| ᠴᠤᠯᠮᠤᠨ | | | ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠶᠢᠨ ᠠᠵᠢᠯ ᠪᠤᠯ ᠣᠶᠣᠨᠯᠢᠭ ᠠᠵᠢᠯ ᠪᠤᠯᠬᠤ ᠶᠤᠮ᠃ ᠨᠢᠭᠡ ᠠᠩᠭᠢ ᠶᠢᠨ ᠥᠩᠭᠡ | ᠲᠥᠷᠬᠦ ᠠᠮᠵᠢᠯᠲᠠ ᠪᠦᠲᠦᠭᠡᠯ ᠶᠠᠮᠠᠷ ᠪᠠᠶᠢᠨᠠ ᠭᠡᠳᠡᠭ ᠨᠢ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠪᠠᠭᠰᠢ ᠲᠠᠢ ᠰᠢᠭᠤᠳ | ᠬᠤᠯᠪᠤᠭᠳᠠᠳᠠᠭ᠃ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠶᠢᠨ ᠠᠵᠢᠯ ᠳᠤ ᠠᠩᠭᠢ ᠨᠢᠭᠡᠴᠢ ᠶᠢᠨ ᠰᠤᠷᠤᠭᠴᠢ ᠪᠠᠨ ᠲᠠᠭᠠᠭᠤᠯᠤᠨ | ᠰᠤᠷᠤᠯᠭᠠ ᠬᠢᠴᠢᠶᠡᠯ ᠳᠤ ᠨᠢ ᠰᠢᠮᠳᠠᠭᠤᠯᠵᠤ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠠᠷ ᠰᠤᠷᠤᠯᠴᠠᠵᠤ ᠠᠮᠢᠳᠤᠷᠠᠬᠤ ᠴᠠᠭ ᠢ ᠨᠢ | ᠵᠤᠬᠢᠴᠠᠭᠤᠯᠵᠤ᠂ ᠰᠤᠷᠤᠭᠴᠢᠳ ᠤᠨ ᠪᠡᠶᠡ ᠰᠡᠳᠬᠢᠴᠡ ᠶᠢᠨ ᠡᠷᠡᠭᠦᠯ ᠢᠶᠠᠷ ᠦᠰᠦᠨ ᠪᠤᠶᠢᠵᠢᠬᠤ ᠶᠢ ᠴᠢᠬᠤᠯᠠᠴᠢᠯᠠᠨ | ᠦᠵᠡᠬᠦ ᠭᠡᠬᠦ ᠮᠡᠲᠦ ᠶᠢᠨ ᠣᠯᠠᠨ ᠣᠯᠠᠨ ᠨᠠᠷᠢᠨ ᠰᠢᠷᠢᠨ ᠠᠵᠢᠯ ᠪᠠᠶᠢᠳᠠᠭ᠃ ᠠᠳᠡ ᠪᠢ ᠲᠡᠷᠡ ᠪᠦᠭᠦᠨ ᠢ ᠨᠠᠷᠢᠯᠢᠬ | ᠲᠤᠭᠠᠴᠢᠬᠤ ᠦᠭᠡᠢ᠂ ᠬᠠᠷᠢᠨ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠶᠢᠨ ᠠᠵᠢᠯ ᠳᠤ ᠤᠷᠮᠠᠰᠢᠭᠤᠯᠤᠯ ᠤᠨ ᠬᠦᠮᠦᠵᠢᠯ ᠤᠨ | ᠴᠢᠬᠤᠯᠠ ᠴᠢᠨᠠᠷ ᠤᠨ ᠲᠤᠬᠠᠢ ᠪᠣᠳᠣᠯ ᠢᠶᠠᠨ ᠳᠡᠯᠭᠡᠶᠡ᠃ | ᠤᠷᠮᠠᠰᠢᠭᠤᠯᠬᠤ ᠪᠤᠯ ᠠᠮᠵᠢᠯᠲᠠ ᠣᠯᠬᠤ ᠶᠢᠨ ᠰᠢᠳᠢᠲᠦ ᠦᠷᠢᠯ ᠪᠣᠯᠬᠤ ᠶᠤᠮ᠃ ᠬᠦᠮᠦᠨ ᠤ ᠠᠯᠢᠪᠠ ᠦᠢᠯᠡ | ᠠᠵᠢᠯᠯᠠᠭᠠ ᠪᠦᠷ ᠤᠷᠮᠠᠰᠢᠭᠤᠯᠤᠯ ᠠᠴᠠ ᠰᠠᠯᠵᠤ ᠴᠢᠳᠠᠬᠤ ᠦᠭᠡᠢ᠃ ︽ᠲᠠᠰᠤᠷᠠᠯᠲᠠ ᠦᠭᠡᠢ ᠪᠡᠶᠡ ᠪᠠᠨ | ᠤᠷᠮᠠᠰᠢᠭᠤᠯᠬᠤ ᠪᠠᠷ ᠳᠠᠮᠵᠢᠵᠤ᠂ ᠪᠡᠶᠡ ᠳᠤ ᠪᠠᠨ ᠨᠢᠭᠡ ᠵᠦᠢᠯ ᠤᠨ ᠲᠤᠳᠤᠭᠠᠳᠤ ᠬᠦᠳᠡᠯᠬᠡᠬᠦ ᠬᠦᠴᠦᠨ ᠣᠯᠭᠤᠵᠣ᠂ | ᠬᠦᠰᠡᠯ ᠡᠷᠡᠮᠡᠯᠵᠡᠯ ᠬᠠᠷᠠᠯᠲᠠ ᠵᠦᠭ ᠢᠶᠠᠨ ᠤᠷᠤᠭᠰᠢᠯᠠᠵᠤ᠂ ᠢᠯᠠᠯᠲᠠ ᠶᠢᠨ ᠨᠤᠶᠠᠨ ᠤᠷᠭᠢᠯ ᠳᠤ ᠭᠠᠷᠤᠭᠠᠷᠠᠢ︾ ᠭᠡᠵᠦ | ᠨᠠᠫᠤᠯᠢᠶᠦ᠋ᠨ ᠡᠾᠢᠯ᠂ 1908 ᠣᠨ ᠠᠴᠠ ᠡᠬᠢᠯᠡᠨ 20 ᠵᠢᠯ ᠤᠨ ᠴᠠᠭ ᠢ ᠬᠡᠷᠡᠭᠯᠡᠵᠦ᠂ 500 ᠢᠯᠡᠭᠦᠤ ᠠᠯᠳᠠᠷᠳᠤ | ᠬᠦᠮᠦᠰ ᠢ ᠰᠣᠷᠪᠣᠯᠵᠢᠯᠠᠨ ᠲᠡᠳᠡᠨ ᠤ ᠠᠷᠭᠠ ᠤᠬᠠᠭᠠᠨ ᠪᠠ ᠲᠤᠷᠰᠢᠯᠭᠠ ᠰᠤᠷᠭᠠᠮᠵᠢ ᠶᠢ ᠰᠤᠳᠤᠯᠤᠨ ᠳ᠋ᠦᠩᠨᠡᠭᠡᠳ | ᠪᠢᠴᠢᠭᠰᠡᠨ ᠠᠪᠤᠷᠭᠤ ᠪᠦᠲᠦᠭᠡᠯ ︽ᠨᠠᠫᠤᠯᠢᠶᠥᠨ ᠡᠾᠢᠯ ᠤᠨ ᠠᠮᠵᠢᠯᠲᠠ ᠣᠯᠬᠤ ᠡᠷᠳᠡᠮ︾ ᠭᠡᠳᠡᠭ ᠨᠣᠮ ᠳᠤ ᠪᠠᠨ | ᠲᠤᠳᠤᠷᠬᠠᠢ ᠪᠢᠴᠢᠵᠦ ᠪᠤᠢ᠃ | ᠨᠢᠭᠡ᠂ ᠤᠷᠮᠠᠰᠢᠭᠤᠯᠤᠯ ᠤᠨ ᠬᠡᠳᠦᠬᠡᠨ ᠦᠭᠡᠨ ᠠᠴᠠ ᠪᠣᠯᠵᠤ ᠠᠮᠵᠢᠯᠲᠠ ᠤᠯᠤᠭᠰᠠᠨ ᠬᠦᠮᠦᠰ ᠤᠨ ᠵᠢᠱᠢᠶᠡ | ᠤᠷᠮᠠᠰᠢᠭᠤᠯᠤᠯ ᠤᠨ ᠨᠥᠯᠥᠭᠡᠨ ᠳᠣᠣᠷᠠ ᠠᠮᠵᠢᠯᠲᠠ ᠤᠯᠤᠭᠰᠠᠨ ᠬᠦᠮᠦᠨ ᠢ ᠶᠠᠷᠢᠬᠤ ᠳᠤ ᠠᠯᠳᠠᠷᠳᠤ | ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠳᠠᠨ ᠠᠶᠢᠨᠰᠲ᠋ᠧᠨ ᠢ ᠲᠤᠷᠠᠳᠬᠤ ᠦᠭᠡᠢ ᠪᠠᠶᠢᠬᠤ ᠶᠢᠨ ᠠᠷᠭᠠ ᠦᠭᠡᠢ᠃ ᠤᠴᠢᠷ ᠨᠢ ᠲᠡᠷᠡ ᠪᠤᠯ | ᠳᠡᠯᠡᠬᠡᠢ ᠳᠤ ᠠᠯᠳᠠᠷᠳᠠᠢ ᠹᠢᠽᠢᠺ ᠤᠨ ᠤᠬᠠᠭᠠᠨ ᠤ ᠶᠡᠭᠡ ᠪᠠᠭᠰᠢ᠂ ︽ᠬᠠᠷᠢᠴᠠᠩᠭᠤᠢ ᠣᠨᠣᠯ︾ ᠢ ᠲᠤᠷᠠᠳᠤᠭᠴᠢ᠂ | ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠤ ᠣᠭᠲᠠᠷᠭᠤᠢ ᠶᠢᠨ ᠲᠤᠬᠠᠢ ᠰᠡᠳᠬᠢᠬᠦᠢ ᠶᠢᠨ ᠬᠤᠪᠢᠷᠠᠯ ᠬᠦᠭᠵᠢᠯᠲᠡ ᠳᠤ ᠭᠠᠷᠮᠠᠭᠠᠢ | ᠭᠠᠪᠢᠶᠠ ᠪᠠᠶᠢᠭᠤᠯᠤᠭᠰᠠᠨ ᠬᠦᠮᠦᠨ ᠶᠤᠮ᠃ | ᠤᠷᠮᠠᠰᠢᠭᠤᠯᠤᠯ ᠤᠨ ᠨᠢᠭᠡ ᠯᠠ ᠦᠭᠡ ᠨᠢ ᠬᠦᠮᠦᠨ ᠤ ᠨᠢᠭᠡ ᠨᠠᠰᠤ ᠶᠢ ᠨᠥᠯᠥᠭᠡᠯᠡᠳᠡᠭ᠃ | ᠪᠤᠰᠤᠳ ᠠᠴᠠ ᠤᠨᠴᠠᠯᠠᠭᠰᠠᠨ ᠰᠡᠴᠡᠨ ᠰᠡᠷᠭᠦᠯᠡᠩ ᠲᠠᠷᠢᠬᠢ ᠲᠤᠯᠤᠭᠠᠢ ᠲᠠᠢ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠳᠠᠳ ᠤᠨ | ᠲᠤᠳᠤᠷᠠᠬᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠳᠠᠨ ᠬᠡᠮᠡᠭᠳᠡᠭᠰᠡᠨ ᠠᠭᠤᠤ ᠬᠦᠮᠦᠨ ᠤ ᠰᠤᠷᠤᠯᠭᠠ ᠶᠢᠨ ᠵᠠᠮ ᠢ ᠬᠦᠭᠡᠭᠡᠭᠰᠡᠨ ᠲᠡᠤᠬᠡ | ᠲᠡᠶᠢᠮᠤ ᠴᠤ ᠤᠨᠴᠠᠭᠠᠶᠢᠷᠠᠭᠰᠠᠨ ᠵᠦᠢᠯ ᠦᠭᠡᠢ᠃ ᠨᠡᠩ ᠴᠢᠨᠠᠭᠰᠢᠯᠠᠪᠠᠯ ︽ᠤᠬᠠᠭᠠ ᠪᠢᠳᠠᠭᠤ︾ ᠪᠠᠷ ᠦᠨᠡᠯᠡᠭᠳᠡᠵᠦ | ᠪᠠᠶᠢᠵᠠᠢ᠃ ᠠᠶᠢᠨᠰᠲ᠋ᠧᠨ ᠲᠥᠷᠪᠡ ᠲᠠᠪᠤᠨ ᠨᠠᠰᠤ ᠲᠠᠢ ᠳᠤ ᠪᠠᠨ ᠳᠡᠮᠡᠢ ᠰᠠᠶᠢᠨ ᠬᠡᠯᠡ ᠳᠤ ᠣᠷᠤᠭᠠ ᠦᠭᠡᠢ᠂ | ᠨᠠᠮᠵᠢᠭᠤᠨ ᠰᠠᠭᠤᠬᠤ ᠳᠤᠷᠠᠲᠠᠢ᠂ ᠶᠡᠷᠦ ᠨᠢ ᠮᠡᠯᠡᠷᠡᠵᠦ ᠯᠠ ᠪᠠᠶᠢᠳᠠᠭ ᠤᠴᠢᠷ ᠠᠴᠠ ᠡᠴᠢᠭᠡ ᠡᠬᠡ ᠨᠢ ᠲᠡᠭᠦᠨ ᠢ | ᠮᠡᠳᠡᠷᠡᠯ ᠤᠨ ᠭᠠᠵᠢᠭ ᠲᠠᠢ ᠭᠡᠵᠦ ᠦᠵᠡᠵᠦ ᠪᠠᠶᠢᠯᠠ᠃ ᠲᠡᠭᠦᠨ ᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠬᠢᠷᠢ ᠪᠦᠲᠦᠮᠵᠢ ᠨᠢ | ᠦᠨᠡᠭᠡᠷ ᠲᠦᠢᠯ ᠤᠨ ᠠᠨᠠᠢ ᠪᠠᠶᠢᠵᠠᠢ᠃ ᠵᠦᠪᠬᠡᠨ ᠲᠣᠭᠠᠨ ᠤ ᠤᠬᠠᠭᠠᠨ ᠤ ᠬᠢᠴᠢᠶᠡᠯ ᠨᠢ ᠨᠡᠯᠢᠶᠡᠳ ᠭᠠᠶᠢᠭᠤᠢ ᠠᠴᠠ | ᠭᠠᠳᠠᠨᠠ ᠪᠣᠰᠣᠳ ᠲᠦᠷᠦᠯ ᠤᠨ ᠬᠢᠴᠢᠶᠡᠯ ᠨᠢ ᠪᠦᠷ ᠬᠢᠷᠢ ᠪᠦᠳᠦᠮᠵᠢ ᠳᠣᠣᠷᠠ ᠪᠠᠶᠢᠵᠤ᠂ ᠬᠡᠵᠢᠶᠡᠳᠡ | ᠠᠩᠭᠢ ᠳᠤ ᠪᠠᠨ ᠰᠡᠭᠦᠯ ᠬᠤᠷᠢᠶᠠᠳᠠᠭ ᠪᠠᠶᠢᠵᠠᠢ᠃ ᠪᠠᠭᠰᠢ ᠨᠢ ᠴᠤ ᠲᠡᠭᠦᠨ ᠢ ᠭᠡᠷ ᠤᠨ ᠠᠬᠠᠮᠠᠳ ᠲᠤ ᠨᠢ ︽ᠲᠠᠨ ᠤ | ᠬᠦᠤ ᠶᠠᠭᠤ ᠴᠤ ᠪᠦᠳᠦᠭᠡᠵᠦ ᠴᠢᠳᠠᠬᠤ ᠦᠭᠡᠢ︾ ᠭᠡᠵᠦ ᠰᠢᠭᠤᠳ ᠬᠡᠯᠡᠵᠦ ᠦᠩᠭᠡᠷᠡᠭᠰᠡᠨ ᠭᠡᠳᠡᠭ᠃ ᠲᠡᠮᠡᠢ ᠤᠳᠠᠯ | ᠦᠭᠡᠢ ᠠᠶᠢᠨᠰᠲ᠋ᠧᠨ ᠰᠤᠷᠤᠯᠭᠠ ᠵᠤᠭᠰᠤᠵᠤ᠂ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠦᠨᠡᠮᠯᠡᠯ ᠴᠤ ᠤᠯᠵᠤ ᠲᠡᠶᠢᠯᠦᠭᠰᠡᠨ ᠦᠭᠡᠢ᠃ | ᠵᠦᠪᠬᠡᠨ ᠨᠢᠭᠡ ᠯᠡ ᠪᠠᠭᠰᠢ ᠠᠶᠢᠨᠰᠲ᠋ᠧᠨ ᠤ ᠬᠢᠴᠢᠶᠡᠯ ᠣᠷᠣᠬᠤ ᠳᠤ ᠳᠤᠷᠠ ᠦᠭᠡᠶᠢᠴᠡᠵᠦ ᠪᠠᠶᠢᠭᠰᠠᠨ ᠴᠤ ᠨᠣᠮ | ᠤᠩᠰᠢᠬᠤ ᠳᠤ ᠶᠡᠭᠡ ᠰᠤᠨᠢᠷᠬᠠᠯ ᠲᠠᠢ ᠪᠠᠶᠢᠭᠠ ᠶᠢ ᠰᠡᠷᠡᠵᠦ ᠮᠡᠳᠡᠭᠡᠳ ᠲᠡᠭᠦᠨ ᠳᠤ ᠤᠷᠮᠠ ᠬᠠᠶᠢᠷᠠᠯᠠᠵᠠᠢ᠃ ᠶᠠᠭ | ᠡᠨᠡ ᠭᠦ ᠤᠷᠮᠠᠰᠢᠭᠤᠯᠤᠯ ᠵᠤᠷᠢᠬᠵᠢᠭᠤᠯᠤᠯ ᠨᠢ ᠠᠶᠢᠨᠰᠲ᠋ᠧᠨ ᠤ ᠨᠢᠭᠡ ᠨᠠᠰᠤᠨ ᠤ ᠡᠷᠭᠢᠯᠲᠡ ᠶᠢᠨ ᠴᠡᠭ ᠪᠤᠯᠵᠠᠢ᠃ | ᠲᠡᠭᠡᠭᠡᠳ ᠪᠠᠭᠰᠢ ᠳᠤ ᠪᠠᠨ ᠤᠷᠮᠠᠰᠢᠭᠤᠯᠤᠭᠳᠠᠭᠰᠠᠨ ᠠᠶᠢᠨᠰᠲ᠋ᠧᠨ ᠬᠤᠵᠢᠮ ᠨᠢ ᠰᠣᠳᠣᠯᠭᠠᠨ ᠳᠤ ᠪᠠᠨ ᠴᠢᠷᠮᠠᠶᠢᠵᠤ᠂ | ᠳᠡᠯᠡᠬᠡᠢ ᠶᠢᠨ ᠠᠪᠤᠷᠭᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠲᠠᠨ ᠪᠣᠯᠵᠤ ᠴᠢᠳᠠᠵᠠᠢ᠃ | ᠤᠷᠮᠠᠰᠢᠭᠤᠯᠤᠯ ᠤᠨ ᠨᠥᠯᠥᠭᠡᠨ ᠳᠣᠣᠷᠠ ᠠᠮᠵᠢᠯᠲᠠ ᠤᠯᠤᠭᠰᠠᠨ ᠪᠠᠰᠠ ᠨᠢᠭᠡᠨ ᠨᠡᠷᠡᠲᠦ ᠬᠦᠮᠦᠨ ᠪᠤᠯ | ᠬᠠᠶᠢᠷᠤᠨ ᠪᠤᠯᠤᠨᠠ᠃ ᠬᠠᠶᠢᠷᠤᠨ ᠪᠤᠯ ᠠᠮᠧᠷᠢᠺᠠ ᠶᠢᠨ ᠠᠯᠳᠠᠷᠳᠠᠢ ᠡᠮᠡᠭᠳᠡᠢ ᠵᠤᠬᠢᠶᠠᠯᠴᠢ᠂ ᠰᠤᠷᠭᠠᠨ ᠬᠦᠮᠦᠵᠢᠯᠲᠡᠨ᠂ | ᠦᠭᠯᠢᠭᠡᠴᠢ᠂ ᠨᠡᠶᠢᠭᠡᠮ ᠤᠨ ᠠᠵᠢᠯᠯᠠᠭᠠᠨ ᠢ ᠦᠷᠨᠢᠭᠦᠯᠦᠭᠴᠢ ᠪᠣᠯᠣᠨᠠ᠃ ᠲᠡᠭᠦᠨ ᠤ ᠨᠢᠭᠡ ᠨᠠᠰᠤ ᠪᠤᠯ ᠨᠢᠭᠡᠨ ᠵᠡᠮᠳᠡᠭ | ᠬᠦᠮᠦᠨ ᠤ ᠨᠢᠭᠡ ᠨᠠᠰᠤ ᠪᠤᠯᠤᠨᠠ᠂ ᠠᠷᠪᠠ ᠶᠢᠰᠦᠨ ᠰᠠᠷᠠ ᠲᠠᠢ ᠳᠤ ᠪᠠᠨ ᠨᠢᠭᠡᠨ ᠤᠳᠠᠭᠠᠨ ᠤ ᠬᠦᠨᠳᠦ ᠡᠪᠡᠳᠴᠢᠨ ᠳᠤ | ᠨᠡᠷᠪᠡᠭᠳᠡᠭᠰᠡᠨ ᠠᠴᠠ ᠪᠣᠯᠵᠤ ᠬᠠᠷᠠᠭᠠᠨ ᠰᠡᠷᠡᠯ ᠪᠠ ᠰᠣᠨᠣᠷ ᠤᠨ ᠰᠡᠷᠡᠯ ᠢᠶᠠᠨ ᠠᠯᠳᠠᠵᠠᠢ᠃ ᠪᠠᠰᠠ ᠦᠭᠡ ᠶᠠᠷᠢᠵᠤ | ᠲᠡᠶᠢᠯᠬᠦ ᠦᠭᠡᠢ᠂ ᠡᠭᠦᠨ ᠳᠤ ᠲᠡᠭᠦᠨ ᠤ ᠪᠠᠭᠰᠢ ᠪᠣᠯᠬᠤ ᠠᠮᠧᠷᠢᠺᠠ ᠶᠢᠨ ᠵᠡᠮᠳᠡᠭᠴᠦᠳ ᠢ ᠰᠤᠷᠭᠠᠨ ᠬᠦᠮᠦᠵᠢᠬᠦᠯᠦᠭᠴᠢ | ᠱᠠᠷᠢᠧᠧᠨ ᠠᠴᠠ ᠲᠡᠭᠦᠨ ᠤ ᠰᠤᠷᠤᠯᠴᠠᠯᠭᠠ ᠶᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠵᠤᠷᠢᠬᠵᠢᠭᠤᠯᠤᠨ᠂ ᠲᠡᠭᠦᠨ ᠤ ᠤᠯᠤᠭᠰᠠᠨ ᠬᠢᠷᠢ | ᠪᠦᠲᠦᠮᠵᠢ ᠶᠢ ᠨᠢ ᠨᠤᠲᠠᠯᠠᠵᠤ ᠤᠷᠮᠠᠰᠢᠭᠤᠯᠤᠭᠰᠠᠨ ᠠᠴᠠ ᠬᠤᠵᠢᠮ ᠨᠢ ᠳᠡᠯᠡᠬᠡᠢ ᠳᠤ ᠠᠯᠳᠠᠷᠲᠠᠢ ᠭᠠᠷᠮᠠᠭᠠᠢ ᠤᠷᠠᠨ | ᠵᠤᠬᠢᠶᠠᠯᠴᠢ ᠪᠣᠯᠵᠠᠢ᠃ | ᠨᠠᠫᠤᠯᠢᠶᠦ᠋ᠨ· ᠡᠾᠢᠯ ᠤᠨ ᠦᠯᠢᠭᠡᠷ ᠪᠢᠳᠡᠨ ᠳᠤ ᠤᠯᠠᠨ ᠶᠠᠭᠤᠮᠠ ᠶᠢ ᠶᠠᠷᠢᠵᠤ ᠦᠭᠭᠦᠭᠰᠡᠨ ᠪᠢᠯᠡ᠃ ᠲᠡᠷᠡ | ︽ᠪᠢ ᠪᠠᠭᠠ ᠳᠤ ᠪᠠᠨ ᠠᠳᠠ ᠦᠵᠡᠭᠳᠡᠵᠦ ᠪᠠᠶᠢᠪᠠ︾ ᠭᠡᠵᠡᠢ᠃ ᠠᠪᠤ ᠨᠢ ᠲᠡᠭᠦᠨ ᠢ ᠬᠤᠶᠢᠳᠤ ᠡᠬᠡ ᠳᠤ ᠨᠢ ︽ᠡᠨᠡ ᠪᠤᠯ | ᠨᠠᠫᠤᠯᠢᠶᠦ᠋ᠨ· ᠡᠾᠢᠯ᠃ ᠠᠬᠠ ᠲᠡᠭᠦᠤ ᠶᠢᠨ ᠢᠶᠠᠨ ᠳᠤᠮᠳᠠᠬᠢ ᠬᠠᠮᠤᠭ ᠤᠨ ᠪᠦᠳᠦᠯ ᠦᠭᠡᠢ ᠨᠢᠭᠡ ᠨᠢ︾ ᠭᠡᠰᠡᠨ ᠳᠤ᠂ | ᠬᠤᠶᠢᠳᠤ ᠡᠬᠡ ᠨᠢ ︽ᠡᠨᠡ ᠬᠡᠤᠬᠡᠳ ᠪᠦᠳᠦᠯ ᠦᠭᠡᠢ ᠭᠡᠵᠤ ᠤᠤ︖ ᠶᠠᠭᠠᠬᠢᠭᠰᠠᠨ ᠴᠤ ᠲᠡᠶᠢᠮᠤ ᠪᠢᠰᠢ᠂ ᠲᠡᠷᠡ ᠪᠤᠯ | ᠶᠠᠭ ᠰᠠᠶᠢᠬᠠᠨ ᠡᠳᠡᠭᠡᠷ ᠬᠡᠤᠬᠡᠳ ᠤᠨ ᠳᠤᠮᠳᠠᠬᠢ ᠬᠠᠮᠤᠭ ᠤᠨ ᠰᠡᠴᠡᠨ ᠰᠡᠷᠭᠦᠯᠡᠩ ᠨᠢ ᠪᠤᠯᠤᠨᠠ᠃ ᠮᠠᠨ ᠤ ᠬᠢᠪᠡᠰᠤ | ᠵᠤᠬᠢᠬᠤ ᠵᠦᠢᠯᠡᠰ ᠪᠤᠯ ᠲᠡᠭᠦᠨ ᠤ ᠰᠡᠴᠡᠨ ᠰᠡᠷᠭᠦᠯᠡᠩ ᠵᠠᠩ ᠴᠢᠨᠠᠷ ᠢ ᠤᠯᠠᠮ ᠪᠠᠳᠠᠷᠠᠭᠤᠯᠬᠤ ᠳᠤ ᠪᠠᠶᠢᠨᠠ︾ ᠭᠡᠪᠡ᠃ | ᠬᠤᠶᠢᠳᠤ ᠡᠬᠡ ᠨᠢ ᠲᠡᠭᠦᠨ ᠢ ᠦᠪᠡᠷ ᠤᠨ ᠬᠦᠴᠦᠨ ᠳᠤ ᠪᠠᠨ ᠲᠦᠰᠢᠭᠯᠡᠵᠤ᠂ ᠵᠣᠷᠢᠭᠳᠠᠢ ᠪᠠᠷ ᠲᠦᠯᠦᠪᠯᠡᠭᠡ | ᠲᠤᠭᠳᠠᠭᠠᠵᠤ᠂ ᠭᠤᠶᠢᠪᠢᠰᠢ ᠦᠭᠡᠢ ᠤᠷᠤᠭᠰᠢᠯᠠᠬᠤ ᠶᠢ ᠨᠢ ᠵᠤᠷᠢᠬᠵᠢᠭᠤᠯᠳᠠᠭ᠂ ᠡᠨᠡ ᠲᠦᠯᠦᠪᠯᠡᠭᠡ ᠨᠢ ᠲᠡᠭᠦᠨ ᠤ | ᠬᠤᠵᠢᠮ ᠤᠨ ᠦᠢᠯᠡᠰ ᠤᠨ ᠲᠤᠯᠭᠠᠭᠤᠷᠢ ᠨᠢ ᠪᠤᠯᠵᠠᠢ ᠭᠡᠳᠡᠭ ᠢ ᠦᠢᠯᠡᠳᠦᠯᠭᠡ ᠭᠡᠷᠡᠴᠢᠯᠡᠵᠡᠢ ᠭᠡᠵᠦ ᠲᠡᠷᠡ | ᠲᠡᠮᠳᠡᠭᠯᠡᠵᠡᠢ᠃ ᠡᠨᠡ ᠮᠡᠲᠦ ᠶᠢᠨ ᠤᠷᠮᠠᠰᠢᠭᠤᠯᠤᠯ ᠤᠨ ᠨᠥᠯᠥᠭᠡᠨ ᠳᠣᠣᠷᠠ ᠠᠮᠵᠢᠯᠲᠠ ᠳᠤ ᠬᠦᠷᠦᠭᠰᠡᠨ ᠵᠢᠱᠢᠶᠡ ᠮᠣᠩ | ᠦᠭᠡᠢ ᠤᠯᠠᠨ ᠪᠤᠢ᠃ | ᠬᠤᠶᠠᠷ᠂ ᠮᠣᠩᠭᠤᠯᠴᠤᠳ ᠬᠡᠤᠬᠡᠳ ᠢᠶᠠᠨ ᠬᠡᠷᠬᠢᠨ ᠤᠷᠮᠠᠰᠢᠭᠤᠯᠤᠨ ᠵᠤᠷᠢᠬᠵᠢᠭᠤᠯᠳᠠᠭ ᠪᠠᠶᠢᠭᠰᠠᠨ ᠪᠤᠢ | ᠮᠣᠩᠭᠤᠯᠴᠤᠳ ᠤᠨ ᠭᠡᠷ ᠤᠨ ᠰᠤᠷᠭᠠᠯ ᠳᠤ ᠤᠷᠮᠠᠰᠢᠭᠤᠯᠤᠯ ᠵᠤᠷᠢᠬᠵᠢᠭᠤᠯᠤᠯ ᠢ ᠲᠦᠢᠯ ᠢᠶᠠᠷ ᠴᠢᠬᠤᠯᠠᠴᠢᠯᠠᠨ | ᠦᠵᠡᠳᠡᠭ᠃ ᠲᠡᠭᠡᠬᠦ ᠪᠠᠷ ᠢᠶᠠᠨ ᠶᠡᠷᠦ ᠨᠢ ︽ᠤᠷᠮᠠ ᠶᠢ ᠨᠢ ᠬᠤᠭᠤᠯᠬᠤ ᠪᠠᠷ ᠤᠭᠤᠴᠠ ᠶᠢ ᠨᠢ ᠬᠤᠭᠤᠯ︾ ᠭᠡᠵᠦ | ᠬᠡᠤᠬᠡᠳ ᠪᠠᠭᠠᠴᠤᠳ ᠤᠨ ᠤᠷᠮᠠ ᠶᠢ ᠬᠤᠭᠤᠯᠬᠤ ᠶᠢ ᠶᠡᠭᠡ ᠴᠡᠭᠡᠷᠯᠡᠳᠡᠭ ᠶᠤᠮ᠃ ᠬᠠᠷᠢᠨ ᠡᠰᠡᠷᠭᠦ ᠪᠠᠷ ᠦᠷᠡ | ᠬᠡᠤᠬᠡᠳ ᠢᠶᠠᠨ ᠪᠤᠶᠤ ᠠᠶᠢᠯ ᠠᠶᠢᠮᠠᠭ ᠤᠨ ᠪᠠᠭᠠᠴᠤᠳ ᠵᠠᠯᠠᠭᠤᠴᠤᠳ ᠢ ᠨᠢᠯᠬᠠ ᠪᠠᠭᠠ ᠠᠴᠠ ᠨᠢ᠂ ᠬᠥᠯ ᠳᠤ | ᠣᠷᠣᠵᠣ ᠲᠡᠨᠳᠡᠷ ᠮᠡᠨᠳᠡᠷ ᠠᠯᠬᠤᠵᠤ ᠡᠬᠢᠯᠡᠬᠦ ᠠᠴᠠ ᠨᠢ ᠠᠪᠤᠭᠠᠳ ᠠᠪᠤ ᠶᠢᠨ ᠬᠦᠤ ᠡᠷᠡ ᠪᠤᠯᠵᠠᠢ ᠭᠡᠵᠦ | ᠵᠤᠷᠢᠬᠵᠢᠭᠤᠯᠤᠨ ᠤᠷᠮᠠᠰᠢᠭᠤᠯᠳᠠᠭ᠃ ᠵᠢᠷᠭᠤᠭᠠ ᠳᠣᠯᠣᠭᠠᠨ ᠨᠠᠰᠤ ᠬᠦᠷᠦᠭᠡᠳ ᠠᠪᠤ ᠪᠠᠨ ᠲᠠᠭᠠᠵᠤ ᠠᠭᠲᠠ | ᠬᠦᠯᠦᠭ ᠤᠨ ᠨᠢᠷᠤᠭᠤᠨ ᠳᠤ ᠮᠤᠷᠳᠠᠬᠤ ᠦᠶᠡ ᠳᠤ ᠮᠤᠷᠢᠨ ᠠᠴᠠ ᠪᠠᠨ ᠬᠠᠶᠠᠭᠳᠠᠬᠤ ᠦᠭᠡᠢ ᠤᠴᠢᠷ ᠭᠡᠵᠦ ᠬᠠᠮᠢᠭᠠ | ᠪᠠᠶᠢᠬᠤᠪ᠂ ᠮᠤᠷᠢᠨ ᠳᠤ ᠪᠠᠨ ᠬᠠᠶᠠᠭᠳᠠᠭᠠᠳ ᠤᠷᠮᠠ ᠬᠤᠭᠤᠷᠠᠵᠤ ᠵᠣᠷᠢᠭ ᠬᠠᠷᠢᠵᠤ ᠢᠷᠡᠬᠦ ᠳᠤ ᠨᠢ ︽ᠮᠣᠩᠭᠤᠯ | ᠬᠦᠮᠦᠨ ᠮᠣᠷᠢᠨ ᠨᠢᠷᠤᠭᠤᠨ ᠳᠡᠭᠡᠷᠡ ᠶᠡᠭᠡ ᠦᠢᠯᠡᠰ ᠪᠦᠲᠦᠭᠡᠭᠰᠡᠨ ᠶᠤᠮ᠂ ᠠᠪᠤ ᠶᠢᠨ ᠬᠦᠤ ᠴᠤ ᠬᠤᠵᠢᠮ ᠶᠡᠭᠡ ᠶᠢ | ᠪᠦᠳᠦᠭᠡᠬᠦ ᠬᠦᠮᠦᠨ ᠪᠣᠯᠣᠨᠠ︾ ᠭᠡᠵᠦ ᠤᠷᠮᠠᠰᠢᠭᠤᠯᠤᠨ ᠮᠤᠷᠢᠨ ᠨᠢᠷᠤᠭᠤᠨ ᠳᠡᠭᠡᠷᠡ ᠨᠢ ᠲᠠᠬᠢᠨ ᠮᠣᠷᠳᠠᠭᠤᠯᠳᠠᠭ᠃ | ᠠᠷᠪᠠᠨ ᠭᠤᠷᠪᠠ ᠳᠥᠷᠪᠡ ᠬᠦᠷᠦᠭᠡᠳ ᠠᠶᠢᠯ ᠤᠨ ᠠᠪᠠᠭᠠ ᠶᠢᠨ ᠨᠠᠶᠢᠷ ᠲᠠᠮᠵᠢᠨ ᠵᠤᠳᠤᠭᠯᠠᠵᠤ ᠬᠠᠯᠠᠭᠤᠨ | ᠬᠤᠰᠢᠭᠤᠳᠤ ᠪᠠᠷ ᠱᠠᠩᠨᠠᠭᠤᠯᠵᠤ᠂ ᠠᠮᠵᠢᠯᠲᠠ ᠳᠦᠭᠦᠷᠡᠩ ᠬᠠᠷᠢᠵᠤ ᠢᠷᠡᠬᠦ ᠶᠢ ᠪᠠᠭ᠋ᠠᠷᠬᠠᠨ ᠠᠭᠠᠵᠢᠮ ᠢᠶᠠᠷ | ᠲᠣᠮᠣᠴᠣᠣᠯ ᠤᠨ ᠪᠥᠬᠡᠨ ᠳᠤ ᠵᠤᠳᠤᠭᠯᠠᠵᠤ᠂ ᠨᠠᠶᠢᠷ ᠤᠨ ᠱᠠᠩ ᠤᠨ ᠲᠤᠭᠤᠰᠤ ᠶᠢ ᠨᠢ ᠴᠤ ᠦᠨᠦᠷᠯᠡᠵᠤ | ᠲᠡᠶᠢᠯᠦᠭᠰᠡᠨ ᠦᠭᠡᠢ ᠳᠠᠩ ᠤᠨ ᠨᠤᠭᠤᠯᠠᠭᠠ ᠲᠡᠭᠡᠷᠡ ᠪᠠᠨ ᠰᠢᠷᠦ᠋ᠢᠳᠠᠭᠠᠳ᠂ ᠲᠤᠯᠤᠭᠠᠢ ᠭᠠᠨᠵᠤᠭᠯᠠᠵᠤ ᠢᠷᠡᠬᠦ ᠳᠤ | ᠠᠪᠤ ᠡᠵᠢ ᠨᠢ ᠴᠠᠭᠠᠨ ᠢᠳᠡᠭᠡᠨ ᠢᠶᠠᠷ ᠡᠩᠭᠡᠷ ᠢ ᠨᠢ ᠮᠢᠯᠢᠶᠠᠵᠤ᠂ ᠬᠤᠲᠠᠨ ᠤ ᠬᠤᠨᠢ ᠠᠴᠠ ᠪᠠᠨ ᠵᠢᠭᠠᠵᠤ ᠬᠦᠤ ᠪᠠᠨ | ᠱᠠᠩᠨᠠᠨ ᠤᠷᠮᠠᠰᠢᠭᠤᠯᠵᠤ᠂ ︽ᠣᠶᠢᠴᠢᠵᠤ ᠪᠠᠶᠢᠵᠤ ᠪᠥᠬᠡ ᠪᠣᠯᠳᠠᠭ᠂ ᠰᠠᠶᠢᠨ ᠪᠥᠬᠡ ᠪᠣᠯᠣᠶᠠ ᠭᠡᠪᠡᠯ ᠮᠢᠩᠭᠠ ᠤᠳᠠᠭᠠ | ᠣᠶᠢᠴᠢᠬᠤ ᠬᠡᠷᠡᠭᠳᠡᠢ ᠶᠤᠮ︾ ᠭᠡᠵᠤ ᠰᠤᠷᠭᠠᠳᠠᠭ᠃ ᠤᠨᠠᠵᠤ ᠪᠤᠰᠳᠠᠭ᠂ ᠴᠢᠷᠮᠠᠶᠢᠵᠤ ᠪᠠᠶᠢᠵᠤ᠂ ᠢᠯᠠᠭᠳᠠᠵᠤ ᠪᠠᠶᠢᠵᠤ | ᠠᠮᠵᠢᠯᠲᠠ ᠳᠤ ᠬᠦᠷᠳᠡᠭ ᠠᠮᠢᠳᠤᠷᠠᠯ ᠤᠨ ᠠᠯᠢᠪᠠ ᠭᠦᠨ ᠤᠬᠠᠭᠠᠨ ᠢ ᠪᠡᠶᠡᠨ ᠳᠤ ᠪᠠᠨ ᠰᠢᠩᠭᠡᠭᠡᠭᠰᠡᠨ ᠮᠣᠩᠭᠤᠯ | ᠪᠥᠬᠡ ᠶᠢᠨ ᠤᠬᠠᠭᠠᠨ ᠭᠡᠭᠴᠢ ᠡᠶᠢᠮᠤ ᠯᠠ ᠠᠭᠤᠤ ᠶᠡᠭᠡ ᠰᠣᠶᠣᠯ ᠪᠠᠶᠢᠵᠠᠢ᠃ ᠰᠤᠤᠳᠤ ᠶᠡᠭᠡ ᠡᠪᠦᠭᠡ ᠲᠡᠭᠡᠳᠦᠰ ᠤᠨ | ᠮᠠᠨᠢ ᠠᠮᠢᠳᠤᠷᠠᠬᠤᠢ ᠶᠢᠨ ᠭᠦᠨ ᠤᠬᠠᠭᠠᠨ ᠭᠡᠵᠦ ᠡᠨᠡ ᠳ᠋ᠠ᠃ ᠲᠡᠭᠡᠷᠡᠬᠢ ᠮᠡᠲᠤ ᠶᠢᠨ ᠵᠤᠷᠢᠬᠵᠢᠭᠤᠯᠤᠯ ᠤᠨ ᠵᠢᠱᠢᠶᠡ | ᠪᠢᠳᠠᠨ ᠤ ᠳᠤᠮᠳᠠ ᠮᠠᠰᠢ ᠤᠯᠠᠨ ᠪᠤᠢ᠃ | ᠮᠣᠩᠭᠤᠯᠴᠤᠳ ᠤᠨ ᠴᠠᠳᠢᠭ ᠲᠡᠤᠬᠡᠨ ᠳᠤ ᠪᠠᠰᠠ ᠬᠡᠤᠬᠡᠳ ᠪᠠᠭᠠᠴᠤᠳ ᠢᠶᠠᠨ ᠤᠷᠮᠠᠰᠢᠭᠤᠯᠤᠨ ᠰᠤᠷᠭᠠᠵᠤ | ᠶᠡᠭᠡ ᠠᠮᠵᠢᠯᠲᠠ ᠳᠤ ᠬᠦᠷᠬᠦ ᠳᠤ ᠨᠢ ᠯᠤᠲᠤ ᠶᠡᠭᠡ ᠦᠢᠯᠡᠳᠦᠯ ᠦᠵᠡᠭᠦᠯᠦᠭᠰᠡᠨ ᠲᠡᠤᠬᠡᠨ ᠪᠤᠳᠠᠳᠤ ᠵᠢᠱᠢᠶᠡ ᠴᠤ | ᠮᠣᠩ ᠦᠭᠡᠢ ᠤᠯᠠᠨ ᠪᠠᠶᠢᠳᠠᠭ᠃ ᠲᠡᠭᠦᠨ ᠤ ᠲᠤᠲᠤᠷᠠᠬᠢ ᠨᠢᠭᠡ ᠪᠤᠳᠠᠳᠤ ᠵᠢᠱᠢᠶᠡ ᠪᠤᠯ ᠦᠭᠡᠯᠦᠨ ᠡᠬᠡ ᠪᠠᠷ | ᠲᠡᠮᠦᠵᠢᠨ ᠢ ᠤᠷᠮᠠᠰᠢᠭᠤᠯᠤᠭᠰᠠᠨ ᠨᠢᠭᠡᠨ ᠦᠢᠯᠡ ᠶᠠᠪᠤᠳᠠᠯ ᠪᠤᠯᠬᠤ ᠶᠤᠮ᠃ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠲᠠᠲ᠋ᠠᠷ ᠲᠤ | ᠬᠤᠣᠷᠯᠠᠭᠳᠠᠨ ᠨᠠᠰᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠲᠠᠷᠭᠤᠳᠠᠢ ᠬᠢᠷᠢᠯᠳᠤᠭ ᠲᠡᠮᠦᠵᠢᠨ ᠤ ᠨᠢᠭᠡ ᠭᠡᠷ ᠤᠨ ᠬᠥᠭᠰᠢᠨ ᠵᠠᠯᠠᠭᠤ | ᠶᠢᠰᠦᠨ ᠬᠦᠮᠦᠨ ᠢ ᠪᠠᠭᠤᠴᠠᠨ ᠳᠤ ᠨᠢ ᠤᠷᠬᠢᠵᠤ᠂ ᠠᠶᠢᠮᠠᠭ ᠤᠭᠰᠠᠭᠠᠨ ᠤ ᠬᠦᠮᠦᠰ ᠢ ᠲᠠᠭᠠᠭᠤᠯᠵᠤ ᠶᠠᠪᠤᠭᠰᠠᠨ ᠤ | ᠳᠠᠷᠠᠭᠠ᠂ ᠮᠠᠯ ᠤᠨᠤᠭᠠ ᠡᠳ᠋ ᠬᠤᠭᠰᠢᠯ ᠢᠶᠠᠨ ᠠᠯᠳᠠᠭᠰᠠᠨ ᠲᠡᠮᠦᠵᠢᠨ ᠤ ᠨᠢᠭᠡ ᠭᠡᠷ ᠤᠨ ᠬᠦᠮᠦᠰ ᠤᠨ ᠠᠮᠢᠳᠤᠷᠠᠯ | ᠲᠦᠢᠯ ᠤᠨ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠲᠠᠢ ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ ᠡᠨᠡ ᠦᠶᠡ ᠳᠤ ᠦᠭᠡᠯᠦᠨ ᠡᠬᠡ ᠲᠡᠮᠦᠵᠢᠨ ᠳᠤ | ︽ᠲᠡᠮᠦᠵᠢᠨ᠂ ᠴᠢ ᠪᠤᠯ ᠡᠨᠡ ᠭᠡᠷ ᠤᠨ ᠬᠠᠮᠤᠭ ᠤᠨ ᠶᠡᠭᠡ ᠡᠷᠡᠭᠳᠡᠢ ᠬᠦᠮᠦᠨ᠂ ᠡᠭᠦᠨ ᠠᠴᠠ ᠬᠤᠵᠢᠮ ᠡᠨᠡ ᠭᠡᠷ ᠢ ᠴᠢ | ᠤᠳᠤᠷᠢᠳᠬᠤ ᠬᠡᠷᠡᠭᠳᠡᠢ︾᠂ ︽ᠦᠪᠡᠷ ᠤᠨ ᠪᠤᠳᠤᠭᠰᠠᠨ ᠢᠶᠠᠷ ᠢᠶᠠᠨ ᠵᠣᠷᠢᠭ ᠲᠠᠢ ᠶᠠᠪᠤ︾ ᠭᠡᠵᠦ ᠶᠢᠰᠦᠨ ᠨᠠᠰᠤ ᠲᠠᠢ | ᠲᠡᠮᠦᠵᠢᠨ ᠳᠤ ᠡᠨᠡ ᠭᠦ ᠭᠡᠷ ᠪᠦᠯᠢ ᠶᠢ ᠬᠠᠮᠢᠶᠠᠷᠬᠤ᠂ ᠵᠤᠬᠢᠶᠠᠨ ᠪᠠᠶᠢᠭᠤᠯᠬᠤ ᠡᠷᠬᠡ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠶᠢ | ᠲᠤᠰᠢᠶᠠᠵᠤ᠂ ᠠᠪᠤ ᠶᠢᠨ ᠬᠦᠤ ᠡᠷᠡ ᠪᠤᠯᠵᠠᠢ ᠭᠡᠳᠡᠭ ᠢ ᠲᠠᠨᠢᠭᠤᠯᠵᠤ ᠮᠡᠳᠡᠭᠦᠯᠵᠠᠢ᠃ ᠶᠠᠭ ᠡᠨᠡ ᠭᠦ ᠤᠴᠢᠷ ᠨᠢ ᠨᠢᠯᠬᠠ | ᠪᠠᠭᠠ ᠲᠡᠮᠦᠵᠢᠨ ᠳᠤ ᠮᠠᠰᠢ ᠶᠡᠭᠡ ᠤᠷᠮᠠᠰᠢᠭᠤᠯᠤᠯ ᠵᠤᠷᠢᠬᠵᠢᠭᠤᠯᠤᠯ ᠪᠤᠯᠵᠤ᠂ ᠲᠡᠭᠦᠨ ᠢ ᠠᠯᠤᠰ ᠢᠷᠡᠭᠡᠳᠦᠢ ᠳᠤ | ᠪᠦᠮᠪᠦᠷᠴᠡᠭ ᠤᠨ ᠬᠠᠭᠠᠰ ᠢ ᠲᠦᠪᠰᠢᠳᠬᠡᠨ ᠤᠳᠤᠷᠢᠳᠬᠤ ᠠᠭᠤᠤ ᠶᠡᠭᠡ ᠤᠳᠤᠷᠢᠳᠤᠭᠴᠢ ᠪᠤᠯᠬᠤ ᠠᠩᠬᠠᠨ ᠤ | ᠠᠯᠬᠤᠮ ᠨᠢ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠭᠤᠷᠪᠠ᠂ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠶᠢᠨ ᠠᠵᠢᠯ ᠳᠤ ᠤᠷᠮᠠᠰᠢᠭᠤᠯᠤᠯ ᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠢ ᠬᠡᠷᠬᠢᠨ | ᠠᠮᠢᠳᠤᠯᠢᠭ ᠬᠡᠷᠡᠭᠯᠡᠬᠦ ᠪᠤᠢ | ᠮᠢᠨᠤ ᠦᠵᠡᠬᠦ ᠪᠠᠷ ᠤᠷᠮᠠᠰᠢᠭᠤᠯᠤᠨ ᠵᠤᠷᠢᠬᠵᠢᠭᠤᠯᠬᠤ ᠪᠤᠯ ᠰᠤᠷᠭᠠᠨ ᠬᠦᠮᠦᠵᠢᠯ ᠠᠮᠵᠢᠯᠲᠠ ᠣᠯᠬᠤ | ᠡᠰᠡᠬᠦ ᠶᠢᠨ ᠴᠢᠬᠤᠯᠠ ᠨᠢᠭᠡᠨ ᠭᠤᠭᠴᠤᠭᠠ ᠪᠤᠯᠬᠤ ᠶᠤᠮ᠂ ᠰᠤᠷᠤᠭᠴᠢᠳ ︽ᠴᠢ ᠪᠦᠳᠦᠬᠦ ᠦᠭᠡᠢ ᠪᠠᠶᠢᠨᠠ᠂ ᠪᠣᠯᠬᠤ | ᠦᠭᠡᠢ ᠪᠠᠶᠢᠨᠠ︾ ᠭᠡᠵᠤ ᠪᠠᠶᠢᠩᠭᠤ ᠵᠠᠩᠨᠠᠵᠤ ᠠᠭᠤᠷᠯᠠᠬᠤ ᠶᠢᠨ ᠣᠷᠣᠨ ᠳᠤ ︽ᠴᠢ ᠪᠦᠳᠦᠵᠦ ᠪᠠᠶᠢᠨᠠ᠂ ᠪᠤᠯᠵᠤ | ᠪᠠᠶᠢᠨᠠ︾ ᠭᠡᠵᠦ ᠤᠷᠮᠠᠰᠢᠭᠤᠯᠤᠨ ᠵᠤᠷᠢᠬᠵᠢᠭᠤᠯᠵᠤ᠂ ᠰᠤᠷᠤᠭᠴᠢᠳ ᠤᠨ ᠳᠠᠯᠳᠠ ᠤᠬᠠᠮᠰᠠᠷ ᠢ ᠰᠡᠷᠢᠭᠡᠵᠤ᠂ | ᠦᠪᠡᠰᠤᠪᠠᠨ ᠰᠤᠷᠤᠯᠴᠠᠬᠤ ᠢᠳᠡᠪᠬᠢᠵᠢᠯ ᠢ ᠨᠢ ᠳᠠᠶᠢᠴᠢᠯᠠᠬᠤ ᠨᠢ ᠬᠠᠷᠢᠨ ᠴᠢᠬᠤᠯᠠ ᠠᠴᠠ ᠴᠢᠬᠤᠯᠠ ᠭᠡᠵᠦ | ᠪᠤᠳᠤᠭᠳᠠᠵᠤ ᠪᠠᠶᠢᠨᠠ᠃ ᠪᠢᠳᠡ ᠡᠷᠬᠡᠪᠰᠢ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠳᠤᠮᠳᠠ ᠬᠡᠤᠬᠡᠳ ᠰᠤᠷᠤᠭᠴᠢᠳ ᠲᠤ ᠪᠠᠨ | ᠤᠷᠮᠠᠰᠢᠭᠤᠯᠤᠯ ᠤᠨ ᠠᠷᠭᠠ ᠶᠢ ᠪᠠᠶᠢᠩᠭᠤ ᠬᠡᠷᠡᠭᠯᠡᠵᠤ᠂ ᠤᠷᠮᠠ ᠵᠣᠷᠢᠭ ᠢ ᠨᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠬᠦᠪᠴᠢᠯᠡᠨ | ᠦᠭᠴᠦ᠂ ᠰᠤᠷᠤᠭᠴᠢᠳ ᠤᠨ ᠳᠠᠯᠳᠠ ᠬᠦᠴᠦᠨ ᠢ ᠨᠡᠭᠡᠭᠡᠬᠦ ᠶᠢ ᠲᠡᠷᠢᠭᠦᠨ ᠪᠠᠶᠢᠷᠢᠨ ᠳᠤ ᠲᠠᠯᠪᠢᠬᠤ ᠬᠡᠷᠡᠭᠳᠡᠢ | ᠪᠤᠯᠤᠭᠠᠳ ᠪᠠᠶᠢᠨᠠ᠃ ᠰᠤᠷᠤᠯᠴᠠᠯᠭᠠ ᠳᠤ ᠰᠤᠷᠤᠭᠴᠢᠳ ᠤᠨ ᠳᠠᠯᠳᠠ ᠬᠦᠴᠦᠨ ᠴᠢᠳᠠᠯ ᠢ ᠨᠡᠭᠡᠭᠡᠬᠦ ᠪᠤᠯ ᠲᠦᠢᠯ ᠤᠨ | ᠴᠢᠬᠤᠯᠠ ᠠᠰᠠᠭᠤᠳᠠᠯ ᠮᠦᠨ᠂ ᠰᠤᠷᠤᠭᠴᠢᠳ ᠤᠨ ᠳᠠᠯᠳᠠ ᠬᠦᠴᠦᠨ ᠢ ᠨᠡᠭᠡᠭᠡᠬᠦ ᠳᠤ ᠤᠷᠮᠠᠰᠢᠭᠤᠯᠤᠯ ᠤᠨ ᠠᠷᠭᠠ ᠪᠤᠯ | ᠡᠷᠳᠡᠨᠢ ᠶᠢᠨ ᠲᠦᠯᠬᠢᠭᠦᠷ ᠨᠢ ᠪᠠᠶᠢᠬᠤ ᠶᠤᠰᠤᠳᠠᠢ᠃ ᠲᠡᠭᠡᠪᠡᠯ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠪᠤᠯᠤᠭᠰᠠᠳ ᠤᠷᠮᠠᠰᠢᠭᠤᠯᠤᠯ | ᠤᠨ ᠠᠷᠭᠠ ᠶᠢ ᠬᠡᠷᠬᠢᠨ ᠵᠦᠪ ᠢᠶᠠᠷ᠂ ᠨᠡᠩ ᠢᠯᠡᠭᠦᠤ ᠦᠷᠡ ᠪᠦᠲᠦᠮᠵᠢ ᠲᠠᠢ ᠪᠠᠷ ᠬᠡᠷᠡᠭᠯᠡᠬᠦ ᠪᠤᠢ︖ | 1. ᠵᠦᠢᠷ ᠦᠭᠡ ᠪᠠᠷ ᠤᠷᠮᠠᠰᠢᠭᠤᠯᠤᠨ ᠵᠤᠷᠢᠬᠵᠢᠭᠤᠯᠬᠤ | ᠪᠢᠳᠠ ︽ᠠᠮᠠᠨ ᠤ ᠪᠡᠯᠭᠡ ᠠᠴᠠ ᠠᠰᠢᠳᠠ ᠶᠢᠨ ᠪᠡᠯᠭᠡ︾ ᠭᠡᠵᠦ ᠦᠷᠡ ᠬᠡᠤᠬᠡᠳ ᠲᠤ ᠪᠠᠨ ᠪᠤᠶᠤ ᠪᠤᠰᠤᠳ | ᠶᠠᠮᠠᠷ ᠴᠤ ᠬᠦᠮᠦᠨ ᠳᠤ ᠰᠠᠶᠢᠨ ᠰᠠᠶᠢᠬᠠᠨ ᠪᠡᠯᠭᠡ ᠳᠡᠮᠪᠡᠷᠡᠯ ᠲᠠᠢ ᠦᠭᠡ ᠬᠡᠯᠡᠵᠤ ᠰᠠᠶᠢᠨ ᠤ ᠢᠷᠦᠭᠡᠯ ᠲᠠᠯᠪᠢᠬᠤ ᠶᠢ | ᠢᠯᠡᠭᠦᠤ ᠬᠢᠴᠢᠶᠡᠳᠡᠭ᠃ ᠰᠢᠯᠭᠠᠯᠲᠠ ᠶᠢᠨ ᠬᠢᠷᠢ ᠪᠦᠳᠦᠮᠵᠢ ᠨᠢ ᠰᠠᠨᠠᠭᠠᠨ ᠳᠤ ᠨᠢ ᠬᠦᠷᠦᠭᠰᠡᠨ ᠦᠭᠡᠢ ᠪᠤᠶᠤ ᠠᠨᠠᠢ | ᠰᠢᠯᠭᠠᠭᠤᠯᠤᠭᠰᠠᠨ ᠪᠠᠶᠢᠪᠠᠯ ︽ᠡᠷᠡ ᠬᠦᠮᠦᠨ ᠳᠣᠯᠤᠭᠠ ᠪᠦᠳᠦᠷᠢᠵᠦ ᠨᠠᠢᠮᠠ ᠰᠡᠬᠡᠳᠡᠭ︾ ᠭᠡᠵᠦ ᠢᠳᠬᠠᠨ ︽ᠰᠠᠨᠠᠵᠤ | ᠯᠠ ᠪᠠᠶᠢᠪᠠᠯ ᠪᠦᠳᠦᠨᠡ᠂ ᠰᠠᠵᠢᠯᠠᠵᠤ ᠯᠠ ᠪᠠᠶᠢᠪᠠᠯ ᠬᠦᠷᠦᠨᠡ︾᠂ ︽ᠵᠢᠷᠭᠠᠬᠤ ᠴᠠᠭ ᠲᠤ ᠰᠡᠷᠡᠮᠵᠢ ᠬᠡᠷᠡᠭᠳᠡᠢ᠂ ᠵᠣᠪᠠᠭ᠋ᠤ | ᠴᠠᠭ ᠲᠤ ᠬᠠᠳᠠᠭᠤᠵᠢᠯ ᠬᠡᠷᠡᠭᠳᠡᠢ︾᠂ ︽ᠣᠷᠬᠢᠯ ᠳᠤᠷ ᠭᠠᠷᠬᠤ ᠤᠮᠤᠭ ᠵᠣᠷᠢᠭ ᠪᠠᠶᠢᠪᠠᠰᠤ ᠣᠷᠴᠢᠯᠠᠩ ᠳᠡᠯᠡᠬᠡᠢ ᠳᠤᠷ | ᠪᠡᠷᠬᠡ ᠶᠠᠪᠤᠳᠠᠯ ᠠᠯᠠᠭᠠ᠂ ᠦᠷᠭᠦᠯᠵᠢᠯᠡᠨ ᠴᠢᠷᠮᠠᠢ︾ ᠬᠡᠮᠡᠨ ᠤᠷᠮᠠᠰᠢᠭᠤᠯᠤᠨ ᠵᠤᠷᠢᠬᠵᠢᠭᠤᠯᠵᠤ᠂ ᠢᠯᠠᠭᠳᠠᠯ ᠳᠤ | ᠨᠤᠭᠤᠷᠠᠵᠤ ᠪᠤᠯᠬᠤ ᠦᠭᠡᠢ᠂ ᠶᠠᠮᠠᠷᠪᠠ ᠠᠵᠢᠯ ᠦᠢᠯᠡᠰ ᠤᠨ ᠵᠠᠮ ᠳᠤ ᠪᠦᠷ ᠨᠤᠭᠤᠷᠠᠯ ᠪᠦᠳᠦᠷᠢᠯ ᠤᠷᠤᠰᠢᠵᠤ ᠪᠠᠶᠢᠳᠠᠭ᠂ | ᠡᠷᠬᠡᠪᠰᠢ ᠴᠢᠩᠭᠠ ᠬᠠᠲᠠᠭᠤ ᠵᠣᠷᠢᠭ ᠢᠶᠠᠷ ᠰᠢᠨᠳᠠᠷᠠᠰᠢ ᠦᠭᠡᠢ ᠬᠦᠴᠦᠯᠡᠨ ᠴᠢᠷᠮᠠᠶᠢᠵᠤ ᠯᠠ ᠪᠠᠶᠢᠪᠠᠯ | ᠡᠴᠦᠰ ᠲᠤ ᠪᠠᠨ ᠠᠮᠵᠢᠯᠲᠠ ᠳᠤ ᠬᠦᠷᠴᠦ ᠪᠤᠯᠤᠨᠠ ᠭᠡᠰᠡᠨ ᠶᠤᠰᠤ ᠤᠴᠢᠷ ᠢ ᠲᠠᠨᠢᠭᠤᠯᠵᠤ ᠪᠠᠶᠢᠬᠤ ᠴᠢᠬᠤᠯᠠ ᠲᠠᠢ᠃ | 2.ᠲᠠᠪᠠᠭᠤᠯᠢᠭ ᠲᠠᠯᠠ ᠪᠠᠷ ᠨᠢ ᠤᠷᠮᠠᠰᠢᠭᠤᠯᠬᠤ | ᠬᠦᠮᠦᠨ ᠪᠦᠬᠦᠨ ᠳᠤ ᠦᠪᠡᠷ ᠦᠪᠡᠷ ᠤᠨ ᠬᠢᠨᠢ ᠲᠠᠪᠠᠭᠤᠯᠢᠭ ᠲᠠᠯᠠ ᠪᠠ ᠲᠤᠳᠠᠭᠳᠠᠯ ᠲᠠᠢ ᠲᠠᠯᠠ ᠭᠡᠵᠦ | ᠪᠠᠶᠢᠳᠠᠭ᠃ ᠮᠢᠨᠤ ᠦᠵᠡᠬᠦ ᠪᠠᠷ ᠬᠢᠴᠢᠶᠡᠯ ᠰᠤᠷᠤᠯᠭᠠ ᠳᠤ ᠪᠠᠨ ᠰᠢᠮᠳᠠᠳᠠᠭ ᠦᠭᠡᠢ ᠰᠤᠷᠤᠭᠴᠢᠳ ᠲᠤ ︽ᠴᠢᠨᠤ ᠡᠨᠡ | ᠴᠢᠨᠢ ᠪᠤᠯᠬᠤ ᠦᠭᠡᠢ ᠪᠠᠶᠢᠨᠠ᠂ ᠲᠡᠷᠡ ᠴᠢᠨᠢ ᠪᠤᠯᠬᠤ ᠦᠭᠡᠢ ᠪᠠᠶᠢᠨᠠ︾ ᠭᠡᠵᠦ ᠵᠠᠩᠨᠠᠬᠤ ᠶᠢᠨ ᠣᠷᠣᠨ ᠳᠤ | ᠤᠷᠢᠳ ᠢᠶᠠᠷ ᠲᠡᠳᠡᠭᠡᠷ ᠤᠨ ᠲᠠᠪᠠᠭᠤᠯᠢᠭ ᠲᠠᠯᠠ ᠶᠢ ᠨᠢ ᠤᠯᠵᠤ ᠵᠤᠷᠢᠬᠵᠢᠭᠤᠯᠤᠨ ᠤᠷᠮᠠᠰᠢᠭᠤᠯᠤᠭᠰᠠᠨ ᠰᠠᠭᠤᠷᠢᠨ | ᠳᠡᠭᠡᠷᠡ ᠬᠦᠷᠦᠯᠴᠡᠬᠦ ᠦᠭᠡᠢ ᠲᠠᠯᠠ ᠶᠢ ᠨᠢ ᠬᠡᠯᠡᠵᠦ ᠰᠠᠨᠠᠭᠤᠯᠪᠠᠯ᠂ ᠲᠡᠳᠡᠭᠡᠷ ᠰᠤᠷᠤᠭᠴᠢ ᠪᠡᠶᠡ ᠳᠤ ᠪᠠᠨ ᠢᠲᠡᠭᠡᠯ | ᠲᠠᠢ ᠪᠤᠯᠵᠤ᠂ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠤ ᠠᠮᠢᠳᠤᠷᠠᠯ ᠳᠤ ᠤᠯᠠᠮ ᠢᠶᠠᠷ ᠰᠤᠨᠢᠷᠬᠠᠯ ᠲᠠᠢ ᠪᠤᠯᠵᠤ ᠢᠷᠡᠬᠦ | ᠮᠦᠷᠲᠡᠭᠡᠨ ᠠᠭᠠᠵᠢᠮ ᠢᠶᠠᠷ ᠬᠢᠴᠢᠶᠡᠯ ᠰᠤᠷᠤᠯᠭᠠ ᠳᠤ ᠪᠠᠨ ᠴᠤ ᠰᠢᠮᠳᠡᠵᠤ ᠡᠬᠢᠯᠡᠬᠦ ᠪᠤᠯᠤᠨᠠ᠃ | 3. ᠰᠤᠷᠤᠭᠴᠢᠳ ᠲᠠᠢ ᠬᠠᠷᠢᠴᠠᠭᠠ ᠪᠠᠨ ᠰᠠᠶᠢᠵᠢᠷᠠᠭᠤᠯᠵᠤ᠂ ᠰᠤᠷᠤᠭᠴᠢᠳ ᠤᠨ ᠰᠡᠳᠬᠢᠯ ᠤᠨ ᠨᠠᠶᠢᠵᠠ ᠨᠢ | ᠪᠣᠯᠵᠤ ᠲᠠᠬᠢᠨ ᠤᠷᠮᠠᠰᠢᠭᠤᠯᠬᠤ | ᠰᠤᠷᠤᠭᠴᠢᠳ ᠪᠤᠯ ᠪᠦᠷ ᠠᠪᠤ ᠡᠵᠢ ᠠᠴᠠ ᠪᠠᠨ ᠰᠠᠯᠵᠦ ᠬᠤᠯᠠ ᠭᠠᠷᠴᠤ᠂ ᠤᠯᠠᠨ ᠰᠤᠷᠤᠭᠴᠢ ᠶᠢᠨ ᠳᠤᠮᠳᠠ | ᠪᠡᠶᠡ ᠪᠠᠨ ᠳᠠᠭᠠᠭᠠᠭᠰᠠᠨ ᠨᠢᠭᠡᠨ ᠬᠡᠰᠢᠭᠦᠨ ᠪᠤᠯᠵᠤ ᠶᠠᠪᠤᠵᠤ ᠪᠠᠶᠢᠭᠠ ᠬᠦᠮᠦᠰ ᠤᠴᠢᠷ ᠠᠴᠠ ᠲᠡᠳᠡ ᠨᠡᠷ ᠲᠤ | ᠰᠡᠳᠬᠢᠯ ᠢᠶᠠᠨ ᠳᠡᠯᠭᠡᠬᠦ ᠬᠦᠮᠦᠨ ᠶᠡᠭᠡ ᠱᠠᠭᠠᠷᠳᠠᠳᠠᠭ᠂ ᠨᠡᠩ ᠢᠯᠠᠩᠭᠤᠶᠠ ᠬᠦᠨᠳᠦᠳᠬᠡᠵᠦ ᠪᠢᠰᠢᠷᠡᠳᠡᠭ ᠪᠠᠭᠰᠢ | ᠨᠠᠷ ᠨᠢ ᠲᠡᠭᠦᠨ ᠲᠠᠢ ᠤᠶᠢᠷᠠᠳᠤᠯᠴᠠᠨ ᠰᠡᠳᠬᠢᠯ ᠤᠨ ᠦᠭᠡ ᠪᠠᠨ ᠰᠤᠯᠢᠯᠴᠠᠨ ᠨᠠᠶᠢᠵᠠᠯᠠᠬᠤ ᠨᠢ ᠰᠤᠷᠤᠭᠴᠢᠳ ᠲᠤ | ᠠᠪᠴᠤ ᠬᠡᠯᠡᠪᠡᠯ ᠮᠠᠰᠢ ᠶᠡᠭᠡ ᠪᠠᠶᠠᠷ ᠬᠦᠷ ᠲᠠᠢ ᠤᠴᠢᠷ ᠪᠤᠯᠬᠤ ᠶᠤᠮ᠃ ᠶᠠᠭ ᠡᠨᠡ ᠭᠦ ᠨᠠᠶᠢᠵᠠ ᠶᠢᠨ ᠬᠠᠷᠢᠴᠠᠭᠠᠨ ᠤ | ᠰᠠᠭᠤᠷᠢᠨ ᠳᠡᠭᠡᠷᠡ ᠪᠠᠭᠰᠢ ᠠᠴᠠ ᠰᠤᠷᠤᠭᠴᠢᠳ ᠲᠤ ᠡᠶᠡᠯᠳᠡᠭ ᠢᠶᠠᠷ ᠦᠪᠡᠷ ᠤᠨ ᠪᠤᠳᠤᠯ ᠰᠠᠨᠠᠯ ᠢᠶᠠᠨ ᠬᠡᠯᠡᠵᠦ᠂ | ᠤᠷᠮᠠᠰᠢᠭᠤᠯᠤᠨ ᠵᠤᠷᠢᠬᠵᠢᠭᠤᠯᠪᠠᠯ ᠰᠤᠷᠤᠭᠴᠢᠳ ᠨᠡᠩ ᠠᠮᠠᠷᠬᠠᠨ ᠬᠦᠯᠢᠶᠡᠨ ᠠᠪᠴᠤ᠂ ᠦᠷᠡ ᠠᠰᠢᠭ ᠨᠢ ᠨᠡᠩ | ᠦᠨᠳᠦᠷ ᠪᠠᠶᠢᠳᠠᠭ᠃ | 4. ᠰᠤᠷᠤᠭᠴᠢᠳ ᠤᠨ ᠬᠢᠴᠢᠶᠡᠯ ᠤᠨ ᠲᠠᠩᠬᠢᠮ ᠤᠨ ᠠᠰᠠᠭᠤᠯᠲᠠ ᠬᠠᠷᠢᠭᠤᠯᠬᠤ ᠪᠤᠶᠤ ᠰᠤᠷᠤᠯᠭᠠ | ᠠᠮᠢᠳᠤᠷᠠᠯ ᠤᠨ ᠵᠢᠵᠢᠭ ᠰᠠᠵᠢᠭ ᠵᠦᠢᠯ ᠳᠤ ᠮᠠᠭᠳᠠᠭᠠᠯ ᠦᠭᠴᠦ ᠤᠷᠮᠠᠰᠢᠭᠤᠯᠬᠤ | ᠬᠢᠴᠢᠶᠡᠯ ᠤᠨ ᠴᠠᠭ ᠪᠠᠭᠰᠢ ᠶᠢᠨ ᠠᠰᠠᠭᠤᠯᠲᠠ ᠶᠢ ᠭᠠᠷ ᠡᠷᠭᠦᠨ ᠬᠠᠷᠢᠭᠤᠯᠵᠤ ᠪᠠᠶᠢᠭᠠ ᠰᠤᠷᠤᠭᠴᠢᠳ ᠪᠤᠯ | ᠪᠡᠶᠡ ᠳᠤ ᠪᠠᠨ ᠢᠲᠡᠭᠡᠯ ᠲᠠᠢ ᠬᠦᠮᠦᠰ ᠪᠤᠯᠬᠤ ᠶᠤᠮ᠃ ᠪᠡᠶᠡ ᠳᠤ ᠪᠠᠨ ᠢᠳᠡᠭᠡᠵᠦ ᠭᠠᠷ ᠡᠷᠭᠦᠨ ᠪᠤᠰᠴᠤ | ᠬᠠᠷᠢᠭᠤᠯᠬᠤ ᠳᠤ ᠨᠢ ᠬᠠᠷᠢᠭᠤᠯᠲᠠ ᠨᠢ ᠣᠨᠣᠪᠴᠢᠳᠠᠢ ᠴᠤ ᠪᠤᠯᠤᠭ ᠤᠨᠤᠪᠴᠢ ᠦᠭᠡᠢ ᠴᠤ ᠪᠤᠯᠤᠭ᠂ | ᠰᠡᠳᠦᠪ ᠲᠤ ᠪᠠᠨ ᠲᠠᠶᠢᠯᠪᠤᠷᠢ ᠬᠢᠬᠦ ᠶᠢᠨ ᠳᠠᠭᠠᠤ ᠵᠤᠬᠢᠰᠳᠠᠢ ᠤᠷᠮᠠᠰᠢᠭᠤᠯᠤᠯ ᠰᠠᠶᠢᠰᠢᠶᠠᠯ ᠤᠨ ᠦᠭᠡ ᠶᠢ ᠪᠠᠶᠢᠩᠭᠤ | ᠱᠠᠩᠨᠠᠵᠤ ᠪᠠᠶᠢᠬᠤ ᠬᠡᠷᠡᠭᠳᠡᠢ᠃ ᠢᠩᠭᠢᠵᠤ ᠬᠢᠪᠡᠯ ᠰᠤᠷᠤᠭᠴᠢᠳ ᠬᠡᠷᠪᠡ ᠵᠦᠪ ᠬᠠᠷᠢᠭᠤᠯᠤᠭᠰᠠᠨ ᠪᠤᠯ ᠪᠡᠶᠡ ᠳᠤ ᠪᠠᠨ | ᠨᠡᠩ ᠢᠯᠡᠭᠦᠤ ᠢᠲᠡᠭᠡᠯ ᠲᠠᠢ ᠪᠤᠯᠵᠤ᠂ ᠬᠡᠷᠪᠡ ᠤᠨᠤᠪᠴᠢ ᠦᠭᠡᠢ ᠬᠠᠷᠢᠭᠤᠯᠤᠭᠰᠠᠨ ᠪᠤᠯ ᠪᠠᠭᠰᠢ ᠶᠢᠨ ᠢᠶᠠᠨ | ᠲᠡᠭᠦᠨ ᠳᠤ ᠦᠭᠬᠦᠭᠰᠡᠨ ᠢᠲᠡᠭᠡᠯ ᠨᠠᠶᠢᠳᠠᠯᠭᠠ ᠳᠤ ᠤᠷᠮᠠᠰᠢᠵᠤ᠂ ᠨᠡᠩ ᠢᠯᠡᠭᠦᠤ ᠪᠡᠶᠡ ᠪᠠᠨ ᠴᠢᠩᠭᠠ ᠱᠠᠭᠠᠷᠳᠠᠵᠤ | ᠴᠢᠷᠮᠠᠶᠢᠨ ᠰᠤᠷᠤᠯᠴᠠᠬᠤ ᠪᠤᠯᠤᠨᠠ᠃ | 5. ᠰᠤᠷᠤᠭᠴᠢ ᠶᠢ ᠲᠤᠭᠳᠠᠮᠠᠯ ᠪᠤᠰᠤ ᠬᠤᠭᠤᠴᠠᠭᠠ ᠲᠠᠢ ᠪᠠᠷ ᠳᠠᠭᠤᠳᠠᠨ ᠶᠠᠷᠢᠯᠴᠠᠵᠤ᠂ ᠰᠤᠷᠤᠯᠭᠠ | ᠠᠮᠢᠳᠤᠷᠠᠯ ᠤᠨ ᠬᠢᠨᠢ ᠲᠠᠯᠠ ᠪᠠᠷ ᠬᠠᠷᠠᠭᠠᠯᠵᠠᠨ ᠤᠷᠮᠠᠰᠢᠭᠤᠯᠤᠨ ᠵᠤᠷᠢᠬᠵᠢᠭᠤᠯᠬᠤ | ᠰᠤᠷᠤᠭᠴᠢᠳ ᠢ ᠲᠤᠭᠳᠠᠮᠠᠯ ᠪᠤᠰᠤ ᠬᠤᠭᠤᠴᠠᠭᠠ ᠪᠠᠷ ᠳᠠᠭᠤᠳᠠᠨ ᠶᠠᠷᠢᠯᠴᠠᠬᠤ ᠨᠢ ᠰᠤᠷᠤᠭᠴᠢᠳ ᠲᠤ ᠠᠪᠴᠤ | ᠬᠡᠯᠡᠪᠡᠯ ᠨᠢᠭᠡ ᠵᠦᠢᠯ ᠤᠨ ᠤᠷᠮᠠᠰᠢᠭᠤᠯᠤᠯ ᠵᠤᠷᠢᠬᠵᠢᠭᠤᠯᠤᠯ ᠪᠤᠯᠬᠤ ᠶᠤᠮ᠂ ᠲᠡᠷᠡ ᠨᠢ ᠰᠤᠷᠤᠭᠴᠢᠳ ᠲᠤ | ᠪᠠᠭᠰᠢ ᠠᠴᠠ ᠲᠡᠭᠦᠨ ᠢ ᠴᠢᠬᠤᠯᠠᠴᠢᠯᠠᠨ ᠦᠵᠡᠵᠦ ᠪᠠᠶᠢᠬᠤ ᠪᠠᠷ ᠰᠠᠨᠠᠭᠳᠠᠵᠤ᠂ ᠤᠷᠮᠠ ᠵᠣᠷᠢᠭ ᠨᠢ ᠬᠦᠪᠴᠢᠯᠡᠭᠳᠡᠵᠦ᠂ | ᠰᠤᠷᠤᠯᠭᠠ ᠬᠢᠴᠢᠶᠡᠯ ᠳᠤ ᠪᠠᠨ ᠨᠡᠩ ᠢᠯᠡᠭᠦᠤ ᠬᠦᠴᠦᠯᠡᠨ ᠴᠢᠷᠮᠠᠶᠢᠬᠤ ᠪᠤᠯᠤᠨᠠ᠃ | 6. ᠡᠷᠲᠡᠨ ᠤ ᠮᠡᠷᠭᠡᠳ ᠤᠨ ᠭᠦᠨ ᠤᠬᠠᠭᠠᠯᠢᠭ ᠰᠢᠯᠦᠭ ᠲᠠᠭᠤᠯᠠᠯ ᠢᠶᠠᠷ ᠵᠤᠷᠢᠬᠵᠢᠭᠤᠯᠬᠤ | ᠰᠤᠤᠲᠤ ᠮᠡᠷᠭᠡᠨ ᠢᠰᠢᠳᠠᠨᠽᠠᠨᠸᠠᠩᠵᠢᠯ ︽ᠡᠷᠬᠢᠮ ᠮᠠᠩᠯᠠᠢ ᠪᠤᠯᠤᠨ ᠬᠦᠮᠦᠵᠢᠬᠦᠯᠬᠦ ᠶᠤᠰᠤᠨ︾ ᠭᠡᠳᠡᠭ | ᠰᠢᠯᠦᠭ ᠲᠤ ᠪᠠᠨ ︽ᠷᠬᠢᠮ ᠮᠠᠩᠯᠠᠢ ᠬᠦᠮᠦᠨ ᠪᠤᠯᠤᠨ ᠬᠦᠮᠦᠵᠢᠬᠦ ᠶᠤᠰᠤᠨᠠ᠂ ᠡᠷᠳᠡᠮ ᠴᠢᠳᠠᠯ ᠪᠦᠷᠢᠳᠬᠦ ᠮᠠᠰᠢ | ᠴᠢᠬᠤᠯᠠ ᠬᠡᠮᠡᠨᠡᠮ᠂ ᠡᠳᠦᠷ ᠴᠠᠭ ᠢ ᠬᠤᠭᠤᠰᠤᠭᠠᠷ ᠦᠯᠪᠡᠬᠦ ᠪᠣᠯᠪᠠᠰᠤ᠂ ᠡᠨᠡ ᠨᠠᠰᠤᠨ ᠤ ᠶᠠᠪᠤᠳᠠᠯ ᠶᠠᠭᠠᠬᠢᠵᠤ ᠭᠦᠢᠴᠡᠬᠦ᠂ | ᠡᠷᠳᠡᠨᠢᠳᠤ ᠬᠠᠰ ᠨᠣᠮᠢᠨ ᠦᠵᠡᠰᠬᠦᠯᠡᠩ ᠪᠤᠯᠪᠠᠴᠤ᠂ ᠡᠳ᠋ ᠡᠰᠡ ᠬᠢᠪᠡᠰᠤ ᠬᠡᠷᠡᠭ ᠦᠭᠡᠢ ᠴᠢᠯᠠᠭᠤᠨ᠂ ᠡᠷᠬᠢᠮ ᠰᠠᠶᠢᠨ | ᠬᠦᠮᠦᠨ ᠪᠡᠶᠡ ᠯᠠᠭᠰᠢᠨ ᠪᠤᠯᠪᠠᠴᠤ᠂ ᠡᠷᠳᠡᠮ ᠡᠰᠡ ᠰᠤᠷᠪᠠᠰᠤ ᠴᠢᠨᠠᠷ ᠦᠭᠡᠢ ᠮᠠᠬᠠᠪᠤᠳ᠂ ᠪᠢᠷ ᠪᠡᠭᠡ ᠡᠷᠢᠶᠡᠯᠡᠨ | ᠤᠳᠬᠠ ᠤᠶᠠᠩᠭᠠ ᠳᠤᠷ ᠰᠢᠮᠳᠠᠪᠠᠰᠤ᠂ ᠪᠢᠯᠢᠭ ᠡᠷᠳᠡᠮ ᠲᠡᠭᠦᠰᠬᠦ ᠶᠤᠰᠤ ᠨᠣᠮᠯᠠᠯ ᠢᠯᠡᠷᠬᠡᠢ᠂ ᠪᠡᠶᠡ ᠭᠡᠷ ᠤᠨ ᠬᠡᠷᠡᠭ | ᠪᠠ ᠤᠯᠤᠰ ᠲᠦᠷᠦ ᠶᠢᠨ ᠶᠠᠪᠤᠳᠠᠯ ᠳᠤᠷ᠂ ᠪᠢᠴᠢᠭ ᠨᠣᠮ ᠤᠨ ᠠᠰᠢᠭ ᠳᠤᠰᠠ ᠲᠦᠮᠡᠨ ᠦᠶᠡ ᠲᠤᠳᠤᠷᠬᠠᠢ᠂ | ᠴᠢᠬᠢᠨ ᠳᠤ ᠪᠠᠨ ᠰᠢᠩᠭᠡᠭᠡᠵᠤ ᠨᠢᠳᠦᠨ ᠳᠤ ᠪᠠᠨ ᠰᠢᠷᠲᠡᠭᠡᠳ᠂ ᠴᠡᠭᠡᠵᠢᠨ ᠳᠤᠷ ᠢᠶᠠᠨ ᠠᠭᠤᠯᠵᠤ ᠰᠡᠳᠬᠢᠯ ᠳᠡᠭᠡᠨ | ᠲᠡᠮᠳᠡᠭᠯᠡᠭᠡᠳ᠂ ᠴᠢᠩᠭᠠ ᠵᠣᠷᠢᠭ ᠡᠭᠦᠰᠬᠡᠵᠤ ᠪᠢᠰᠢᠯᠭᠠᠬᠤ ᠪᠤᠯᠪᠠᠰᠤ᠂ ᠴᠢᠩ ᠦᠨᠡᠨ ᠰᠤᠷᠤᠯᠭᠠ ᠶᠢ ᠲᠡᠭᠦᠰᠬᠡᠵᠤ | ᠪᠣᠯᠣᠮᠣᠢ︾ ᠬᠡᠮᠡᠨ ᠡᠷᠬᠢᠮ ᠬᠦᠮᠦᠨ ᠪᠤᠯᠬᠤ᠂ ᠠᠮᠵᠢᠯᠲᠠ ᠳᠤ ᠬᠦᠷᠬᠦ ᠳᠤ ᠡᠷᠬᠡᠪᠰᠢ ᠴᠢᠷᠮᠠᠶᠢᠨ ᠰᠤᠷᠤᠯᠴᠠᠵᠤ | ᠠᠵᠢᠯᠯᠠᠬᠤ ᠬᠡᠷᠡᠭᠳᠡᠢ᠂ ᠲᠡᠶᠢᠮᠤ ᠪᠢᠰᠢ ᠪᠤᠯ ᠪᠡᠶᠡ ᠮᠠᠬᠠᠪᠤᠳ ᠬᠡᠴᠢᠨᠡᠭᠡᠨ ᠰᠠᠶᠢᠨ᠂ ᠲᠠᠷᠢᠬᠢ ᠬᠡᠴᠢᠨᠡᠭᠡᠨ ᠰᠡᠷᠭᠦᠯᠡᠩ | ᠪᠤᠯᠤᠯᠠ ᠭᠡᠳ ᠬᠡᠷᠡᠭ ᠦᠭᠡᠢ ᠭᠡᠵᠦ ᠬᠡᠤᠬᠡᠳ ᠪᠠᠭᠠᠴᠤᠳ ᠢ ᠡᠷᠳᠡᠮ ᠨᠣᠮ ᠳᠤ ᠪᠠᠨ ᠴᠢᠷᠮᠠᠶᠢᠬᠤ ᠬᠡᠷᠡᠭᠳᠡᠢ᠂ ᠬᠡᠷᠪᠡ | ᠰᠡᠳᠬᠢᠯ ᠲᠥᠪᠯᠡᠷᠡᠭᠦᠯᠦᠨ ᠲᠡᠰᠪᠦᠷᠢ ᠬᠠᠳᠠᠭᠤᠵᠢᠯᠲᠠᠢ ᠪᠠᠷ ᠰᠤᠷᠤᠯᠴᠠᠪᠠᠯ ᠯᠠᠪ ᠠᠮᠵᠢᠯᠲᠠ ᠳᠤ ᠬᠦᠷᠴᠦ ᠳᠡᠶᠢᠯᠦᠨᠡ | ᠭᠡᠳᠡᠭ ᠰᠠᠨᠠᠭᠠ ᠪᠠᠨ ᠭᠦᠨ ᠤᠬᠠᠭᠠᠯᠢᠭ ᠦᠭᠡ ᠦᠭᠦᠯᠡᠪᠦᠷᠢ ᠳᠤ ᠪᠠᠨ ᠰᠢᠩᠭᠡᠭᠡᠨ ᠰᠤᠷᠭᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠨᠢ | ᠰᠤᠷᠤᠭᠴᠢᠳ ᠲᠤ ᠰᠢᠯᠦᠭ ᠰᠤᠨᠢᠷᠬᠠᠭᠤᠯᠬᠤ ᠶᠢᠨ ᠲᠠᠭᠠᠤ ᠰᠤᠷᠤᠯᠴᠠᠯᠭᠠ ᠶᠢᠨ ᠤᠷᠮᠠ ᠵᠣᠷᠢᠭ ᠢ ᠨᠢ ᠬᠥᠪᠴᠢᠯᠡᠵᠤ | ᠪᠤᠯᠬᠤ ᠠᠷᠭᠠ ᠪᠠᠷᠢᠯ ᠪᠤᠯᠬᠤ ᠶᠤᠮ᠃ | 7. ᠠᠮᠵᠢᠯᠲᠠ ᠤᠯᠤᠭᠰᠠᠨ ᠲᠡᠤᠬᠡᠳᠤ ᠬᠦᠮᠦᠨ ᠤ ᠦᠯᠢᠭᠡᠷ ᠲᠡᠤᠬᠡ ᠪᠠᠷ ᠤᠷᠮᠠᠰᠢᠭᠤᠯᠤᠨ ᠵᠤᠷᠢᠬᠵᠢᠭᠤᠯᠬᠤ | ᠬᠦᠮᠦᠨ ᠶᠡᠷᠦ ᠨᠢ ᠰᠠᠶᠢᠨ ᠰᠠᠶᠢᠬᠠᠨ ᠵᠦᠭ ᠲᠡᠮᠡᠴᠡᠵᠦ ᠲᠡᠮᠡᠤᠯᠡᠬᠦ ᠳᠤᠷᠠ ᠲᠠᠢ ᠪᠠᠶᠢᠳᠠᠭ᠃ ᠲᠡᠭᠡᠬᠦ ᠪᠠᠷ ᠢᠶᠠᠨ | ︽ᠬᠦᠮᠦᠨ ᠥᠭᠡᠳᠡ ᠪᠠᠨ ᠤᠰᠤ ᠤᠷᠤᠭᠤ ᠪᠠᠨ︾ ᠭᠡᠳᠡᠭ ᠬᠠᠪᠤᠲᠦ ᠦᠭᠡ ᠲᠦᠷᠦᠭᠳᠡᠭᠰᠡᠨ ᠪᠠᠶᠢᠬᠠ ᠳ᠋ᠠ᠃ | ᠰᠤᠷᠤᠭᠴᠢᠳ ᠤᠨ ᠰᠤᠷᠤᠯᠴᠠᠯᠭᠠ ᠶᠢᠨ ᠤᠷᠮᠠ ᠵᠣᠷᠢᠭ ᠢ ᠬᠦᠪᠴᠢᠯᠡᠬᠦ ᠳᠤ ᠲᠤᠬᠠᠢ ᠶᠢᠨ ᠭᠠᠵᠠᠷ ᠣᠷᠣᠨ ᠤ ᠬᠢᠨ᠂ | ᠠᠯᠢ ᠴᠢᠳᠠᠬᠤ ᠪᠠᠷ ᠨᠡᠯᠢᠶᠡᠳ ᠨᠡᠷᠡ ᠠᠯᠳᠠᠷ ᠢ ᠨᠢ ᠰᠤᠨᠤᠰᠴᠤ ᠪᠠᠶᠢᠭᠰᠠᠨ ᠠᠭᠤᠤ ᠬᠦᠮᠦᠰ ᠤᠨ ᠠᠮᠵᠢᠯᠳᠠ ᠳᠤ | ᠬᠦᠷᠦᠭᠰᠡᠨ ᠦᠯᠢᠭᠡᠷ ᠵᠢᠱᠢᠶᠡ ᠪᠠ ᠲᠡᠭᠦᠨ ᠤ ᠡᠳᠦᠷ ᠳᠣᠲᠤᠮ ᠤᠨ ᠠᠮᠢᠳᠤᠷᠠᠯ ᠤᠨ ᠵᠢᠵᠢᠭ ᠰᠠᠵᠢᠭ ᠦᠯᠢᠭᠡᠷ ᠢ | ᠶᠠᠷᠢᠬᠤ ᠨᠢ ᠰᠤᠷᠤᠭᠴᠢ ᠶᠢᠨ ᠲᠡᠷᠡ ᠬᠦᠮᠦᠨ ᠤ ᠲᠤᠬᠠᠢ ᠰᠤᠨᠢᠷᠬᠠᠯ ᠢ ᠤᠯᠠᠮ ᠲᠦᠷᠦᠭᠳᠡᠭᠦᠯᠵᠦ᠂ ᠠᠭᠠᠵᠢᠮ ᠢᠶᠠᠷ | ᠲᠡᠭᠦᠨ ᠢᠶᠠᠷ ᠲᠠᠭᠤᠷᠢᠶᠠᠯ ᠪᠣᠯᠭᠠᠨ᠂ ᠦᠪᠡᠷ ᠢ ᠪᠠᠨ ᠲᠡᠷᠡ ᠬᠦᠮᠦᠨ ᠰᠢᠭ ᠢᠶᠠᠨ ᠪᠠᠶᠢᠯᠭᠠᠬᠤ ᠶᠢ ᠪᠣᠳᠣᠵᠣ᠂ ᠪᠡᠶᠡ ᠪᠠᠨ | ᠴᠠᠭ ᠢᠮᠠᠭᠳᠠ ᠠᠩᠬᠠᠷᠴᠤ ᠵᠠᠰᠠᠵᠤ ᠶᠠᠪᠤᠬᠤ ᠪᠤᠯᠭᠠᠳᠠᠭ᠂ ᠡᠨᠡ ᠨᠢ ᠠᠭᠠᠵᠢᠮ ᠢᠶᠠᠷ ᠲᠡᠷᠡ ᠬᠦ ᠨᠦᠯᠦᠭᠡ ᠬᠦᠷᠲᠡᠭᠰᠡᠨ | ᠰᠤᠷᠤᠭᠴᠢ ᠶᠢᠨ ᠰᠤᠷᠤᠯᠭᠠ ᠠᠮᠢᠳᠤᠷᠠᠯ ᠤᠨ ᠪᠠᠶᠢᠳᠠᠯ ᠢ ᠨᠥᠯᠥᠭᠡᠯᠡᠵᠤ᠂ ᠦᠭᠡᠳᠡᠯᠡᠭᠦᠯᠳᠡᠭ ᠶᠤᠮ᠃ | 8. ᠳᠤᠷᠠ ᠪᠠᠬᠠ ᠪᠠᠷ ᠨᠢ ᠤᠷᠮᠠᠰᠢᠭᠤᠯᠬᠤ | ᠳᠤᠷᠠ ᠪᠠᠬᠠ ᠪᠤᠯ ᠨᠢᠭᠡᠳᠦᠭᠡᠷ ᠪᠠᠭᠰᠢ ᠭᠡᠳᠡᠭ ᠢᠶᠠᠷ ᠠᠩᠭᠢ ᠡᠷᠬᠢᠯᠡᠬᠦ ᠶᠠᠪᠤᠴᠠ ᠳᠤᠮᠳᠠ ᠰᠤᠷᠤᠭᠴᠢᠳ ᠤᠨ | ᠤᠨᠴᠠᠯᠢᠭ ᠪᠠᠶᠢᠳᠠᠯ ᠢ ᠨᠢ ᠰᠢᠨᠵᠢᠵᠦ ᠰᠤᠳᠤᠯᠤᠨ᠂ ᠤᠨᠴᠠᠯᠢᠭ ᠲᠤ ᠨᠢ ᠲᠤᠬᠢᠷᠠᠭᠤᠯᠤᠨ᠂ ᠳᠤᠷᠠ ᠪᠠᠬᠠ ᠳᠤ ᠨᠢ | ᠲᠠᠭᠠᠷᠠᠭᠤᠯᠵᠤ ᠵᠤᠬᠢᠰᠳᠠᠢ ᠤᠷᠮᠠᠰᠢᠭᠤᠯᠤᠯ ᠦᠭᠬᠦ ᠬᠡᠷᠡᠭᠳᠡᠢ᠃ ᠡᠨᠡ ᠨᠢ ᠶᠠᠭ ᠬᠢᠴᠢᠶᠡᠯ ᠤᠨ ᠨᠣᠮ ᠢ ᠦᠵᠡᠬᠦ ᠳᠤᠷᠠ | ᠦᠭᠡᠢ᠂ ᠬᠠᠷᠠ ᠪᠠᠭᠠ ᠠᠴᠠ ᠪᠠᠨ ᠬᠥᠯ ᠪᠦᠮᠪᠦᠭᠡ ᠳᠤ ᠬᠤᠷᠤᠬᠠᠢ ᠲᠠᠢ ᠬᠡᠤᠬᠡᠳ ᠲᠤ ᠬᠥᠯ ᠪᠥᠮᠪᠦᠭᠡ ᠦᠭᠴᠦ | ᠬᠤᠵᠢᠮ ᠲᠣᠮᠣ ᠲᠠᠮᠢᠷᠴᠢᠨ ᠪᠤᠯᠤᠭᠠᠷᠠᠢ ᠭᠡᠵᠦ ᠤᠷᠮᠠᠰᠢᠭᠤᠯᠬᠤ ᠪᠠ ᠲᠡᠪᠡᠷᠢ ᠨᠣᠮ ᠦᠭᠴᠦ ᠡᠷᠳᠡᠮᠳᠡᠨ ᠪᠤᠯᠤᠭᠠᠷᠠᠢ | ᠭᠡᠵᠦ ᠢᠷᠦᠭᠡᠵᠦ ᠤᠷᠮᠠᠰᠢᠭᠤᠯᠬᠤ ᠶᠢᠨ ᠠᠯᠢ ᠨᠢ ᠢᠯᠡᠭᠦᠤ ᠦᠷᠡ ᠠᠰᠢᠭ ᠲᠠᠢ ᠪᠠᠶᠢᠬᠤ ᠶᠢ ᠬᠡᠨ ᠴᠤ ᠭᠡᠰᠡᠨ | ᠲᠤᠳᠤᠷᠬᠠᠢ ᠮᠡᠳᠡᠵᠦ ᠪᠠᠶᠢᠬᠤ ᠲᠠᠢ ᠠᠳᠠᠯᠢᠬᠠᠨ ᠤᠴᠢᠷ ᠶᠤᠮ᠃ ᠡᠶᠢᠮᠤ ᠠᠴᠠ ᠰᠤᠷᠤᠭᠴᠢᠳ ᠤᠨ ᠳᠤᠷᠠ ᠪᠠᠬᠠ ᠶᠢ ᠨᠢ | ᠦᠨᠳᠦᠰᠦᠯᠡᠨ ᠵᠤᠬᠢᠰᠳᠠᠢ ᠤᠷᠮᠠᠰᠢᠭᠤᠯᠤᠯ ᠦᠭᠬᠦ ᠨᠢ ᠮᠠᠰᠢ ᠴᠢᠬᠤᠯᠠ ᠶᠤᠮ᠃ | ᠰᠤᠷᠤᠭᠴᠢ ᠶᠢᠨ ᠰᠤᠷᠤᠯᠴᠠᠬᠤ ᠤᠷᠮᠠ ᠪᠠᠬᠠ ᠪᠤᠯ ᠰᠤᠷᠤᠭᠴᠢ ᠶᠢᠨ ᠰᠤᠷᠤᠯᠴᠠᠬᠤ ᠤᠭ ᠰᠠᠨᠠᠭᠠ ᠪᠣᠶᠣ | ᠲᠦᠷᠦᠯᠬᠢ ᠬᠥᠳᠡᠯᠭᠡᠭᠦ ᠬᠦᠴᠦᠨ ᠪᠤᠯᠤᠨᠠ᠂ ᠮᠦᠨ ᠴᠦ ᠰᠤᠷᠤᠭᠴᠢ ᠶᠢᠨ ᠲᠠᠰᠤᠷᠠᠯᠲᠠ ᠦᠭᠡᠢ ᠬᠠᠶᠢᠨ | ᠰᠦᠪᠡᠭᠴᠢᠯᠡᠬᠦ ᠪᠠᠲᠦ ᠴᠢᠩᠭᠠ ᠲᠤᠷᠠᠰᠢᠯ ᠢ ᠲᠦᠯᠬᠢᠨ ᠠᠬᠢᠭᠤᠯᠬᠤ ᠡᠯᠧᠮᠧᠨ᠋ᠲ ᠪᠤᠯᠬᠤ ᠶᠤᠮ᠃ ᠤᠷᠮᠠ ᠪᠠᠬᠠ ᠨᠢ | ᠰᠤᠷᠤᠭᠴᠢ ᠶᠢᠨ ᠬᠢᠵᠠᠭᠠᠷᠯᠠᠰᠢ ᠦᠭᠡᠢ ᠳᠠᠯᠳᠠ ᠬᠦᠴᠦᠨ ᠴᠢᠳᠠᠯ ᠢ ᠪᠠᠳᠠᠷᠠᠭᠤᠯᠵᠤ᠂ ᠬᠢᠵᠠᠭᠠᠷᠯᠠᠰᠢ ᠦᠭᠡᠢ ᠶᠡᠭᠡ | ᠠᠮᠵᠢᠯᠲᠠ ᠳᠤ ᠬᠦᠷᠭᠡᠬᠦ ᠵᠢᠭᠦᠷ ᠨᠢ ᠪᠤᠯᠬᠤ ᠶᠤᠮ᠃ ᠡᠶᠢᠮᠤ ᠠᠴᠠ ᠪᠢᠳᠡ ᠤᠷᠮᠠᠰᠢᠭᠤᠯᠤᠯ ᠢ ᠵᠤᠬᠢᠰᠲᠠᠢ ᠬᠡᠷᠡᠭᠯᠡᠵᠦ᠂ | ᠰᠤᠷᠤᠭᠴᠢᠳ ᠤᠨ ᠳᠠᠯᠳᠠ ᠬᠦᠴᠦᠨ ᠴᠢᠳᠠᠯ ᠢ ᠨᠢ ᠨᠡᠭᠡᠭᠡᠵᠦ᠂ ᠰᠤᠷᠤᠯᠭᠠ ᠶᠢᠨ ᠨᠡᠩ ᠦᠨᠳᠦᠷ ᠠᠮᠵᠢᠯᠲᠠ ᠳᠤ | ᠬᠦᠷᠬᠦ ᠶᠢ ᠤᠷᠮᠠᠰᠢᠭᠤᠯᠤᠨ ᠵᠤᠷᠢᠬᠵᠢᠭᠤᠯᠬᠤ ᠶᠢ ᠠᠩᠬᠢ ᠶᠢᠨ ᠡᠷᠬᠢᠯᠡᠭᠴᠢ ᠨᠢᠭᠡ ᠪᠦᠷᠢ ᠪᠠᠳᠤ ᠴᠡᠭᠡᠵᠢᠯᠡᠪᠡᠯ ᠵᠤᠬᠢᠨᠠ᠃ | | | ᠠᠵᠢᠯᠯᠠᠵᠤ ᠪᠠᠶᠢᠭᠠ ᠪᠠᠶᠢᠭᠤᠯᠭᠠ᠄ ᠣᠷᠳᠣᠰ ᠬᠤᠲᠠ ᠶᠢᠨ ᠮᠣᠩᠭᠤᠯ | ᠦᠨᠳᠦᠰᠦᠲᠡᠨ ᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ | ︵ᠡᠾᠦ᠋ᠩ ᠮᠸᠢ ᠨᠠᠶᠢᠷᠠᠭᠤᠯᠪᠠ︶ | 2021ᠣᠨ ᠤ 5 ᠬᠤᠭᠤᠴᠠᠭᠠ | | |