| — ︽ᠲᠤᠩᠭᠠᠯᠠᠭ ᠲᠡᠮᠢᠷ︾ ᠢ ᠤᠩᠰᠢᠭᠰᠠᠨ ᠤᠯᠤᠯᠳᠠ ᠲᠦᠷᠦᠭᠳᠡᠯ | | | ᠵᠢ᠊ · ᠠᠯᠳᠠᠨᠴᠢᠮᠡᠭ | | | ᠵᠠᠭᠦᠳᠤ ᠨᠦᠢᠷ ᠤᠨ ᠲᠤᠮᠳᠠ ᠪᠢ ︽ᠲᠤᠩᠭᠠᠯᠠᠭ ᠲᠠᠮᠢᠷ︾ ᠤᠨ ᠡᠷᠳᠡᠨᠢ᠂ ᠴᠠᠬᠢᠭᠤᠷ ᠲᠡᠮᠦᠷ ᠤᠨ ᠳᠤ | ᠵᠤᠴᠢᠨ ᠪᠤᠯᠤᠨ ᠰᠠᠭᠠᠳᠠᠯᠠ᠃ ᠲᠠᠮᠢᠷ ᠤᠨ ᠭᠤᠤᠯ ᠤᠨ ᠵᠡᠬᠦᠨ ᠲᠡᠨᠵᠢᠨ ᠳᠤ ᠵᠡᠷᠭᠡᠴᠡᠨ ᠪᠠᠭᠤᠭᠰᠠᠨ ᠠᠷᠪᠠᠭᠠᠳ | ᠠᠶᠢᠯ ᠤᠨ ᠪᠠᠷᠠᠭᠤᠨ ᠭᠡᠷ ᠠᠴᠠ ᠲᠤᠯᠭᠠᠷ᠂ ᠲᠤᠯᠮᠠ ᠬᠤᠶᠠᠷ ᠽᠠᠨᠳᠠᠨ ᠰᠠᠭᠤᠯᠠᠭᠠ ᠪᠠᠨ ᠲᠤᠬᠤᠶᠢᠯᠳᠠᠨ ᠢᠨᠢᠶᠡᠳᠦ | ᠴᠠᠯᠬᠢᠭᠤᠯᠤᠭᠰᠠᠭᠠᠷ ᠵᠡᠯᠡ ᠤᠷᠤᠭᠤ ᠪᠠᠨ ᠭᠠᠩᠬᠤᠨᠠ᠃ ᠲᠤᠮᠳᠠ ᠶᠢᠨ ᠲᠤᠮᠤ ᠭᠡᠷ ᠲᠤ ᠤᠷᠤᠪᠠᠯ ᠡᠷᠳᠡᠨᠢ᠂ ᠲᠡᠮᠦᠷ | ᠬᠤᠶᠠᠭᠤᠯᠠ ᠴᠠᠢ ᠴᠤᠢ ᠪᠠᠨ ᠶᠠᠭᠠᠷᠠᠩᠬᠠᠨ ᠤᠤᠭᠤᠵᠤ ᠪᠠᠶᠢᠯᠠ᠃ ᠪᠢ ᠴᠤ ᠰᠠᠨᠳᠤᠷᠤᠨ ᠡᠪᠦᠷ ᠠᠴᠠ ᠪᠠᠨ ᠬᠠᠯᠳᠠᠷ | ᠮᠠᠨᠦᠨ ᠬᠦᠬᠦᠦᠷ ᠢᠶᠠᠨ ᠭᠠᠷᠭᠠᠨ ᠤᠷᠳᠤᠰ ᠵᠠᠩ ᠢᠶᠠᠷ ᠢᠶᠠᠨ ᠵᠤᠯᠭᠠᠬᠤ ᠭᠡᠳᠡᠯᠡ ᠰᠤᠴᠢᠨ ᠰᠡᠷᠡᠯᠠ᠃ | ᠦᠴᠦᠭᠡᠳᠦᠷ ᠤᠷᠤᠢ ᠶᠢᠨ ᠬᠤᠷᠠᠯ ᠲᠡᠭᠡᠷᠡ ᠰᠤᠷᠭᠠᠭᠤᠯᠢ ᠶᠢᠨ ᠲᠠᠯᠠ ᠠᠴᠠ ︽ᠤᠳᠤᠭ ᠤᠨ ᠰᠤᠷᠭᠠᠨ | ᠬᠦᠮᠦᠵᠢᠯ︾ ᠰᠡᠳᠬᠦᠯ ᠳᠤ ᠡᠭᠡ ᠪᠢᠴᠢᠭ ᠢᠶᠠᠨ ᠲᠠᠪᠰᠢᠭᠦᠯᠭᠦ ᠲᠤᠬᠠᠢ ᠱᠠᠭᠠᠷᠳᠠᠯᠭᠠ ᠲᠤᠷᠠᠳᠴᠤ᠂ ᠤᠩᠰᠢᠭᠰᠠᠨ | ᠨᠤᠮ ᠤᠨ ᠢᠶᠠᠨ ᠲᠤᠬᠠᠢ ᠤᠯᠤᠯᠳᠠ ᠲᠦᠷᠦᠭᠳᠡᠯ ᠢᠶᠠᠨ ᠪᠢᠴᠢᠬᠦ ᠡᠭᠦᠷᠭᠡ ᠤᠨᠤᠭᠳᠠᠭᠰᠠᠨ ᠶᠤᠮ᠃ ︽ᠶᠠᠭᠤ ᠪᠠᠶᠢᠬᠤ | ᠪᠤᠢ᠂ ᠲᠤᠷᠠ ᠶᠢᠨ ᠨᠢᠭᠡ ᠠᠴᠠ ᠨᠢ ᠰᠤᠩᠭᠤᠭᠠᠳ ᠦᠭᠪᠡᠯ ᠪᠤᠯᠤᠯᠠ ᠰᠢᠦ ᠳ᠋ᠠ︾ ᠭᠡᠵᠦ ᠶᠡᠭᠡ ᠯᠠ ᠬᠦᠩᠭᠡᠪᠴᠢᠯᠠᠵᠤ | ᠪᠠᠶᠢᠭᠰᠠᠨ ᠢᠶᠠᠨ ᠦᠳᠡᠰᠢ ᠺᠤᠮᠫᠢᠦ᠋ᠲ᠋ᠧᠷ ᠤᠨ ᠢᠶᠠᠨ ᠡᠮᠦᠨᠡ ᠰᠠᠭᠤᠭᠠᠳ ᠪᠢᠴᠢᠴᠢᠭᠡᠶᠡ ᠭᠡᠰᠡᠨ ᠴᠢᠨᠢ ᠠᠯᠢ ᠨᠢ | ᠪᠠᠶᠢᠭᠰᠠᠨ ᠴᠤ ᠦᠭᠡᠳᠡ ᠲᠠᠢ ᠶᠠᠭᠤᠮᠠ ᠪᠤᠯᠬᠤ ᠰᠢᠨᠵᠢ ᠦᠭᠡᠢ᠃ | ᠦᠨᠡᠨ ᠳᠤ ᠪᠠᠨ ᠪᠢ ︽ᠲᠤᠩᠭᠠᠯᠠᠭ ᠲᠠᠮᠢᠷ︾ ᠲᠠᠢ ᠤᠨᠴᠠ ᠶᠢᠨ ᠪᠠᠷᠢᠯᠳᠤᠯᠭᠠ ᠲᠠᠢ᠃ 1997 ᠤᠨ ᠳᠤ | ᠦᠪᠦᠷ ᠮᠤᠩᠭᠤᠯ ᠤᠨ ᠦᠨᠳᠦᠰᠦᠳᠡᠨ ᠤ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠳᠤ ᠠᠩᠬᠠᠯᠠᠨ ᠭᠦᠷᠭᠦ ᠳᠤ ᠸᠠᠩ ᠬᠦᠢ ᠷᠦᠩ | ᠭᠡᠮᠡᠬᠦ ᠪᠠᠭᠰᠢ ᠮᠠᠨ ᠳᠤ ᠦᠰᠦᠨ ᠪᠢᠷ ᠤᠨ ᠪᠢᠴᠢᠯᠭᠡ ᠵᠢᠭᠠᠵᠤ ᠪᠠᠶᠢᠭᠰᠠᠨ᠂ ᠲᠠᠷᠠ ᠪᠠᠭᠰᠢ ᠮᠢᠨᠢ ᠪᠢᠳᠠᠨ ᠳᠤ᠄ ︽ | ᠪᠢ ︿ᠲᠤᠩᠭᠠᠯᠠᠭ ᠲᠠᠮᠢᠷ﹀ ᠢ ᠠᠷᠪᠠᠨ ᠵᠢᠷᠭᠤᠭᠠ ᠤᠳᠠᠭᠠ ᠤᠩᠰᠢᠵᠤ ᠪᠠᠶᠢᠮᠠᠨ ᠦᠬᠦᠯᠡᠯ ᠪᠢᠴᠢᠵᠤ ᠰᠤᠳᠤᠯᠬᠤ | ᠰᠤᠷᠤᠭᠴᠢ ᠪᠠᠨ ᠲᠡᠬᠦᠰᠦᠭᠰᠡᠨ︾ ᠭᠡᠵᠦ ᠭᠡᠯᠡᠪᠡ᠃ ᠪᠢ ᠰᠤᠨᠢᠷᠬᠠᠯ ᠳᠤ ᠪᠠᠨ ᠭᠦᠳᠦᠯᠦᠭᠳᠡᠨ ᠰᠢᠠᠬᠤᠸᠠ ᠨᠤᠮ ᠤᠨ | ᠲᠡᠯᠭᠡᠬᠦᠷ ᠢ ᠭᠡᠷᠦᠨ ᠭᠡᠷᠦᠨ ᠪᠠᠶᠢᠮᠠᠨᠵᠢᠨ ᠰᠠᠶ᠋ᠢ ︽ᠲᠤᠩᠭᠠᠯᠠᠭ ᠲᠠᠮᠢᠷ︾ ᠢ ᠲᠤᠯᠤᠭᠠᠨ ᠲᠦᠬᠦᠷᠢᠭ ᠲᠠᠪᠢᠨ | ᠮᠦᠩᠭᠦ ᠪᠠᠷ ᠬᠤᠳᠠᠯᠳᠤᠨ ᠠᠪᠴᠤ ᠲᠦᠷᠪᠠᠨ ᠵᠢᠯ ᠤᠨ ᠲᠤᠷᠰᠢ ᠵᠢᠷᠭᠤᠭᠠ ᠤᠳᠠᠭᠠ ᠤᠩᠰᠢᠭᠰᠠᠨ ᠪᠤᠯᠪᠠᠴᠤ ᠶᠠᠮᠠᠷ | ᠴᠤ ᠲᠡᠮᠳᠡᠭᠯᠡᠯ ᠬᠢᠭᠡ ᠦᠭᠡᠢ᠃ ᠨᠡᠩ ᠬᠠᠷᠠᠮᠰᠠᠯᠳᠠᠢ ᠨᠢ᠂ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠬᠦᠰᠬᠦ ᠶᠢᠨ | ᠠᠯᠳᠠᠰ ᠢᠶᠠᠷ ︽ᠲᠤᠩᠭᠠᠯᠠᠭ ᠲᠠᠮᠢᠷ︾ ᠤᠨ ᠢᠶᠠᠨ ᠲᠤᠤᠷᠠᠳᠤ ᠲᠡᠪᠳᠡᠷ ᠢ ᠭᠡᠭᠡᠴᠢᠭᠡᠯᠡ᠃ ᠬᠤᠵᠢᠮ ᠨᠢ ᠪᠢ ᠨᠡᠶᠢᠭᠡᠮ | ᠲᠡᠭᠡᠷᠡ ᠭᠠᠷᠤᠭᠠᠳ ᠪᠠᠭᠰᠢ ᠶᠢᠨ ᠠᠯᠪᠡᠨ ᠳᠤ ᠵᠢᠳᠭᠦᠭᠰᠡᠨ ᠤ ᠬᠤᠶᠢᠨᠠ ᠡᠳᠦᠢ ᠲᠡᠳᠦᠢ ᠨᠤᠮ ᠤᠩᠰᠢᠭᠰᠠᠨ | ᠪᠤᠯᠪᠠᠴᠤ ︽ᠲᠤᠩᠭᠠᠯᠠᠭ ᠲᠠᠮᠢᠷ︾ ᠢ ᠤᠷᠪᠠᠭᠤᠯᠤᠭᠰᠠᠨ ᠦᠭᠡᠢ᠃ ᠭᠡᠪᠡᠴᠦ ᠰᠤᠷᠤᠭᠴᠢᠳ ᠲᠤ ᠪᠠᠨ ᠲᠠᠩᠳᠠ ︽ | ᠲᠤᠩᠭᠠᠯᠠᠬ ᠲᠠᠮᠢᠷ︾ ᠢ ᠲᠠᠨᠢᠯᠴᠠᠭᠤᠯᠵᠤ᠂ ᠦᠯᠢᠭᠡᠷ ᠦᠢᠯᠡ ᠶᠢ ᠨᠢ ᠶᠠᠷᠢᠵᠤ ᠦᠭᠳᠡᠭ᠃ ᠶᠡᠭᠡ ᠦᠬᠢᠨ ᠢ ᠪᠠᠨ | ᠭᠤᠷᠪᠠᠳᠤᠭᠠᠷ ᠤᠨ ᠢᠶᠠᠨ ᠲᠡᠬᠦᠰᠬᠦ ᠳᠤ ᠨᠢ ᠠᠯᠪᠠᠳᠠᠵᠤ ᠪᠠᠶᠢᠭᠠᠳ ︽ᠲᠤᠩᠭᠠᠯᠠᠭ ᠲᠠᠮᠢᠷ︾ ᠢ ᠤᠩᠰᠢᠭᠤᠯᠵᠤ | ᠲᠠᠭᠤᠰᠬᠠᠭᠰᠠᠨ᠃ ᠪᠠᠭᠠ ᠦᠬᠢᠨ ᠮᠢᠨᠢ ᠰᠠᠶ᠋ᠢ ᠭᠤᠷᠪᠠᠳᠤᠭᠠᠷ ᠤᠨ ᠳᠤ ᠰᠤᠷᠤᠯᠴᠠᠵᠤ ᠪᠠᠶᠢᠭᠠ ᠪᠤᠯᠪᠠᠴᠤ | ᠡᠭᠡᠴᠢ ᠶᠢᠨ ᠢᠶᠠᠨ ᠨᠦᠯᠦᠭᠡ ᠪᠠᠷ ᠡᠬᠢᠯᠡᠨ ᠤᠩᠰᠢᠵᠤ ᠪᠠᠶᠢᠨᠠ᠃ | ᠲᠡᠭᠡᠷᠡ ᠵᠢᠯ ᠤᠨ ᠡᠨᠡ ᠦᠶᠡᠰ ᠢᠶᠠᠷ ᠰᠠᠨ᠂ ᠪᠢ ᠸᠢᠴᠠᠲ ᠬᠤᠯᠪᠤᠭᠠᠨ ᠲᠡᠭᠡᠷᠡ ᠠᠴᠠ ᠦᠪᠦᠷ ᠮᠤᠩᠭᠤᠯ ᠤᠨ | ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠨᠢᠭᠡᠨ ᠡᠷᠳᠡᠮᠳᠡᠨ ᠪᠠᠭᠰᠢ᠄ ︽ᠤᠳᠤᠬᠢ ᠶᠢᠨ ᠬᠡᠦᠭᠡᠳ ᠤᠳ ᠨᠤᠮ ᠦᠵᠡᠬᠦ ᠪᠠᠨ ᠲᠠᠭ | ᠪᠠᠶᠢᠴᠢᠬᠠᠵᠠᠢ᠂ ᠦᠨᠦ ᠵᠢᠯ ᠮᠠᠨ ᠤ ᠰᠠᠯᠪᠤᠷᠢ ᠳᠤ ᠰᠢᠯᠭᠠᠭᠳᠠᠵᠤ ᠢᠷᠡᠭᠰᠡᠨ ᠵᠢᠷᠠ ᠭᠠᠷᠤᠢ ᠰᠤᠷᠤᠭᠴᠢ ᠶᠢᠨ ᠲᠤᠳᠤᠷᠠ | ︿ᠲᠤᠩᠭᠠᠯᠠᠭ ᠲᠠᠮᠢᠷ﹀ ᠢ ᠮᠡᠳᠡᠬᠦ ᠭᠡᠦᠭᠡᠳ ᠭᠠᠭᠴᠠ ᠬᠤᠶᠠᠷᠬᠠᠨ ᠪᠠᠶᠢᠨᠠ᠂ ᠢᠯᠠᠢ ᠬᠠᠯᠠᠭ᠂ ᠡᠶᠢᠮᠦ ᠲᠤᠮᠤ | ᠪᠦᠳᠦᠭᠡᠯ ᠢ ᠤᠩᠰᠢᠬᠤ ᠪᠠᠶᠢᠳᠤᠭᠠᠢ ᠨᠠᠭᠠᠳᠤ ᠵᠠᠬᠠ ᠳᠤ ᠪᠠᠨ ᠮᠡᠳᠡᠬᠦ ᠴᠤ ᠦᠭᠡᠢ ᠭᠡᠳᠡᠭ ᠨᠢ ᠁︾ ᠭᠡᠵᠦ | ᠬᠠᠷᠠᠮᠰᠠᠨ ᠦᠬᠦᠯᠡᠵᠦ ᠪᠠᠶᠢᠬᠤ ᠶᠢ ᠰᠤᠨᠤᠰᠤᠭᠠᠳ ᠪᠢ ᠦᠪᠡᠷ ᠤᠨ ᠢᠶᠠᠨ ᠬᠠᠷᠢᠭᠤᠴᠠᠯᠭᠠ ᠶᠢᠨ ᠢᠶᠠᠨ ᠲᠤᠬᠠᠢ᠂ | ᠮᠤᠩᠭᠤᠯ ᠭᠡᠦᠭᠡᠳ ᠤᠳ ᠤᠨ ᠨᠤᠮ ᠤᠩᠰᠢᠬᠤ ᠵᠢᠴᠢ ᠢᠷᠡᠭᠡᠳᠦᠢ ᠶᠢᠨ ᠲᠦᠯᠦᠭᠡᠨᠡ ᠤᠯᠠᠨ ᠢ ᠪᠤᠳᠤᠭᠰᠠᠨ ᠪᠦᠭᠡᠳ | ᠵᠢᠯ ᠪᠤᠯᠭᠠᠨ ᠨᠢᠭᠡ ᠤᠳᠠᠭᠠ ︽ᠲᠤᠩᠭᠠᠯᠠᠭ ᠲᠠᠮᠢᠷ︾ ᠢ ᠤᠩᠰᠢᠬᠤ ᠪᠠᠷ ᠰᠢᠢᠳᠦᠯᠠ᠃ ᠰᠤᠷᠤᠭᠴᠢᠳ ᠮᠠᠨᠢ ᠴᠤ | ᠮᠢᠨᠤ ᠭᠠᠷᠠᠭ ᠪᠤᠯᠭᠠᠨ ᠤ ᠤᠩᠰᠢᠵᠤ ᠪᠠᠶᠢᠭᠠ ᠨᠤᠮ ᠢ ᠮᠢᠨᠢ ᠶᠡᠭᠡᠭᠡᠨ ᠠᠩᠬᠠᠷᠤᠨ ᠦᠵᠡᠳᠡᠭ ᠪᠤᠯᠬᠤᠷ ᠪᠢ ᠡᠨᠡ ᠬᠦ | ᠤᠨᠤᠭᠠ ᠶᠢ ᠲᠠᠭᠠᠷᠠᠭᠤᠯᠵᠤ ︽ᠲᠤᠩᠭᠠᠯᠠᠭ ᠲᠠᠮᠢᠷ︾ ᠢ ᠠᠪᠤᠭᠠᠳ ᠶᠠᠪᠤᠳᠠᠭ ᠠᠴᠠ ᠬᠤᠶᠠᠷ ᠠᠩᠭᠢ ᠶᠢᠨ | ᠰᠤᠷᠤᠭᠴᠢᠳ ᠤᠨ ᠲᠤᠮᠳᠠ ︽ᠲᠤᠩᠭᠠᠯᠠᠭ ᠲᠠᠮᠢᠷ︾ ᠢ ᠤᠩᠰᠢᠬᠤ ᠬᠠᠯᠠᠭᠤᠷᠠᠯ ᠪᠤᠯᠤᠯᠠ᠃ ᠡᠨᠡ ᠪᠤᠯ ᠶᠠᠭ ᠮᠢᠨᠤ | ᠵᠤᠷᠢᠯᠭᠠ ᠶᠤᠮ᠃ ᠲᠡᠳᠡᠨ ᠢ ᠪᠠᠨ ᠬᠠᠷᠠᠭᠠᠳ ᠪᠢ ᠵᠤᠷᠢᠬᠵᠢᠬᠤ ᠦᠭᠡᠢ ᠪᠠᠶᠢᠵᠤ ᠴᠢᠳᠠᠬᠤ ᠦᠭᠡᠢ᠃ ᠪᠢ ᠴᠤ ᠦᠨᠦ | ᠨᠢᠭᠡ ᠵᠢᠯ ᠤᠨ ᠬᠤᠭᠤᠷᠤᠨᠳᠤ ᠲᠤᠰ ᠷᠤᠮᠠᠨ ᠢ ᠭᠤᠷᠪᠠ ᠤᠳᠠᠭᠠ ᠤᠩᠰᠢᠯᠠ᠃ ᠶᠠᠭᠠᠬᠢᠬᠤ ᠪᠤᠢ᠂ ᠤᠷᠢᠳ ᠬᠤᠵᠢᠳ | ᠶᠢᠰᠦ ᠤᠳᠠᠭᠠ ᠤᠩᠰᠢᠭᠰᠠᠨ ᠪᠤᠯᠬᠤᠷ ᠰᠢᠯᠢ ᠶᠢᠨ ᠰᠠᠶᠢᠨ ᠡᠷᠡ — ᠴᠠᠬᠢᠭᠤᠷ ᠲᠡᠮᠦᠷ ᠭᠤᠸᠠᠢ ᠠᠬᠠ ᠲᠠᠢ ᠪᠠᠨ | ᠮᠢᠨᠤ ᠵᠡᠬᠦᠳᠦᠨ ᠳᠤ ᠢᠷᠡᠭᠰᠡᠨ ᠪᠠᠶᠢᠯᠬᠦᠢ ᠳ᠋ᠠ᠃ | ︽ᠲᠤᠩᠭᠠᠯᠠᠭ ᠲᠡᠮᠢᠷ︾ ᠷᠤᠮᠠᠨ ᠳᠤ ᠵᠠᠭᠤ ᠭᠤᠴᠢᠭᠠᠳ ᠪᠠᠭᠠᠳᠤᠷ ᠤᠨ ᠦᠭᠡᠷᠡ ᠦᠭᠡᠷᠡ ᠵᠠᠩ ᠲᠦᠷᠬᠦ᠂ | ᠬᠤᠪᠢ ᠵᠠᠶᠠᠭᠠ ᠶᠢ ᠲᠤᠰᠬᠠᠭᠰᠠᠨ ᠪᠠᠶᠢᠳᠠᠭ᠃ ᠲᠡᠷᠡ ᠨᠢ ᠶᠡᠷᠦᠩᠭᠡᠢ ᠳᠤ ᠪᠠᠨ ᠭᠤᠷᠪᠠᠨ ᠦᠶᠡ ᠶᠢᠨ ᠬᠦᠮᠦᠨ ᠤ | ᠰᠢᠨᠵᠢ ᠲᠦᠷᠬᠦ᠂ ᠦᠵᠡᠯ ᠰᠠᠨᠠᠭᠠ᠂ ᠬᠤᠪᠢ ᠵᠠᠶᠠᠭᠠ ᠶᠢ ᠲᠤᠷᠠᠶᠢᠯᠭᠠᠵᠠᠢ᠃ ᠨᠢᠭᠡᠳᠦᠭᠡᠷ ᠦᠶᠡ ᠶᠢᠨ ᠬᠢ ᠨᠢ | ᠬᠠᠮᠵᠢᠯᠭᠠᠳᠤ ᠨᠡᠶᠢᠭᠡᠮ ᠤᠨ ᠬᠠᠷᠠᠩᠭᠤᠢ ᠶᠤᠰᠤ᠂ ᠪᠤᠷᠬᠠᠨ ᠶᠤᠰᠤᠨ ᠤ ᠪᠤᠷᠤᠩᠬᠤᠢ ᠨᠤᠮᠯᠠᠯ ᠳᠤ ᠮᠠᠩᠰᠢᠭᠤᠷᠠᠵᠤ᠂ | ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠢ ᠬᠤᠶᠢᠳᠤ ᠨᠠᠰᠤᠨ ᠳᠤ ᠪᠠᠨ ᠲᠠᠭᠠᠳᠬᠠᠵᠤ᠂ ᠡᠨᠡ ᠨᠠᠰᠤᠨ ᠤ ᠪᠠᠨ | ᠵᠤᠪᠠᠯᠠᠩ ᠵᠦᠳᠡᠬᠦᠷᠢ᠂ ᠤᠢ ᠭᠠᠰᠢᠭᠤᠨ ᠢ ᠨᠠᠮᠠᠨᠴᠢᠯᠠᠵᠤ ᠶᠠᠪᠤᠭᠠ ᠲᠤᠯᠵᠢᠨ᠂ ᠭᠡᠰᠢᠭᠳᠦ ᠨᠠᠷ ᠤᠨ ᠲᠦᠷᠢ ᠪᠢᠯᠠ᠃ | ᠡᠶᠢᠮᠦ ᠪᠠᠶᠢᠳᠠᠯ ᠨᠢ ᠨᠡᠶᠢᠭᠡᠮ ᠤᠨ ᠲᠦᠨᠠᠷ ᠬᠠᠷᠠᠩᠭᠤᠢ ᠠᠴᠠ ᠭᠠᠷᠴᠤ ᠤᠬᠠᠭᠠᠨ ᠮᠡᠳᠡᠷᠡᠯ ᠢᠶᠠᠨ ᠰᠡᠷᠬᠦᠭᠡᠬᠦ ᠳᠤ ᠶᠠᠮᠠᠷ | ᠴᠤ ᠬᠤᠪᠢ ᠨᠡᠮᠡᠷᠢ ᠤᠷᠤᠭᠤᠯᠵᠤ ᠴᠢᠳᠠᠭᠠ ᠦᠭᠡᠢ᠂ ᠬᠠᠷᠢᠨ ᠨᠡᠷᠮᠡᠭᠡᠰᠦ ᠪᠤᠯᠵᠤ ᠪᠠᠶᠢᠭᠰᠠᠨ ᠲᠡᠦᠭᠡ ᠲᠠᠢ᠃ | ᠡᠬᠦᠨ ᠤ ᠭᠠᠢ ᠪᠠᠷ ᠮᠤᠩᠭᠤᠯ ᠤᠷᠤᠨ ᠲᠠᠯᠠᠭᠡᠢ ᠶᠢᠨ ᠭᠦᠭᠵᠢᠯᠳᠠ ᠠᠴᠠ ᠬᠤᠴᠤᠷᠴᠤ᠂ ᠬᠦᠮᠦᠨ ᠠᠷᠠᠳ ᠨᠢ ᠪᠤᠶᠠᠨ | ᠭᠡᠰᠢᠭ ᠢᠶᠠᠨ ᠤᠬᠢᠶᠠᠴᠢᠬᠠᠭᠤᠵᠠᠢ ᠭᠡᠵᠦ ᠡᠮᠢᠶᠡᠭᠰᠡᠭᠡᠷ ᠭᠭᠢᠷ ᠪᠤᠷᠳᠠᠭ ᠠᠴᠠ ᠪᠠᠨ ᠰᠠᠯᠵᠦ ᠴᠢᠳᠠᠬᠤ ᠪᠠᠨ ᠪᠤᠯᠢᠭᠰᠠᠨ | ᠪᠠᠶᠢᠨᠠ᠃ ᠬᠤᠶᠠᠳᠤᠭᠠᠷ ᠦᠶᠡ ᠶᠢᠨ ᠬᠢᠨ ᠤ ᠲᠡᠮᠡᠴᠡᠯ ᠪᠤᠯ ᠨᠢᠬᠦᠯ ᠪᠢᠰᠢ ᠪᠤᠶᠠᠨ᠂ ᠬᠦᠳᠡᠯᠮᠦᠷᠢ ᠪᠤᠯ ᠲᠠᠮᠤ ᠪᠢᠰᠢ | ᠵᠢᠷᠭᠠᠯ ᠮᠦᠨ ᠭᠡᠮᠡᠭᠰᠡᠨ ᠬᠤᠪᠢᠰᠬᠠᠯ ᠤᠨ ᠪᠦᠷᠢᠶᠠᠨ ᠲᠠᠭᠤ ᠪᠠᠷ ᠤᠯᠠᠨ ᠵᠠᠭᠤᠨ ᠵᠢᠯ ᠤᠨ ᠨᠦᠢᠷ ᠠᠴᠠ ᠰᠠᠷᠢᠭ᠍ᠰᠡᠨ | ᠦᠶᠠ ᠶᠢᠨ ᠬᠢᠨ ᠶᠤᠮ᠃ ᠢᠲᠡᠭᠡᠯ ᠵᠤᠷᠢᠭ᠂ ᠡᠪ ᠨᠢᠭᠡᠳᠦᠯ ᠢ ᠡᠷᠬᠢᠮᠯᠡᠳᠡᠭ ᠡᠷᠳᠡᠨᠢ᠂ ᠭᠠᠯᠰᠠᠩ᠂ ᠬᠤᠶᠠᠭ᠂ ᠲᠤᠷᠵᠢ | ᠂ ᠲᠤᠯᠭᠠᠷ᠂ ᠲᠤᠯᠮᠠ ᠨᠠᠷ ᠨᠡᠶᠢᠭᠡᠮ ᠢ ᠰᠢᠨᠡᠴᠢᠯᠡᠵᠦ᠂ ᠦᠨᠳᠤᠰᠤᠳᠠᠨ ᠢᠶᠠᠨ ᠠᠪᠤᠷᠠᠬᠤ ᠬᠦᠴᠦᠳᠡᠨ ᠪᠤᠯᠵᠠᠢ᠃ | ᠲᠡᠳᠡ ᠬᠤᠪᠢᠰᠬᠠᠯ ᠬᠢᠵᠦ ᠠᠮᠢᠳᠤᠷᠠᠯ ᠢᠶᠠᠨ ᠰᠢᠨᠠ ᠪᠠᠷ ᠵᠤᠬᠢᠶᠠᠵᠤ ᠡᠬᠢᠯᠡᠭᠰᠡᠨ ᠰᠠᠨ᠃ ᠭᠤᠷᠪᠠᠳᠤᠭᠠᠷ | ᠦᠶᠡ ᠶᠢᠨ ᠬᠢᠨ ᠬᠤᠪᠢᠰᠬᠠᠯ ᠤᠨ ᠦᠢᠯᠠᠰ ᠢ ᠵᠠᠯᠭᠠᠮᠵᠢᠯᠠᠨ ᠠᠪᠴᠤ᠂ ᠰᠢᠨᠠ ᠨᠡᠶᠢᠭᠡᠮ ᠢ ᠪᠠᠶᠢᠭᠤᠯᠵᠤ᠂ ᠰᠢᠨᠵᠢᠯᠡᠬᠦ | ᠤᠬᠠᠭᠠᠨ ᠢ ᠡᠵᠡᠮᠰᠢᠬᠦ ᠬᠤᠪᠢ ᠵᠠᠶᠠᠭᠠ ᠶᠢ ᠲᠡᠦᠭᠡ ᠶᠢᠨ ᠲᠠᠪᠢᠯᠠᠩ ᠢᠶᠠᠷ ᠬᠦᠯᠢᠶᠡᠵᠦ ᠠᠪᠤᠭᠰᠠᠨ ᠶᠤᠮ᠃ ᠲᠡᠶᠢᠮᠦ | ᠬᠤᠪᠢ ᠵᠠᠶᠠᠭᠠ ᠪᠠᠨ ᠬᠠᠮᠠᠭᠠᠯᠠᠨ ᠲᠡᠮᠡᠴᠡᠵᠦ ᠶᠠᠪᠤᠭᠠ ᠪᠠᠳᠤ᠂ ᠵᠢᠷᠭᠠᠯ ᠨᠠᠷ ᠤᠨ ᠲᠦᠷᠢ ᠶᠢ ᠦᠵᠡᠬᠦ ᠳᠤ ᠪᠠᠬᠠ ᠲᠠᠢ᠃ | ᠭᠡᠶᠡ᠂ ᠪᠢ ᠵᠡᠬᠦᠳᠦᠨ ᠳᠤ ᠮᠠᠨᠠᠭᠳᠠᠭᠰᠠᠨ ᠡᠷᠳᠡᠨᠢ᠂ ᠴᠠᠬᠢᠭᠤᠷ ᠲᠡᠮᠦᠷ ᠠᠬᠠ ᠲᠡᠬᠦᠦ ᠬᠤᠶᠠᠷ ᠤᠨ ᠲᠤᠬᠠᠢ ᠯᠠ | ᠪᠢᠴᠢᠵᠦ ᠲᠠ ᠪᠦᠬᠦᠨ ᠲᠠᠢ ᠪᠠᠨ ᠬᠤᠪᠢᠶᠠᠯᠴᠠᠶᠠ᠃ | ᠲᠤᠰ ᠷᠤᠮᠠᠨ ᠤ ᠲᠦᠷᠢ ᠨᠦᠭᠦᠳ ᠤᠨ ᠲᠤᠳᠤᠷᠠ ᠠᠴᠠ ᠤᠨᠴᠠᠭᠠᠢ᠂ ᠭᠤᠤᠯ ᠪᠤᠯᠵᠤ ᠪᠠᠶᠢᠭᠠ ᠲᠦᠷᠢ ᠶᠢᠨ | ᠨᠢᠭᠡ ᠪᠤᠯ ᠡᠷᠳᠠᠨᠢ ᠶᠤᠮ᠃ ᠵᠤᠬᠢᠶᠠᠭᠴᠢ ᠴ᠊ · ᠯᠤᠳᠦ᠋ᠢᠳᠠᠮᠪᠠ᠄ ︽ᠪᠢ ᠡᠨᠡ ᠵᠤᠬᠢᠶᠠᠯ ᠤᠨ ᠡᠷᠳᠡᠨᠢ ᠶᠢᠨ ᠲᠦᠷᠢ ᠪᠠᠷ | ᠠᠪᠤ ᠶᠢ ᠪᠠᠨ ᠮᠦᠩᠭᠡᠵᠢᠬᠦᠯᠬᠦ ᠭᠡᠵᠦ ᠪᠢᠴᠢᠭᠰᠡᠨ ᠶᠤᠮ︾ ᠭᠡᠵᠦ ᠭᠡᠯᠡᠭᠰᠡᠨ ᠪᠠᠶᠢᠳᠠᠭ᠃ ᠡᠷᠳᠡᠨᠢ ᠪᠤᠯ ︽ᠲᠤᠩᠭᠠᠯᠠᠭ | ᠲᠠᠮᠢᠷ︾ ᠷᠤᠮᠠᠨ ᠤ ᠦᠢᠯᠡ ᠶᠠᠪᠤᠳᠠᠯ᠂ ᠦᠵᠡᠯ ᠰᠠᠨᠠᠭᠠ᠂ ᠵᠦᠷᠢᠴᠡᠯ ᠲᠡᠮᠡᠴᠡᠯ ᠤᠨ ᠬᠦᠪᠦᠷᠡᠬᠦ ᠭᠤᠤᠯ ᠭᠤᠭᠴᠤᠭᠠ | ᠪᠤᠯᠵᠤ ᠪᠠᠶᠢᠨᠠ᠃ ᠵᠦᠪᠯᠡᠯᠳᠦ ᠶᠢᠨ ᠨᠢᠭᠡᠨ ᠡᠷᠳᠡᠮᠳᠡᠨ ᠤ ᠰᠢᠨᠵᠢᠯᠡᠨ ᠳ᠋ᠦᠩᠨᠡᠭᠰᠡᠨ ᠢᠶᠠᠷ᠄ ︽ᠡᠷᠳᠡᠨᠢ ᠵᠠᠷᠤᠴᠠ | ᠶᠠᠳᠠᠭᠤ ᠠᠴᠠ ᠪᠠᠨ ᠤᠬᠠᠮᠰᠠᠷᠳᠠᠢ ᠬᠤᠪᠢᠰᠬᠠᠯᠴᠢ ᠪᠤᠯᠳᠠᠯᠠ ᠪᠠᠨ ᠪᠡᠶᠡ ᠪᠡᠶᠡ ᠲᠠᠢ ᠪᠠᠨ ᠤᠷᠢᠶᠠᠴᠠᠯᠳᠤᠨ ᠡᠭᠡᠳᠡᠷᠡᠭᠰᠡᠨ | ᠨᠠᠷᠢᠨ ᠲᠦᠪᠡᠭᠳᠡᠢ ᠤᠷᠳᠤ ᠵᠠᠮ ᠢ ᠲᠤᠭᠤᠯᠵᠠᠢ︾ ᠭᠡᠵᠡᠢ᠃ ᠲᠡᠶᠢᠮᠦ ᠡ᠂ ᠡᠷᠳᠡᠨᠢ ᠨᠤᠳᠤᠭ ᠤᠨ ᠲᠠᠶᠢᠵᠢ ᠨᠠᠷ ᠤᠨ | ᠲᠠᠷᠤᠯᠠᠯ ᠮᠦᠯᠵᠢᠯ ᠢ ᠲᠡᠰᠴᠤ ᠶᠠᠳᠠᠨ᠂ ᠴᠢᠯᠦᠭᠡᠳᠦ ᠠᠮᠢᠳᠤᠷᠠᠯ ᠢ ᠬᠠᠶᠢᠵᠤ᠂ ᠭᠡᠳᠦᠨ ᠵᠠᠭᠤᠨ ᠺᠢᠯᠤᠮᠧᠲᠷ ᠢ | ᠲᠤᠭᠤᠯᠤᠨ ᠨᠡᠬᠦᠵᠦ᠂ ᠠᠯᠳᠠᠢ ᠠᠴᠠ ᠬᠠᠩᠭᠠᠢ ᠶᠢᠨ ᠨᠢᠷᠤᠭᠤ᠂ ᠲᠠᠮᠢᠷ ᠤᠨ ᠭᠤᠤᠯ ᠳᠤ ᠬᠦᠷᠴᠦ ᠢᠷᠡᠭᠰᠡᠨ ᠪᠤᠯᠪᠠᠴᠤ | ᠰᠠᠶᠢᠨ ᠰᠠᠶᠢᠬᠠᠨ ᠠᠮᠢᠳᠤᠷᠠᠯ ᠢ ᠤᠯᠵᠤ ᠦᠵᠡᠭᠰᠡᠨ ᠦᠭᠡᠢ᠃ ᠲᠡᠷᠡ ᠡᠴᠡᠵᠦ ᠶᠠᠳᠠᠷᠠᠬᠤ ᠶᠢ ᠮᠡᠳᠡᠳᠡᠭ ᠦᠭᠡᠢ᠂ | ᠡᠷᠡᠯᠭᠡᠭ ᠵᠤᠷᠢᠭᠳᠠᠢ᠂ ᠲᠤᠩ ᠭᠡᠷᠰᠡᠦ᠂ ᠰᠢᠨᠳᠠᠷᠠᠰᠢ ᠦᠭᠡᠢ ᠡᠷᠡ ᠪᠢᠯᠠ᠃ ᠲᠡᠬᠦᠨ ᠤ ᠪᠠᠨ ᠬᠦᠴᠦ ᠪᠠᠷ ᠵᠠᠶᠠ ᠶᠢᠨ | ᠭᠡᠭᠡᠨ ᠤ ᠭᠡᠶᠢᠳ ᠤᠨ ᠬᠢᠨ ᠤ ᠤᠵᠢᠳ ᠴᠡᠩᠭᠡᠯ᠂ ᠢᠳᠡᠭᠡᠯᠳᠦ ᠶᠢᠨ ᠤᠷᠠᠬᠠᠨ ᠠᠴᠠ ᠵᠢᠭᠤᠳᠠᠨ ᠵᠠᠶᠢᠯᠠᠵᠤ᠂ ᠶᠡᠭᠡ | ᠬᠦᠷᠢᠶᠠ ᠤᠷᠤᠵᠤ ᠮᠤᠩᠭᠠᠨᠢᠵᠤ ᠶᠠᠪᠤᠭᠰᠠᠭᠠᠷ ᠵᠠᠮ ᠢᠶᠠᠨ ᠤᠯᠵᠠᠢ᠃ ᠡᠷᠳᠡᠨᠢ ᠶᠢᠨ ᠰᠡᠳᠬᠢᠯ ᠢ ᠴᠠᠭ ᠲᠦᠷᠦ ᠶᠢᠨ | ᠦᠢᠮᠡᠭᠡᠨ ᠶᠡᠭᠡ ᠲᠠᠳᠠᠵᠤ ᠭᠠᠭᠴᠠ ᠬᠦ ᠬᠤᠪᠢᠰᠬᠠᠯ ᠨᠢᠳᠦ ᠶᠢ ᠨᠢ ᠨᠡᠭᠡᠭᠡᠵᠦ ᠦᠭᠴᠡᠢ᠃ ᠠᠮᠢᠳᠤᠷᠠᠯ ᠤᠨ ᠶᠡᠭᠡ | ᠰᠤᠷᠭᠠᠭᠤᠯᠢ ᠡᠷᠳᠡᠨᠢ ᠳᠤ ᠭᠤᠤᠯᠴᠢ᠂ ᠵᠠᠷᠴᠢᠮᠴᠢ ᠴᠢᠨᠠᠷ ᠢ ᠰᠤᠷᠭᠠᠭᠰᠠᠨ ᠶᠤᠮ᠃ ᠡᠷᠳᠡᠨᠢ ᠬᠤᠪᠢᠰᠬᠠᠯ ᠤᠨ | ᠠᠩᠬᠠᠨ ᠤ ᠡᠳᠦᠷ ᠠᠴᠠ ᠡᠬᠢᠯᠡᠭᠡᠳ ᠨᠡᠮ᠂ ᠤᠯᠤᠰ ᠤᠨ ᠠᠵᠢᠯ ᠳᠤ ᠵᠢᠳᠬᠦᠵᠤ ᠶᠠᠪᠤᠭᠰᠠᠭᠠᠷ ᠶᠠᠮᠠᠷ ᠴᠤ | ᠪᠤᠳᠤᠯᠢᠶᠠᠨ ᠲᠠᠢ ᠰᠢᠷᠦᠬᠦᠨ ᠦᠶᠡ ᠳᠤ᠂ ᠲᠡᠮᠡᠴᠡᠯ ᠲᠤᠯᠤᠯᠳᠤᠭᠠᠨ ᠤ ᠡᠭᠡᠵᠡᠭ ᠲᠠᠢ ᠬᠠᠷᠠᠩᠭᠤᠢ ᠴᠠᠭ ᠲᠤ ᠪᠠᠶᠢᠳᠠᠯ ᠢ | ᠨᠠᠷᠢᠨ ᠠᠵᠢᠭᠯᠠᠵᠤ᠂ ᠠᠮᠢ ᠪᠠᠨ ᠠᠷᠭᠠᠯᠠᠵᠤ ᠠᠶᠠᠳᠠᠶᠢᠬᠠᠨ ᠠᠮᠢᠳᠤᠷᠠᠵᠤ ᠴᠢᠳᠠᠳᠠᠭ᠂ ᠶᠠᠭᠤᠮᠠᠨ ᠤ ᠡᠪ ᠢ ᠤᠯᠳᠠᠭ | ᠠᠪᠬᠠᠯᠵᠢᠳᠠᠢ ᠤᠪᠵᠢᠩ ᠬᠦᠮᠦᠨ ᠤ ᠲᠦᠷᠢ ᠮᠦᠨ᠃ | ᠢᠩᠭᠢᠬᠦ ᠳᠤ ᠴᠠᠬᠢᠭᠤᠷ ᠲᠡᠮᠦᠷ ᠡᠷᠳᠡᠨᠢ ᠲᠠᠢ ᠡᠷᠡᠰ ᠦᠭᠡᠷᠠ ᠬᠠᠳᠠᠭᠤ ᠵᠤᠷᠢᠭᠳᠠᠢ᠂ ᠦᠨᠡᠨᠴᠢ ᠰᠢᠳᠤᠷᠭᠤ | ᠨᠢᠩᠵᠢᠨ ᠰᠡᠳᠬᠢᠯ ᠲᠠᠢ ᠬᠦᠮᠦᠨ᠃ ᠲᠠᠷᠠ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠠᠷᠤ ᠬᠠᠯᠬᠠ ᠶᠢᠨ ᠰᠢᠯᠢ ᠶᠢᠨ ᠰᠠᠶᠢᠨ | ᠡᠷᠡ ᠳᠤ ᠪᠠᠭᠳᠠᠬᠤ ᠶᠢᠨ ᠤᠴᠢᠷ ᠪᠢ ᠠᠩᠬᠠᠯᠠᠨ ᠰᠢᠯᠢ ᠶᠢᠨ ᠰᠠᠶᠢᠨ ᠡᠷᠡ ᠶᠢᠨ ᠲᠤᠬᠠᠢ ᠬᠠᠮᠢᠶᠠ ᠪᠦᠬᠦᠢ ᠨᠤᠮ | ᠵᠤᠬᠢᠶᠠᠯ ᠢ ᠬᠠᠶᠢᠵᠤ ᠤᠡᠭᠰᠢᠭ᠌ᠰᠠᠨ ᠶᠤᠮ᠃ | ᠮᠤᠩᠭᠤᠯ ᠤᠨ ᠠᠷᠠᠳ ᠲᠦᠮᠡᠨ ︽ᠬᠠᠷᠬᠢᠰ ᠠᠩᠭᠢ᠂ ᠮᠦᠯᠵᠢᠮᠡᠳᠡᠬᠡᠢ ᠬᠤᠳᠠᠯᠳᠤᠭᠠᠴᠢᠳ ᠤᠨ ᠮᠠᠯ | ᠬᠦᠷᠦᠩᠭᠡ ᠶᠢ ᠦᠪᠡᠷ ᠤᠨ ᠠᠷᠭᠠ ᠤᠬᠠᠭᠠᠨ᠂ ᠡᠷᠡ ᠴᠢᠳᠠᠯ ᠤᠨ ᠬᠦᠴᠦ ᠪᠠᠷ ᠪᠤᠯᠢᠶᠠᠨ ᠠᠪᠴᠤ᠂ ᠶᠠᠳᠠᠷᠠᠭᠰᠠᠨ | ᠤᠯᠠᠨ ᠳᠤ ᠪᠠᠨ ᠲᠠᠷᠬᠠᠭᠠᠵᠤ ᠦᠭᠳᠡᠭ ᠪᠤᠶᠠᠨᠳᠠᠢ ᠬᠦᠮᠦᠰ︾ ᠭᠡᠵᠦ ᠰᠢᠯᠢ ᠶᠢᠨ ᠰᠠᠶᠢᠨ ᠡᠷᠡᠴᠦᠳ ᠢᠶᠠᠨ | ᠪᠢᠰᠢᠷᠡᠭᠰᠡᠭᠡᠷ ᠢᠷᠡᠭᠰᠡᠨ ᠲᠡᠦᠭᠡ ᠲᠠᠢ᠃ ᠲᠡᠭᠡᠳᠡᠯᠡ ᠮᠠᠨᠵᠦ᠂ ᠬᠢᠳᠡᠳ ᠤᠨ ᠨᠤᠶᠠᠳ ᠲᠦᠰᠢᠮᠡᠳ᠂ ᠰᠢᠨᠤᠬᠠᠢ | ᠬᠤᠳᠠᠯᠳᠤᠭᠠᠴᠢᠳ ᠠᠷᠤ ᠬᠠᠯᠬᠠ ᠶᠢᠨ ᠰᠢᠯᠢ ᠶᠢᠨ ᠰᠠᠶᠢᠨ ᠡᠷᠡᠴᠦᠳ ᠢ ︽ᠮᠠᠭᠤ ᠬᠤᠯᠠᠭᠠᠶᠢᠴᠢ︾᠂ ︽ᠲᠦᠷᠦ ᠶᠢᠨ | ᠪᠦᠭᠡᠰᠦ︾ ᠭᠡᠵᠦ ᠬᠤᠶᠠᠷ ᠶᠠᠩᠵᠤ ᠪᠠᠷ ᠨᠡᠷᠡᠯᠡᠭᠰᠡᠭᠡᠷ ᠢᠷᠡᠵᠡᠢ᠃ ᠰᠢᠯᠢ ᠶᠢᠨ ᠰᠠᠶᠢᠨ ᠡᠷᠡᠰ ᠤᠨ ᠵᠠᠷᠢᠮ ᠨᠢ | ᠦᠪᠡᠷ ᠤᠨ ᠡᠷᠭᠡ ᠠᠰᠢᠭ ᠤᠨ ᠢᠶᠠᠨ ᠲᠦᠯᠦᠭᠡ ᠬᠤᠪᠢ ᠪᠠᠨ ᠪᠤᠳᠤᠵᠤ ᠪᠠᠶᠢᠬᠤ ᠳᠤ ᠲᠡᠶᠢᠯᠦᠩᠭᠢ ᠨᠢ ᠠᠷᠠᠳ | ᠲᠦᠮᠡᠨ ᠢ ᠲᠠᠷᠤᠯᠠᠨ ᠮᠦᠯᠵᠢᠵᠦ ᠪᠠᠶᠢᠭᠠ ᠬᠠᠷᠬᠢᠰ ᠠᠩᠭᠢ᠂ ᠰᠢᠨᠤᠬᠠᠢ ᠬᠤᠳᠠᠯᠳᠤᠭᠠᠴᠢᠳ ᠢ ᠡᠰᠡᠷᠬᠦᠴᠡᠨ ᠲᠡᠮᠡᠴᠡᠵᠦ | ᠂ ᠲᠡᠳᠡᠨ ᠤ ᠮᠠᠯ ᠬᠦᠷᠦᠩᠭᠡ ᠶᠢ ᠬᠤᠯᠠᠭᠠᠢᠢᠯᠠᠨ ᠠᠪᠴᠦ᠂ ᠠᠷᠠᠳ ᠤᠯᠠᠨ ᠳᠤ ᠬᠤᠪᠢᠶᠠᠵᠤ ᠦᠭᠭᠦᠭᠰᠡᠭᠡᠷ ᠢᠷᠡᠵᠠᠢ᠃ | ᠲᠡᠬᠦᠨᠴᠢᠯᠡᠨ ᠰᠢᠯᠢ ᠶᠢᠨ ᠰᠠᠶᠢᠨ ᠡᠷᠡᠴᠦᠳ ᠠᠮᠢᠳᠤᠷᠠᠯ ᠢᠶᠠᠷ ᠰᠢᠯᠭᠠᠷᠠᠭᠰᠠᠨ᠂ ᠨᠡᠶᠢᠳᠡ ᠪᠠᠷ ᠲᠠᠭᠠᠵᠤ ᠮᠦᠷᠳᠡᠬᠦ | ᠪᠢᠴᠢᠭᠳᠡᠭᠡ ᠦᠭᠡᠢ ᠬᠠᠤᠯᠢ᠂ ᠶᠤᠰᠤ ᠭᠤᠷᠢᠮ ᠲᠠᠢ᠂ ᠬᠠᠶᠠᠭᠠ ᠪᠠᠨ ᠬᠠᠳᠤᠷᠳᠠᠭ ᠦᠭᠡᠢ᠂ ᠭᠤᠶᠤᠭᠠᠳ ᠦᠭᠳᠡᠭ | ᠦᠭᠡᠢ ᠪᠤᠯ ᠭᠤᠶᠠᠳᠠᠭᠠᠳ ᠠᠪᠳᠠᠭ ᠨᠡᠶᠢᠳᠡᠯᠢᠭ ᠵᠠᠷᠴᠢᠮ ᠲᠠᠢ᠂ ᠡᠷᠭᠦᠭᠰᠡᠨ ᠲᠠᠩᠭᠠᠷᠢᠭ ᠲᠠᠢ ᠭᠦᠮᠦᠰ ᠪᠠᠶᠢᠵᠠᠢ᠃ | ᠰᠢᠯᠢ ᠶᠢᠨ ᠰᠠᠶᠢᠨ ᠡᠷᠡᠴᠦᠳ ᠶᠡᠭᠡᠩᠭᠢ ᠳᠤ ᠪᠠᠨ ᠬᠦᠳᠡᠷ ᠴᠢᠬᠢᠷᠠᠭ ᠪᠡᠶᠡ ᠲᠠᠢ᠂ ᠡᠷᠡ ᠵᠤᠷᠢᠭ ᠲᠠᠢ᠂ ᠪᠢᠷᠡ | ᠲᠡᠩᠭᠡᠭᠡ ᠲᠠᠢ ᠬᠦᠮᠦᠰ ᠪᠦᠭᠡᠳ ᠭᠠᠵᠠᠷ ᠭᠠᠵᠠᠷ ᠤᠨ ᠰᠠᠶᠢᠨ ᠡᠷᠡᠴᠦᠳ ᠤᠨ ᠭᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠪᠠᠭᠠᠵᠢ | ᠭᠡᠷᠡᠭᠰᠡᠯ ᠨᠢ ᠦᠭᠡᠷᠡ ᠦᠭᠡᠷᠡ ᠪᠠᠶᠢᠭᠰᠠᠨ ᠴᠤ ᠶᠡᠭᠡᠩᠭᠢ ᠳᠤ ᠪᠠᠨ ᠬᠤᠷᠳᠤᠨ ᠰᠠᠶᠢᠨ ᠮᠤᠷᠢ᠂ ᠰᠠᠶᠢᠨ ᠬᠢᠳᠤᠭᠠ᠂ | ᠪᠦᠳᠦᠬᠦᠨ ᠲᠡᠩᠰᠡᠨ ᠲᠠᠰᠢᠭᠤᠷ᠂ ᠤᠷᠭᠠ᠂ ᠪᠤᠭᠤᠶᠢᠮᠢ᠂ ᠬᠠᠵᠠᠭᠠᠷ ᠨᠤᠭᠳᠤ᠂ ᠠᠶᠠᠭᠠ᠂ ᠲᠠᠰᠢᠮᠠᠭ᠂ ᠠᠷᠠᠰᠤᠨ | ᠲᠤᠯᠤᠮ ᠵᠡᠷᠭᠡ ᠠᠪᠴᠤ ᠶᠠᠪᠤᠬᠤ ᠳᠤ ᠬᠦᠩᠭᠡᠨ ᠬᠢᠯᠪᠡᠷ ᠵᠦᠢᠯᠡᠰ ᠪᠠᠶᠢᠳᠠᠭ᠃ ᠵᠠᠷᠢᠮ ᠨᠢ ᠨᠤᠮᠤ ᠰᠤᠮᠤ᠂ ᠴᠠᠬᠢᠭᠤᠷ | ᠫᠤᠤ ᠬᠦᠷᠳᠡᠯᠡ ᠭᠡᠷᠡᠭᠯᠡᠳᠡᠭ ᠪᠠᠶᠢᠭᠰᠠᠨ ᠭᠡᠳᠡᠭ᠃ ᠰᠠᠶᠢᠨ ᠡᠷᠡᠴᠦᠳ ᠠᠩᠭᠠᠮᠠᠯ ᠶᠡᠭᠡ ᠭᠤᠪᠢ ᠳᠤ ᠬᠦᠵᠡᠭᠡᠨ ᠳᠤ | ᠤᠰᠤ ᠬᠢᠵᠤ ᠨᠢᠭᠤᠵᠤ ᠲᠠᠯᠪᠢᠭᠠᠳ ᠡᠰᠠᠨ ᠮᠠᠨᠳᠤ ᠭᠡᠳᠤᠯᠳᠡᠭ᠂ ᠠᠶᠠᠭᠠ ᠪᠠᠨ ᠬᠦᠮᠦᠷᠢᠭᠡᠳ ᠲᠠᠭᠤ ᠴᠢᠮᠡᠭᠡ | ᠴᠢᠩᠨᠠᠳᠠᠭ᠂ ᠮᠤᠷᠢᠨ ᠤ ᠪᠠᠨ ᠰᠡᠬᠦᠯ ᠠᠴᠠ ᠲᠤᠭ ᠦᠰᠦ ᠠᠪᠴᠤ ᠵᠠᠩᠭᠢᠳᠤᠭᠠᠳ ᠲᠤᠬᠢᠶᠠ ᠪᠤᠯᠭᠠᠳᠠᠭ᠂ ᠨᠤᠭᠳᠤ᠂ | ᠪᠤᠭᠤᠶᠢᠮᠢ᠂ ᠠᠷᠭᠠᠮᠵᠢᠶᠠ ᠪᠠᠨ ᠵᠡᠪᠰᠡᠭ ᠪᠤᠯᠭᠠᠨ ᠠᠰᠢᠭᠯᠠᠳᠠᠭ᠃ ᠰᠢᠯᠢ ᠶᠢᠨ ᠰᠠᠶᠢᠨ ᠡᠷᠡᠴᠤᠳ ᠤᠨ ᠦᠭᠡᠷᠡ ᠨᠢᠭᠡ | ᠤᠨᠴᠠᠯᠢᠭ ᠴᠢᠨᠠᠷ ᠨᠢ ᠡᠭᠡᠨᠡᠷ ᠭᠡᠦᠭᠡᠳ ᠲᠤ ᠪᠠᠨ ᠬᠤᠷᠭᠤᠳᠠᠭᠠᠳ ᠤᠷᠤᠨ ᠭᠡᠷ ᠲᠤ ᠪᠠᠨ ᠰᠢᠬᠢᠳᠴᠤ ᠰᠠᠭᠤᠳᠠᠭ | ᠦᠭᠡᠢ᠂ ᠬᠠᠷᠢᠨ ᠭᠡᠭᠡᠷᠡ ᠪᠠᠷ ᠭᠡᠷ᠂ ᠭᠡᠳᠡ ᠪᠠᠷ ᠲᠡᠷᠡ ᠬᠢᠵᠦ ᠮᠤᠷᠢᠨ ᠲᠡᠯ ᠲᠡᠭᠡᠷᠡ ᠭᠡᠶᠢᠰᠴᠤ ᠶᠠᠪᠤᠬᠤ ᠶᠢ | ᠡᠷᠬᠢᠮ ᠳᠤ ᠦᠵᠡᠳᠡᠭ᠃ ᠲᠡᠷᠡ ᠴᠤ ᠤᠳᠬᠠ ᠪᠠᠷ ᠢᠶᠠᠨ ᠵᠤᠷᠢᠭᠰᠠᠨ ᠦᠢᠯᠡ ᠭᠡᠷᠡᠭ ᠢᠶᠠᠨ ᠴᠤᠭ | ᠵᠢᠪᠬᠤᠯᠠᠩ ᠲᠠᠢ ᠪᠠᠷ ᠪᠦᠳᠦᠭᠡᠳᠡᠭ᠃ | ᠶᠠᠭ ᠡᠶᠢᠮᠦ ᠶᠢᠨ ᠲᠤᠯᠠᠳᠠ᠂ ᠲᠡᠮᠦᠷ ᠭᠤᠸᠠᠢ ᠬᠠᠭᠤᠴᠢᠨ ᠴᠠᠭ ᠲᠤ ᠰᠠᠪᠠᠭᠠ ᠦᠭᠡᠢ ᠳᠤ ᠪᠠᠨ ᠪᠢᠰᠢ᠂ | ᠮᠦᠯᠵᠢᠯᠭᠡ ᠶᠢ ᠦᠵᠡᠨ ᠶᠠᠳᠠᠬᠤ ᠶᠢᠨ ᠡᠷᠭᠡ ᠪᠠᠷ ︽ᠰᠠᠶᠢᠨ ᠡᠷᠡ︾ ᠶᠢᠨ ᠵᠠᠮ ᠢᠶᠠᠷ ᠶᠠᠪᠤᠵᠤ᠂ ᠠᠶᠢᠮᠠᠭ ᠬᠤᠰᠢᠭᠤ | ᠠᠯᠤᠰᠯᠠᠨ ᠬᠤᠯᠠᠭᠠᠢ ᠬᠢᠵᠤ᠂ ᠶᠠᠳᠠᠭᠤᠴᠤᠳ ᠢ ᠲᠡᠳᠬᠦᠵᠦ ᠶᠠᠪᠤᠭᠰᠠᠨ ᠪᠤᠯᠪᠠᠴᠤ ᠰᠢᠨᠠ ᠴᠠᠭ ᠲᠤ ᠲᠡᠬᠦᠨ ᠢ ᠪᠠᠨ | ᠵᠢᠭᠰᠢᠨ ᠦᠵᠡᠵᠦ᠄ ︽ᠤᠳᠤ ᠴᠠᠭ ᠲᠤ ᠲᠠᠶᠢᠵᠢ ᠨᠠᠷ ᠠᠴᠠ ᠡᠴᠢᠭᠡ ᠡᠪᠦᠭᠡᠳ ᠤᠨ ᠢᠶᠠᠨ ᠬᠠᠷᠢᠭᠤ ᠶᠢ ᠠᠪᠬᠤ | ᠭᠡᠷᠡᠭᠳᠡᠢ︾ ᠭᠡᠵᠦ ᠭᠡᠯᠡᠵᠦ ᠦᠩᠭᠡᠷᠡᠭᠰᠡᠨ ᠪᠢᠯᠠ᠃ ᠡᠨᠡ ᠦᠵᠡᠯ ᠤᠨ ᠡᠬᠦᠳᠡᠨ ᠠᠴᠠ ᠴᠤ ᠬᠤᠩᠭᠤᠷ ᠤᠨ ᠪᠦᠳᠦᠯ | ᠦᠭᠡᠢ ᠶᠠᠪᠤᠳᠠᠯ ᠢ ᠵᠢᠮᠠᠯᠠᠵᠤ᠂ ᠡᠰᠡᠷᠬᠦᠦ ᠨᠠᠷ ᠤᠨ ᠪᠠᠯᠠᠮᠠᠳ ᠶᠠᠪᠤᠳᠠᠯ ᠢ ᠦᠵᠡᠨ ᠶᠠᠳᠠᠵᠤ᠂ ᠦᠨᠡᠨ ᠢ ᠨᠢ ᠤᠯᠠᠭᠠᠨ | ᠨᠢᠭᠤᠷ ᠲᠤ ᠨᠢ ᠰᠢᠭᠤᠳ ᠭᠡᠯᠡᠨ ᠲᠡᠮᠡᠴᠡᠭᠰᠡᠨ ᠶᠤᠮ᠃ ᠲᠡᠷᠡ᠄ ︽ᠤᠯᠡᠨ ᠲᠦᠮᠡᠨ ᠮᠢᠨᠢ ᠨᠢᠳᠦ ᠪᠠᠨ ᠨᠡᠭᠡᠭᠡᠵᠡᠭᠡ︕ | ᠲᠦᠷᠦ ᠳᠤ ᠲᠡᠷᠰᠯᠡᠭᠰᠡᠨ ᠡᠨᠡ ᠵᠡᠨᠳᠡᠯᠴᠢᠨ ᠨᠠᠷ ᠢ ᠪᠠᠷᠢᠵᠠᠭᠠᠶᠠ︕︾ ᠭᠡᠵᠦ ᠡᠷᠡᠰ ᠰᠢᠢᠳᠮᠡᠭᠡᠢ ᠭᠡᠯᠡᠭᠡᠳ ᠡᠰᠡᠷᠬᠦᠦ | ᠨᠠᠷ ᠲᠤ ᠫᠤᠤᠳᠠᠭᠤᠯᠵᠤ ᠪᠠᠶᠢᠪᠠ᠃ ᠲᠡᠮᠦᠷ ᠢᠩᠭᠢᠵᠤ ᠯᠠ ᠭᠡᠯᠡᠬᠦ ᠠᠴᠠ ᠦᠭᠡᠷᠡ ᠠᠷᠭᠠ ᠦᠭᠡᠢ ᠪᠤᠯᠤᠭᠰᠠᠨ ᠶᠤᠮ᠃ | ᠯᠤᠳᠦ᠋ᠢᠳᠠᠮᠪᠠ ᠪᠠᠭᠰᠢ ᠶᠢᠨ ᠠᠴᠢᠳᠦ ᠡᠴᠢᠭᠡ ᠶᠢᠨ ᠢᠶᠠᠨ ᠭᠡᠭᠡᠨ ᠲᠤᠷᠠᠰᠬᠠᠯ ᠳᠤ ᠵᠤᠷᠢᠭᠤᠯᠤᠨ ᠪᠢᠴᠢᠭᠰᠡᠨ | ᠡᠨᠡ ᠬᠦ ᠠᠪᠤᠷᠭᠤ ᠪᠦᠳᠦᠭᠡᠯ ᠨᠢ ᠦᠨᠳᠦᠰᠦᠳᠡᠨ ᠤ ᠲᠦᠮᠡ ᠲᠦᠮᠡᠨ ᠦᠶᠡ ᠶᠢᠨ ᠦᠷᠡ ᠠᠴᠢ ᠨᠠᠷ ᠤᠨ ᠤᠶᠤᠨ | ᠰᠠᠩ ᠢ ᠨᠢ ᠤᠮᠳᠠᠯᠠᠬᠤ ᠨᠢ ᠯᠠᠪᠳᠠᠢ︕ | ᠮᠤᠷᠢ ᠲᠠᠢ ᠪᠤᠯᠤᠭᠠᠳ ᠵᠠᠪ ᠲᠠᠢ ᠪᠤᠯᠪᠠᠯ ︽ᠲᠤᠩᠭᠠᠯᠠᠭ ᠲᠠᠮᠢᠷ︾ ᠤᠨ ᠬᠦᠪᠡᠭᠡ ᠪᠠᠷ ᠵᠤᠴᠢᠨ ᠪᠤᠯᠤᠨ | ᠰᠠᠭᠠᠳᠠᠭᠠᠷᠠᠢ᠃ | | | ᠬᠠᠶ᠋ᠢᠬ᠄ ᠤᠳᠤᠭ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ | ︵ᠦᠭᠡᠯᠠᠳ ᠪᠠᠭᠠᠳᠤᠷ ᠨᠠᠶᠢᠷᠠᠭᠤᠯᠪᠠ︶ | 2018 ᠣᠨ ᠤ 3 ᠳ᠋ᠤᠭᠠᠷ ᠬᠤᠭᠤᠴᠠᠭᠠ |