| | — ᠬᠤᠨᠭ᠍ᠭᠤᠷ ᠤᠨ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠦᠢᠯᠠᠰ ᠲᠤ ᠬᠤᠶᠠᠷ ᠦᠭᠡᠢ | ᠰᠡᠳᠬᠢᠯ ᠢᠶᠠᠷ ᠵᠢᠳᠭᠦᠭᠰᠡᠨ ᠬᠠᠶᠢᠷᠠᠳᠤ ᠠᠵᠠᠢ ᠮᠦᠮᠦ ᠳᠤ ᠪᠠᠨ ᠵᠤᠷᠢᠭᠤᠯᠪᠠ | | ᠰ᠊ · ᠪᠠᠶᠠᠨᠴᠠᠭᠠᠨ | | | ᠰᠢᠨᠠ ᠲᠢᠳᠢᠮᠯᠢᠭ ᠸᠢᠷᠦ᠋ᠰ ᠤᠨ ᠠᠶᠢᠳᠠᠰ ᠲᠤ ᠤᠯᠤᠰ ᠲᠠᠶᠠᠭᠠᠷ ᠢᠶᠠᠨ ᠠᠪᠳᠠᠵᠤ᠂ ᠭᠡᠷ ᠲᠤ ᠪᠠᠨ ᠪᠦᠭᠦᠭᠦ | ᠢᠷᠭᠡᠨ ᠤ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠭᠦᠢᠴᠡᠳᠭᠡᠵᠦ ᠰᠠᠭᠤᠬᠤ ᠵᠠᠭᠤᠷᠠ᠂ ᠨᠢᠭᠡᠨ ᠦᠷᠯᠦᠭᠡ ᠨᠠᠶᠠᠨ ᠨᠠᠰᠤ ᠶᠢ | ᠵᠤᠭᠤᠭᠯᠠᠵᠤ ᠪᠠᠶᠢᠭᠠ ᠮᠦᠮᠦ ᠠᠴᠠ ᠮᠢᠨᠢ᠄ ︽ᠤ ᠪᠠᠭᠰᠢ ᠰᠠᠶᠢᠨ ᠤᠤ︖ ᠪᠢ ᠬᠤᠨᠭ᠍ᠭᠤᠷ ᠤᠨ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ | ᠲᠤᠬᠠᠢ ᠨᠤᠮ ᠭᠠᠷᠭᠠᠬᠤ ᠪᠠᠷ ᠤᠷᠤᠯᠳᠤᠵᠤ ᠪᠤᠢ᠃ ᠰ᠊ · ᠪᠠᠶᠠᠨᠴᠠᠭᠠᠨ ᠠᠴᠠ ᠲᠠᠨᠳᠠ ᠰᠤᠷᠤᠯᠴᠠᠵᠤ ᠪᠠᠶᠢᠭᠰᠠᠨ | ᠲᠤᠪᠴᠢᠬᠠᠨ ᠡᠷᠬᠢᠴᠠᠭᠦᠯᠦᠯ ᠤᠯᠬᠤ ᠰᠠᠨᠠᠭᠠᠳᠠᠢ᠃ ᠲᠡᠭᠦᠨ ᠳᠤ ᠴᠢᠯᠦᠭᠡ ᠪᠠᠶᠢᠳᠠᠬ ᠪᠢᠯᠡ ᠤᠤ︖ ᠲᠠ ᠠᠰᠠᠭᠤᠵᠤ | ᠦᠵᠠᠨᠠᠤ︖︾ ᠭᠡᠰᠡᠨ ᠴᠦᠢᠵᠢ ᠪᠠᠭᠰᠢ ᠠᠴᠠ ᠢᠷᠡᠭᠰᠡᠨ ᠸᠢᠴᠠᠲ ᠢ ᠨᠠᠳᠠᠳᠤ ᠲᠠᠷᠠ ᠭᠡᠪ ᠢᠶᠠᠷ ᠨᠢ ᠲᠠᠮᠵᠢᠭᠤᠯᠤᠨ | ᠢᠷᠡᠭᠦᠯᠵᠤ ᠪᠢᠯᠡ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠲᠠᠪᠢ ᠭᠠᠷᠤᠢ ᠬᠤᠨᠤᠬ ᠦᠡᠭᠭᠡᠷᠡᠵᠦ᠂ ᠲᠤᠮᠳᠠ ᠨᠢ ᠮᠦᠮᠦ ᠮᠢᠨᠢ | ᠨᠠᠳᠠ ᠳᠤ᠄ ︽ᠪᠢᠴᠢᠭᠡᠳ ᠲᠠᠭᠤᠰᠴᠤ ᠪᠠᠶᠢᠨᠠ ᠤᠤ︖ ᠴᠦᠢᠵᠢ ᠪᠠᠭᠰᠢ ᠴᠢᠨᠢ ᠠᠰᠠᠭᠤᠵᠤ ᠪᠠᠶᠢᠨᠠ ᠰᠢᠤ︾ ᠭᠡᠵᠦ | ᠠᠩᠬᠠᠷᠤᠭᠤᠯᠵᠤ ᠪᠠᠶᠢᠭᠰᠠᠨ ᠤᠳᠠᠭᠠ ᠲᠠᠢ᠃ ᠤᠤᠯ ᠨᠢ ᠮᠢᠨᠦ ᠬᠤᠪᠢ ᠳᠤ ᠡᠨᠡᠭᠡᠨ ᠵᠦᠢᠯ ᠢ ᠪᠢᠴᠢᠵᠤ ᠶᠠᠳᠠᠭᠠᠳ | ᠪᠠᠶᠢᠬᠤ ᠵᠦᠢᠯ ᠦᠭᠡᠢ ᠭᠡᠳᠤᠭᠡᠨ ᠴᠠᠭ ᠲᠤ ᠪᠢᠴᠢᠭᠡᠳ ᠲᠤᠰᠢᠶᠠᠴᠢᠬᠠᠬᠤ ᠲᠠᠭᠠᠭᠠᠯᠭᠠᠪᠤᠷᠢ᠃ ᠭᠡᠳᠡᠯᠠ᠂ ᠦᠭᠡᠢ ᠶᠤᠮ | ᠪᠠᠶᠢᠨᠠ᠂ ︽ᠬᠤᠨᠭ᠍ᠭᠤᠷ ᠤᠨ ᠰᠤᠷᠭᠠᠨ ᠭᠦᠮᠦᠵᠢᠯ︾ — ᠡᠨᠡ ᠰᠠᠳᠤᠪ ᠮᠢᠨᠦ ᠠᠵᠠᠢ ᠮᠦᠮᠦ ᠶᠢᠨ ᠵᠠᠯᠠᠭᠤ ᠬᠠᠯᠠᠭᠤᠨ | ᠨᠠᠰᠤᠨ ᠤ ᠬᠢᠨᠢ ᠬᠤᠷᠢᠭᠠᠳ ᠵᠢᠯ᠂ ᠮᠢᠨᠦ ᠪᠠᠭᠠ ᠨᠠᠰᠤ ᠁ ᠲᠠᠷᠠ ᠴᠡᠭ ᠲᠤ ᠪᠠᠨ ᠬᠤᠨᠭ᠍ᠭᠤᠷ ᠤᠨ ᠰᠤᠷᠭᠠᠨ | ᠭᠦᠮᠦᠵᠢᠯ ᠲᠠᠢ ᠭᠦᠢ ᠶᠢᠨ ᠬᠤᠯᠪᠤᠭᠠ ᠲᠠᠢ ᠤᠴᠢᠷ ᠪᠢ ᠪᠢᠷ ᠢᠶᠠᠨ ᠪᠠᠷᠢᠵᠤ ᠪᠢᠴᠢᠭᠦ ᠭᠡᠵᠦ ᠲᠠᠪᠢ ᠭᠠᠷᠤᠢ ᠬᠤᠨᠤᠬ | ᠪᠤᠯᠤᠯᠠ᠃ ᠨᠢᠭᠡ ᠬᠤᠨᠤᠭ ᠨᠢ ᠮᠢᠨᠦ ᠠᠮᠢᠳᠤᠷᠠᠯ ᠤᠨ ᠲᠤᠭᠤᠯᠵᠤ ᠢᠷᠡᠭᠰᠡᠨ ᠨᠢᠭᠡ ᠵᠢᠯ᠂ ᠪᠢ ᠲᠦᠷᠤᠯᠬᠢ ᠨᠤᠳᠤᠭ᠂ | ᠲᠦᠷᠤᠯᠬᠢ ᠰᠤᠷᠭᠠᠭᠤᠯᠢ᠂ ᠠᠶᠢᠯ ᠤᠨ ᠬᠢᠨ ᠤ ᠪᠠᠨ ᠲᠤᠬᠠᠢ ᠤᠯᠠᠨ ᠢ ᠡᠷᠬᠢᠴᠠᠭᠦᠯᠦᠨ ᠪᠤᠳᠤᠵᠤ᠂ ᠡᠷᠬᠢᠴᠠᠭᠦᠯᠦᠯ ᠤᠨ | ᠭᠦᠨ ᠤᠷᠤᠭᠤ᠂ ᠤᠷᠢᠳ ᠨᠢ ︽ᠪᠠᠶᠠᠨᠪᠤᠯᠠᠬ ᠠᠴᠠ ᠪᠡᠭᠡᠵᠢᠩ ᠭᠦᠷᠭᠦ ᠵᠠᠮ ᠳᠤ︾ ᠭᠡᠵᠦ ᠪᠢᠴᠢᠵᠤ ᠪᠠᠶᠢᠭᠰᠠᠨ ᠪᠤᠯ | ᠤᠳᠤ ᠪᠡᠭᠡᠵᠢᠩ ᠠᠴᠠ ᠪᠠᠶᠠᠨᠪᠤᠯᠠᠬ ᠤᠷᠤᠭᠤ ᠡᠷᠬᠢᠨ ᠡᠷᠬᠢᠨ ᠤᠴᠢᠵᠤ ᠪᠠᠶᠢᠯᠠ ᠁ | ᠨᠤᠳᠤᠭ ᠢᠶᠠᠨ ᠪᠢ ᠤᠡᠭᠰᠢᠵᠤ ᠦᠡᠭᠭᠡᠷᠡᠭᠰᠡᠨ ᠨᠤᠮ ᠭᠡᠵᠦ ᠪᠤᠳᠤᠵᠤ ᠶᠠᠪᠤᠭᠰᠠᠨ ᠶᠤᠮ᠂ ᠦᠭᠡᠢ ᠶᠤᠮ ᠪᠠᠶᠢᠨᠠ᠃ | ᠨᠤᠳᠤᠭ ᠭᠡᠵᠦ ᠤᠡᠭᠰᠢᠬᠤ ᠪᠤᠯᠭᠠᠨ ᠰᠢᠨᠠ ᠰᠠᠨᠠᠭᠠ ᠰᠢᠨᠠ ᠠᠭᠤᠯᠭᠠ ᠵᠦᠢᠴᠢᠯᠠᠵᠤ ᠤᠯᠳᠠᠬ ᠨᠠᠰᠤᠨ ᠲᠤᠷᠰᠢᠳᠠ | ᠤᠡᠭᠰᠢᠬᠤ ᠶᠤᠰᠤᠳᠠᠢ ᠨᠤᠮ ᠶᠤᠮ ᠪᠠᠶᠢᠨᠠ᠃ ᠨᠤᠳᠤᠬ — ᠨᠤᠮ ᠢ ᠳᠠᠬᠢᠨ ᠲᠠᠬᠢᠨ ᠤᠡᠭᠰᠢᠵᠤ᠂ ᠯᠠᠪᠯᠠᠵᠤ | ᠲᠤᠩᠭᠠᠵᠤ ᠡᠨᠡ ᠲᠠᠰᠬᠠᠯ ᠢᠶᠠᠨ ᠬᠢᠵᠤ ᠰᠠᠭᠤᠨᠠ ᠪᠢ᠃ | ︽ᠰᠠᠶᠢᠳᠤᠷ ᠰᠤᠷᠤᠯᠴᠠᠵᠤ᠂ ᠡᠳᠦᠷ ᠠᠴᠠ ᠡᠳᠦᠷ ᠦᠭᠡᠳᠡᠯᠡ︾ ᠭᠡᠳᠡᠭ ᠮᠠᠤ ᠲᠡᠷᠢᠭᠦᠯᠡᠭᠴᠢ ᠶᠢᠨ ᠡᠨᠡ | ᠪᠢᠴᠢᠭᠡᠰᠤ ᠨᠠᠳᠠ ᠠᠴᠠ ᠠᠷᠪᠠᠨ ᠵᠢᠷᠭᠤᠭᠠ ᠲᠤᠯᠤᠭᠠ ᠠᠬᠠ᠃ ᠦᠭᠦᠯᠡᠭᠳᠡᠭᠦᠨ ᠦᠭᠡᠢ ᠡᠨᠡ ᠰᠤᠷᠭᠠᠯ ᠦᠭᠡ ᠶᠢ | ᠭᠡᠯᠡ ᠵᠦᠢ ᠶᠢᠨ ᠡᠭᠦᠳᠠᠨ ᠠᠴᠠ ᠶᠠᠷᠢᠬᠤ ᠶᠤᠮ ᠪᠤᠯ ᠡᠵᠡᠨ ᠪᠠᠶᠠ ᠦᠭᠡᠢ ᠮᠠᠳᠤ ᠪᠤᠯᠪᠠᠴᠤ ᠬᠠᠷᠢᠨ ᠴᠦ ᠪᠦᠭᠦ | ᠬᠦᠮᠦᠨ ᠳᠤ ᠵᠤᠷᠢᠭᠤᠯᠤᠭᠳᠠᠭᠰᠠᠨ᠂ ᠭᠡᠵᠢᠶᠠ ᠴᠦ ᠤᠳᠬᠠ ᠨᠢ ᠬᠠᠭᠤᠴᠢᠷᠠᠳᠠᠬ ᠦᠭᠡᠢ ᠪᠠᠷ ᠢᠶᠠᠨ ᠭᠠᠶᠢᠬᠠᠮᠰᠢᠬᠳᠠᠢ᠃ | ᠪᠢ ᠪᠤᠳᠤᠵᠤ ᠤᠯᠤᠭᠰᠠᠨ ᠤᠯᠠᠨ ᠭᠠᠷᠴᠠᠬ ᠲᠤᠮᠳᠠ ᠠᠴᠠ ᠪᠠᠶᠠᠨᠪᠤᠯᠠᠬ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠬᠢᠴᠢᠶᠡᠯ ᠤᠨ | ᠭᠡᠷ ᠤᠨ ᠬᠠᠨᠠᠨ ᠳᠤ ᠬᠢ ᠡᠨᠡ ᠪᠢᠴᠢᠭᠡᠰᠤ ᠪᠠᠷ ᠵᠤᠬᠢᠶᠠᠯ ᠢᠶᠠᠨ ᠭᠠᠷᠴᠠᠭᠯᠠᠬᠤ ᠪᠠᠷ ᠰᠢᠢᠳᠤᠯᠠ᠃ | ︽ᠰᠠᠶᠢᠳᠤᠷ ᠰᠤᠷᠤᠯᠴᠠᠵᠤ᠂ ᠡᠳᠦᠷ ᠡᠳᠦᠷ ᠠᠴᠠ ᠦᠭᠡᠳᠠᠯᠠ︕︾ ᠭᠡᠭᠦ ᠡᠨᠡ ᠦᠭᠦᠯᠠᠪᠤᠷᠢ ᠶᠢ ᠰᠤᠷᠤᠭᠴᠢ | ᠶᠠᠪᠤᠬᠤ ᠳᠤ ᠪᠠᠨ ᠨᠢᠭᠡ ᠶᠡᠭᠡ ᠶᠠᠭᠤᠮᠠ ᠪᠤᠯᠭᠠᠵᠤ ᠤᠬᠠᠵᠤ ᠮᠠᠳᠠᠷᠠᠵᠤ ᠪᠠᠶᠢᠭᠰᠠᠨ ᠦᠭᠡᠢ᠃ ᠵᠦᠭᠡᠷ ᠯᠡ ᠤᠯᠤᠰ | ᠲᠦᠷᠦ ᠶᠢᠨ ᠤᠷᠢᠶᠠ ᠲᠠᠳᠤᠢ ᠤᠡᠭᠰᠢᠵᠤ ᠶᠠᠪᠤᠵᠤ ᠳ᠋ᠠ᠂ ᠤᠳᠤ ᠲᠤᠩᠭᠠᠵᠤ ᠪᠤᠳᠤᠬᠤᠯᠠᠷ ᠰᠤᠷᠤᠭᠴᠢ | ᠠᠬᠤᠢ ᠳᠤ ᠪᠠᠨ ᠰᠠᠶᠢᠳᠤᠷ ᠰᠤᠷᠤᠯᠴᠠᠪᠠᠯ᠂ ᠡᠳᠦᠷ ᠠᠴᠠ ᠡᠳᠦᠷ ᠦᠭᠡᠳᠡᠯᠡᠨᠡ᠂ ᠠᠵᠢᠯ ᠠᠮᠢᠳᠤᠷᠠᠯ ᠤᠨ ᠮᠦᠷ | ᠭᠦᠭᠡᠭᠡᠭᠦ ᠳᠤ ᠡᠳᠤᠷ ᠠᠴᠠ ᠡᠳᠦᠷ ᠦᠭᠡᠳᠠᠯᠠᠶᠠ ᠭᠡᠪᠡᠯ ᠰᠠᠶᠢᠳᠤᠷ ᠰᠤᠷᠤᠯᠴᠠ ᠭᠡᠰᠡᠨ ᠰᠠᠨᠠᠭᠠ ᠪᠠᠶᠢᠭᠰᠠᠨ ᠠᠵᠤᠭᠤ᠃ | ᠪᠠᠶᠠᠨᠪᠤᠯᠠᠬ ᠮᠠᠨᠢ ᠪᠠᠶᠠᠨᠪᠤᠯᠠᠬ ᠪᠠᠭᠠ ᠰᠤᠷᠭᠠᠭᠤᠯᠢ ᠲᠠᠢ ᠪᠠᠶᠢᠬᠤ ᠳᠤ ᠨᠢ ᠲᠦᠴᠢᠨ ᠭᠡᠳᠤᠨ ᠵᠢᠯ ᠤᠨ ᠡᠮᠦᠨᠡᠬᠢ | ᠨᠢᠭᠡ ᠨᠠᠮᠤᠷ ᠤᠨ ᠦᠷᠯᠦᠭᠡ ᠪᠢ ᠰᠤᠷᠤᠭᠴᠢ ᠨᠢ ᠪᠤᠯᠵᠤ᠂ ᠵᠢᠩᠬᠢᠨᠢ ᠠᠷᠠᠳ ᠤᠨ ᠰᠤᠷᠭᠠᠭᠤᠯᠢ ᠭᠡᠳᠡᠭ ᠤᠨ ᠠᠯᠳᠠᠨ | ᠪᠤᠱᠤᠭᠠ ᠪᠠᠷ ᠨᠢ ᠠᠯᠬᠤᠵᠤ ᠤᠷᠤᠭᠰᠠᠨ ᠶᠤᠮ᠃ ᠮᠠᠨ ᠤ ᠰᠤᠷᠭᠠᠭᠤᠯᠢ ᠬᠤᠨᠭ᠍ᠭᠤᠷ ᠤᠪᠤᠭᠠ᠂ | ᠪᠤᠷᠤᠬᠤᠰᠢᠭᠤ ᠶᠢᠨ ᠬᠢᠨ ᠲᠠᠢ ᠨᠠᠶᠢᠯᠠᠭᠡᠳ ᠬᠤᠷᠢ ᠭᠤᠴᠢᠭᠠᠳ ᠰᠤᠷᠤᠭᠴᠢ ᠲᠠᠢ᠂ ᠮᠢᠨᠦ ᠠᠵᠠᠢ ᠮᠦᠮᠦ ᠶᠢ | ᠪᠠᠭᠳᠠᠭᠠᠭᠠᠳ 4～5 ᠪᠠᠭᠰᠢ ᠲᠠᠢ ᠠᠶᠢᠯ ᠤᠨ ᠰᠤᠷᠭᠠᠭᠤᠯᠢ ᠪᠠᠶᠢᠵᠤ ᠪᠢᠯᠡ᠃ ᠠᠳᠠ ᠪᠢ ︽ᠪᠠᠶᠢᠵᠤ ᠪᠢᠯᠡ︾ ᠶᠢ | ᠦᠡᠭᠭᠡᠷᠡᠭᠰᠡᠨ ᠴᠠᠬ ᠤᠨ ᠤᠳᠬᠠ ᠪᠠᠷ ᠨᠢ ᠪᠤᠰᠤ᠂ ᠨᠢᠭᠡᠨᠳᠠ ᠰᠤᠷᠭᠠᠭᠤᠯᠢ ᠮᠢᠨᠢ ᠲᠠᠳᠠᠨ ᠪᠠᠭᠤᠭᠳᠠᠭᠠᠳ ᠪᠠᠶᠢᠬᠤ | ᠦᠭᠡᠢ ᠪᠤᠯᠤᠭᠰᠠᠨ ᠲᠤᠯᠠ ︽ᠪᠠᠶᠢᠵᠤ ᠪᠢᠯᠡ︾ ᠭᠡᠵᠦ ᠲᠤᠳᠤᠳᠬᠠᠵᠤ ᠪᠠᠶᠢᠭᠠ ᠶᠤᠮ᠃ ᠴᠠᠭ ᠬᠤᠭᠤᠴᠠᠭᠠ ᠤᠯᠠᠨ | ᠰᠠᠶᠢᠬᠠᠨ ᠠᠶᠢᠯ ᠤᠨ ᠰᠤᠷᠭᠠᠭᠤᠯᠢ ᠨᠤᠭᠤᠳ ᠢ ᠠᠪᠴᠤ ᠤᠳᠤᠵᠤ ᠳ᠋ᠠ᠃ ᠴᠠᠭ ᠬᠤᠭᠤᠴᠠᠭᠠ ᠭᠡᠵᠦ ᠲᠠ ᠴᠠᠭ | ᠬᠤᠭᠤᠴᠠᠭᠠᠨ ᠤ ᠰᠤᠷᠠᠬ ᠢ ᠪᠢᠰᠢ᠂ ᠴᠠᠭ ᠬᠤᠭᠤᠴᠠᠭᠠ ᠲᠠᠨ ᠤ ᠰᠤᠷᠠᠬ ᠢ ᠭᠠᠷᠭᠠᠵᠤ ᠡᠬᠢᠯᠡᠭᠦ ᠶᠤᠮ ᠭᠡᠳᠡᠭ ᠦᠨᠡᠨ | ᠶᠤᠮᠰᠠᠨᠵᠠᠢ᠃ | ᠪᠠᠶᠠᠨᠪᠤᠯᠠᠬ ᠮᠠᠨ ᠤ ᠠᠶᠢᠯ᠃ ᠬᠤᠶᠢᠨᠠ ᠠᠴᠠ ᠪᠠᠨ ᠡᠮᠦᠨᠡᠰᠢ ᠪᠠᠨ ᠰᠤᠨᠢᠶᠠᠭᠰᠠᠨ᠂ ᠰᠤᠷᠭᠠᠭᠤᠯᠢ ᠪᠤᠯᠤᠨ | ᠪᠠᠷᠢᠭᠠᠳᠠ ᠨᠢ ᠲᠤᠮᠳᠠ ᠭᠡᠰᠡᠭ ᠲᠤ ᠪᠠᠨ᠂ ᠪᠠᠷᠠᠭᠤᠨ ᠲᠠᠯᠠ ᠳᠤ ᠪᠠᠨ ᠪᠠᠶᠠᠨ ᠪᠤᠯᠠᠬ ᠨᠢ᠂ ᠪᠤᠯᠠᠬ ᠤᠨ ᠢᠶᠠᠨ ᠤᠷᠢᠳᠠᠢ | ᠵᠢᠵᠢᠭᠭᠡᠨ ᠲᠠᠷᠢᠶᠠᠨ ᠲᠠᠯᠠᠪᠠᠢ ᠲᠠᠢ᠂ ᠭᠤᠴᠢᠭᠠᠳ ᠡᠷᠦᠭᠡ ᠲᠠᠢ ᠠᠶᠢᠯ᠃ ᠠᠶᠢᠯ ᠮᠠᠨᠢ ᠬᠤᠨᠭ᠍ᠭᠤᠷ ᠰᠤᠮᠤᠨ ︵ᠭᠦᠡᠭᠱᠧ︶ | ᠤ ᠪᠠᠨ ᠤᠷᠢᠳᠤ ᠭᠡᠰᠡᠭ ᠲᠤ᠂ ᠬᠤᠨᠭ᠍ᠭᠤᠷ ᠰᠤᠮᠤ ᠮᠢᠨᠢ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠪᠠᠨ ᠤᠷᠢᠳᠤ ᠭᠡᠰᠡᠭ ᠲᠤ | ᠤᠷᠤᠰᠢᠳᠠᠬ᠃ ᠵᠢᠭᠠᠬᠠᠨ ᠪᠤᠶᠢᠳᠠ᠂ ᠲᠦᠪ ᠰᠠᠭᠤᠷᠢᠨ ᠠᠴᠠ ᠪᠠᠨ ᠠᠯᠤᠰᠯᠠᠭᠳᠠᠭᠰᠠᠨ ᠰᠤᠮᠤᠨ ᠤ ᠨᠢᠭᠡᠨ ᠲᠤᠰᠬᠤᠨ | ᠪᠢᠯᠡ᠃ ᠲᠦᠪ ᠰᠠᠭᠤᠷᠢᠨ ᠠᠴᠠ ᠠᠯᠤᠰᠯᠠᠭᠳᠠᠭᠰᠠᠨ ᠭᠠᠵᠠᠷ ᠤᠨ ᠬᠢᠨ ᠳᠤ ᠨᠢᠭᠡᠨ ᠨᠠᠶᠢᠳᠡᠯᠢᠭ ᠰᠢᠨᠵᠢ ᠪᠠᠶᠢᠳᠠᠬ ᠭᠡᠵᠦ | ᠪᠢ ᠪᠤᠳᠤᠳᠠᠬ᠃ ᠲᠠᠷᠠ ᠨᠢ ᠲᠦᠪ ᠰᠠᠭᠤᠷᠢᠨ ᠤᠷᠤᠭᠤ ᠲᠠᠮᠡᠤᠯᠭᠦ᠂ ᠲᠦᠪ ᠰᠠᠭᠤᠷᠢᠨ ᠤ ᠭᠦᠮᠦᠰ ᠲᠤ ᠲᠤᠤᠷᠠᠳᠠᠬᠤ | ᠦᠭᠡᠢ ᠶᠠᠪᠤᠬᠤ ᠭᠡᠳᠡᠭ ᠶᠠᠪᠤᠬᠤ ᠭᠡᠳᠡᠭ ᠪᠤᠳᠤᠯ ᠡᠪᠦᠷᠯᠡᠵᠦ ᠶᠠᠪᠤᠳᠠᠬ ᠲᠤᠯᠠ ᠢᠯᠠᠭᠦᠦ ᠲᠠᠮᠠᠤᠯᠤᠯ ᠲᠠᠢ ᠭᠦᠮᠦᠰ | ᠪᠠᠶᠢᠳᠠᠬ ᠰᠢᠬ ᠪᠠᠶᠢᠭᠠ ᠶᠤᠮ᠃ ᠮᠠᠨ ᠤ ᠠᠶᠢᠯ ᠰᠤᠷᠭᠠᠭᠤᠯᠢ ᠲᠠᠢ ᠪᠠᠶᠢᠭᠰᠠᠨ᠃ ᠰᠤᠷᠭᠠᠭᠤᠯᠢ ᠭᠡᠳᠡᠭ ᠭᠦᠮᠦᠨ | ᠭᠦᠮᠦᠵᠢᠭᠦᠯᠳᠡᠭ᠂ ᠭᠦᠮᠦᠵᠢᠯ ᠲᠠᠢ ᠭᠦᠮᠦᠨ ᠦᠢᠯᠠᠳᠪᠤᠷᠢᠯᠠᠳᠡᠭ ᠭᠠᠵᠠᠷ ᠪᠤᠶᠤ᠃ ᠰᠤᠷᠭᠠᠭᠤᠯᠢ ᠲᠠᠢ ᠭᠠᠵᠠᠷ ᠤᠨ | ᠭᠦᠮᠦᠨ ᠠᠷᠠᠳ ᠨᠢ ᠭᠡᠭᠡᠯᠢᠭ᠂ ᠴᠤᠭᠯᠢᠬ ᠪᠠᠶᠢᠳᠠᠬ᠃ ᠰᠤᠷᠭᠠᠭᠤᠯᠢ ᠨᠤᠳᠤᠬ ᠤᠨ ᠴᠢᠮᠡᠭ᠂ ᠨᠤᠳᠤᠭ ᠨᠢ | ᠰᠤᠷᠭᠠᠭᠤᠯᠢ ᠪᠠᠷ ᠢᠶᠠᠨ ᠭᠤᠶᠤᠳᠠᠬ᠂ ᠬᠠᠮᠤᠭ ᠤᠨ ᠭᠤᠶᠤ ᠭᠤᠶᠤᠯᠠᠯ ᠨᠢ ᠴᠦ ᠰᠤᠷᠭᠠᠭᠤᠯᠢ ᠨᠢ ᠪᠠᠶᠢᠳᠠᠬ᠃ | ᠰᠤᠷᠭᠠᠭᠤᠯᠢ ᠭᠡᠳᠡᠭ ᠶᠡᠭᠡᠮᠰᠦᠭ ᠤᠷᠤᠰᠢᠬᠤᠢ᠂ ᠪᠠᠭᠰᠢ ᠭᠡᠳᠡᠭ ᠡᠷᠬᠢᠮᠰᠦᠭ ᠪᠤᠳᠠᠭᠠᠯᠢ᠃ ᠰᠤᠷᠤᠭᠴᠢ ᠭᠡᠳᠡᠭ ᠨᠤᠳᠤᠭ᠂ | ᠰᠤᠷᠭᠠᠭᠤᠯᠢ᠂ ᠪᠠᠭᠰᠢ ᠶᠢᠨ ᠬᠠᠮ ᠪᠦᠳᠦᠭᠡᠭᠦᠢ᠃ | ᠭᠦᠮᠦᠨ ᠤ ᠠᠮᠢᠳᠤᠷᠠᠯ ᠭᠡᠵᠦ ᠨᠢᠭᠡ ᠴᠡᠭ ᠠᠴᠠ ᠴᠢᠨᠠᠭᠰᠢ ᠪᠠᠨ ᠬᠢᠵᠠᠭᠠᠷ ᠦᠭᠡᠢ ᠦᠷᠭᠦᠯᠵᠢᠯᠡᠭᠦ ᠰᠠᠴᠤᠷᠠᠬ | ᠪᠤᠶᠤ᠃ ᠪᠠᠶᠠᠨᠪᠤᠯᠠᠬ ᠪᠠᠭᠠ ᠰᠤᠷᠭᠠᠭᠤᠯᠢ ᠮᠢᠨᠦ ᠠᠮᠢᠳᠤᠷᠠᠯ ᠤᠨ ᠭᠠᠷᠤᠭᠠᠨ ᠤ ᠰᠠᠴᠤᠷᠠᠭᠰᠠᠨ ᠴᠢᠭ᠃ ᠠᠳᠠ ᠪᠦᠭᠦ | ᠶᠠᠭᠤᠮᠠ ᠪᠠᠶᠢᠭᠰᠠᠨ᠂ ᠪᠦᠭᠦ ᠶᠠᠭᠤᠮᠠ ᠰᠠᠶᠢᠬᠠᠨ ᠪᠠᠶᠢᠭᠰᠠᠨ ᠡ ᠁ | ᠨᠤᠳᠤᠬ ᠪᠤᠯᠭᠠᠨ ᠪᠠᠶᠢᠭᠠᠯᠢ᠂ ᠴᠠᠭ ᠠᠭᠤᠷ᠂ ᠦᠨᠳᠤᠰᠤ ᠤᠭᠰᠠᠭᠠ᠂ ᠲᠡᠦᠭᠡᠨ ᠵᠠᠮᠨᠠᠯ ᠵᠡᠷᠭᠡ ᠠᠴᠠ ᠪᠠᠨ | ᠪᠤᠯᠵᠤ᠂ ᠵᠠᠩ ᠵᠠᠩᠰᠢᠯ ᠨᠢ ᠦᠭᠡᠷᠠ ᠦᠭᠡᠷᠠ ᠪᠠᠶᠢᠳᠠᠬ᠃ ᠤᠳᠤ ᠶᠢᠨ ᠭᠡᠯᠡᠯᠭᠡ ᠪᠠᠷ ᠪᠤᠯ ᠨᠤᠳᠤᠭ ᠤᠨ ᠭᠧᠨ ᠨᠢ | ᠦᠭᠡᠷᠠ ᠦᠭᠡᠷᠠ ᠪᠠᠶᠢᠳᠠᠬ ᠠᠵᠤᠭᠤ᠃ ᠮᠤᠩᠭᠤᠯ ᠠᠷᠠᠳ ᠤᠨ ᠦᠯᠢᠭᠡᠷ᠂ ᠠᠮᠠᠨ ᠵᠤᠬᠢᠶᠠᠯ᠂ ᠤᠷᠳᠤ ᠶᠢᠨ ᠲᠠᠭᠤᠤ᠂ | ᠤᠨᠢᠰᠤᠭᠠ ᠲᠠᠭᠠᠪᠤᠷᠢ᠂ ᠲᠠᠭᠠᠷᠢᠯᠴᠠᠭᠠ᠂ ᠭᠡᠯᠠᠴᠠ ᠦᠭᠡ᠂ ᠵᠦᠢᠷ ᠰᠠᠴᠠᠨ ᠦᠭᠡ᠂ ᠶᠢᠷᠳᠢᠨᠴᠤ ᠶᠢᠨ ᠭᠤᠷᠪᠠ᠂ | ᠰᠤᠷᠭᠠᠯ ᠨᠤᠮᠯᠠᠯ ᠮᠤᠩᠭᠤᠯ ᠭᠦᠮᠦᠨ ᠳᠤ ᠪᠠᠶᠢᠳᠠᠬ ᠦᠪᠠᠷᠮᠢᠴᠠ ᠪᠠᠶᠠᠯᠢᠬ ᠰᠠᠨ᠃ ᠲᠠᠷᠠ ᠴᠢᠭ ᠢᠶᠠᠷ ᠢᠶᠠᠨ ᠰᠤᠷᠭᠠᠮᠵᠢ᠂ | ᠤᠶᠤᠨ ᠤᠬᠠᠭᠠᠨ᠂ ᠤᠬᠠᠭᠠᠷᠠᠯ᠂ ᠤᠶᠠᠷᠠᠯ᠂ ᠬᠠᠶᠢᠷᠠ᠂ ᠵᠢᠮᠠᠯᠠᠯ ᠪᠦᠭᠦᠳᠡ ᠪᠠᠭᠳᠠᠳᠠᠬ ᠠᠤᠭᠠ ᠶᠢᠷᠳᠢᠨᠴᠤ ᠳ᠋ᠠᠬ᠃ ᠡᠨᠡ | ᠪᠦᠭᠦᠨ ᠢ ᠪᠢ ᠪᠠᠶᠠᠨᠪᠤᠯᠠᠬ ᠠᠴᠠ ᠪᠠᠨ ᠰᠤᠷᠤᠭᠰᠠᠨ᠂ ᠦᠪᠯᠡᠭᠰᠡᠨ ᠡ᠃ ᠭᠧᠨ ᠭᠡᠰᠡᠨ ᠠᠴᠠ ᠮᠠᠨ ᠤ ᠠᠶᠢᠯ ᠤᠨ | ᠭᠧᠨ ᠳᠤ ᠡᠶᠢᠮᠦ ᠵᠦᠢᠯ ᠠᠩᠵᠠᠷᠠᠭᠳᠠᠳᠠᠬ᠃ ᠮᠠᠨ ᠤ ᠠᠶᠢᠯ ᠤᠨ ᠬᠢᠨ ᠳᠠᠷᠤᠭᠠ ᠲᠠᠭᠠᠭᠠᠮᠠᠯ ᠳᠤ ᠪᠤᠯᠬᠤᠷ ᠲᠠᠭᠠ | ᠦᠭᠡᠢ᠂ ᠪᠢᠯᠳᠠᠤᠴᠢ ᠰᠢᠷᠪᠠᠭᠠᠴᠢ ᠶᠢ ᠦᠵᠡᠨ ᠶᠠᠳᠠᠳᠠᠬ᠂ ᠨᠢᠭᠡᠨ ᠢᠶᠠᠨ ᠱᠤᠤᠯᠠᠬᠤ ᠲᠤᠷᠠᠳᠠᠢ᠂ ᠪᠠᠭᠠ ᠵᠡᠷᠭᠡ ᠶᠢᠨ | ᠰᠤᠷᠳᠤᠭᠠᠯᠠᠬᠤ ᠪᠤᠯ ᠪᠠᠶᠢᠵᠤ ᠪᠤᠯᠬᠤ ᠵᠦᠢᠯ ᠭᠡᠵᠦ ᠵᠦᠪᠰᠢᠶᠠᠷᠠᠳᠡᠭ ᠭᠦᠮᠦᠨ ᠵᠤᠨ ᠪᠢᠯᠡ᠃ ᠡᠨᠡ ᠵᠦᠢᠯ ᠤᠳ | ᠠᠶᠢᠯ ᠤᠨ ᠭᠧᠨ ᠪᠤᠯᠵᠤ ᠪᠦᠳᠦᠵᠤ ᠪᠦᠷᠢᠯᠳᠤᠵᠤ᠂ ᠰᠢᠨᠡᠴᠢᠯᠡᠭᠳᠡᠨ ᠦᠭᠡᠷᠡᠴᠢᠯᠡᠭᠳᠡᠵᠦ ᠪᠠᠶᠢᠳᠠᠬ ᠢᠶᠠᠷ ᠢᠶᠠᠨ ᠠᠶᠢᠯ | ᠮᠠᠨᠢ ᠲᠠᠪᠳᠠᠭᠳᠠᠰᠢ ᠦᠭᠡᠢ ᠤᠨᠴᠠᠯᠢᠬ ᠲᠠᠢ᠃ | ᠮᠢᠨᠦ ᠪᠠᠭᠠ ᠶᠢᠨ ᠦᠶᠠ ᠶᠢᠨ ᠨᠤᠳᠤᠭ ᠤᠨ ᠪᠤᠭᠤᠷᠤᠯ ᠲᠤᠮᠤᠭᠠᠳᠠᠳ ᠤᠨ ᠮᠠᠨᠢ ᠶᠡᠭᠡᠨᠭᠬᠢ ᠨᠢ ᠤᠳᠤ | ᠶᠢᠷᠳᠢᠨᠴᠤ ᠶᠢᠨ ᠵᠢᠮᠠ ᠪᠠᠷ ᠪᠤᠷᠬᠠᠨ ᠤ ᠤᠷᠤᠨ ᠤᠷᠤᠭᠤ ᠶᠠᠪᠤᠵᠤ ᠳ᠋ᠠ᠃ ᠲᠠᠳᠠ ᠪᠦᠭᠦᠳᠡᠭᠡᠷ ᠢᠶᠠᠨ ᠮᠢᠨᠦ | ᠬᠢᠴᠢᠶᠡᠯ ᠤᠨ ᠭᠠᠳᠠᠭᠤᠷ ᠤᠡᠭᠰᠢᠳᠠᠬ ᠮᠠᠰᠢ ᠰᠤᠨᠢᠷᠬᠠᠯᠳᠠᠢ᠂ ᠤᠡᠭᠰᠢᠬᠤ ᠲᠤᠳᠤᠮ ᠤᠬᠠᠭᠠᠷᠠᠯ ᠬᠠᠶᠢᠷᠠ ᠶᠠᠭᠤᠮᠠ | ᠶᠠᠭᠤᠮᠠ ᠦᠭᠳᠡᠭ ᠠᠭᠤᠳᠠᠯᠠᠭᠠᠳ ᠪᠠᠷᠠᠰᠢ ᠦᠭᠡᠢ ᠤᠶᠤᠨ ᠤ ᠠᠮᠢᠳᠤ ᠨᠤᠮ ᠨᠤᠭᠤᠳ ᠪᠠᠶᠢᠵᠤ ᠪᠢᠯᠡ᠃ | ᠪᠦᠭᠡᠨᠠᠰᠤᠳᠤ ᠨᠠᠰᠤᠳᠠᠨ ᠤ ᠶᠠᠳᠠᠭᠤ ᠶᠠᠳᠠᠭᠤᠯᠢᠬ ᠮᠠᠯᠴᠢᠨ ᠤ ᠲᠦᠯᠦᠭᠡᠯᠡᠭᠦ ᠲᠦᠷᠢ᠂ ᠪᠠᠽᠠᠷ ᠳᠠᠷᠤᠭᠠ ᠶᠢᠨ | ᠲᠦᠪ ᠰᠢᠯᠤᠭᠤᠨ ᠴᠢᠨᠠᠷ᠂ ᠷᠢᠭ᠍ᠵᠢᠪᠤᠤ ᠭᠤᠸᠠᠢ ᠶᠢᠨ ᠶᠦᠮᠦᠷᠯᠢᠭ ᠰᠠᠭᠡᠷᠡᠭᠦᠨ ᠰᠤᠷᠳᠤᠭᠤ᠂ ᠬᠠᠯᠴᠠᠭᠠᠢ ᠭᠤᠸᠠᠢ ᠶᠢᠨ | ᠮᠦᠷ ᠢᠶᠠᠷ ᠢᠶᠠᠨ ᠪᠠᠶᠢᠳᠠᠬ ᠰᠠᠶᠢᠬᠠᠨ ᠵᠠᠩ᠂ ᠶᠤᠨᠳᠤᠬᠤᠳᠤ ᠭᠤᠸᠠᠢ ᠶᠢᠨ ᠠᠵᠢᠯᠰᠠᠬ ᠨᠠᠮᠠᠭᠤᠨ ᠠᠭᠠᠯᠢ᠂ ᠬᠠᠷᠠᠭᠦᠦ | ᠭᠤᠸᠠᠢ ᠶᠢᠨ ᠶᠡᠭᠡᠮᠰᠦᠭ ᠲᠠᠷᠤᠭᠠ ᠴᠢᠷᠠᠢ᠂ ᠯᠾᠮᠤ ᠡᠪᠦᠭᠡᠨ ᠤ ᠪᠦᠭᠦᠳᠠ ᠶᠢ ᠬᠠᠮᠢᠶᠠᠷᠬᠤ ᠠᠷᠠᠨᠰᠢᠨ᠂ ᠴᠦᠢᠵᠢ | ᠪᠠᠭᠰᠢ ᠶᠢᠨ ᠬᠢᠨᠠᠭᠤᠷ ᠯᠠᠪᠳᠠᠭᠤᠨ ᠰᠢᠢᠳᠤᠯ ︵ᠨᠤᠳᠤᠭ ᠤᠨ ᠬᠢᠨ ᠳᠤ ᠪᠠᠨ ᠪᠦᠭᠦᠳᠠ ᠳᠤ ᠨᠢ ᠬᠠᠶᠢᠷᠠᠳᠠᠢ ᠰᠢᠤ᠂ ᠠᠳᠠ | ᠨᠠᠷᠠ ᠶᠢ ᠨᠢ ᠨᠢᠭᠡ ᠨᠢᠭᠡ ᠪᠠᠷ ᠲᠤᠷᠠᠳᠤᠭᠠ ᠦᠭᠡᠢ ᠳᠤ ᠭᠤᠮᠤᠳᠠᠬᠤ ᠦᠭᠡᠢ ᠭᠡᠳᠡᠭ ᠲᠤ ᠢᠳᠡᠭᠡᠨᠡ︶᠂ | ᠪᠠᠷᠢᠭᠠᠳᠠ ᠶᠢᠨ ᠮᠤᠷᠢᠨ ᠲᠡᠷᠭᠡ᠂ ᠲᠷᠠᠺᠲ᠋ᠤᠷ᠂ ᠰᠠᠩ ᠭᠦᠮᠦᠷᠭᠡᠨ ᠭᠡᠷ᠂ ᠭᠦᠷᠢᠶᠡᠨ ᠳᠤ ᠬᠤᠷᠢᠭᠠᠳᠠᠢ ᠪᠠᠶᠢᠳᠠᠬ | ᠬᠤᠴᠠ ᠨᠤᠭᠤᠳ ᠁ ᠡᠨᠡ ᠪᠦᠭᠦᠳᠠ ᠨᠠᠶᠢᠯᠡᠭᠡᠳ ᠮᠠᠨ ᠤ ᠠᠶᠢᠯ᠃ | ᠲᠠᠷᠠ ᠦᠶᠠ ᠶᠢᠨ ᠪᠠᠭᠰᠢ ᠳᠤ ᠵᠢᠭᠠᠬᠤ ᠦᠭᠡᠢ ᠬᠢᠴᠢᠶᠡᠯ ᠭᠡᠵᠦ ᠦᠭᠡᠢ᠃ ᠭᠡᠯᠡ᠂ ᠲᠤᠭᠠ᠂ ᠳᠠᠭᠤᠤ᠂ ᠲᠠᠮᠢᠷ᠂ | ᠭᠦᠳᠠᠯᠮᠤᠷᠢ ᠶᠠᠭᠤᠮᠠ ᠶᠠᠭᠤᠮᠠ ᠵᠢᠭᠠᠨᠠ᠃ ᠰᠤᠷᠤᠭᠴᠢ ᠪᠢᠳᠠ ᠴᠦ ᠶᠠᠭᠤᠮᠠ ᠶᠠᠭᠤᠮᠠ ᠯᠠ ᠰᠤᠷᠴᠤ ᠪᠠᠶᠢᠭᠰᠠᠨ᠃ | ᠨᠢᠭᠡ ᠶᠡᠭᠡ ᠬᠢᠴᠢᠶᠡᠯ ᠲᠠᠰᠬᠠᠯ ᠳᠤ ᠪᠠᠨ ᠳᠠᠷᠤᠭᠳᠠᠭᠠᠳ ᠭᠤᠨᠢᠵᠤ ᠭᠤᠳᠤᠷᠠᠳᠠᠬ ᠦᠭᠡᠢ ᠯᠡ ᠪᠠᠶᠢᠭᠰᠠᠨ᠃ ᠬᠢᠴᠢᠶᠡᠯ | ᠲᠠᠷᠬᠠᠭᠠᠳ ᠲᠠᠷᠠᠰᠤᠨ ᠲᠤᠮᠳᠠ ᠨᠢᠭᠤᠭᠳᠠᠵᠤ ᠨᠠᠭᠠᠳᠤᠨᠠ᠃ ᠭᠤᠤᠯᠳᠠᠭᠤ ᠬᠤᠶᠠᠷ ᠲᠠᠯᠠ ᠪᠤᠯᠵᠤ ᠪᠠᠶᠢᠯᠳᠤᠵᠤ | ᠲᠤᠭᠯᠠᠨᠠ᠂ ᠮᠦᠨ ᠴᠦ ᠶᠡᠭᠡ ᠪᠠᠶᠢᠯᠳᠤᠵᠤ ᠲᠠᠶᠢᠰᠤᠨ ᠢᠶᠠᠨ ᠳᠠᠷᠤᠭᠠᠳ ᠲᠠᠷᠬᠠᠨ ᠴᠤᠯᠠ ᠪᠠᠨ ᠬᠠᠮᠠᠭᠠᠯᠠᠵᠤ ᠴᠦ | ᠪᠠᠶᠢᠯᠠ᠂ ᠪᠠᠰᠠ ᠢᠯᠠᠭᠳᠠᠵᠤ ᠤᠯᠵᠠᠯᠠᠭᠳᠠᠵᠤ ᠴᠦ ᠪᠠᠶᠢᠯᠠ᠃ ᠪᠠᠶᠢᠯᠳᠤᠵᠤ ᠬᠠᠨᠤᠳᠠᠬ ᠦᠭᠡᠢ ᠪᠠᠶᠢᠯᠳᠤᠭᠠᠨ ᠳᠤ ᠲᠤᠩ | ᠴᠦ ᠪᠡᠯᠡᠨ ᠪᠠᠶᠢᠭᠰᠠᠨ ᠭᠡᠤᠭᠡᠳ ᠤᠳ ᠪᠠᠶᠢᠵᠤ ᠯᠡ ᠳ᠋ᠠ ᠮᠠᠨ ᠤ ᠦᠶᠠ ᠶᠢᠨ ᠬᠢᠨ᠃ ᠴᠠᠭ ᠦᠶᠠ ᠶᠢᠨ ᠢᠮ ᠲᠠᠮᠠᠭᠠ | ᠭᠡᠵᠦ ᠡᠭᠦᠨ ᠢ ᠭᠡᠯᠡᠳᠡᠭ ᠪᠠᠶᠢᠬᠠ᠃ | ᠮᠢᠨᠦ ᠠᠵᠠᠢ ᠮᠦᠮᠦ ᠮᠢᠨᠦ ᠪᠠᠭᠰᠢ᠂ ᠪᠠᠰᠠ ᠪᠤᠶᠠᠨᠭᠡᠰᠢᠭ᠂ ᠲᠤᠷᠵᠢᠮᠠ ᠭᠡᠵᠦ ᠰᠠᠶᠢᠬᠠᠨ ᠬᠤᠶᠠᠷ ᠪᠠᠭᠰᠢ ᠠᠴᠠ | ᠨᠤᠮ ᠤᠨ ᠳᠠᠭᠤ ᠰᠤᠨᠤᠰᠴᠤ ᠪᠠᠶᠢᠯᠠ᠃ ᠰᠤᠷᠭᠠᠭᠤᠯᠢ ᠲᠠᠢ ᠠᠶᠢᠯ ᠤᠨ ᠭᠡᠢ ᠮᠤᠷᠢ ᠯᠤᠩᠳᠠ᠂ ᠭᠡᠤᠭᠡᠳ ᠤᠳ ᠤᠨ | ᠬᠢᠨᠢ ᠬᠤᠪᠢ ᠲᠠᠪᠢᠯᠠᠩ ᠦᠭᠡᠳᠠ ᠪᠠᠨ ᠪᠠᠶᠢᠳᠠᠬ᠃ ᠶᠤᠰᠤᠳᠠᠢ ᠯᠠ ᠮᠤᠩᠭᠤᠯ ᠤᠯᠤᠰ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ | ᠲᠦᠪ ᠪᠠᠶᠢᠷᠢ ᠶᠢᠨ ᠲᠡᠭᠡᠷᠡᠬᠢ ︽ᠡᠷᠳᠠᠮ ᠤᠨ ᠭᠡᠳᠠ ᠴᠠᠬᠢᠪᠠᠰᠤ᠂ ᠭᠦᠭᠵᠢᠯ ᠤᠨ ᠭᠠᠯ ᠪᠠᠳᠠᠷᠠᠮᠤᠢ︾ ᠭᠡᠳᠡᠭ | ᠪᠢᠴᠢᠭᠡᠰᠤ ᠶᠢᠨ ᠤᠴᠢᠷ ᠶᠤᠰᠤ ᠶᠢ ᠪᠠᠳᠤᠯᠠᠨ ᠨᠤᠳᠠᠯᠠᠬᠤ ᠮᠠᠳᠤ᠃ ᠮᠠᠨ ᠤ ᠠᠶᠢᠯ ᠰᠤᠷᠭᠠᠭᠤᠯᠢ ᠶᠢᠨ ᠦᠷᠠ | ᠦᠭᠭᠦᠭᠡᠵᠢ ᠶᠢ ᠮᠠᠳᠠᠷᠠᠳᠡᠭ᠂ ᠮᠠᠳᠡᠳᠡᠭ ᠭᠡᠭᠡᠷᠡᠭᠰᠡᠨ ᠠᠶᠢᠯ᠃ ᠠᠳᠠ ᠠᠴᠠ ᠲᠦᠷᠦᠭᠰᠡᠨ ᠤᠯᠠᠨ ᠰᠠᠶᠢᠬᠠᠨ | ᠭᠦᠪᠡᠭᠦᠳ ᠦᠬᠢᠳ ᠡᠷᠳᠠᠮ ᠰᠤᠶᠤᠯ ᠤᠨ ᠮᠦᠷ ᠭᠦᠭᠡᠭᠡᠵᠦ᠂ ᠨᠤᠳᠤᠭ ᠤᠨ ᠢᠶᠠᠨ ᠨᠠᠷᠠ ᠶᠢ ᠦᠨᠳᠤᠷ ᠲᠤ ᠡᠷᠭᠦᠵᠤ᠂ | ᠰᠡᠳᠬᠢᠯ ᠪᠠᠳᠠᠷᠠᠭᠤᠨ ᠭᠦᠳᠠᠯᠮᠤᠷᠢ ᠦᠢᠯᠠᠰ ᠢᠶᠠᠨ ᠴᠤᠭᠴᠠᠯᠠᠵᠤ ᠶᠠᠪᠤᠨᠠᠮ᠃ | ︽ᠭᠦᠮᠦᠨ ᠪᠤᠯᠬᠤ ᠪᠠᠭᠠ ᠠᠴᠠ ᠪᠠᠨ᠂ ᠭᠦᠯᠦᠭ ᠪᠤᠯᠬᠤ ᠤᠨᠠᠭᠠᠨ ᠠᠴᠠ ᠪᠠᠨ︾ ᠭᠡᠳᠡᠭ᠃ ᠪᠢ | ᠰᠤᠷᠭᠠᠭᠤᠯᠢ ᠨᠤᠭᠤᠳ ᠤᠨ ᠢᠶᠠᠨ ᠲᠤᠳᠤᠷᠠ ᠠᠴᠠ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠪᠠᠨ ᠢᠯᠠᠭᠦᠦ ᠬᠠᠶᠢᠷᠠᠳᠠᠢ᠃ ᠭᠦᠮᠦᠨ | ᠪᠤᠯᠵᠤ ᠲᠦᠯᠦᠪᠰᠢᠭᠦ᠂ ᠢᠷᠭᠡᠨᠰᠢᠭᠦ᠂ ᠨᠡᠶᠢᠭᠡᠮᠰᠢᠭᠦ ᠪᠦᠷ ᠯᠡ ᠡ᠊ᠨᠳᠠ ᠠᠴᠠ ᠡᠬᠢ ᠲᠠᠢ᠃ ᠺᠤᠮᠫᠢᠦ᠋ᠲ᠋ᠧᠷ ᠢᠶᠠᠷ ᠵᠢᠱᠢᠭᠦ | ᠶᠤᠮ ᠪᠤᠯ ᠪᠠᠭᠳᠠᠭᠠᠮᠵᠢ ᠶᠢ ᠨᠢ ᠪᠠᠭᠠ ᠰᠤᠷᠭᠠᠭᠤᠯᠢ ᠲᠤᠭᠳᠠᠭᠠᠵᠤ ᠦᠭᠭᠦᠭᠰᠡᠨ ᠭᠡᠷᠡᠭ᠂ ᠭᠦᠯᠦᠭ ᠢᠶᠠᠷ ᠵᠢᠱᠢᠭᠦ ᠶᠤᠮ | ᠪᠤᠯ ᠤᠢᠢᠷᠠ ᠶᠢᠨ ᠵᠠᠢ ᠳᠤ ᠲᠦᠷᠭᠡᠨ ᠲᠡᠪᠬᠢᠬᠤ ᠨᠢ ᠤᠤ︖ ᠬᠤᠯᠠ ᠶᠢᠨ ᠵᠠᠢ ᠳᠤ ᠲᠠᠭᠠᠭᠠᠮᠠᠭᠠᠢ ᠭᠦᠯᠦᠭ ᠪᠤᠯᠬᠤ ᠨᠢ | ᠤᠤ︖ ᠭᠡᠳᠡᠭ ᠨᠢ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠭᠠᠭᠤᠯᠢᠯᠠᠯ ᠠᠴᠠ ᠰᠢᠢᠳᠦᠭᠳᠡᠨᠡ ᠭᠡᠭᠦ ᠳᠤ ᠪᠤᠷᠤᠭᠤᠳᠠᠬᠤ ᠦᠭᠡᠢ | ᠪᠤᠯᠪᠠ ᠤᠤ︖ ᠪᠢ ᠢᠡᠭᠬᠢᠵᠤ ᠪᠤᠳᠤᠵᠤ᠂ ᠡᠭᠦᠨ ᠳᠤ ᠦᠨᠠᠮᠰᠢᠳᠡᠭ᠃ ᠭᠤᠷᠤᠬᠠ ᠪᠤᠯᠤᠨᠠ ᠤᠤ︖ ᠭᠤᠤᠯ ᠮᠦᠷᠠᠨ | ᠪᠤᠯᠤᠨᠠ ᠤᠤ︖ ᠲᠠᠩᠬᠢᠰ ᠲᠠᠯᠠᠢ ᠪᠤᠯᠤᠨᠠ ᠤᠤ︖ ᠪᠠᠭᠠ ᠰᠤᠷᠭᠠᠭᠤᠯᠢ ᠪᠤᠯ ᠡᠬᠢ ᠤᠨᠳᠤᠷᠤᠭᠠ ᠨᠢ ᠶᠤᠮ᠃ ᠪᠠᠭᠠ | ᠰᠤᠷᠭᠠᠭᠤᠯᠢ ᠶᠢ ᠪᠠᠰᠤᠵᠤ ᠦᠯᠦ ᠪᠤᠯᠬᠤ ᠰᠢᠯᠳᠠᠭᠠᠨ ᠡᠨᠡ ᠠᠵᠤᠭᠤ᠃ | ︽ᠰᠠᠶᠢᠨ ᠭᠦᠮᠦᠨ ᠤ ᠦᠷᠠ᠂ ᠰᠦᠳᠤ ᠭᠡᠭᠦᠦ ᠶᠢᠨ ᠤᠨᠠᠭᠠ︾ ᠭᠡᠳᠡᠭ ᠵᠦᠢᠷ ᠰᠠᠴᠠᠨ ᠦᠭᠡ ᠰᠠᠨᠠᠭᠠᠨ ᠳᠤ | ᠭᠡᠭᠡ ᠲᠠᠳᠠᠨ ᠪᠠᠭᠤᠵᠤ ᠪᠠᠶᠢᠨᠠ᠃ ᠪᠠᠭᠠᠷᠢᠨ ᠮᠢᠨᠢ ︽ᠰᠤᠶᠤᠯᠳᠤ ᠪᠠᠭᠠᠷᠢᠨ︾ ᠭᠡᠳᠡᠭ ᠠᠯᠳᠠᠷ ᠲᠠᠢ ᠶᠤᠮ ᠪᠢᠯᠠ᠃ | ᠡᠭᠦᠨ ᠳᠤ ᠦᠶᠠ ᠦᠶᠠ ᠶᠢᠨ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠲᠤᠪᠴᠢᠶᠠᠨ ᠲᠠᠷᠤᠭᠠ ᠨᠠᠷ ᠤᠨ ᠰᠡᠳᠬᠢᠯ ᠤᠨ ᠶᠡᠭᠡ ᠲᠠᠮᠢᠷ᠂ | ᠠᠯᠤᠰ ᠤᠨ ᠬᠠᠷᠠᠭᠠ᠂ ᠬᠤᠯᠠᠴᠢ ᠪᠤᠳᠤᠯ ᠪᠠᠰᠠ ᠰᠤᠷᠭᠠᠨ ᠭᠦᠮᠦᠵᠢᠭᠦᠯᠦᠭᠴᠢ ᠪᠠᠭᠰᠢ ᠨᠠᠷ ᠤᠨ ᠶᠡᠭᠡ ᠤᠬᠠᠭᠠᠨ᠂ | ᠤᠶᠤᠨ ᠤ ᠴᠢᠨᠰᠠᠭᠠ᠂ ᠲᠠᠭᠠᠭᠠᠮᠨᠭᠠᠢ ᠬᠠᠳᠠᠭᠤ ᠲᠠᠰᠪᠤᠷᠢ ︽ᠰᠤᠶᠤᠯᠳᠤ ᠪᠠᠭᠠᠷᠢᠨ︾ ᠤ ᠴᠡᠴᠡᠭᠯᠡᠯ ᠭᠦᠭᠵᠢᠯ ᠤᠨ | ᠠᠮᠢᠨ ᠰᠦᠨᠠᠰᠤ ᠨᠢ ᠶᠤᠮ᠃ ᠪᠠᠭᠠᠷᠢᠨ ᠳᠤ ᠬᠤᠨᠭ᠍ᠭᠤᠷ ᠲᠤ ᠰᠤᠶᠤᠯ ᠤᠨ ᠨᠠᠷᠠ ᠦᠭᠡᠢ ᠪᠠᠭᠠᠳᠤᠷ ᠤᠳ ᠤᠯᠠᠨ᠂ ᠡᠨᠡ | ᠤᠯᠠᠨ ᠨᠠᠷᠠ ᠦᠭᠡᠢ ᠪᠠᠭᠠᠳᠤᠷ ᠤᠳ ᠪᠤᠯ ᠨᠤᠳᠤᠭ ᠤᠨ ᠮᠠᠨᠢ ᠨᠤᠶᠠᠨ ᠨᠢᠷᠤᠭᠤ ᠨᠢ ᠶᠤᠮᠰᠠᠨ᠃ ᠰᠤᠷᠭᠠᠨ ᠭᠦᠮᠦᠵᠢᠯ ᠢ | ᠲᠡᠭᠡᠳᠤᠯᠠᠳᠡᠭ ᠠᠷᠠᠳ ᠲᠦᠮᠡᠨ ᠤ ᠪᠤᠶᠠᠨ ᠵᠠᠶᠠᠭᠠ ᠲᠡᠯᠭᠡᠷ ᠶᠡᠭᠡ᠃ | ᠰᠤᠷᠭᠠᠨ ᠭᠦᠮᠦᠵᠢᠯ ᠯᠠ ᠪᠠᠭᠠᠷᠢᠨ ᠤ ᠭᠦᠭᠵᠢᠯ᠂ ᠬᠤᠨᠭ᠍ᠭᠤᠷ ᠤᠨ ᠭᠦᠭᠵᠢᠯ ᠤᠨ ᠦᠨᠳᠤᠰᠤ ᠪᠠᠰᠠ ᠰᠠᠭᠤᠷᠢ | ᠭᠡᠵᠦ ᠬᠤᠶᠠᠷ ᠦᠭᠡᠢ ᠰᠡᠳᠬᠢᠯ ᠢᠶᠠᠷ ᠠᠷᠠᠳ ᠤᠨ ᠭᠡᠤᠭᠡᠳ ᠢ ᠰᠤᠶᠤᠨ ᠭᠡᠭᠡᠷᠡᠭᠦᠯᠵᠦ ᠶᠠᠪᠤᠭᠰᠠᠨ ᠡᠩ ᠤᠨ | ᠮᠦᠷᠳᠡᠭᠡᠨ ᠠᠭᠤᠤ ᠶᠠᠭᠡᠴᠤᠤᠯ ᠤᠨ ᠲᠤᠮᠳᠠ ᠮᠢᠨᠦ ᠠᠵᠠᠢ ᠮᠦᠮᠦ ᠪᠠᠭᠳᠠᠨᠠ᠃ ᠬᠤᠨᠭ᠍ᠭᠤᠷ ᠨᠤᠳᠤᠭ ᠤᠨ ᠭᠡᠳᠤᠨ | ᠦᠶᠠ ᠶᠢᠨ ᠬᠢᠨ ᠳᠤ ᠰᠤᠶᠤᠯ ᠡᠷᠳᠠᠮ᠂ ᠠᠮᠢᠳᠤᠷᠠᠯ ᠤᠨ ᠵᠠᠮ ᠮᠦᠷ ᠢ ᠵᠢᠭᠠᠵᠤ ᠴᠢᠭᠯᠡᠭᠦᠯᠵᠦ ᠦᠭᠭᠦᠭᠰᠡᠨ ᠭᠦᠨᠳᠤᠳᠠᠢ᠂ | ᠨᠠᠷᠠ ᠲᠦᠷᠦ ᠲᠠᠢ᠂ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠪᠠᠭᠰᠢ ᠶᠠᠪᠤᠭᠰᠠᠨ ᠨᠢ ᠬᠤᠨᠭ᠍ᠭᠤᠷ ᠲᠦᠮᠡᠨ ᠤ ᠰᠡᠳᠬᠢᠯ ᠳᠤ ᠬᠠᠳᠠᠭᠠᠳᠠᠢ᠃ | ᠴᠠᠭ ᠦᠶᠠ ᠶᠢᠨ ᠲᠠᠪᠠᠯᠭᠠ ᠤᠷᠢᠳ ᠤᠷᠢᠳ ᠠᠴᠠ ᠪᠠᠨ ᠭᠦᠴᠤᠳᠠᠢ᠂ ᠰᠢᠷᠦᠭᠦᠨ ᠪᠤᠯᠤᠭᠰᠠᠨ ᠢ ᠶᠠᠭᠠᠬᠢᠨᠠ᠂ | ᠮᠠᠨ ᠤ ᠬᠢᠨ ᠴᠢᠨᠢ ᠲᠠᠶᠢᠪᠤᠩ ᠠᠮᠤᠷ᠂ ︽ᠰᠠᠨᠠᠵᠤ ᠪᠠᠶᠢᠪᠠᠯ ᠪᠦᠳᠦᠨᠠ᠂ ᠰᠠᠵᠢᠯᠠᠵᠤ ᠪᠠᠶᠢᠪᠠᠯ ᠭᠦᠷᠦᠨᠠ︾ ᠭᠡᠳᠡᠭ | ᠤᠯᠤᠰ ᠶᠤᠮ᠂ ᠴᠠᠭ ᠦᠶᠠ ᠪᠢᠳᠠᠨ ᠢ ᠤᠢᠢᠷᠠ ᠤᠢᠢᠷᠠᠬᠠᠨ ᠶᠠᠩᠵᠤ ᠶᠠᠩᠵᠤ ᠪᠠᠷ ᠱᠠᠯᠠᠪᠳᠠᠬᠤ ᠪᠤᠯᠵᠤ ᠳ᠋ᠧ᠃ | ᠨᠢᠭᠡ ᠠᠮᠧᠷᠢᠺᠠ ᠡᠷᠳᠠᠮᠳᠠᠨ᠄ ︽ᠭᠡᠵᠢᠶᠠ ᠴᠦ ᠡᠶᠢᠮᠦ ᠤᠯᠠᠨ ᠤᠯᠤᠰ ᠤᠷᠤᠨ ᠵᠠᠬᠠ ᠵᠠᠭᠡᠯᠢ᠂ ᠬᠢᠯᠢ ᠬᠢᠵᠠᠭᠠᠷ᠂ | ᠤᠶᠤᠨ ᠰᠠᠨᠠᠭᠠ ᠪᠠᠨ ᠲᠠᠯᠡᠭᠡᠢ ᠶᠢᠷᠳᠢᠨᠴᠤ ᠳᠤ ᠨᠡᠭᠡᠭᠡᠵᠦ ᠪᠠᠶᠢᠭᠰᠠᠨ ᠦᠭᠡᠢ᠂ ᠲᠠᠯᠠᠭᠡᠢ ᠶᠢᠷᠳᠢᠨᠴᠤ ᠶᠢ | ᠲᠧᠭᠨᠦᠯᠤᠬᠢ ᠶᠢᠨ ᠭᠦᠭᠵᠢᠯ ᠤᠯᠠᠮ ᠵᠢᠵᠢᠭᠷᠡᠭᠦᠯᠵᠦ᠂ ᠰᠢᠨᠵᠢᠯᠡᠭᠦ ᠤᠬᠠᠭᠠᠨ ᠤ ᠬᠤᠷᠤᠭᠤᠨ ᠳᠡᠭᠡᠷᠠ ᠡᠷᠬᠢᠯᠳᠤᠭᠦ | ᠵᠢᠵᠢᠭᠭᠡᠨ ᠪᠦᠮᠪᠦᠭᠡ ᠲᠠᠢ ᠠᠳᠠᠯᠢᠬᠠᠨ ᠪᠤᠯᠭᠠᠵᠠᠢ︾ ᠭᠡᠵᠦ ᠦᠭᠦᠯᠡᠭᠰᠡᠨ ᠪᠠᠶᠢᠳᠠᠬ᠃ ᠡᠨᠡ ᠦᠨᠠᠨ ᠡ᠃ ᠭᠦᠮᠦᠰ ᠪᠦᠭᠦ | ᠠᠮᠢᠳᠤᠷᠠᠯ᠂ ᠨᠠᠶᠢᠭᠡᠮ ᠤᠨ ᠪᠦᠭᠦ ᠬᠠᠷᠢᠯᠴᠠᠭᠠ᠂ ᠪᠠᠷᠤᠭ ᠪᠠᠶᠢᠭᠠᠯᠢ ᠲᠠᠯᠠᠭᠡᠢ ᠶᠢᠨ ᠦᠵᠡᠭᠳᠡᠯ᠂ ᠶᠠᠭᠤᠮᠠᠰ ᠲᠠᠷᠠ | ᠴᠡᠭ ᠢᠶᠠᠷ ᠢᠶᠠᠨ ᠮᠠᠳᠠᠯᠭᠡ ᠳᠤ ᠰᠠᠭᠤᠷᠢᠯᠠᠬᠤ ᠠᠴᠠ ᠦᠭᠡᠷᠠ ᠭᠠᠷᠤᠴᠠ 21 ᠳ᠋ᠤᠭᠡᠷ ᠵᠠᠭᠤᠨ ᠳᠤ ᠪᠠᠶᠢᠬᠤ ᠦᠭᠡᠢ | ᠪᠤᠯᠵᠤ ᠳ᠋ᠧ᠃ ᠮᠠᠳᠠᠯᠭᠡ ᠶᠢ ᠰᠤᠷᠭᠠᠭᠤᠯᠢ ᠠᠴᠠ ᠪᠠᠭᠰᠢ ᠠᠴᠠ ᠰᠤᠷᠤᠨᠠ᠃ ︽ᠭᠡᠭᠡᠷᠡ ᠶᠢᠨ ᠭᠠᠯᠠᠭᠤ ᠨᠢᠰᠤᠭᠡᠳ ᠭᠦᠷᠭᠦ | ᠦᠭᠡᠢ ᠭᠠᠵᠠᠷ ᠠᠴᠠ ᠭᠦᠮᠦᠨ ᠤ ᠭᠦᠦ ᠡᠷᠳᠠᠨᠢ ᠡᠪᠦᠷᠳᠤᠯᠠᠵᠤ ᠢᠷᠡᠨᠠ︾ ᠭᠡᠳᠡᠭ᠃ ᠨᠤᠮ ᠳᠤ ᠮᠦᠷᠭᠦᠮᠦ᠂ | ᠪᠠᠭᠰᠢ ᠳᠤᠷ ᠰᠦᠭᠦᠳᠤᠮᠤ᠃ | ᠡᠨᠡ ᠡᠳᠦᠷ ᠤᠳ ᠲᠤ ᠰᠢᠨᠠ ᠲᠢᠳᠢᠮᠯᠢᠭ ᠸᠢᠷᠦ᠋ᠰ ᠭᠡᠳᠡᠭ ᠬᠢᠵᠢᠭ ᠲᠡᠯᠡᠭᠡᠢ ᠪᠠᠷ ᠨᠢᠭᠡ ᠲᠠᠷᠬᠠᠵᠤ᠂ ᠭᠦᠮᠦᠨ | ᠲᠦᠷᠤᠯᠬᠢᠳᠠᠨ ᠢ ᠶᠤᠰᠤᠳᠠᠢ ᠵᠢᠵᠢᠭᠷᠡᠭᠦᠯᠵᠦ ᠪᠠᠶᠢᠨᠠ᠂ ᠠᠷᠭᠠ ᠠᠯᠳᠠᠷᠠᠭᠤᠯᠵᠤ ᠪᠠᠶᠢᠨᠠ᠃ ᠡᠨᠡ ᠪᠦᠭᠦᠨ ᠪᠢᠳᠠᠨ ᠳᠤ | ᠨᠢᠭᠡ ᠵᠦᠢᠯ ᠢ ᠰᠠᠨᠠᠭᠤᠯᠵᠤ ᠪᠠᠶᠢᠭᠠ ᠪᠤᠰᠤ ᠤᠤ︖ ᠡᠭᠡ ᠨᠤᠳᠤᠭᠴᠢ ᠦᠵᠡᠯ᠂ ᠦᠨᠳᠤᠰᠤᠳᠠᠨ ᠤ ᠰᠤᠶᠤᠯ ᠤᠷᠠᠯᠢᠬ᠂ | ᠱᠠᠰᠢᠨ ᠰᠢᠳᠦᠯᠭᠡ᠂ ᠪᠦᠭᠡ᠂ ᠮᠤᠷᠢ᠂ ᠳᠠᠭᠤᠤ ᠰᠢᠯᠦᠭ ᠠᠴᠠ ᠪᠠᠨ ᠪᠢᠳᠠ ᠵᠢᠭᠠᠬᠠᠨ ᠴᠦ ᠭᠡᠰᠡᠨ ᠲᠠᠳᠠᠭᠠᠯᠵᠠᠵᠤ | ᠪᠠᠶᠢᠭᠠᠯᠢ ᠶᠢᠨ ᠰᠢᠨᠵᠢᠯᠠᠭᠦ ᠤᠬᠠᠭᠠᠨ ᠳᠤ ᠭᠦᠮᠦᠨ ᠢᠶᠠᠨ᠂ ᠭᠡᠤᠭᠡᠳ ᠢᠶᠠᠨ ᠪᠠᠯᠠᠳ ᠭᠡᠳᠡᠭ ᠤᠨ ᠬᠠᠳᠠᠭᠤ ᠵᠦᠪᠯᠡᠯᠭᠡ᠂ | ᠬᠠᠯᠠ ᠲᠠᠢ ᠰᠢᠢᠳᠭᠡᠯ ᠪᠤᠯᠵᠤ ᠪᠠᠶᠢᠨᠠ ᠭᠡᠵᠦ ᠪᠢ ᠪᠤᠳᠤᠵᠤ ᠰᠠᠭᠤᠨᠠᠮ ᠁ | ᠴᠤᠮᠬᠠᠨ ᠡᠷᠬᠢᠴᠡᠭᠦᠯᠦᠯ ᠪᠢᠴᠢᠵᠤ ᠢᠷᠡᠭᠦᠯᠭᠦ ᠲᠠᠭᠠᠭᠠᠯᠭᠠᠪᠤᠷᠢ ᠴᠦᠢᠵᠢ ᠪᠠᠭᠰᠢ ᠠᠴᠠ ᠢᠷᠡᠭᠰᠡᠨ᠃ ᠴᠦᠢᠵᠢ | ᠪᠠᠭᠰᠢ ᠶᠢᠨ ᠬᠢᠴᠢᠶᠡᠯ ᠢ ᠪᠢ ᠰᠤᠨᠤᠰᠴᠤ ᠪᠠᠶᠢᠭᠠ ᠦᠭᠡᠢ᠂ ᠭᠡᠰᠡᠨ ᠭᠡᠳᠤᠢ ᠴᠦ ᠮᠢᠨᠦ ᠮᠠᠳᠠᠭᠦ ᠴᠦᠢᠵᠢ ᠪᠠᠭᠰᠢ ᠨᠤᠮ | ᠶᠡᠭᠡ ᠤᠡᠭᠰᠢᠳᠠᠬ᠂ ᠤᠯᠠᠨ ᠴᠢᠭᠯᠡᠯ ᠤᠨ ᠤᠷᠤᠯᠳᠤᠯᠭᠠ ᠲᠠᠢ᠂ ᠨᠢᠬᠠᠭᠤᠷ ᠴᠢᠮᠪᠠᠢ ᠵᠤᠷᠢᠭᠰᠠᠨ ᠳᠤ ᠪᠠᠨ ᠭᠦᠷᠭᠦ ᠪᠠᠷ | ᠤᠢᠢᠭᠠ ᠦᠭᠡᠢ ᠵᠢᠳᠭᠦᠳᠡᠭ ᠶᠡᠭᠡ ᠭᠦᠳᠠᠯᠮᠤᠷᠢᠴᠢ ᠠᠬᠠᠮᠠᠳ ᠶᠤᠮ ᠪᠢᠯᠡ᠃ ᠲᠠᠯᠠ ᠲᠦᠭᠦᠵᠦ ᠶᠠᠪᠤᠭᠠ | ᠨᠠᠰᠤᠨ ᠳᠤ ᠪᠠᠨ ᠬᠤᠨᠭ᠍ᠭᠤᠷ ᠤᠨ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠭᠦᠭᠵᠢᠯ ᠤᠨ ᠲᠡᠦᠭᠡᠨ ᠵᠠᠮᠨᠠᠯ ᠢ ᠬᠤᠶᠢᠴᠢᠰ ᠲᠤ ᠪᠠᠨ | ᠲᠠᠮᠳᠡᠭᠯᠡᠨ ᠦᠯᠠᠳᠡᠭᠡᠭᠦ ᠪᠠᠷ ᠮᠠᠷᠠᠶᠢᠵᠤ ᠶᠠᠪᠤᠭᠠ ᠶᠢ ᠨᠢ ᠭᠦᠨᠳᠤᠳᠭᠡᠨ ᠦᠨᠠᠯᠠᠨᠠᠮ᠃ ᠴᠦᠢᠵᠢ ᠪᠠᠭᠰᠢ ᠪᠢᠳᠠᠨ ᠤ | ᠳᠠᠭᠤᠷᠢᠶᠠᠯ᠂ ᠲᠠᠭᠤᠷᠢᠶᠠᠯ ᠤᠨ ᠭᠦᠴᠦᠨ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠭᠡᠵᠦ ᠪᠢᠳᠠ ᠶᠡᠭᠡ ᠶᠠᠷᠢᠳᠠᠬ ᠪᠠᠶᠢᠭᠰᠠᠨ᠃ ᠶᠠᠭᠤ | ᠦᠨᠡᠨ᠂ ᠡᠨᠡ ᠦᠨᠡᠨ᠃ | ᠪᠠᠶᠠᠨᠪᠤᠯᠠᠬ ᠪᠠᠭᠠ ᠰᠤᠷᠭᠠᠭᠤᠯᠢ ᠮᠢᠨᠢ ᠢᠷᠡᠭᠡᠳᠤᠢ ᠶᠢᠨ ᠨᠢᠭᠡᠨ ᠡᠳᠦᠷ ᠰᠠᠷᠭᠦᠭᠡᠭᠳᠡᠨ ᠪᠠᠶᠢᠭᠤᠯᠤᠭᠳᠠᠵᠤ᠂ | ᠨᠤᠮ ᠤᠨ ᠳᠠᠭᠤ᠂ ᠭᠡᠤᠭᠡᠳ ᠤᠨ ᠳᠠᠭᠤᠨ ᠠᠶᠢᠯ ᠳᠤ ᠮᠢᠨᠢ ᠴᠢᠩᠬᠢᠨᠠᠨ ᠴᠢᠩᠬᠢᠨᠠᠵᠤ᠂ ᠬᠤᠨᠭ᠍ᠭᠤᠷ ᠤᠨ ᠲᠠᠯᠠ ᠲᠠᠷᠠ | ᠴᠢᠭ ᠲᠤ ᠪᠠᠨ ᠡᠷᠳᠠᠮ ᠤᠨ ᠰᠢᠨᠠ ᠰᠠᠯᠬᠢ ᠪᠠᠷ ᠢᠯᠪᠢᠭᠦᠯᠦᠨ ᠢᠯᠪᠢᠭᠦᠯᠦᠨ ᠴᠡᠩᠭᠡᠨᠡ ᠭᠡᠳᠡᠭ ᠲᠤ ᠪᠢ ᠪᠠᠳᠤ | ᠢᠳᠡᠭᠡᠨᠡᠮ᠃ | ᠶᠠᠬ ᠤᠳᠤ ᠪᠠᠶᠠᠨᠪᠤᠯᠠᠬ ᠪᠠᠭᠠ ᠰᠤᠷᠭᠠᠭᠤᠯᠢ ᠮᠢᠨᠢ ᠠᠯᠠᠭᠠ ᠪᠠᠶᠢᠨᠠ᠃ ᠭᠡᠭᠦ ᠳᠤ ᠪᠠᠨ ᠬᠢᠴᠢᠶᠡᠯ ᠤᠨ | ᠭᠡᠷ ᠤᠨ ᠬᠠᠨᠠᠨ ᠳᠡᠭᠡᠷᠡ ᠬᠠᠳᠠᠭᠠᠰᠤᠳᠠᠢ ᠪᠠᠶᠢᠭᠰᠠᠨ ︽ᠰᠠᠶᠢᠳᠤᠷ ᠰᠤᠷᠤᠯᠴᠠᠵᠤ᠂ ᠡᠳᠤᠷ ᠡᠳᠦᠷ ᠠᠴᠠ ᠦᠭᠡᠳᠠᠯᠠ︕︾ | ᠭᠡᠭᠦ ᠡᠨᠡ ᠪᠢᠴᠢᠭᠡᠰᠤ ᠲᠤᠪ ᠲᠤᠳᠤᠬᠠᠨ ᠰᠡᠳᠬᠢᠯ ᠳᠤ ᠪᠠᠶᠢᠭᠰᠠᠭᠠᠷ ᠪᠠᠶᠢᠨᠠ᠂ ᠪᠠᠶᠢᠭᠰᠠᠭᠠᠷ ᠴᠦ ᠪᠠᠶᠢᠬᠤ | ᠪᠤᠯᠤᠨᠠ ᠁ | ᠲᠠᠰᠬᠠᠯ ᠢᠶᠠᠨ ᠬᠢᠵᠤ ᠲᠠᠭᠤᠰᠤᠯᠠ᠂ ᠤᠳᠤ ᠮᠦᠮᠦ ᠳᠤ ᠪᠠᠨ ᠴᠦᠢᠵᠢ ᠪᠠᠭᠰᠢ ᠳᠤ ᠪᠠᠨ ᠲᠤᠰᠢᠶᠠᠨᠠ ᠪᠢ᠃ | | | 2020 ᠤᠨ ᠤ 3 ᠰᠠᠷᠠ ᠶᠢᠨ 22 ᠤ ᠡᠳᠦᠷ | ᠪᠡᠭᠡᠵᠢᠩ ᠬᠤᠳᠠᠨᠠ | ︵ᠡᠾᠦ᠋ᠩ ᠮᠸᠢ ᠨᠠᠶᠢᠷᠠᠭᠤᠯᠪᠠ︶ | 2020 ᠣᠨ ᠤ 6 ᠳ᠋ᠤᠭᠠᠷ ᠬᠤᠭᠤᠴᠠᠭᠠ | | |