠠᠭᠤ ᠬᠡᠯᠡᠯᠳᠡᠢ ᠪᠢᠯᠡ᠃ ᠠᠩᠬᠠ ᠴᠢ ᠡᠬᠦᠷ ᠢᠶᠠᠨ ᠤᠷᠬᠢᠨ ᠨᠢᠰᠬᠦ ᠲᠡᠭᠳᠡᠬᠡᠬᠡᠢ ᠰᠢᠭ ᠠᠷᠤ | ᠬᠡᠷ ᠠᠴᠠ ᠪᠠᠨ ᠠᠶᠠᠷᠯᠠᠨ ᠠᠶᠢᠮᠠᠭ ᠤᠨ ᠲᠦᠪ ᠲᠠᠬᠢ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠤᠴᠢᠵᠤ ᠰᠤᠷᠤᠯᠴᠠᠬᠤ ᠪᠠᠷ | ᠲᠤᠬᠢᠷᠠᠭᠰᠠᠨ ᠳᠤ ᠠᠪᠤ ᠡᠵᠢ ᠴᠢᠨᠢ ᠪᠢᠳᠡ ᠬᠤᠶᠠᠷ ᠦᠨᠡᠨ ᠰᠡᠳᠬᠢᠯ ᠠᠴᠠ ᠪᠠᠨ ᠪᠠᠶᠠᠷᠯᠠᠨ ᠬᠦᠭᠰᠡᠵᠤ | ᠪᠢᠯᠡ᠃ ᠴᠢᠮᠠ ᠶᠢ ᠰᠤᠷᠭᠠᠭᠤᠯᠢ ᠳᠤ ᠴᠢᠨᠢ ᠬᠦᠷᠬᠡᠵᠤ ᠦᠭᠬᠦᠬᠡᠳ ᠠᠩᠬᠢ ᠶᠢᠨ ᠡᠷᠬᠢᠯᠡᠭᠴᠢ ᠳᠤ ᠴᠢᠨᠢ᠄ ︽ᠮᠢᠨᠤ ᠬᠦᠤ | ᠪᠠᠭᠠ ᠪᠠᠶᠢᠭᠰᠠᠭᠠᠷ︾ ᠬᠡᠵᠤ ᠬᠡᠳᠦᠨᠳᠡ ᠲᠠᠪᠳᠠᠬᠤ ᠳᠤ ︽ᠡᠴᠢᠬᠡ ᠬᠦᠮᠦᠨ ᠤ ᠰᠡᠳᠬᠢᠯ ᠬᠡᠵᠤ ᠳ᠋ᠠ︾ ᠬᠡᠭᠰᠡᠬᠡᠷ ᠪᠠᠭᠰᠢ | ᠴᠢᠨᠢ ᠨᠠᠮᠠ ᠶᠢ ᠲᠤᠭᠤᠬᠢᠯᠠᠬᠤ ᠲᠠᠢ᠂ ᠲᠠᠶᠢᠳᠬᠤᠷᠠᠭᠤᠯᠬᠤ ᠲᠠᠢ ᠬᠡᠯᠡᠵᠤ ᠪᠠᠶᠢᠭᠰᠠᠨ ᠪᠢᠰᠢ ᠤᠤ︖ ᠪᠤᠴᠠᠬᠤ | ᠦᠶᠡ ᠳᠤ ᠴᠢᠨᠤ ᠨᠢᠳᠤᠨ ᠳᠤ ᠨᠢᠯᠪᠤᠰᠤ ᠪᠦᠷᠬᠦᠬᠦᠯᠡᠷ ᠨᠠᠳᠠ ᠳᠤ ᠪᠤᠯᠳᠠᠭ ᠰᠠᠨ ᠪᠣᠯ ᠴᠢᠮᠠ ᠶᠢ ᠪᠤᠴᠠᠭᠠᠭᠠᠳ | ᠠᠪᠠᠴᠢᠴᠢᠬᠠᠮᠠᠷ ᠰᠠᠨᠠᠭᠳᠠᠭᠰᠠᠨ᠃ ᠬᠡᠳᠡᠯᠠ ᠲᠠᠷᠠᠭᠠ ᠬᠠᠪᠤᠷ ᠨᠢ ᠲᠠᠯᠢᠮ ᠲᠠᠭᠠᠷᠠᠭᠤᠯᠵᠤ ᠴᠢᠮᠠ ᠶᠢ ᠦᠵᠡᠬᠦ ᠪᠠᠷ | ᠤᠴᠢᠬᠤ ᠳᠤ ᠴᠢ ︽ᠰᠠᠶᠢᠨ ᠤᠤ︖ ᠮᠡᠨᠳᠤ ᠤᠤ︖︾ ᠴᠤ ᠦᠬᠡᠢ ᠬᠠᠯᠵᠠ ᠤᠴᠠᠷᠠᠵᠤ ᠠᠪᠳᠠᠭ ᠢᠶᠠᠨ ᠠᠪᠤᠮᠠᠭᠴᠠ | ᠬᠢᠴᠢᠶᠡᠯ ᠶᠠᠭᠠᠷᠠᠤ ᠶᠢᠨ ᠰᠢᠯᠳᠠᠭ ᠢᠶᠠᠷ ᠴᠤᠭ ᠨᠢᠬᠡ ᠤᠳᠠᠭᠠ ᠬᠤᠭᠤᠯᠠ ᠴᠦ ᠢᠳᠡᠭᠰᠡᠨ ᠦᠬᠡᠢ ᠪᠠᠷ ᠨᠠᠮᠠ ᠶᠢ | ᠰᠤᠷᠭᠠᠭᠤᠯᠢ ᠶᠢᠨ ᠡᠬᠦᠳᠡᠨ ᠠᠴᠠ ᠪᠠᠨ ᠪᠤᠴᠠᠭᠠᠯᠠ᠃ ᠶᠠᠭᠠᠬᠢᠶᠠ ᠬᠡᠬᠦ ᠪᠢᠯᠡ︕ ᠠᠪᠤ ᠡᠵᠢ ᠴᠢᠨᠢ ᠮᠠᠯᠴᠢᠨ ᠬᠦᠮᠦᠨ᠂ | ᠴᠢᠨᠤ ᠬᠢᠷᠢ ᠮᠡᠳᠡᠯᠬᠡ ᠦᠬᠡᠢ᠃ ᠬᠡᠪᠡᠴᠤ ᠪᠢᠳᠡ ᠰᠤᠷᠬᠤ ᠲᠤᠷᠠ ᠦᠬᠡᠢ ᠳᠤ ᠪᠠᠨ ᠡᠶᠢᠮᠦ ᠪᠤᠯᠤᠭᠰᠠᠨ ᠪᠢᠰᠢ ᠰᠢᠤ᠂ | ᠬᠠᠷᠢᠨ ᠴᠦᠪ ᠤᠨ ᠴᠠᠭ ᠲᠤᠬᠢᠶᠠᠯᠳᠤᠵᠤ ᠪᠡᠶᠡ ᠶᠢᠨ ᠭᠠᠷᠤᠯ᠂ ᠤᠯᠤᠰ ᠲᠦᠷᠦ ᠶᠢᠨ ᠢᠯᠡᠷᠡᠯ ᠬᠡᠬᠦᠴᠢᠯᠡᠨ ᠡᠳᠡᠬᠡᠳ | ᠨᠦᠬᠦᠴᠡᠯ ᠳᠤ ᠬᠠᠷᠰᠢᠯᠠᠭᠳᠠᠭᠰᠠᠨ ᠢ ᠴᠢ ᠶᠠᠭᠤᠨ ᠮᠡᠳᠡᠬᠦ ᠪᠤᠢ︖ ᠮᠠᠨ ᠤ ᠬᠢᠨ ᠬᠡᠵᠤ ᠮᠠᠯ ᠢᠶᠠᠨ ᠲᠦᠰᠢᠵᠤ᠂ | ᠨᠠᠷᠠ ᠪᠠᠨ ᠬᠠᠷᠠᠵᠤ ᠠᠮᠢᠳᠤᠷᠠᠳᠠᠭ ᠤᠯᠤᠰ᠂ ᠢᠯᠡᠬᠦᠴᠢᠯᠡᠵᠤ ᠬᠤᠷᠢᠶᠠᠭᠰᠠᠨ ᠬᠦᠷᠦᠩᠬᠡ ᠵᠤᠵᠠᠭᠠᠨ ᠦᠬᠡᠢ ᠪᠤᠯᠪᠠᠴᠤ | ᠠᠮᠢᠳᠦᠷᠠᠯ ᠳᠤ ᠪᠠᠨ ᠬᠦᠷᠴᠢᠬᠡᠬᠦ ᠪᠠᠷ ᠬᠤᠭᠰᠢᠯ ᠲᠠᠢ ᠠᠶᠢᠯ ᠶᠤᠮ᠃ ᠨᠢᠬᠡ ᠡᠳᠦᠷ ᠴᠢᠨᠤ ᠢᠯᠡᠬᠡᠭᠰᠡᠨ ᠵᠠᠬᠢᠳᠠᠯ ᠢ | ᠰᠠᠨᠠᠮᠰᠠᠷ ᠦᠬᠡᠢ ᠭᠠᠷᠳᠠᠬᠤ ᠭᠱᠠᠨ ᠳᠤ ᠪᠢᠳᠡ ᠬᠤᠶᠠᠷ ᠰᠤᠷᠭᠠᠭᠤᠯᠢ ᠲᠠᠪᠰᠢᠭ᠍ᠰᠡᠨ ᠠᠴᠠ ᠴᠢᠨᠢ ᠦᠬᠡᠷᠡ ᠦᠬᠡᠢ | ᠪᠠᠶᠠᠷᠯᠠᠪᠠ᠃ ᠬᠡᠳᠡᠯᠠ ᠴᠢ ᠵᠠᠬᠢᠳᠠᠯ ᠳᠤ ᠪᠠᠨ ︽ᠨᠡᠶᠢᠬᠡᠮ ᠬᠦᠭᠵᠢᠵᠤ ᠪᠠᠶᠢᠨᠠ᠂ ᠮᠠᠨ ᠤ ᠬᠢᠨ ᠬᠤᠴᠤᠷᠴᠤ | ᠪᠠᠶᠢᠨᠠ︾ ᠬᠡᠬᠦᠴᠢᠯᠡᠨ ᠰᠡᠴᠡᠷᠬᠡᠭᠰᠡᠨ ᠦᠬᠡ ᠪᠠᠨ ᠲᠤᠪᠴᠢᠬᠠᠨ ᠪᠢᠴᠢᠬᠡᠳ ᠬᠡᠷ ᠲᠤ ᠤᠳᠠᠰᠤ ᠤᠷᠤᠭᠤᠯᠬᠤ ᠶᠢ | ᠬᠡᠴᠡᠬᠦᠦ ᠱᠠᠭᠠᠷᠳᠠᠵᠤ ᠪᠢᠯᠡ᠃ ᠪᠢᠳᠡ ᠬᠤᠶᠠᠷ ᠵᠤᠵᠠᠭᠠᠨ ᠢᠶᠠᠨ ᠨᠢᠮᠬᠡᠯᠡᠵᠤ ᠪᠠᠶᠢᠭᠠᠳ ᠴᠢᠨᠤ ᠰᠠᠨᠠᠭᠠ ᠶᠢ | ᠬᠦᠢᠴᠡᠳᠬᠡᠭᠰᠡᠨ᠃ ᠡᠬᠦᠨ ᠠᠴᠠ ᠬᠤᠶᠢᠰᠢ ᠴᠢᠨᠤ ᠤᠳᠠᠰᠤ ᠶᠢ ᠲᠤᠰᠬᠤ ᠪᠤᠯᠭᠠᠨ ᠪᠠᠶᠠᠷᠯᠠᠳᠠᠭ ᠪᠤᠯᠪᠠᠴᠤ | ᠰᠡᠬᠦᠯ ᠳᠤ ᠪᠠᠨ ᠪᠦᠷ ᠰᠢᠷᠬᠢᠳᠡᠭ ᠪᠤᠯᠤᠯᠠ᠃ ᠵᠤᠭᠤᠰᠤᠨ ᠤ ᠵᠠᠬᠢᠶᠠᠯᠯᠠᠭᠠ ᠦᠬᠡᠢ ᠪᠣᠯ ᠬᠡᠷ ᠴᠢᠨᠢ ᠴᠢᠮᠠ ᠳᠤ ᠬᠡᠷᠡᠭ | ᠦᠬᠡᠢ ᠪᠤᠯᠤᠭᠰᠠᠨ ᠮᠡᠳᠤ ᠰᠠᠨᠠᠭᠳᠠᠨᠠ᠃ ᠤᠳᠠᠰᠤ ᠪᠠᠷ ᠴᠦ ᠪᠤᠯᠤᠭ ᠴᠢᠮᠠ ᠲᠠᠢ ᠢᠯᠡᠬᠦᠦ ᠬᠡᠳᠦᠨ ᠦᠬᠡ | ᠰᠤᠯᠢᠯᠴᠠᠪᠠᠯ ᠪᠢᠳᠠᠨ ᠤ ᠰᠡᠳᠬᠢᠯ ᠲᠡᠨᠢᠢᠴᠢᠬᠡᠨᠡ ᠬᠡᠵᠤ ᠰᠠᠨᠠᠳᠠᠭ᠃ ᠰᠤᠷᠤᠯᠭᠠ ᠡᠨᠡ ᠲᠡᠷᠡ ᠬᠡᠵᠤ ᠡᠬᠢᠯᠡᠭᠰᠡᠬᠡᠷ ᠴᠢ | ᠲᠤᠤᠷᠠᠬᠠᠨ ᠢᠶᠠᠨ ᠪᠢᠳᠡᠨ ᠤ ᠠᠮᠠ ᠶᠢ ᠬᠠᠭᠠᠴᠢᠬᠠᠨᠠ᠃ ᠠᠷᠭᠠ ᠦᠬᠡᠢ ᠪᠢᠳᠡ ᠰᠤᠶᠤᠯ ᠦᠬᠡᠢ᠃ ᠶᠠᠭᠤ | ᠬᠡᠨᠡ᠄ ︽ᠦᠢ ᠲᠦᠮᠡᠨ ᠴᠡᠷᠢᠭ ᠮᠤᠷᠢ ᠭᠠᠭᠴᠠ ᠶᠠᠪᠠᠭᠠᠨ ᠬᠦᠬᠦᠷᠬᠡ ᠪᠠᠷ ᠦᠩᠬᠡᠷᠡᠬᠦ ᠴᠠᠭ ᠪᠤᠴᠠᠯᠳᠠ ᠦᠬᠡᠢ | ᠪᠤᠯᠤᠭᠰᠠᠨ᠂ ᠬᠡᠪ ᠴᠢᠨᠠᠷ ᠢᠶᠠᠨ ᠲᠡᠬᠡᠭᠰᠢᠯᠡᠬᠦᠯᠵᠤ᠂ ᠬᠤᠵᠢᠮ ᠦᠪᠡᠷ ᠤᠨ ᠦᠷᠳᠡᠭ ᠢᠶᠠᠨ ᠨᠡᠶᠢᠬᠡᠮ ᠳᠤ ᠬᠡᠷᠡᠴᠢᠯᠡᠬᠦᠯᠬᠦ | ᠶᠤᠮ︾ ᠬᠡᠨᠡ᠃ ᠰᠢᠨᠡ ᠮᠡᠷᠬᠡᠵᠢᠯ ᠤᠨ ᠲᠤᠰᠬᠠᠢ ᠪᠤᠯᠪᠠᠰᠤᠷᠠᠯ ᠤᠨ ᠠᠩᠬᠢ ᠳᠤ ᠤᠷᠤᠨᠠ ᠬᠡᠳ ᠭᠠᠭᠴᠠ ᠯᠠ | ᠵᠤᠭᠤᠰ ᠲᠤᠳᠠᠵᠤ ᠪᠠᠶᠢᠭᠠ ᠬᠡᠵᠤ ᠱᠠᠯᠠᠬᠤ ᠳᠤ ᠬᠤᠭᠤᠯᠠᠢ ᠵᠠᠩᠬᠢᠷᠠᠵᠤ ᠪᠢᠯᠡ᠃ ᠰᠡᠬᠦᠯᠡᠷ ᠴᠢᠨᠤ ᠵᠠᠷᠤᠳᠠᠯ | ᠲᠠᠬᠢᠨ ᠢᠶᠠᠷ ᠶᠡᠬᠡᠰᠦᠬᠡᠳ ᠪᠠᠶᠢᠬᠤ ᠳᠤ ︽ᠶᠠᠭᠤ ᠴᠦ ᠪᠤᠯᠪᠠ︾ ᠬᠡᠵᠤ ᠡᠷᠡᠬᠡᠯᠵᠡᠯ ᠲᠦᠷᠦᠳᠡᠭ ᠪᠤᠯᠪᠠᠴᠤ ᠬᠦᠤ ᠪᠠᠨ | ᠬᠢᠯᠢᠰᠳᠡᠬᠦᠯᠬᠦ ᠨᠢ ᠬᠡᠵᠤ ᠪᠡᠶᠡ ᠪᠠᠨ ᠪᠤᠷᠤᠭᠤᠳᠬᠠᠵᠤ ᠪᠤᠳᠤᠯ ᠢᠶᠠᠨ ᠬᠤᠷᠢᠶᠠᠳᠠᠭ ᠪᠤᠯᠤᠭᠰᠠᠨ᠃ ᠬᠡᠵᠢᠶᠡ | ᠬᠤᠶᠢᠨᠠ ᠨᠢ ᠠᠩᠬᠢ ᠶᠢᠨ ᠡᠷᠬᠢᠯᠡᠭᠴᠢ ᠶᠢᠨ ᠴᠢᠨᠢ ᠤᠳᠠᠰᠤ ᠠᠴᠠ ᠴᠢᠨᠤ ᠪᠠᠶᠢᠳᠠᠯ ᠢ ᠤᠶᠢᠯᠠᠭᠠᠯᠠ᠃ ᠬᠦᠤ ᠮᠢᠨᠢ᠂ | ᠠᠮᠠᠨ ᠤ ᠰᠦ ᠴᠢᠨᠢ ᠠᠷᠢᠯᠤᠭᠠᠳᠤᠢ᠂ ᠠᠯᠠᠭ ᠵᠤᠩᠭᠠᠭ ᠴᠢᠨᠢ ᠬᠠᠳᠠᠭᠠᠳᠤᠢ ᠪᠠᠷ ᠶᠠᠭᠤᠨ ᠤ ᠬᠢᠨ ᠬᠤᠩᠭᠤᠷ ᠨᠠᠶᠢᠵᠠ | ᠪᠤᠯᠵᠤᠵᠤ᠂ ᠬᠤᠭᠤᠯᠠᠨ ᠬᠡᠷ᠂ ᠬᠤᠷᠰᠢᠶᠠ ᠲᠡᠯᠬᠡᠬᠦᠷ᠂ ᠬᠤᠷᠢᠭᠠᠳᠤ ᠲᠤᠭᠯᠠᠭᠠᠮ ᠢᠶᠠᠷ ᠡᠷᠬᠢᠯᠳᠦᠬᠦᠯᠬᠦ ᠨᠢ | ᠭᠠᠷᠴᠢᠬᠠᠪᠠ︖ ᠪᠤᠯᠪᠠᠰᠤᠷᠠᠯ ᠬᠡᠳᠡᠯᠠ ᠮᠡᠷᠬᠡᠵᠢᠯ ᠤᠨ ᠠᠩᠬᠢ ᠶᠢᠨ ᠴᠢᠨᠢ ︽ᠰᠦᠢᠳᠬᠡᠯ︾ ᠨᠢ ᠡᠨᠡ ᠬᠡᠵᠢ ᠤᠤ︖ | ᠡᠳᠡᠬᠡᠷ ᠵᠤᠭᠤᠰ ᠢ ᠠᠪᠤ ᠡᠵᠢ ᠴᠢᠨᠢ ᠪᠢᠳᠡ ᠬᠤᠶᠠᠷ᠂ ᠰᠦ ᠲᠠᠢ ᠴᠠᠢ ᠪᠠᠨ ᠬᠠᠷᠠ ᠪᠠᠷ ᠤᠤᠭᠤᠵᠤ᠂ ᠠᠶᠠᠭᠠ ᠲᠠᠢ | ᠬᠤᠭᠤᠯᠠ ᠪᠠᠨ ᠰᠢᠩᠬᠡᠨ ᠢᠶᠠᠷ ᠢᠳᠡᠵᠤ᠂ ᠲᠡᠯᠡᠢ ᠪᠠᠨ ᠴᠢᠩᠭᠠᠯᠠᠨ ᠠᠷᠪᠢᠯᠠᠵᠤ ᠪᠠᠶᠢᠭᠠᠳ ᠤᠯᠵᠤ ᠶᠠᠪᠤᠭᠤᠯᠤᠭᠰᠠᠨ | ᠰᠢᠤ︕ ᠨᠡᠩ ᠴᠦ ᠬᠠᠷᠠᠮᠰᠠᠯᠳᠠᠢ ᠨᠢ ᠡᠨᠡ ᠦᠶᠡ ᠪᠠᠷ ᠡᠵᠢ ᠴᠢᠨᠢ ᠡᠯᠢᠬᠡᠨ ᠲᠠᠭᠰᠢᠭᠤᠷ ᠲᠤ ᠨᠡᠷᠪᠡᠭᠳᠡᠵᠤ ᠬᠤᠶᠠᠷ | ᠰᠠᠷᠠ ᠰᠢᠬᠠᠮ ᠡᠮᠨᠡᠯᠬᠡ ᠳᠤ ᠬᠡᠪᠳᠡᠬᠦ ᠳᠤ ᠬᠦᠯ ᠮᠠᠭᠤᠳᠠᠢ ᠪᠢ ᠭᠠᠭᠴᠠᠭᠠᠷ ᠠᠯᠢ ᠠᠯᠢᠨ ᠳᠤ ᠪᠠᠨ ᠴᠦ ᠵᠠᠪᠳᠤᠯ | ᠦᠬᠡᠢ ᠪᠤᠯᠵᠤ ᠠᠷᠭᠠ ᠪᠤᠰᠤ ᠬᠦᠴᠦᠨ ᠤ ᠬᠦᠮᠦᠨ ᠵᠠᠷᠤᠭᠰᠠᠨ᠃ ᠲᠠᠬᠦᠨ ᠤ ᠬᠦᠯᠦᠰᠤ ᠮᠦᠩᠬᠦ ᠶᠢ ᠤᠳᠤ ᠪᠤᠯᠳᠠᠯᠠ | ᠦᠭᠴᠤ ᠪᠠᠷᠠᠭᠠᠳᠤᠢ᠂ ᠡᠳᠦᠷ ᠤᠨ ᠮᠠᠷᠭᠠᠰᠢ ᠨᠡᠬᠡᠯ ᠳᠤ ᠪᠤᠷᠪᠢᠳᠠᠭᠤᠯᠵᠤ ᠪᠠᠶᠢᠨᠠ᠃ ᠡᠳᠡᠬᠡᠷ ᠢ ᠴᠢ ᠬᠡᠷᠬᠢᠨ ᠮᠡᠳᠡᠬᠦ | ᠪᠢᠯᠡ︖ ᠠᠢ ᠳ᠋ᠠ᠂ ᠬᠦᠬᠡᠷᠦᠬᠦᠢ ᠮᠢᠨᠢ︕ ︽ᠨᠤᠮ ᠢ ᠨᠢ ᠰᠤᠷᠬᠤ ᠦᠬᠡᠢ ᠴᠦ ᠨᠤᠮᠤᠬᠠᠨ ᠢ ᠨᠢ ᠰᠤᠷ︾ ᠬᠡᠵᠤ | ᠪᠠᠶᠢᠳᠠᠭ ᠰᠢᠤ᠂ ᠴᠢ ᠬᠡᠷᠪᠡ ᠬᠦᠮᠦᠨ ᠤ ᠬᠡᠦᠬᠡᠳ ᠤᠨ ᠵᠡᠷᠬᠡ ᠦᠩᠬᠡ ᠲᠠᠢ᠂ ᠦᠬᠡᠳᠡ ᠲᠠᠢ ᠶᠠᠪᠤᠬᠤ ᠳᠤ ᠬᠦᠷᠪᠡᠯ | ᠡᠷᠡᠦ ᠪᠠᠷ ᠢᠶᠠᠨ ᠮᠦᠯᠬᠦᠭᠰᠡᠨ ᠴᠦ ᠠᠪᠤ ᠡᠵᠢ ᠴᠢᠨᠢ ᠭᠤᠮᠤᠳᠠᠯ ᠦᠬᠡᠢ ᠶᠤᠮ ᠰᠢᠤ︕ | ᠤᠬᠠᠭᠠᠨ ᠤᠷᠤᠬᠤ ᠶᠢ ᠴᠢᠨᠢ ᠬᠦᠰᠡᠶᠡ︕ | ᠠᠪᠤ ᠠᠴᠠ ᠴᠢᠨᠢ | × × ᠤᠨ ᠤ × × ᠰᠠᠷᠠ ᠶᠢᠨ × × ᠡᠳᠦᠷ | ᠵᠤᠬᠢᠶᠠᠯ ᠢ ᠤᠩᠰᠢᠭᠠᠳ ᠪᠠᠷᠠᠮᠠᠭᠴᠠ ᠵᠤᠩᠬᠢ ᠤᠯᠠᠨ ᠡᠴᠢᠬᠡ ᠡᠬᠡ ᠳᠤ ᠶᠠᠭᠤ ᠨᠢᠬᠡ ᠶᠢ ᠪᠤᠳᠤᠭᠤᠯᠬᠤ | ᠬᠡᠬᠦ ᠳᠤ ᠵᠢᠭᠠᠯ ᠤᠯᠠᠨ ᠦᠷᠡ ᠬᠡᠦᠬᠡᠳ ᠨᠢ ᠴᠦ ᠶᠠᠮᠠᠷ ᠨᠢᠬᠡ ᠶᠢ ᠰᠡᠳᠬᠢᠬᠦ ᠨᠢ ᠰᠤᠨᠢᠨ ᠲᠠᠢ ᠳ᠋ᠠ᠃ | ᠡᠨᠡᠷᠢᠯ ᠶᠡᠬᠡᠳᠡᠢ ᠡᠴᠢᠬᠡ ᠡᠬᠡ ᠡ︕ ᠡᠶᠡ ᠵᠤᠬᠢᠴᠠᠯᠳᠤ ᠡᠨᠡ ᠨᠡᠶᠢᠬᠡᠮ ᠡ︕ ᠡᠩᠬᠦᠷᠡᠢ ᠬᠡᠦᠬᠡᠳ ᠲᠤ ᠪᠠᠨ | ᠡᠯᠪᠡᠷᠢᠯ ᠤᠨ ᠬᠦᠮᠦᠵᠢᠯ ᠢ ᠶᠡᠬᠡᠬᠡᠨ ᠬᠢᠶᠡ︕ ᠡᠨᠡᠷᠢᠯ ᠢ ᠨᠢ ᠬᠦᠷᠳᠡᠭᠰᠡᠨ ᠰᠤᠷᠤᠭᠴᠢ ᠨᠦᠬᠦᠳ ᠡ᠂ ᠡᠯᠪᠡᠷᠢᠯ | ᠬᠦᠢᠴᠡᠳᠬᠡᠬᠦ ᠶᠢ ᠪᠤᠤ ᠯᠠ ᠮᠠᠷᠳᠠᠶᠠ︕ | ᠠᠵᠢᠯᠯᠠᠵᠤ ᠪᠠᠶᠢᠭᠠ ᠪᠠᠶᠢᠭᠤᠯᠭᠠ᠄ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ | ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠰᠤᠷᠭᠠᠭᠤᠯᠢ | ︵ᠠᠯᠳᠠᠨᠰᠦ᠋ᠭᠡ ᠨᠠᠶᠢᠷᠠᠭᠤᠯᠪᠠ︶ | 2023.1 ᠳ᠋ᠦ᠋ᠭᠡᠷ ᠬᠤᠭᠤᠴᠠᠭᠠ | | | |