| ᠪᠣᠣ ᠺᠠᠢ ᠬᠤᠸᠠ | | | ᠭᠡᠤᠭᠡᠳ ᠤᠨ ᠨᠢᠯᠬᠠ ᠪᠠᠭᠠ ᠦᠶᠡ ᠶᠢᠨ ᠡᠷᠳᠡᠮ ᠪᠣᠯ ᠦᠭᠡ ᠶᠠᠷᠢᠵᠣ ᠴᠢᠳᠠᠬᠰᠠᠨ ᠶᠠᠪᠣᠳᠠᠯ ᠪᠣᠯᠬᠤ ᠪᠢᠯᠡ᠃ | ᠦᠭᠡ ᠶᠠᠷᠢᠵᠣ ᠴᠢᠳᠠᠬᠰᠠᠨ ᠢᠶᠠᠷ ᠦᠪᠡᠷ ᠤᠨ ᠦᠵᠡᠯ ᠰᠡᠳᠬᠢᠯᠭᠡ ᠪᠠᠨ ᠢᠯᠡᠳᠭᠡᠨ᠂ ᠣᠶᠢᠯᠡ ᠠᠵᠢᠯᠯᠠᠭᠠ ᠪᠠᠨ | ᠵᠢᠯᠣᠭᠤ ᠴᠣᠯᠪᠣᠭᠤᠷ ᠲᠤ ᠣᠷᠣᠭᠤᠯᠵᠣ ᠴᠢᠳᠠᠳᠠᠬ᠃ ᠡᠶᠢᠨ ᠬᠦ ᠦᠭᠡ ᠬᠢᠭᠡᠳ ᠠᠵᠢᠯᠯᠠᠭᠠ ᠨᠢᠭᠡᠳᠴᠦ᠂ ᠵᠦᠪ | ᠲᠦᠪ ᠤᠬᠠᠭᠠᠨ ᠰᠡᠳᠬᠢᠬᠦᠢ ᠪᠠᠷ ᠣᠷᠣᠰᠢᠨ ᠠᠮᠢᠳᠣᠷᠠᠬᠤ ᠪᠣᠯᠣᠮᠵᠢ ᠡᠬᠦᠳᠴᠦ᠂ ᠨᠡᠶᠢᠭᠡᠮ ᠳᠤ ᠠᠯᠬᠤᠨ ᠣᠷᠣᠬᠤ | ᠨᠦᠬᠦᠴᠡᠯ ᠢ ᠪᠦᠷᠢᠯᠳᠦᠬᠦᠯᠳᠡᠭ᠃ ᠢᠩᠬᠢᠬᠦ ᠳᠤ ᠰᠣᠷᠭᠠᠭᠤᠯᠢ ᠭᠡᠳᠡᠭ ᠴᠢᠬᠤᠯᠠ ᠪᠣᠭᠤᠮᠳᠠ ᠲᠠᠭᠠᠷᠠᠯᠳᠣᠬᠤ ᠶᠣᠮ᠃ | ᠭᠡᠤᠭᠡᠳ ᠢ ︽ᠬᠦᠮᠥᠨ ᠪᠣᠯᠬᠤ ᠪᠠᠭᠠ ᠠᠴᠠ ᠪᠠᠨ᠂ ᠬᠦᠯᠥᠭ ᠪᠣᠯᠬᠤ ᠣᠨᠠᠭᠠᠨ ᠠᠴᠠ ᠪᠠᠨ︾ ᠭᠡᠳᠡᠭ ᠦᠭᠡ ᠦᠰᠴᠦ | ᠲᠣᠮᠣᠭᠠᠵᠢᠬᠤ᠂ ᠰᠣᠷᠴᠣ ᠬᠦᠮᠥᠵᠢᠬᠦ ᠡᠬᠦᠳᠡᠨ ᠠᠴᠠ ᠠᠩᠬᠠᠯᠠᠨ ᠰᠣᠷᠭᠠᠮᠵᠢᠯᠠᠬᠰᠠᠨ ᠪᠠᠶᠢᠳᠠᠬ᠃ | ᠰᠣᠷᠭᠠᠭᠤᠯᠢ ᠪᠣᠯ ᠰᠣᠷᠭᠠᠨ ᠬᠦᠮᠥᠵᠢᠯ ᠤᠨ ᠵᠢᠮᠡ ᠬᠠᠣᠯᠢ᠂ ᠰᠣᠷᠭᠠᠭᠤᠯᠢ ᠶᠢᠨ ᠲᠦᠷᠢᠮ ᠭᠤᠷᠢᠮ ᠢᠶᠠᠷ | ᠰᠣᠷᠣᠬᠴᠢᠳ ᠢ ᠲᠦᠯᠥᠪᠰᠢᠬᠦᠯᠥᠨ ᠬᠦᠮᠥᠵᠢᠬᠦᠯᠬᠦ ︽ᠡᠷᠳᠡᠮ ᠤᠨ ᠦᠯᠥᠭᠡᠢ︾ ᠶᠣᠮ᠃ ᠡ᠊ᠨᠳᠡ ᠭᠡᠤᠭᠡᠳ ᠦᠰᠦᠭ | ᠪᠢᠴᠢᠭ ᠰᠣᠷᠣᠨᠠ᠂ ᠦᠭᠡ ᠰᠣᠨᠣᠰᠴᠣ ᠰᠣᠷᠣᠨᠠ᠃ ᠢᠩᠬᠢᠬᠦ ᠳᠤ ︽ᠦᠭᠡ ᠲᠠᠨᠢᠪᠠᠯ ᠰᠡᠴᠡᠨ᠂ ᠦᠯᠢᠭᠡᠷᠯᠡᠵᠦ | ᠮᠡᠳᠡᠪᠡᠯ ᠮᠡᠷᠭᠡᠨ︾ ᠭᠡᠳᠡᠭ ᠠᠯᠢ ᠴᠣ᠋ ᠨᠠᠰᠣᠨ ᠳᠤ᠂ ᠬᠡᠵᠢᠶᠡ ᠴᠣ᠋ ᠮᠡᠳᠡᠵᠦ ᠴᠡᠨᠡᠵᠦ ᠶᠠᠪᠣᠬᠤ ᠰᠣᠷᠭᠠᠯ ᠦᠭᠡ | ᠭᠡᠤᠭᠡᠳ ᠲᠤ ᠲᠣᠰᠠᠯᠠᠬᠤ ᠪᠣᠯᠣᠨᠠ᠃ ᠦᠭᠡ ᠬᠡᠯᠡᠵᠦ ᠴᠢᠳᠠᠬᠰᠠᠨ᠂ ᠡᠰᠡᠬᠦᠯᠡ ᠦᠭᠡ ᠰᠣᠨᠣᠰᠴᠣ ᠡᠬᠢᠯᠡᠭᠰᠡᠨ ᠨᠢ | ᠭᠡᠤᠭᠡᠳ ᠢ ᠦᠭᠡ ᠰᠣᠨᠣᠰᠴᠣ ᠴᠢᠳᠠᠯᠠ ᠭᠡᠵᠦ ᠦᠨᠡᠯᠡᠬᠦ ᠦᠭᠡᠢ ᠶᠣᠮ᠃ ᠣᠴᠢᠷ ᠨᠢ ᠦᠭᠡ ᠰᠣᠨᠣᠰᠬᠤ ᠳᠤ ᠡᠷᠳᠡᠮ | ᠣᠷᠣᠨᠠ᠃ | — ᠦᠭᠡ ᠰᠣᠨᠣᠰᠴᠣ ᠰᠣᠷᠬᠤ ᠳᠤ ᠴᠠᠬ ᠬᠡᠷᠡᠭᠰᠡᠨᠡ᠃ ᠠᠯᠢ ᠴᠠᠬ ᠲᠤ ᠶᠠᠮᠠᠷ ᠦᠭᠡ ᠶᠢ ᠰᠣᠨᠣᠰᠬᠤ | ᠪᠣᠯ ᠠᠩᠬᠠᠨ ᠤ ᠡᠷᠳᠡᠮ ᠶᠣᠮ᠃ ᠬᠢᠴᠢᠶᠠᠯ ᠤᠨ ᠴᠠᠬ ᠤᠨ ᠲᠦᠴᠢᠨ ᠮᠢᠨᠦ᠋ᠲ ᠲᠤ ᠭᠡᠤᠭᠡᠳ ᠪᠠᠭᠰᠢ ᠶᠢᠨ ᠦᠭᠡ ᠶᠢ | ᠬᠢᠴᠢᠶᠠᠯ ᠤᠨ ᠠᠭᠤᠯᠭᠠ ᠲᠠᠢ ᠬᠤᠯᠪᠣᠬᠳᠠᠭᠤᠯᠣᠨ ᠰᠣᠨᠣᠰᠴᠣ᠂ ᠰᠣᠷᠭᠠᠭᠤᠯᠢ ᠶᠢᠨ ᠬᠦᠮᠥᠵᠢᠯ ᠤᠨ ᠵᠢᠮᠡ ᠬᠠᠣᠯᠢ | ᠶᠣᠰᠣᠭᠠᠷ ᠡᠷᠳᠡᠮ ᠮᠡᠳᠡᠯᠭᠡ ᠶᠢ ᠰᠢᠰᠲ᠋ᠧᠮ ᠲᠠᠢ ᠰᠣᠷᠬᠤ ᠳᠤ ᠣᠶᠢᠯᠡᠴᠢᠯᠡᠬᠦᠯᠥᠨᠡ᠃ ᠡᠶᠢᠨ ᠬᠦ ᠬᠢᠴᠢᠶᠡᠯ ᠤᠨ | ᠴᠠᠬ ᠤᠨ ᠲᠦᠴᠢᠨ ᠮᠢᠨᠦ᠋ᠲ ᠢ ᠬᠦᠢᠴᠡᠳ ᠠᠰᠢᠬᠯᠠᠵᠣ᠂ ᠪᠠᠭᠰᠢ ᠶᠢᠨ ᠦᠭᠡ ᠶᠢ ᠰᠣᠨᠣᠰᠴᠣ ᠰᠣᠷᠬᠤ ᠭᠡᠷᠡᠭᠳᠡᠢ᠃ | ᠪᠠᠭᠰᠢ ᠶᠢᠨ ᠶᠠᠷᠢᠶᠠ ᠶᠢ ᠶᠠᠮᠠᠷ ᠣᠪᠣᠷ ᠢᠶᠠᠷ ᠰᠣᠨᠣᠰᠬᠤ ᠪᠣᠯ ᠰᠣᠷᠣᠬᠴᠢ ᠨᠢᠭᠡ ᠪᠦᠷᠢ ᠶᠢᠨ ᠰᠣᠷᠣᠯᠭᠠ ᠶᠢᠨ ᠬᠢᠷᠢ | ᠪᠦᠳᠦᠮᠵᠢ ᠯᠦᠭᠡ ᠬᠤᠯᠪᠣᠬᠳᠠᠬᠤ ᠨᠠᠷᠢᠨ ᠠᠰᠠᠭᠤᠳᠠᠯ ᠶᠣᠮ᠃ ᠡᠬᠦᠨ ᠢ ᠪᠣᠳᠠᠳᠠᠢ ᠪᠠᠷ ᠵᠢᠱᠢᠶᠡᠯᠡᠬᠦ ᠳᠤ᠄ ᠣᠣᠯ ᠤᠨ | ᠣᠯᠣᠰ ᠤᠨ ᠬᠦᠯ ᠪᠦᠮᠪᠦᠭᠡ ᠶᠢᠨ ᠪᠠᠬ ᠤᠨ ᠰᠣᠷᠭᠠᠬᠴᠢ ᠪᠠᠶᠢᠬᠰᠠᠨ ᠣᠷᠢᠳᠣᠬᠢ ᠶᠣᠭᠤᠰᠯᠠᠸᠢᠶᠠ ᠶᠢᠨ ᠮᠢᠷᠣ᠋ ᠠᠴᠠ ︽ | ᠣᠪᠣᠷ ᠠᠯᠢᠪᠠ ᠶᠢ ᠲᠣᠬᠳᠠᠭᠠᠨᠠ︾ ᠬᠡᠵᠦ ᠲᠣᠮᠳᠠᠳᠣ ᠣᠯᠣᠰ ᠤᠨ ᠬᠦᠯ ᠪᠦᠮᠪᠦᠭᠡ ᠶᠢᠨ ᠪᠠᠬ ᠤᠨ ᠬᠢᠷᠢ | ᠪᠦᠳᠦᠮᠵᠢ ᠶᠢᠨ ᠣᠯᠵᠣ ᠠᠯᠳᠠᠬᠰᠠᠨ ᠢ ᠳ᠋ᠦᠩᠨᠡᠭᠰᠡᠨ ᠪᠠᠶᠢᠳᠠᠬ ᠢ ᠲᠣᠷᠠᠳᠣᠭᠤᠰᠢᠳᠠᠢ᠃ | — ᠦᠭᠡ ᠰᠣᠨᠣᠰᠴᠣ ᠰᠣᠷᠬᠤ ᠳᠤ ᠣᠷᠣᠨ ᠵᠠᠢ ᠭᠡᠷᠡᠭᠰᠡᠨᠡ᠃ ᠶᠠᠮᠠᠷ ᠣᠷᠣᠨ ᠵᠠᠢ ᠳᠤ ᠦᠭᠡ ᠰᠣᠨᠣᠰᠬᠤ | ᠪᠣᠯ ᠡᠷᠳᠡᠮᠰᠢᠬᠦ ᠶᠢᠨ ᠦᠷᠬᠦᠯᠵᠢᠯᠡᠯ ᠪᠣᠯᠬᠤ ᠶᠣᠮ᠃ ᠭᠡᠤᠭᠡᠳ ᠬᠢᠴᠢᠶᠡᠯ ᠤᠨ ᠲᠠᠩᠬᠢᠮ ᠳᠤ ᠪᠠᠭᠰᠢ ᠶᠢᠨ ᠦᠭᠡ ᠶᠢ | ᠰᠠᠶᠢᠳᠣᠷ ᠰᠣᠨᠣᠰᠴᠣ᠂ ᠡᠷᠳᠡᠮ ᠮᠡᠳᠡᠯᠭᠡ ᠡᠵᠡᠮᠰᠢᠬᠦ ᠰᠠᠭᠤᠷᠢ ᠶᠢ ᠲᠠᠯᠪᠢᠵᠣ᠂ ᠰᠣᠷᠴᠣ ᠬᠦᠮᠥᠵᠢᠬᠦ ᠶᠢᠨ ᠵᠠᠮ ᠢ | ᠡᠯᠬᠦᠭᠰᠡᠨ ᠪᠠᠶᠢᠪᠠᠯ᠂ ᠭᠡᠷ ᠪᠦᠯᠢ ᠳᠤ ᠪᠠᠨ ᠡᠴᠢᠭᠡ ᠡᠭᠡ ᠶᠢᠨ ᠦᠭᠡ ᠶᠢ ᠬᠢᠴᠢᠶᠡᠨ ᠰᠣᠨᠣᠰᠴᠣ᠂ ᠬᠦᠮᠥᠨ ᠪᠣᠯᠬᠤ | ᠣᠬᠠᠭᠠᠨ ᠢ ᠰᠣᠷᠴᠣ᠂ ᠰᠣᠷᠳᠠᠯ ᠲᠠᠢ ᠬᠡᠣᠭᠡᠳ ᠪᠣᠯᠵᠣ ᠬᠦᠮᠥᠵᠢᠬᠦ ᠶᠣᠰᠣᠳᠠᠢ᠃ ᠰᠣᠷᠳᠠᠯ ᠭᠡᠳᠡᠭ ᠪᠣᠯ ᠭᠡᠷ | ᠪᠦᠯᠢ ᠠᠴᠠ ᠣᠯᠠᠮᠵᠢᠯᠠᠯ ᠲᠠᠢ ᠶᠣᠮ᠃ ︽ᠠᠪᠤ ᠶᠢᠨ ᠦᠭᠡ ᠠᠯᠳᠠ ᠡᠵᠢ ᠶᠢᠨ ᠦᠭᠡ ᠡᠷᠳᠡᠨᠢ︾ ᠭᠡᠳᠡᠭ ᠰᠢᠣ᠃ ︽ | ᠡᠷᠭᠡ ᠲᠠᠩᠬᠢ︾ ᠭᠡᠳᠡᠭ ᠦᠭᠡ ᠪᠠᠷᠤᠬ ᠯᠠ ︽ᠦᠭᠡᠨ ᠳᠤ ᠣᠷᠣᠳᠠᠬ ᠦᠭᠡᠢ︾ ᠭᠡᠳᠡᠭ ᠤᠨ ᠨᠦᠬᠦᠭᠡ ᠨᠡᠷᠡᠶᠢᠳᠦᠯ | ᠪᠣᠯᠬᠤ ᠪᠠᠶᠢᠬᠠ᠃ ᠦᠭᠡᠨ ᠳᠤ ᠣᠷᠣᠳᠠᠬ ᠦᠭᠡᠢ ᠠᠴᠠ ᠪᠣᠯᠵᠣ ᠰᠣᠷᠳᠠᠯ ᠦᠬᠡᠶᠢᠳᠡᠬᠦ᠂ ᠦᠭᠡᠨ ᠳᠤ ᠣᠷᠣᠳᠠᠬ | ᠦᠭᠡᠢ ᠠᠴᠠ ᠪᠣᠯᠵᠣ ᠬᠠᠣᠯᠢ ᠳᠤ ᠣᠨᠠᠳᠠᠬ ᠵᠢᠱᠢᠶᠡ ᠶᠢ ᠠᠯᠢ ᠶᠢ ᠨᠢ ᠲᠡᠷᠡ ᠬᠡᠬᠦ ᠪᠣᠢ᠃ ᠡᠶᠢᠨ ᠬᠦ ᠶᠠᠭᠤᠮᠠ ᠶᠢ | ᠴᠠᠬ ᠲᠠᠢ᠂ ᠲᠢᠭ ᠲᠠᠢ᠂ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠬᠢᠵᠦ ᠬᠦᠢᠴᠡᠳᠭᠡᠬᠦ ᠪᠣᠯ ᠰᠣᠷᠳᠠᠯ ᠲᠠᠢ ᠪᠣᠯᠵᠣ ᠬᠦᠮᠥᠵᠢᠬᠦ ᠶᠢᠨ | ᠡᠬᠢᠯᠡᠯ ᠪᠣᠯᠣᠨᠠ᠃ ᠬᠦᠮᠦᠨ ᠨᠡᠶᠢᠭᠡᠮ ᠲᠡᠭᠡᠷᠡ ᠴᠣ᠋ ᠡᠨᠡ ᠬᠦ ᠶᠣᠰᠣᠭᠠᠷ ᠬᠢᠵᠦ ᠬᠦᠢᠴᠡᠳᠬᠡᠪᠡᠯ᠂ ᠬᠤᠵᠢᠮ ᠤᠨ | ᠰᠠᠶᠢᠨ ᠦᠷᠡ ᠲᠠᠭᠠᠪᠣᠷᠢ ᠳᠤ ᠬᠦᠷᠭᠡᠨᠡ ᠭᠡᠳᠡᠭ ᠢ ︽ᠬᠦᠮᠥᠨ ᠠᠬᠠ ᠲᠠᠢ ᠲᠡᠪᠡᠯ ᠵᠠᠬᠠ ᠲᠠᠢ ᠰᠠᠶᠢᠬᠠᠨ︾ ᠬᠡᠳᠡᠭ | ᠰᠣᠷᠭᠠᠯ ᠦᠭᠡ ᠪᠠᠳᠣᠯᠠᠨᠠ᠃ | — ᠦᠭᠡ ᠰᠣᠨᠣᠰᠴᠣ ᠰᠣᠷᠬᠤ ᠳᠤ ᠠᠷᠭᠠ ᠣᠬᠠᠭᠠᠨ ᠭᠡᠷᠡᠭᠰᠡᠨᠡ᠃ ᠭᠡᠤᠭᠡᠳ ᠲᠤ ᠦᠭᠡ ᠶᠢ ᠶᠠᠭᠠᠬᠢᠵᠣ | ᠰᠣᠨᠣᠰᠬᠤ ᠠᠷᠭᠠ ᠣᠬᠠᠭᠠᠨ ᠢ ᠰᠣᠷᠭᠠᠶᠠ᠃ ᠦᠭᠡ ᠰᠣᠨᠣᠰᠴᠣ ᠰᠣᠷᠬᠤ ᠳᠤ ᠬᠦᠯᠢᠴᠡᠩᠬᠦᠢ ᠪᠠᠶᠢᠬᠤ ᠴᠢᠬᠤᠯᠠ | ᠶᠣᠮ᠃ ᠭᠡᠤᠭᠡᠳ ᠦᠬᠦᠯᠡᠭᠴᠢ ᠶᠢᠨ ᠦᠬᠡ ᠶᠢ ᠰᠣᠨᠣᠰᠬᠤ ᠳᠤ ᠲᠡᠪᠴᠢᠶᠡᠷᠢ ᠲᠠᠢ ᠪᠠᠶᠢᠬᠤ ᠭᠡᠷᠡᠭᠳᠡᠢ᠂ ᠲᠡᠳᠡᠨ ᠤ | ᠦᠬᠦᠯᠡᠵᠦ ᠪᠠᠶᠢᠭᠠ ᠵᠦᠢᠯᠡᠰ ᠢ ᠰᠡᠳᠬᠢᠯ ᠳᠤ ᠪᠠᠨ ᠲᠣᠬᠳᠠᠭᠠᠨ ᠰᠣᠨᠣᠰᠴᠣ᠂ ᠲᠠᠭᠠᠣ ᠳᠤ ᠨᠢ ᠰᠢᠬᠦᠮᠵᠢᠯᠡᠯ ᠲᠠᠢ | ᠬᠦᠯᠢᠶᠡᠨ ᠠᠪᠣᠪᠠᠯ ᠵᠣᠬᠢᠨᠠ᠃ ᠬᠠᠷᠢᠨ ︽ᠡᠨᠡ ᠶᠠᠷᠢᠬ᠂ ᠪᠢ ᠰᠣᠨᠣᠰᠴᠣ ᠦᠭᠬᠦᠶᠡ︾ ᠭᠡᠳᠡᠭ ᠭᠡ ᠳᠤ ᠪᠠᠨ | ᠭᠠᠷᠣᠬᠰᠠᠨ ᠣᠪᠣᠷ ᠪᠠᠶᠢᠳᠠᠯ ᠢᠶᠠᠷ ᠬᠠᠨᠳᠣᠳᠠᠬ ᠪᠣᠯ ᠨᠢᠭᠡᠯᠡ ᠰᠣᠨᠣᠰᠬᠤ ᠦᠭᠡᠢ ᠨᠢ ᠳᠡᠭᠡᠷᠡ ᠭᠡᠮᠡᠷ᠃ ᠪᠠᠰᠠ ᠦᠭᠡ | ᠰᠣᠨᠣᠰᠴᠣ ᠰᠣᠷᠬᠤ ᠳᠤ ᠦᠷᠡ ᠳ᠋ᠦᠩ ᠲᠠᠢ ᠪᠠᠶᠢᠬᠤ ᠴᠢᠬᠤᠯᠠ ᠶᠣᠮ᠃ ᠰᠣᠷᠭᠠᠯ ᠰᠢᠬᠦᠮᠵᠢᠯᠡᠯ ᠴᠣ᠋ ᠪᠣᠯᠤᠬ᠂ | ᠰᠣᠯᠠ ᠵᠣᠭᠤᠬ ᠴᠣ᠋ ᠪᠣᠯᠤᠬ᠂ ᠭᠡᠤᠭᠡᠳ ᠦᠬᠦᠯᠡᠭᠴᠢ ᠶᠢᠨ ᠦᠭᠡ ᠶᠢ ︽ᠪᠠᠷᠠᠭᠤᠨ ᠴᠢᠬᠢ ᠪᠠᠷ ᠣᠷᠣᠭᠤᠯᠵᠣ᠂ | ᠵᠠᠬᠦᠨ ᠴᠢᠬᠢ ᠪᠠᠷ ᠭᠠᠷᠭᠠᠵᠣ︾ ᠶᠠᠭᠠᠬᠢᠬᠰᠠᠨ ᠴᠣ᠋ ᠪᠣᠯᠬᠤ ᠦᠭᠡᠢ᠃ ︽ᠦᠭᠡᠨ ᠳᠤ ᠣᠷᠣᠬᠤ ᠦᠭᠡᠢ︾ ᠭᠡᠳᠡᠭ | ᠪᠣᠯ ᠰᠣᠨᠣᠰᠣᠬᠴᠢ ᠶᠢᠨ ᠦᠷᠡ ᠳ᠋ᠦᠩ ᠦᠭᠡᠢ ᠠᠵᠢᠯᠯᠠᠭᠠ ᠶᠢ ᠰᠢᠬᠦᠮᠵᠢᠯᠡᠵᠦ ᠬᠡᠯᠡᠭᠰᠡᠨ ᠦᠭᠡ ᠶᠣᠮ᠃ | ᠡᠶᠢᠮᠦ ᠠᠴᠠ ᠦᠬᠦᠯᠡᠭᠴᠢ ᠶᠢᠨ ᠦᠭᠡ ᠶᠢ ︽ᠬᠦᠯᠢᠴᠡᠩᠬᠦᠢ︾᠂ ︽ᠦᠷᠡ ᠳ᠋ᠦᠩ︾ ᠲᠠᠢ ᠰᠣᠨᠣᠰᠴᠣ ︽ | ᠰᠣᠷᠳᠠᠯ ᠲᠠᠢ ᠬᠡᠣᠭᠡᠳ︾ ᠪᠣᠯᠬᠤ ᠶᠢ ᠵᠢᠭᠠᠬᠤ ᠭᠡᠷᠡᠭᠳᠡᠢ᠃ | ᠦᠭᠡ ᠰᠣᠨᠣᠰᠴᠣ ᠰᠣᠷᠬᠤ ᠶᠠᠪᠣᠳᠠᠯ ᠰᠣᠷᠭᠠᠭᠤᠯᠢ ᠶᠢᠨ ᠠᠯᠢ ᠴᠣ᠋ ᠨᠠᠰᠣᠨ ᠤ ᠰᠣᠷᠣᠬᠴᠢ ᠭᠡᠣᠭᠡᠳ ᠲᠤ | ᠪᠣᠳᠠᠳᠣ ᠠᠴᠢ ᠬᠤᠯᠪᠣᠬᠳᠠᠯ ᠲᠠᠢ ᠪᠠᠶᠢᠳᠠᠬ᠃ ᠰᠣᠷᠭᠠᠭᠤᠯᠢ ᠶᠢᠨ ᠰᠣᠷᠭᠠᠨ ᠬᠦᠮᠥᠵᠢᠯ ᠳᠤ᠂ ᠭᠡᠷ ᠪᠦᠯᠢ ᠶᠢᠨ | ᠰᠣᠷᠭᠠᠨ ᠬᠦᠮᠥᠵᠢᠯ ᠳᠤ ᠡᠨᠡ ᠬᠦ ᠡᠩ ᠵᠢᠷ ᠤᠨ ᠣᠶᠢᠯᠡ ᠠᠵᠢᠯᠯᠠᠭᠠ ᠮᠠᠰᠢ ᠴᠢᠬᠤᠯᠠ ᠪᠠᠶᠢᠳᠠᠬ ᠢ ᠨᠡᠶᠢᠳᠡ | ᠲᠡᠯᠡᠬᠡᠢ ᠶᠢᠨ ᠰᠣᠷᠭᠠᠨ ᠬᠦᠮᠥᠵᠢᠯ ᠤᠨ ᠣᠶᠢᠯᠡᠳᠦᠯᠬᠡ ᠵᠦᠪ ᠲᠠᠯᠠ ᠠᠴᠠ ᠨᠣᠳᠠᠯᠠᠬᠰᠠᠭᠠᠷ ᠪᠣᠢ ᠶᠣᠮ᠃ ᠦᠭᠡ ᠶᠢ | ᠰᠠᠶᠢᠨ ᠰᠠᠶᠢᠬᠠᠨ ᠰᠣᠨᠣᠰᠣᠬᠰᠠᠨ ᠢᠶᠠᠷ ︽ᠰᠣᠷᠳᠠᠯ︾ ᠲᠠᠢ ᠪᠣᠯᠣᠨ ᠬᠦᠮᠥᠵᠢᠵᠦ᠂ ᠬᠦᠮᠥᠨ ᠠᠷᠠᠳ ᠲᠦᠷᠦ | ᠬᠦᠷᠦᠨ ᠳᠤ ᠲᠣᠰᠠ ᠲᠠᠢ ᠬᠦᠮᠥᠨ ᠪᠤᠯᠵᠤ ᠭᠦᠮᠦᠵᠢᠭᠳᠡᠭᠦ ᠶᠤᠮ᠃ | | ᠬᠠᠶ᠋ᠢᠬ᠄ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠲᠤᠮᠳᠠᠳᠤ | ᠬᠤᠰᠢᠭᠤᠨ ᠤ ᠵᠢᠭᠠᠬᠤ ᠶᠢ ᠰᠤᠳᠤᠯᠬᠤ ᠲᠠᠰᠤᠬ | ︵ᠰᠦᠶᠠ ᠨᠠᠶᠢᠷᠠᠭᠤᠯᠪᠠ︶ | 2020 ᠤᠨ ᠤ 2 ᠳ᠋ᠤᠭᠠᠷ ᠬᠤᠭᠤᠴᠠᠭᠠ |