— ᠨᠠᠨᠵᠢᠩ ᠳᠤ ᠪᠣᠯᠤᠭᠰᠠᠨ ᠪᠥᠬᠦ ᠣᠷᠤᠨ ᠤ ᠮᠣᠩᠭᠤᠯ ᠢᠶᠠᠷ ᠬᠢᠴᠢᠶᠡᠯᠯᠡᠬᠦ ᠳᠣᠮᠳᠠᠳᠤ | ᠰᠤᠷᠭᠠᠭᠤᠯᠢ ᠶᠢᠨ ᠨᠡᠶᠢᠭᠡᠮ ᠤᠨ ᠰᠢᠨᠵᠢᠯᠡᠭᠡᠨ ᠤ ᠭᠤᠣᠯᠯᠠᠭᠴᠢ ᠪᠠᠭᠰᠢ ᠶᠢᠨ | ᠳᠡᠭᠡᠳᠦ ᠵᠡᠷᠭᠡ ᠵᠢᠨᠪᠣᠯᠪᠠᠰᠤᠷᠠᠯ ᠳᠤ ᠣᠷᠤᠯᠴᠠᠭᠰᠠᠨ ᠲᠥᠷᠦᠭᠳᠡᠯ | | ᠡᠷᠳᠠᠨᠢᠪᠠᠶᠠᠷ | | | ︽ᠨᠠᠨᠵᠢᠩ ᠳᠤ ᠣᠴᠢᠵᠤ ᠮᠤᠩᠭᠤᠯ ᠪᠠᠭᠰᠢ ᠨᠠᠷ ᠤᠨ ᠪᠣᠯᠪᠠᠰᠣᠷᠠᠯ ᠳᠤ ᠣᠷᠣᠯᠴᠠᠬᠤ ᠭᠡᠨᠠ︖︾ ᠭᠡᠬᠦ | ᠰᠣᠨᠢᠭᠤᠴᠢᠯᠠᠭᠰᠠᠨ ᠠᠰᠠᠭᠤᠯᠲᠠ ᠲᠠᠭᠠᠭᠤᠯᠵᠤ ᠪᠢ ᠡᠷᠡᠭᠡᠯᠵᠡᠭᠡ ᠲᠠᠢ ᠨᠢ ᠠᠷᠭᠠ ᠦᠭᠡᠢ ᠨᠠᠨᠵᠢᠩ ᠢ ᠵᠣᠷᠢᠯᠠ᠃ | ᠤᠮᠠᠷᠠᠳᠤ ᠣᠷᠤᠨ ᠳᠤ ᠬᠦᠢᠲᠡᠨ ᠤ ᠡᠷᠴᠢ ᠴᠢᠩᠭᠠᠷᠠᠵᠤ ᠪᠠᠶᠢᠭᠰᠠᠨ ᠴᠤ ᠨᠠᠨᠵᠢᠩ ᠳᠤ ᠬᠠᠷᠢᠨ ᠴᠡᠴᠡᠭ | ᠵᠤᠯᠭᠠᠷᠠᠭᠠᠳᠣᠢ ᠪᠠᠶᠢᠭᠰᠠᠨ ᠠᠵᠤᠭᠤ᠃ | ᠡᠬᠢᠯᠡᠯᠲᠡ ᠶᠢᠨ ᠶᠤᠰᠤᠯᠠᠯ ᠪᠣᠯᠪᠠ᠃ ︽ᠪᠥᠬᠦ ᠣᠷᠤᠨ ᠤ ᠮᠣᠩᠭᠤᠯ ᠢᠶᠠᠷ ᠬᠢᠴᠢᠶᠡᠯᠯᠡᠬᠦ ᠳᠣᠮᠳᠠᠳᠤ | ᠰᠤᠷᠭᠠᠭᠤᠯᠢ ᠶᠢᠨ ᠨᠡᠶᠢᠭᠡᠮ ᠤᠨ ᠰᠢᠨᠵᠢᠯᠡᠭᠡᠨ ᠤ ᠭᠤᠣᠯᠯᠠᠭᠴᠢ ᠪᠠᠭᠰᠢ ᠶᠢᠨ ᠳᠡᠭᠡᠳᠦ ᠵᠡᠷᠭᠡ ᠶᠢᠨ ᠪᠣᠯᠪᠠᠰᠤᠷᠠᠯ︾ ᠭᠡᠬᠦ | ᠪᠣᠰᠤᠭᠠ ᠮᠤᠩᠭᠤᠯ ᠦᠰᠦᠭ ᠬᠠᠨᠠᠨ ᠲᠠᠭᠡᠷᠠ ᠲᠤᠷᠠᠶᠢᠬᠤ ᠳᠤ ᠴᠥᠭᠡᠨ ᠮᠣᠩᠭᠤᠯᠴᠣᠳ ᠮᠢᠨᠢ ᠨᠠᠨᠵᠢᠩ ᠬᠤᠲᠠ ᠳᠤ | ᠬᠥᠯ ᠭᠢᠰᠬᠢᠵᠦ᠂ ᠮᠤᠩᠭᠤᠯ ᠬᠡᠯᠡ ᠪᠠᠨ ᠰᠤᠷᠴᠤ ᠰᠤᠳᠤᠯᠤᠨᠠ ᠭᠡᠭᠴᠢ ᠪᠠᠭ᠋ᠠᠷᠬᠠᠯᠲᠠᠢ ᠪᠦᠭᠡᠳ ᠣᠮᠤᠭᠰᠢᠯᠲᠠᠢ | ᠰᠠᠨᠠᠭᠳᠠᠯᠠ᠃ | ᠵᠢᠶᠠᠩᠰᠤ᠂ ᠨᠠᠨᠵᠢᠩ ᠪᠣᠯ ᠳᠤᠮᠳᠠᠳᠣ ᠤᠯᠤᠰ ᠤᠨ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠬᠠᠮᠤᠭ ᠤᠨ ᠰᠠᠶᠢᠨ ᠮᠤᠵᠢ | ᠬᠤᠲᠠ ᠶᠢᠨ ᠨᠢᠭᠡ ᠨᠢ ᠶᠤᠮ᠃ ᠬᠢᠲᠠᠳ ᠤᠨ ᠲᠠᠪᠰᠢᠭᠰᠠᠨ ᠵᠢᠭᠠᠨ ᠰᠤᠷᠭᠠᠯᠲᠠ ᠶᠢ ᠰᠤᠷᠴᠣ ᠰᠤᠳᠤᠯᠤᠨ ᠦᠪᠡᠷ ᠤᠨ | ᠵᠢᠭᠠᠨ ᠰᠤᠷᠭᠠᠯᠲᠠ ᠪᠠᠨ ᠤᠯᠠᠮ ᠲᠡᠭᠦᠯᠳᠡᠷᠵᠢᠭᠦᠯᠬᠦ ᠪᠠᠷ ᠪᠦᠭᠦ ᠤᠷᠤᠨ ᠤ ᠰᠢᠯᠢᠳᠡᠭ ᠬᠢᠴᠢᠶᠡᠯᠯᠡᠭᠴᠢ ᠪᠠᠭᠰᠢ ᠨᠠᠷ | ᠠᠳᠠ ᠢᠷᠡᠭᠰᠡᠨ ᠠᠵᠢ᠃ ᠵᠣᠷᠢᠯᠲᠠ ᠲᠣᠳᠤᠷᠬᠠᠢ᠂ ᠡᠭᠦᠷᠭᠡ ᠬᠦᠨᠳᠦ ᠪᠣᠯᠪᠠ᠃ | ᠡᠨᠡ ᠤᠳᠠᠭᠠᠨ ᠤ ᠪᠣᠯᠪᠠᠰᠤᠷᠠᠯ ᠢ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠤᠨ ᠤ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠲᠢᠩᠬᠢᠮ ᠠᠴᠠ | ᠡᠷᠬᠢᠯᠡᠵᠦ ᠪᠠᠶᠢᠭᠠ ᠠᠵᠢ᠃ ᠪᠤᠯᠪᠠᠰᠤᠷᠠᠯ ᠤᠨ ᠡᠬᠢᠨ ᠳᠤ ᠪᠣᠶᠠᠨᠲᠣᠭᠳᠠᠬᠤ ᠲᠠᠷᠤᠭᠠ ᠶᠢᠨ ︽ᠤᠯᠠᠮᠵᠢᠯᠠᠯᠲᠤ ᠵᠢᠭᠠᠬᠤ | ᠠᠷᠭᠠ ᠶᠢᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠬᠢᠴᠢᠶᠡᠯᠯᠡᠭᠡ ᠶᠢᠨ ᠦᠭᠡᠷᠡᠴᠢᠯᠡᠯᠲᠡ ᠬᠢᠬᠦ ᠬᠡᠷᠡᠭᠳᠡᠢ︾ ᠭᠡᠵᠦ ᠬᠡᠯᠡᠭᠰᠡᠨ ᠦᠭᠡ ᠨᠢ | ᠰᠡᠳᠭᠢᠯ ᠳᠤ ᠮᠠᠰᠢ ᠲᠠᠭᠠᠯᠠᠭᠳᠠᠯᠠ᠃ ᠣᠨᠴᠠᠭᠠᠶᠢᠯᠠᠨ ᠬᠡᠯᠡ ᠪᠢᠴᠢᠭ ᠤᠨ ᠬᠢᠴᠢᠶᠡᠯᠯᠡᠭᠡ ᠳᠤ ᠤᠯᠠᠮᠵᠢᠯᠠᠯᠲᠤ ᠵᠢᠭᠠᠬᠤ | ᠠᠷᠭᠠ ᠲᠤᠩ ᠪᠦᠳᠦᠮᠵᠢᠲᠡᠢ ᠶᠤᠮ ᠭᠡᠵᠦ ᠪᠢ ᠦᠵᠡᠳᠡᠭ᠃ ᠪᠢᠳᠡ ᠴᠦᠮ ᠤᠯᠠᠮᠵᠢᠯᠠᠯᠲᠤ ᠵᠢᠭᠠᠬᠤ ᠠᠷᠭᠠ ᠶᠢᠨ | ᠲᠥᠷᠦᠳᠡᠰᠦ ᠶᠤᠮ᠃ ᠬᠡᠯᠡ ᠪᠢᠴᠢᠭ ᠵᠢᠭᠠᠬᠤ ᠠᠷᠭᠠ ᠮᠠᠨᠢ ᠤᠳᠠᠭᠠᠨ ᠵᠢᠯ ᠤᠨ ᠵᠢᠭᠠᠨ ᠰᠤᠷᠭᠠᠬᠤ ᠲᠤᠷᠰᠢᠯᠭᠠ ᠠᠴᠠ | ᠰᠢᠷᠭᠠᠭᠳᠠᠨ ᠭᠠᠷᠴᠤ ᠢᠷᠡᠭᠰᠡᠨ ᠣᠬᠢ ᠰᠢᠯᠢᠳᠡᠭ ᠵᠢᠭᠠᠬᠤ ᠠᠷᠭᠠ ᠪᠣᠯᠬᠤᠷ ᠲᠡᠷᠡ ᠨᠢ ᠬᠡᠯᠡ ᠰᠤᠷᠬᠤ ᠮᠠᠰᠢ | ᠲᠣᠬᠢᠷᠠᠮᠵᠢᠲᠠᠢ ᠠᠷᠭᠠ ᠮᠦᠨ ᠭᠡᠵᠦ ᠪᠢ ᠦᠵᠡᠨᠠ᠃ ᠮᠦᠨ ᠬᠦ ᠮᠣᠩᠭᠤᠯ ᠬᠡᠯᠡ ᠪᠣᠯ ᠦᠪᠡᠷ ᠤᠨ ᠣᠨᠴᠠᠯᠢᠭ ᠲᠠᠢ᠂ | ᠦᠪᠡᠷ ᠤᠨ ᠬᠥᠭᠵᠢᠯ ᠤᠨ ᠵᠢᠮᠡ ᠬᠠᠤᠯᠢ ᠲᠠᠢ ᠬᠡᠯᠡ ᠪᠣᠯᠬᠤᠷ ᠦᠪᠡᠷ ᠤᠨ ᠬᠡᠰᠡᠨ ᠵᠢᠭᠠᠬᠤ ᠠᠷᠭᠠ᠂ ᠰᠤᠷᠬᠤ | ᠠᠷᠭᠠ ᠲᠠᠢ ᠪᠠᠶᠢᠬᠤ ᠨᠢ ᠶᠠᠷᠢᠶᠠᠨ ᠦᠭᠡᠢ᠃ ᠡᠨᠠ ᠨᠢ ︽ᠬᠠᠭᠤᠴᠢᠨ ᠢᠶᠠᠨ ᠪᠠᠷᠢᠮᠲᠠᠯᠠᠵᠤ᠂ ᠮᠣᠵᠢᠭᠤᠳᠠᠯᠠᠵᠤ ᠪᠠᠶᠢᠭᠠ | ︾ ᠬᠡᠷᠡᠭ ᠪᠢᠰᠢ᠃ ᠪᠢ ᠤᠯᠠᠮᠵᠢᠯᠠᠯᠲᠤ ᠵᠢᠭᠠᠬᠤ ᠠᠷᠭᠠ ᠪᠠᠨ ᠪᠠᠷᠢᠮᠲᠠᠯᠠᠳᠠᠭ ᠴᠤ ᠬᠢᠴᠢᠶᠡᠯ ᠤᠨ ᠦᠭᠡᠷᠡᠴᠢᠯᠡᠯᠲᠡ ᠶᠢ | ᠡᠰᠡᠷᠭᠦᠴᠡᠳᠡᠭ ᠦᠭᠡᠢ᠃ ᠨᠡᠩ ᠴᠤ ᠵᠢᠭᠠᠬᠤ ᠠᠷᠭᠠ ᠶᠢᠨ ᠰᠢᠨᠡᠴᠢᠯᠡᠯᠲᠡ ᠶᠢ ᠤᠤᠬᠠᠢ ᠶᠢᠨ ᠲᠠᠰᠦ ᠵᠦᠪᠰᠢᠶᠡᠷᠡᠳᠡᠭ | ᠨᠢᠭᠡ ᠨᠢ᠃ ᠴᠠᠭ ᠦᠶᠡ ᠬᠤᠪᠢᠷᠠᠵᠠᠢ᠂ ᠠᠮᠢᠳᠤᠷᠠᠯ ᠤᠨ ᠬᠡᠯᠪᠡᠷᠢ ᠬᠤᠪᠢᠷᠠᠵᠠᠢ᠃ ᠡᠳᠡᠭᠡᠷ ᠬᠤᠪᠢᠷᠠᠯᠲᠠ ᠶᠢ | ᠲᠠᠭᠠᠯᠳᠤᠨ ᠬᠡᠯᠡ ᠰᠣᠶᠤᠯ ᠤᠨ ᠵᠠᠷᠢᠮ ᠵᠦᠢᠯ ᠴᠤ ᠬᠤᠪᠢᠷᠠᠵᠠᠢ᠂ ᠴᠢᠨᠠᠭᠰᠢᠯᠠᠪᠠᠯ ᠬᠡᠣᠬᠡᠳ ᠴᠤ ᠬᠤᠪᠢᠷᠠᠵᠤ ᠪᠠᠶᠢᠨᠠ | ᠃ ᠭᠠᠭᠴᠠ ᠵᠢᠱᠢᠶᠡ ᠲᠠᠲᠠᠬᠤ ᠳᠤ᠄ ᠮᠣᠩᠭᠤᠯ ᠦᠭᠡ ᠬᠡᠯᠡ ᠮᠠᠨᠢ ᠨᠡᠭᠦᠳᠡᠯ ᠮᠠᠯᠵᠢᠯ ᠰᠤᠶᠤᠯ ᠲᠠᠢ ᠪᠠᠨ ᠤᠶᠠᠯᠳᠤᠨ | ᠡᠭᠦᠰᠦᠭᠰᠡᠨ ᠦᠭᠡ ᠮᠠᠰᠢ ᠤᠯᠠᠨ ᠪᠠᠶᠢᠳᠠᠭ᠃ ᠭᠡᠳᠡᠯᠠ ᠡᠳᠤᠭᠡ ᠬᠠᠰᠠᠭ ᠲᠡᠷᠭᠡ᠂ ᠬᠠᠨᠠᠲᠤ ᠭᠡᠷ᠂ ᠮᠣᠷᠢᠨ ᠤ ᠵᠢᠰᠦᠮ | ᠂ ᠮᠠᠯ ᠢ ᠨᠠᠰᠤ ᠬᠦᠢᠰᠦ ᠪᠠᠷ ᠨᠡᠷᠡᠯᠡᠬᠦ ᠁ ᠮᠡᠲᠦ ᠶᠢᠨ ᠶᠡᠷᠦ ᠶᠢᠨ ᠮᠡᠳᠡᠯᠬᠡ ᠨᠢ ᠰᠤᠷᠤᠭᠴᠢᠳ ᠤᠨ ᠬᠦᠨᠳᠦ | ᠦᠭᠡᠰ ᠤᠨ ᠵᠢᠭᠰᠠᠭᠠᠯᠲᠠ ᠳᠤ ᠣᠷᠤᠵᠠᠢ᠃ ᠬᠠᠷᠢᠨ ᠰᠢᠨᠡ ᠴᠠᠭ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠨᠡᠷᠡ ᠲᠣᠮᠢᠶᠠ ᠶᠢ | ᠰᠤᠷᠤᠭᠴᠢᠳ ᠪᠠᠭᠰᠢ ᠠᠴᠠ ᠪᠠᠨ ᠨᠡᠩ ᠬᠤᠷᠳᠤᠨ ᠬᠦᠯᠢᠶᠡᠨ ᠠᠪᠴᠤ ᠴᠢᠳᠠᠳᠠᠬ᠃ ᠪᠢᠳᠡ ᠴᠤ ᠵᠢᠭᠠᠨ | ᠰᠤᠷᠭᠠᠯᠲᠠ ᠳᠤ ᠪᠠᠨ ᠦᠭᠡᠷᠡᠴᠢᠯᠡᠯᠲᠡ ᠬᠢᠬᠦ ᠴᠢᠬᠤᠯᠠ ᠲᠠᠢ ᠪᠣᠯᠵᠠᠢ᠃ ᠡᠶᠢᠮᠦᠷᠭᠦᠤ ᠪᠠᠶᠢᠳᠠᠯ ᠳᠤ ᠪᠢᠳᠡ ᠬᠡᠯᠡ | ᠰᠤᠶᠤᠯ ᠢᠶᠠᠨ ᠶᠠᠭᠠᠬᠢᠵᠦ ᠤᠯᠠᠮᠵᠢᠯᠠᠬᠤ ᠪᠣᠢ︖ ᠶᠠᠭᠠᠬᠢᠵᠦ ᠵᠢᠭᠠᠪᠠᠯ ᠬᠠᠮᠤᠭ ᠤᠨ ᠪᠦᠳᠦᠮᠵᠢᠲᠡᠢ ᠪᠣᠢ︖ | ᠬᠤᠪᠢᠷᠠᠯᠳᠠ ᠬᠥᠭᠵᠢᠯᠲᠡ ᠲᠠᠢ ᠬᠡᠷᠬᠢᠨ ᠵᠣᠬᠢᠴᠠᠬᠤ ᠪᠣᠢ︖ ᠭᠡᠳᠡᠭ ᠢ ᠬᠦᠮᠦᠨ ᠪᠣᠯᠭᠠᠨ ᠪᠣᠳᠤᠯᠬᠢᠯᠠᠬᠤ ᠴᠠᠭ | ᠪᠣᠯᠵᠠᠢ᠃ ᠨᠡᠶᠢᠭᠡᠮ ᠨᠢ ᠪᠠᠭᠰᠢ ᠶᠢ ᠵᠢᠮᠡᠯᠡᠵᠦ᠂ ᠪᠠᠭᠰᠢ ᠨᠢ ᠭᠡᠷ ᠤᠨ ᠠᠬᠠᠮᠠᠳ ᠲᠤ ᠲᠦᠯᠬᠢᠭᠡᠳ᠂ ᠰᠤᠷᠤᠭᠴᠢ ᠨᠢ | ᠦᠢᠯᠡ ᠲᠠᠮᠤ ᠪᠠᠨ ᠦᠵᠡᠭᠡᠳ ᠮᠦᠨ ᠰᠤᠷᠴᠤ ᠲᠡᠶᠢᠯᠬᠦ ᠦᠭᠡᠢ ᠪᠠᠶᠢᠭᠠ ᠪᠠ ᠵᠢᠭᠠᠬᠤ ᠲᠤᠳᠤᠮ ᠦᠷᠡ ᠳ᠋ᠦᠩ ᠠᠨᠠᠢ | ᠪᠣᠯᠵᠤ ᠪᠠᠶᠢᠭᠠ ᠶᠢ ᠪᠢᠳᠡ ᠰᠣᠳᠤᠯᠬᠤ ᠦᠭᠡᠢ ᠪᠠᠶᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠪᠣᠯᠪᠠ᠃ ᠡᠨᠡ ᠶᠡᠭᠡ ᠬᠢᠮᠦᠷᠠᠯ ᠠᠴᠠ | ᠪᠢᠳᠡ ᠵᠠᠪᠠᠯ ᠲᠠᠪᠠᠵᠤ ᠭᠠᠷᠬᠤ ᠣᠴᠢᠷ ᠲᠠᠢ ᠪᠣᠯᠪᠠ᠃ ︽ᠬᠥᠭᠵᠢᠯᠲᠡ ᠪᠣᠯ ᠬᠠᠲᠠᠭᠤ ᠶᠣᠰᠤ︾ ᠭᠡᠳᠡᠭ ᠢᠶᠠᠷ ︽ | ᠥᠭᠡᠷᠡᠴᠢᠯᠡᠯᠳᠡ ᠪᠣᠯ ᠵᠠᠶᠢᠯᠠᠰᠢ ᠦᠭᠡᠢ︾ ᠪᠣᠯᠵᠠᠢ᠃ ᠭᠡᠬᠦ ᠳᠤ ᠪᠠᠨ ︽ᠵᠢᠭᠠᠨ ᠰᠤᠷᠭᠠᠯᠲᠠ ᠶᠢᠨ ᠥᠭᠡᠷᠡᠴᠢᠯᠡᠯᠲᠠ︾ | ᠭᠡᠵᠦ ᠬᠡᠳᠦᠨ ᠵᠢᠯ ᠶᠠᠷᠢᠭᠰᠠᠨ ᠪᠣᠯᠪᠠᠴᠤ ᠠᠬᠢᠴᠠ ᠪᠠᠷ ᠠᠨᠠᠢ ᠪᠠᠶᠢᠵᠤ ᠮᠦᠨ ᠯᠡ ᠰᠢᠨᠡ ᠭᠤᠳᠣᠯ ᠡᠮᠦᠰᠴᠦ | ᠬᠠᠭᠤᠴᠢᠨ ᠵᠠᠮ ᠢᠶᠠᠷ ᠢᠶᠠᠨ ᠠᠯᠬᠤᠯᠠᠵᠤ ᠶᠠᠪᠤᠭᠠ ᠦᠵᠡᠭᠳᠡᠯ ᠣᠷᠤᠰᠢᠵᠦ ᠪᠠᠶᠢᠭᠠ ᠶᠤᠮ᠃ ᠦᠭᠡᠷᠡᠴᠢᠯᠠᠯᠳᠠ ᠶᠢᠨ | ᠰᠠᠭᠤᠷᠢ ᠪᠤᠯ ᠤᠯᠠᠮᠵᠢᠯᠠᠯ ᠶᠤᠮ᠃ ᠤᠯᠠᠮᠵᠢᠯᠠᠯᠳᠤ ︽ᠦᠶᠠᠴᠢᠯᠠᠵᠤ ᠤᠡᠭᠰᠢᠬᠤ︾ ᠵᠢᠭᠠᠨ ᠰᠤᠷᠭᠠᠬᠤ ᠠᠷᠭᠠ ᠪᠠᠷ | ᠵᠢᠱᠢᠶᠠᠯᠠᠭᠦ ᠳᠤ ᠲᠠᠷᠠ ᠨᠢ ᠮᠤᠩᠭᠤᠯ ᠭᠡᠯᠠᠨ ᠤ ᠲᠠᠭᠤᠳᠠᠯᠭᠠ ᠪᠠ ᠪᠢᠴᠢᠯᠭᠡ ᠰᠠᠯᠤᠩᠬᠢᠷᠠᠭᠰᠠᠨ ᠵᠠᠯᠭᠠᠮᠠᠯ ᠭᠡᠯᠠᠨ ᠤ | ᠤᠨᠴᠠᠯᠢᠬ ᠲᠤ ᠵᠤᠬᠢᠴᠠᠭᠰᠠᠨ ᠬᠠᠮᠤᠭ ᠰᠢᠨᠵᠢᠯᠠᠭᠦ ᠤᠬᠠᠭᠠᠨᠴᠢ ᠵᠢᠭᠠᠬᠤ ᠠᠷᠭᠠ ᠶᠤᠮ᠃ ᠬᠢᠳᠠᠳ ᠲᠦᠷᠤᠯ ᠭᠡᠯᠠᠨ ᠤ | ︽ᠦᠰᠦᠭᠯᠡᠨ ᠤᠡᠭᠰᠢᠬᠤ︾ ᠵᠢᠭᠠᠬᠤ ᠠᠷᠭᠠ ᠳᠤ ᠭᠡᠷᠬᠢᠨ ᠦᠨᠳᠤᠰᠤᠯᠠᠵᠤ ᠪᠤᠯᠬᠤ ᠪᠤᠢ᠃ ᠪᠢᠳᠠ ᠤᠯᠠᠮᠵᠢᠯᠠᠯ ᠤᠨ | ᠰᠢᠯᠢᠳᠡᠭ ᠢ ᠦᠯᠠᠳᠠᠭᠡᠭᠦ ᠭᠡᠳᠡᠭ ᠢ ᠵᠦᠪ ᠲᠠᠨᠢᠪᠠᠯ ᠵᠤᠬᠢᠨᠠ᠃ | ᠵᠢᠷᠭᠠᠯᠲᠤ ᠪᠠᠭᠰᠢ ︽︿ᠨᠡᠷᠡᠲᠦ ᠪᠠᠭᠰᠢ ᠶᠢᠨ ᠠᠵᠢᠯ ᠤᠨ ᠬᠠᠮᠲᠤᠯᠢᠭ﹀ ᠤᠨ ᠪᠦᠳᠦᠭᠡᠨ ᠪᠠᠶᠢᠭᠤᠯᠤᠯᠳᠠ ᠶᠢᠨ | ᠲᠤᠬᠠᠢ︾᠂ ︽ᠭᠤᠣᠯᠯᠠᠭᠴᠢ ᠪᠠᠭᠰᠢ ᠶᠢᠨ ᠪᠣᠯᠪᠠᠰᠤᠷᠠᠯ ᠬᠢᠭᠡᠳ ᠪᠠᠭᠰᠢ ᠶᠢᠨ ᠲᠤᠰᠬᠠᠶᠢᠵᠢᠯᠲᠠ︾ ᠭᠡᠬᠦ | ᠰᠡᠳᠦᠪ ᠢᠶᠠᠷ ᠬᠢᠴᠢᠶᠡᠯ ᠤᠷᠣᠯᠠ᠃ ᠦᠭᠡ ᠶᠢ ᠴᠢᠩᠭᠠ ᠶᠠᠷᠢᠳᠠᠭ ᠠᠴᠠ ᠨᠢ ᠪᠣᠯᠪᠠ ᠦᠦ᠂ ᠮᠠᠰᠢ ᠢᠳᠡᠯᠢᠭ | ᠰᠠᠨᠠᠭᠳᠠᠵᠤ ᠬᠦᠮᠦᠰ ᠲᠤ ᠡᠷᠴᠢᠮ ᠬᠦᠴᠦ ᠨᠡᠮᠡᠵᠦ ᠪᠠᠶᠢᠯᠠ᠃ ︽ᠨᠡᠷᠡᠲᠦ ᠪᠠᠭᠰᠢ ᠶᠢᠨ ᠠᠵᠢᠯ ᠤᠨ ᠦᠷᠦᠭᠡ︾᠂ ︽ | ᠨᠡᠷᠡᠲᠦ ᠪᠠᠭᠰᠢ ᠶᠢᠨ ᠠᠵᠢᠯ ᠤᠨ ᠬᠠᠮᠲᠤᠯᠢᠭ︾ ᠭᠡᠬᠦ ᠬᠤᠯᠪᠤᠭᠠ ᠰᠦᠯᠵᠢᠶᠡ ᠪᠠᠷ ᠲᠠᠮᠵᠢᠨ ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤ | ᠠᠷᠭᠠ ᠮᠡᠷᠭᠡᠵᠢᠯ ᠤᠨ ᠲᠤᠬᠠᠢ ᠶᠠᠷᠢᠯᠠ᠃ ︽ᠨᠢᠭᠡ ᠬᠦᠮᠦᠨ ᠤ ᠣᠬᠠᠭᠠᠨ ᠵᠠᠷᠤᠭᠠᠳ ᠬᠦᠷᠬᠦ ᠦᠭᠡᠢ᠂ ᠬᠤᠶᠠᠷ | ᠬᠦᠮᠦᠨ ᠤ ᠣᠬᠠᠭᠠᠨ ᠵᠠᠷᠤᠭᠠᠳ ᠪᠠᠷᠠᠬᠤ ᠦᠭᠡᠢ︾ ᠭᠡᠳᠡᠭ ᠢᠶᠠᠷ ᠬᠠᠮᠵᠢᠯᠴᠠᠵᠦ ᠬᠤᠷᠰᠢᠯᠴᠠᠬᠤ ᠨᠢ ᠵᠦᠢᠲᠡᠢ ᠰᠠᠨ᠃ | ︽ᠨᠠᠳᠠ ᠳᠤ ᠨᠢᠭᠡ ᠠᠯᠮᠤᠷᠠᠳ ᠲᠠᠢ᠂ ᠴᠢᠮᠠ ᠳᠤ ᠨᠢᠭᠡ ᠠᠯᠮᠤᠷᠠᠳ ᠲᠠᠢ᠃ ᠬᠠᠷᠢᠯᠴᠠᠨ ᠰᠣᠯᠢᠯᠴᠠᠬᠤ ᠳᠤ ᠮᠦᠨ | ᠯᠡ ᠨᠢᠭᠡ ᠨᠢᠭᠡ ᠠᠯᠮᠤᠷᠠᠳ᠃ ᠭᠡᠬᠦ ᠳᠤ ᠨᠠᠳᠠ ᠳᠤ ᠨᠢᠭᠡ ᠦᠵᠡᠯ ᠰᠠᠨᠠᠭᠠ ᠲᠠᠢ᠂ ᠴᠢᠮᠠ ᠳᠤ ᠨᠢᠭᠡ ᠦᠵᠡᠯ | ᠰᠠᠨᠠᠭᠠ ᠲᠠᠢ᠂ ᠬᠠᠷᠢᠯᠴᠠᠨ ᠰᠣᠯᠢᠯᠴᠠᠪᠠᠯ ᠬᠠᠷᠢᠨ ᠬᠤᠶᠠᠷ ᠦᠵᠡᠯ ᠰᠠᠨᠠᠭᠠ ᠲᠠᠢ ᠪᠣᠯᠤᠨᠠ︾ ᠭᠡᠳᠡᠭ ᠪᠢᠯᠡ᠃ ᠬᠢᠷᠢ | ᠲᠡᠩᠴᠡᠭᠰᠡᠨ ᠪᠠᠭᠰᠢ ᠪᠣᠯᠬᠤ᠂ ᠰᠠᠶᠢᠨ ᠪᠠᠭᠰᠢ ᠪᠣᠯᠬᠤ᠂ ᠨᠡᠷᠡᠲᠦ ᠪᠠᠭᠰᠢ ᠪᠣᠯᠬᠤ ᠪᠣᠯ ᠪᠠᠭᠰᠢ ᠪᠤᠯᠭᠠᠨ ᠤ | ᠮᠥᠷᠦᠭᠡᠳᠦᠯ ᠲᠡᠮᠡᠴᠡᠯ ᠪᠠᠶᠢᠬᠤ ᠤᠴᠢᠷᠲᠠᠢ ᠪᠢᠯᠡ᠃ ᠭᠡᠬᠦ ᠳᠤ ᠪᠠᠨ ᠪᠠᠭᠰᠢ ᠪᠣᠯᠭᠠᠨ ᠲᠤᠭᠤᠷᠠᠳᠠᠯᠠ ᠮᠡᠳᠡᠵᠦ | ᠪᠠᠶᠢᠪᠠᠴᠤ ᠪᠠᠷᠢᠮᠲᠠᠯᠠᠵᠤ ᠲᠡᠶᠢᠯᠬᠦ ᠦᠭᠡᠢ ᠠᠴᠠ ᠪᠣᠯᠵᠤ ᠵᠠᠮ ᠳᠤᠮᠳᠠ ᠠᠴᠠ ᠪᠠᠨ ᠪᠤᠴᠠᠳᠠᠭ ᠠᠴᠠ ᠠᠮᠵᠢᠯᠲᠠ ᠶᠢᠨ | ᠠᠯᠲᠠᠨ ᠳᠦᠷᠦᠭᠡ ᠶᠢ ᠲᠡᠷᠡ ᠪᠣᠯᠭᠠᠨ ᠭᠢᠰᠭᠢᠵᠦ ᠲᠡᠶᠢᠯᠳᠡᠭ ᠦᠭᠡᠢ᠃ ᠪᠠᠭᠰᠢ ᠶᠢᠨ ᠠᠵᠢᠯ ᠪᠣᠯ ᠤᠳᠠᠭᠠᠨ | ᠳᠠᠭᠠᠭᠠᠮᠠᠭᠠᠢ ᠴᠢᠨᠠᠷ ᠲᠠᠢ ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ ᠱᠠᠭᠠᠷᠳᠠᠭᠳᠠᠬᠤ ᠠᠵᠢᠯ ᠮᠦᠨ᠃ ᠶᠠᠭᠠᠷᠠᠵᠤ ᠰᠠᠨᠳᠤᠷᠴᠦ ᠦᠯᠦ | ᠪᠣᠯᠬᠤ ᠪᠦᠭᠡᠳ ᠤᠷᠮᠠ ᠬᠤᠭᠤᠷᠠᠵᠤ ᠵᠠᠮ ᠠᠴᠠ ᠨᠢ ᠣᠷᠬᠢᠬᠤ ᠠᠵᠢᠯ ᠤᠭᠲᠤ ᠪᠢᠰᠢ᠃ ᠲᠠᠷᠢᠶᠠ ᠪᠠᠨ ︽ | ᠤᠷᠭᠤᠭᠤᠯᠬᠤ ᠭᠡᠳ ᠦᠭᠳᠡᠭᠡᠵᠦ︾ ᠪᠣᠯᠬᠤ ᠦᠭᠡᠢ ᠶᠤᠮ ᠴᠢᠨᠢ ᠨᠡᠩ ᠴᠤ ᠬᠡᠣᠭᠡᠳ ᠢ ᠬᠦᠮᠦᠵᠢᠬᠦᠯᠬᠦ ᠳᠤ ᠦᠰᠦᠨ | ᠪᠤᠶᠢᠵᠢᠯᠲᠠ ᠶᠢᠨ ᠵᠢᠮᠡ ᠬᠠᠣᠯᠢ ᠳᠤ ᠨᠢ ᠵᠣᠬᠢᠴᠠᠭᠤᠯᠬᠤ ᠬᠡᠷᠡᠭᠳᠡᠢ ᠶᠤᠮ᠃ ᠵᠢᠷᠭᠠᠯᠲᠤ ᠪᠠᠭᠰᠢ ᠶᠢᠨ ︽ᠬᠢᠴᠢᠶᠡᠯ ᠤᠨ | ᠪᠠᠷᠢᠮᠵᠢᠶᠠ ᠶᠢ ᠴᠢᠬᠤᠯᠠᠴᠢᠯᠠᠬᠤ︾ ︽ᠬᠢᠴᠢᠶᠡᠯ ᠲᠥᠷᠦᠯ ᠤᠨ ᠳᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ ᠪᠣᠯᠬᠤ︾ ᠲᠤᠬᠠᠢ | ᠶᠠᠷᠢᠭᠰᠠᠨ ᠨᠢ ᠰᠡᠳᠭᠢᠯ ᠳᠤ ᠭᠦᠨ ᠬᠠᠳᠠᠩᠰᠢᠯᠡ᠃ ︽ᠬᠢᠴᠢᠶᠡᠯ ᠤᠨ ᠪᠠᠷᠢᠮᠵᠢᠶᠠ ᠶᠢ ᠴᠢᠬᠤᠯᠠᠴᠢᠯᠠᠬᠤ︾ ᠶᠢ ᠪᠠᠭᠰᠢ | ᠪᠣᠯᠭᠠᠨ ᠮᠡᠳᠡᠳᠡᠭ ᠴᠤ ᠰᠣᠳᠤᠯᠵᠤ ᠬᠡᠷᠡᠭᠵᠢᠭᠦᠯᠵᠦ ᠪᠠᠶᠢᠭᠠ ᠨᠢ ᠳᠦᠢᠯ ᠤᠨ ᠴᠥᠭᠡᠨ᠃ ︽ᠬᠢᠴᠢᠶᠡᠯ ᠤᠨ | ᠪᠠᠷᠢᠮᠵᠢᠶᠠ︾ ᠪᠣᠯ ᠮᠠᠰᠢ ᠣᠯᠠᠨ ᠬᠦᠮᠦᠨ ᠤ ᠣᠢ ᠤᠬᠠᠭᠠᠨ᠂ ᠬᠦᠴᠦ ᠬᠥᠳᠡᠯᠮᠦᠷᠢ ᠪᠠᠷ ᠲᠠᠮᠵᠢᠨ | ᠪᠤᠯᠪᠠᠰᠤᠷᠠᠭᠤᠯᠤᠭᠳᠠᠨ ᠭᠠᠷᠴᠤ ᠢᠷᠡᠭᠰᠡᠨ ᠵᠢᠭᠠᠨ ᠰᠤᠷᠭᠠᠯᠲᠠ᠂ ᠰᠤᠷᠭᠠᠨ ᠬᠦᠮᠦᠵᠢᠯ ᠳᠤ ᠲᠣᠬᠢᠷᠠᠭᠰᠠᠨ ᠵᠦᠪ | ᠣᠨᠤᠪᠴᠢᠳᠤ ᠴᠢᠨᠠᠷ ᠢᠶᠠᠷ ᠦᠨᠳᠦᠷ ᠵᠢᠭᠠᠨ ᠰᠤᠷᠭᠠᠯᠲᠠ ᠶᠢᠨ ᠵᠥᠭᠯᠡᠭᠦᠷ ᠪᠣᠯᠬᠤ ᠶᠤᠮ᠃ ︽ᠬᠢᠴᠢᠶᠡᠯ ᠤᠨ | ᠪᠠᠷᠢᠮᠵᠢᠶᠠ︾ ᠶᠢ ᠠᠮᠢᠳᠤᠯᠢᠭ ᠠᠰᠢᠭᠯᠠᠵᠤ ᠬᠠᠷᠠᠯᠲᠠ ᠲᠠᠢ ᠵᠢᠭᠠᠨ ᠰᠤᠷᠭᠠᠬᠤ ᠨᠢ ᠵᠢᠭᠠᠨ ᠰᠤᠷᠭᠠᠯᠲᠠ ᠶᠢᠨ | ᠠᠮᠵᠢᠯᠳᠠ ᠳᠤ ᠭᠦᠷᠭᠦ ᠵᠠᠶᠢᠯᠠᠰᠢ ᠦᠭᠡᠢ ᠵᠠᠮ ᠶᠤᠮ᠃ ᠬᠢᠴᠢᠶᠡᠯ ᠲᠥᠷᠦᠯ ᠤᠨ ᠢᠶᠠᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ | ᠪᠣᠯᠤᠨᠠ ᠭᠡᠳᠡᠭ ᠬᠠᠷᠢᠨ ᠬᠢᠯᠪᠠᠷ ᠪᠢᠰᠢ ᠡ᠃ ᠦᠪᠡᠷ ᠤᠨ ᠳᠤᠰᠬᠠᠢ ᠮᠡᠷᠭᠡᠵᠢᠯ ᠳᠤ ᠪᠠᠨ ᠮᠡᠷᠭᠡᠰᠢᠵᠦ ᠴᠠᠭᠠᠷᠠᠨᠠ | ᠭᠡᠳᠡᠭ ᠨᠦᠷᠢ ᠶᠡᠭᠡ ᠬᠥᠳᠡᠯᠮᠦᠷᠢ᠂ ᠣᠶᠢᠭᠠ ᠦᠭᠡᠢ ᠴᠢᠷᠮᠠᠶᠢᠯᠭᠠ ᠬᠡᠷᠡᠭᠳᠡᠢ᠃ ᠥᠷᠭᠦᠯᠵᠢ ᠰᠣᠳᠤᠯᠵᠤ᠂ ᠲᠠᠰᠤᠷᠠᠯ | ᠦᠭᠡᠢ ᠬᠤᠷᠠᠮᠳᠤᠭᠤᠯᠵᠤ᠂ ᠢᠮᠠᠭᠲᠠ ᠵᠢᠳᠭᠦᠵᠦ ᠪᠠᠶᠢᠵᠤ ᠲᠡᠷᠡ ᠬᠡᠮᠵᠢᠶᠡᠨ ᠳᠤ ᠬᠦᠷᠬᠦ ᠶᠢ ᠵᠢᠭᠠᠨᠠ᠃ ᠪᠠᠭᠰᠢ ᠨᠠᠷ | ᠵᠢᠭᠠᠨ ᠰᠤᠷᠭᠠᠬᠤ ᠶᠠᠪᠤᠴᠠ ᠳᠤ ᠪᠠᠨ ᠥᠪᠡᠷ ᠤᠨ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠲᠤᠬᠠᠢ ᠣᠨᠤᠯ ᠤᠨ ᠲᠤᠭᠳᠠᠯᠴᠠᠭᠠ ᠶᠢ | ᠪᠦᠷᠢᠯᠳᠦᠭᠦᠯᠪᠡᠯ ᠵᠦᠢ ᠲᠠᠢ᠃ ᠪᠠᠭᠰᠢ ᠪᠤᠯᠭᠠᠨ ᠭᠦᠦᠱᠢ ᠪᠣᠯᠵᠤ ᠴᠢᠳᠠᠬᠤ ᠦᠭᠡᠢ ᠴᠤ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ | ᠬᠤᠪᠢ ᠳᠤ ︽ᠥᠪᠡᠷ ᠤᠨ ᠬᠡᠰᠡᠨ ᠶᠠᠭᠤᠮᠠ ᠲᠠᠢ ᠪᠠᠶᠢᠬᠤ︾ ᠨᠢ ᠲᠡᠭᠡᠷᠡ ᠶᠤᠮ᠃ | ᠦᠳᠡ ᠶᠢᠨ ᠬᠤᠶᠢᠨᠠ ᠨᠢ ᠪᠠᠭᠰᠢ ᠨᠠᠷ ᠢ ᠳᠤᠭᠤᠶᠢᠯᠠᠩ ᠬᠤᠪᠢᠶᠠᠵᠤ ︽ᠠᠵᠢᠯ ᠤᠨ ᠬᠠᠮᠲᠤᠯᠢᠭ︾ | ᠪᠠᠶᠢᠭᠤᠯᠵᠠᠢ᠃ ᠳᠡᠭᠡᠳᠦ ᠳᠤᠮᠳᠠᠳᠤ ᠶᠢᠨ ᠬᠡᠯᠡ ᠪᠢᠴᠢᠭ ᠤᠨ ᠪᠠᠭᠰᠢ ᠬᠤᠶᠠᠷ ᠳᠤᠭᠤᠶᠢᠯᠠᠩ ᠳᠤ ᠬᠤᠪᠢᠶᠠᠭᠳᠠᠯᠠ᠃ | ᠰᠤᠷᠤᠯᠴᠠᠯᠭᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠳᠣᠭᠤᠶᠢᠯᠠᠩ ᠢᠶᠠᠷ ᠬᠠᠮᠵᠢᠯᠴᠠᠵᠤ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ ᠠᠵᠢ᠃ | ᠳᠤᠭᠤᠶᠢᠯᠠᠩ ᠪᠠᠶᠢᠭᠤᠯᠤᠭᠳᠠᠮᠠᠭᠴᠠ ᠦᠷᠢᠰᠦᠯᠳᠦᠭᠡᠨ ᠡᠬᠢᠯᠡᠯᠡ᠃ ᠣᠷᠢᠳ ᠢᠶᠠᠷ ᠳᠣᠭᠤᠶᠢᠯᠠᠩ ᠪᠦᠷᠢ ᠳᠤ ᠨᠢᠭᠡ | ᠪᠠᠭᠴᠠ ᠭᠤᠮ ᠭᠤᠤᠷᠰᠤ ᠦᠭᠴᠦ᠂ ︽ᠭᠠᠷ ᠬᠥᠳᠡᠯᠦᠯᠴᠡᠵᠦ ᠬᠠᠮᠤᠭ ᠤᠨ ᠦᠨᠳᠦᠷ ᠬᠠᠮᠤᠭ ᠤᠨ ᠰᠠᠭᠤᠷᠢ ᠲᠠᠢ ᠭᠡᠷ | ᠪᠥᠲᠦᠭᠡ︾ ᠭᠡᠬᠦ ᠡᠭᠦᠷᠭᠡ ᠥᠭᠬᠦᠯᠡ᠃ ᠰᠤᠷᠤᠭᠴᠢ ᠶᠢ ᠵᠠᠬᠢᠵᠤ ︽ᠳᠣᠭᠤᠶᠢᠯᠠᠩ ᠤᠨ ᠠᠵᠢᠯᠯᠠᠭᠠᠨ︾ ᠬᠢᠯᠭᠡᠳᠡᠭ | ᠪᠠᠭᠰᠢ ᠨᠠᠷ ᠡᠨᠡ ᠠᠵᠢᠯ ᠳᠤ ᠪᠠᠭ᠋ᠠᠨ ᠪᠠᠷᠢᠴᠠ ᠠᠯᠳᠠᠵᠤ ᠲᠤᠭᠳᠠᠭᠰᠠᠨ ᠴᠠᠭ ᠲᠤ ᠬᠢᠷᠢ ᠲᠡᠩᠴᠡᠭᠰᠡᠨ ᠴᠢᠨᠠᠷ ᠲᠠᠢ | ᠰᠠᠶᠢᠬᠠᠨ ᠭᠡᠷ ᠪᠤᠰᠬᠠᠵᠤ ᠴᠢᠳᠠᠭᠠ ᠦᠭᠡᠢ ᠨᠢ ᠭᠠᠶᠢᠬᠠᠮᠠᠷ ᠶᠤᠮ᠃ ᠬᠡᠷᠪᠡ ᠰᠤᠷᠤᠭᠴᠢᠳ ᠢᠶᠠᠷ ᠬᠢᠯᠭᠡᠭᠰᠡᠨ ᠪᠣᠯ | ᠡᠬᠦᠨ ᠠᠴᠠ ᠠᠷᠪᠠᠨ ᠳᠠᠬᠢᠨ ᠲᠡᠭᠡᠷᠡ ᠪᠠᠶᠢᠬᠠ ᠳ᠋ᠠ᠃ ︽ᠪᠠᠭᠰᠢ ᠶᠢᠨ ᠬᠠᠮᠵᠢᠯᠴᠠᠭᠠ︾ ᠶᠠᠭᠤ ᠪᠤᠯᠵᠤ ᠪᠠᠶᠢᠨᠠ︖ | ᠪᠢᠳᠡᠨ ᠳᠤ ᠰᠤᠷᠬᠤ ᠶᠠᠭᠤᠮᠠ ᠣᠯᠠᠨ ᠪᠣᠢ ᠰᠢᠦ ᠳ᠋ᠠ᠃ ᠵᠠᠯᠭᠠᠭᠠᠳ ᠳᠣᠭᠤᠶᠢᠯᠠᠩ ᠤᠨ ᠨᠡᠷᠡ᠂ ᠤᠷᠢᠶᠠ᠂ ᠬᠠᠷᠠᠯᠲᠠ | ᠂ ᠳᠠᠭᠤᠤ᠂ ᠲᠥᠯᠦᠪᠯᠡᠭᠡ ᠪᠠᠨ ᠲᠣᠭᠲᠠᠭᠠᠨᠠ᠃ ᠭᠠᠷ ᠬᠥᠳᠡᠯᠵᠦ ᠬᠢᠬᠦ ᠠᠵᠢᠯ ᠳᠤ ᠲᠠᠭᠠᠷᠠᠤᠬᠠᠨ ᠴᠤ ᠣᠶᠤᠨ | ᠣᠬᠠᠭᠠᠨ ᠬᠡᠷᠡᠭᠯᠡᠬᠦ ᠠᠵᠢᠯ ᠳᠤ ᠪᠠᠭᠰᠢ ᠨᠠᠷ ᠬᠠᠷᠢᠨ ᠮᠠᠰᠢ ᠰᠠᠴᠠᠨ ᠮᠡᠷᠭᠡᠨ ᠶᠤᠮ᠂ ᠤᠳᠠᠯ ᠦᠭᠡᠢ ᠭᠤᠶᠤ ᠰᠠᠶᠢᠬᠠᠨ | ᠨᠡᠷᠡ᠂ ᠢᠳᠡᠯᠢᠭ ᠬᠦᠴᠦᠲᠡᠢ ᠤᠷᠢᠶᠠ᠂ ᠰᠡᠳᠭᠢᠯ ᠳᠣᠭᠳᠤᠯᠤᠮᠠ ᠬᠠᠷᠠᠯᠲᠠ᠂ ᠭᠤᠴᠤ ᠲᠠᠭᠤᠤ᠂ ᠣᠢ ᠲᠣᠢ ᠳᠤ | ᠣᠷᠤᠮᠠ ᠦᠭᠡᠢ ᠰᠠᠶᠢᠨ ᠲᠥᠯᠥᠪᠯᠡᠭᠡ ᠮᠡᠨᠳᠦᠯᠡᠵᠦ᠂ ᠮᠠᠰᠢ ᠤᠷᠠᠨ ᠰᠠᠨᠠᠭᠠ ᠲᠠᠢ ᠵᠢᠷᠤᠭ ᠤᠷᠠᠯᠠᠯ ᠲᠠᠢ ᠪᠥᠲᠦᠭᠡᠯ | ᠭᠠᠷᠭᠠᠨ ᠭᠠᠶᠢᠬᠠᠭᠤᠯᠵᠠᠭᠠᠯᠠ᠃ ᠵᠠᠷᠢᠮ ᠳᠤᠭᠤᠶᠢᠯᠠᠩ ᠨᠢ ᠪᠦᠷ ᠴᠤ ᠦᠪᠡᠷ ᠢᠶᠠᠨ ᠲᠠᠭᠤᠨ ᠤ ᠦᠭᠡ ᠠᠶᠠᠯᠭᠤ | ᠵᠣᠬᠢᠶᠠᠵᠤ ᠲᠠᠭᠤᠯᠠᠭᠰᠠᠨ ᠨᠢ ᠮᠣᠨᠳᠠᠭ ᠪᠣᠯᠵᠠᠢ᠃ ᠬᠠᠷᠠᠯᠲᠠ ᠲᠥᠯᠥᠪᠯᠡᠭᠡ ᠲᠠᠢ ᠪᠣᠯᠵᠠᠭᠠᠭᠰᠠᠨ ᠪᠢᠳᠠ ᠶᠠᠭᠤ ᠬᠢᠬᠦ | ᠪᠣᠢ︖ ᠶᠠᠭᠠᠬᠢᠵᠦ ᠬᠢᠬᠦ ᠪᠣᠢ︖ ᠭᠡᠵᠦ ᠣᠬᠠᠭᠠᠨ ᠲᠡᠯᠡᠵᠦ ᠡᠬᠢᠯᠡᠯᠡ ᠁ | ᠳᠠᠷᠠᠭᠠ ᠬᠤᠶᠠᠷ ᠡᠳᠦᠷ ᠨᠢ ᠪᠢᠳᠡ ᠨᠠᠨᠵᠢᠩ ᠤᠨ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠬᠠᠷᠢᠶᠠᠲᠤ | ᠲᠤᠷᠰᠢᠯᠲᠠ ᠶᠢᠨ ᠳᠣᠮᠳᠠᠳᠤ ᠰᠤᠷᠭᠠᠭᠤᠯᠢ ᠪᠠ ᠪᠦᠸᠧ ᠯᠧ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠬᠥᠷᠴᠦ ᠬᠢᠴᠢᠶᠡᠯ | ᠰᠤᠨᠤᠰᠤᠯᠠ᠃ ᠮᠠᠨ ᠤ ᠳᠣᠭᠤᠶᠢᠯᠠᠩ ᠤᠨ ᠬᠢᠨ ᠬᠡᠯᠡ ᠪᠢᠴᠢᠭ ᠤᠨ ᠬᠢᠴᠢᠶᠡᠯ ᠢ ᠰᠣᠩᠭᠤᠵᠤ ᠰᠣᠨᠤᠰᠤᠭᠰᠠᠨ ᠪᠢᠯᠠ᠃ | ᠬᠤᠶᠠᠷ ᠡᠳᠦᠷ ᠤᠨ ᠬᠢᠴᠢᠶᠡᠯ ᠰᠤᠨᠤᠰᠤᠭᠰᠠᠨ ᠶᠠᠪᠤᠴᠠ ᠳᠤ ᠣᠯᠤᠭᠰᠠᠨ ᠣᠯᠤᠯᠲᠠ ᠲᠥᠷᠦᠭᠳᠡᠯ ᠪᠠᠭᠠ ᠪᠤᠰᠤ᠃ | 1. ᠬᠡᠯᠡ ᠪᠢᠴᠢᠭ ᠤᠨ ᠵᠢᠭᠠᠨ ᠰᠤᠷᠭᠠᠯᠳᠠ ᠳᠤ ᠵᠢᠮᠠ ᠬᠠᠤᠯᠢ ᠪᠠᠶᠢᠳᠠᠭ᠂ ᠲᠠᠷᠠ ᠨᠢ ᠠᠯᠢ ᠬᠡᠯᠡᠨ ᠳᠤ ᠴᠤ | ᠠᠳᠠᠯᠢᠬᠠᠨ ᠭᠡᠳᠡᠭ ᠢ ᠨᠡᠩ ᠬᠦᠨᠵᠡᠭᠡᠢ ᠣᠶᠢᠯᠠᠭᠠᠯᠠ᠃ ᠲᠠᠷᠦᠢ ᠤᠩᠰᠢᠬᠤ᠂ ᠣᠶᠢᠯᠠᠭᠠᠬᠤ᠂ ᠪᠢᠴᠢᠬᠦ᠂ ᠶᠠᠷᠢᠵᠤ | ᠢᠯᠡᠳᠭᠡᠬᠦ ᠪᠠᠷ ᠳᠠᠮᠵᠢᠨ ᠬᠡᠯᠡ ᠪᠢᠴᠢᠭ ᠤᠨ ᠮᠡᠳᠡᠯᠭᠡ ᠴᠢᠳᠠᠪᠤᠷᠢ ᠶᠢ ᠣᠯᠭᠤᠨᠠ᠃ ᠬᠢᠲᠠᠳ ᠤᠨ ᠬᠢᠴᠢᠶᠡᠯ ᠵᠢᠭᠠᠵᠤ | ᠪᠦᠬᠦᠢ ᠶᠠᠪᠤᠴᠠ ᠮᠦᠨ ᠯᠡ ᠵᠤᠬᠢᠶᠠᠭᠴᠢ ᠶᠢ ᠲᠠᠨᠢᠯᠴᠠᠭᠤᠯᠬᠤ᠂ ᠦᠭᠡ ᠥᠭᠦᠯᠡᠪᠦᠷᠢ ᠶᠢ ᠰᠢᠨᠵᠢᠬᠦ᠂ ᠠᠭᠤᠯᠭᠠ | ᠰᠠᠨᠠᠭᠠ ᠶᠢ ᠬᠤᠷᠢᠶᠠᠩᠭᠤᠶᠢᠯᠠᠬᠤ᠂ ᠪᠣᠯᠪᠠᠰᠤᠷᠠᠯ ᠳᠠᠳᠤᠯᠭᠠ ᠬᠢᠯᠭᠡᠬᠦ ᠁ ᠮᠡᠲᠤ ᠪᠠᠷ ᠶᠠᠪᠤᠭᠳᠠᠵᠤ ᠪᠣᠢ᠃ ᠬᠡᠯᠡ | ᠪᠢᠴᠢᠭ ᠵᠢᠭᠠᠬᠤ ᠬᠡᠯᠪᠡᠷᠢ ᠨᠢ ᠠᠳᠠᠯᠢ ᠴᠤ ᠬᠠᠷᠢᠨ ᠵᠢᠭᠠᠬᠤ ᠠᠷᠭᠠ ᠶᠢᠨ ᠲᠠᠯᠠ ᠪᠠᠷ ᠠᠳᠠᠯᠢ ᠪᠣᠰᠤ ᠵᠦᠢᠯ | ᠵᠦᠩᠳᠡᠭᠡᠨ ᠬᠠᠷᠠᠭᠳᠠᠵᠤ ᠪᠣᠢ᠃ ᠮᠢᠨᠦ ᠬᠡᠯᠡ ᠪᠢᠴᠢᠭ ᠵᠢᠭᠠᠳᠠᠭ ᠵᠣᠷ ᠭᠡᠪᠡᠯ ︽ᠨᠣᠮ ᠣᠩᠰᠢᠭᠤᠯᠬᠤ ᠪᠠ ᠵᠣᠬᠢᠶᠠᠯ | ᠪᠢᠴᠢᠭᠦᠯᠬᠦ︾ ᠠᠷᠭᠠ ᠪᠣᠯᠤᠨᠠ᠃ ᠰᠤᠷᠤᠭᠴᠢᠳ ᠢᠶᠠᠷ ᠣᠯᠠᠨ ᠣᠯᠠᠨ ᠨᠣᠮ ᠣᠩᠰᠢᠭᠤᠯᠳᠠᠭ᠃ ᠰᠤᠷᠤᠭᠴᠢᠳ ᠢ | ᠨᠣᠮ ᠴᠤᠭᠯᠠᠭᠤᠯᠬᠤ ᠵᠠᠩᠰᠢᠯ ᠲᠠᠢ ᠪᠤᠯᠭᠠᠬᠤ᠂ ᠨᠣᠮ ᠬᠤᠳᠠᠯᠳᠤᠨ ᠠᠪᠬᠤ ᠲᠠᠳᠬᠠᠯ ᠲᠠᠢ ᠪᠣᠯᠭᠠᠬᠤ᠂ ᠨᠣᠮ | ᠪᠢᠴᠢᠭ ᠢ ᠬᠠᠶᠢᠷᠠᠯᠠᠵᠤ᠂ ᠦᠷᠭᠦᠯᠵᠢ ᠣᠩᠰᠢᠵᠤ ᠪᠠᠶᠢᠬᠤ ᠶᠢ ᠢᠮᠠᠭᠲᠠ ᠱᠠᠭᠠᠷᠳᠠᠭᠰᠠᠭᠠᠷ ᠢᠷᠡᠵᠡᠢ᠃ ᠣᠷᠠᠨ | ᠵᠣᠬᠢᠶᠠᠯ ᠤᠨ ᠢᠳᠡ ᠠᠮᠲᠠ ᠭᠡᠭᠴᠢ ᠬᠦᠮᠦᠨ ᠤ ᠰᠡᠳᠭᠢᠯ ᠢ ᠣᠷᠢᠶᠠᠯᠠᠨ ᠳᠠᠯᠠᠯᠵᠤ᠂ ᠤᠷᠮᠠᠰᠢᠭᠤᠯᠤᠨ ᠬᠥᠭᠵᠢᠭᠡᠵᠦ | ᠰᠠᠷᠬᠤᠳ ᠰᠢᠬ ᠰᠣᠭᠲᠤᠭᠤᠷᠠᠭᠤᠯᠵᠤ ᠣᠷᠬᠢᠳᠠᠭ᠃ ᠲᠡᠷᠡ ᠠᠮᠲᠠ ᠶᠢ ᠨᠣᠮ ᠣᠩᠰᠢᠳᠠᠭ ᠬᠦᠮᠦᠨ ᠯᠡ ᠰᠡᠷᠡᠵᠦ | ᠮᠡᠳᠡᠳᠡᠭ ᠰᠠᠨ᠃ ᠦᠪᠡᠷ ᠤᠨ ᠢᠶᠠᠨ ᠨᠣᠮ ᠢᠶᠠᠨ ᠵᠢᠭᠡᠯᠡᠬᠦᠯᠵᠦ ᠤᠡᠭᠰᠢᠭᠤᠯᠴᠢᠬᠠᠭᠠᠳ ᠬᠡᠳᠦᠨ ᠰᠠᠶᠢᠨ ᠨᠣᠮ | ᠭᠡᠭᠡᠭᠰᠡᠨ ᠢ ᠡᠰᠡ ᠲᠣᠭᠠᠴᠢᠪᠠᠯ ᠣᠭᠳᠤ ᠬᠠᠷᠠᠮᠰᠠᠯ ᠦᠭᠡᠢ ᠪᠦᠭᠡᠳ ᠣᠯᠣᠯᠲᠠ ᠮᠠᠰᠢ ᠶᠡᠭᠡ ᠪᠠᠶᠢᠨᠠᠮ᠃ ᠢᠩᠬᠢᠵᠦ | ᠵᠢᠯᠤᠭᠤᠳᠣᠭᠰᠠᠨ ᠠᠴᠠ ᠰᠤᠷᠤᠭᠴᠢ ᠣᠩᠰᠢᠯᠭᠠ ᠶᠢᠨ ᠪᠣᠭᠤᠮᠲᠠ ᠶᠢ ᠠᠶᠠᠨᠳᠠᠭᠠᠨ ᠳᠠᠪᠠᠵᠦ ᠰᠤᠷᠬᠤ ᠳᠤ ᠬᠦᠴᠢᠷᠳᠡᠬᠦ | ᠦᠭᠡᠢ ᠪᠣᠯᠳᠠᠭ᠃ ︽ᠬᠡᠣᠬᠡᠳ ᠰᠤᠷᠭᠠᠭᠤᠯᠢ ᠳᠤ ᠮᠠᠭᠤ ᠰᠤᠷᠳᠠᠭ ᠨᠢ ᠣᠩᠰᠢᠯᠭᠠ ᠮᠠᠭᠤᠳᠠᠭᠰᠠᠨ ᠠᠴᠠ ᠪᠣᠯᠵᠠᠢ︾ | ᠭᠡᠬᠦ ᠳ᠋ᠦᠩᠨᠡᠯᠲᠡ ᠪᠠᠶᠢᠳᠠᠭ ᠳ᠋ᠠ᠃ ᠵᠣᠬᠢᠶᠠᠯ ᠪᠢᠴᠢᠭᠦᠯᠬᠦ ᠪᠣᠯ ᠲᠦᠢᠯ ᠤᠨ ᠤᠷᠮᠠ ᠪᠠᠬᠠ ᠲᠠᠢ ᠳᠠᠰᠬᠠᠯ ᠪᠣᠯᠬᠤ | ᠶᠤᠮ᠃ ᠵᠣᠬᠢᠶᠠᠯ ᠪᠢᠴᠢᠬᠦ ᠪᠠᠷ ᠳᠠᠮᠵᠢᠨ ᠰᠤᠷᠤᠭᠴᠢ ᠦᠪᠡᠷ ᠤᠨ ᠦᠵᠡᠯ ᠪᠣᠳᠤᠯ ᠢᠶᠠᠨ ᠳᠡᠯᠭᠡᠵᠦ ᠴᠢᠳᠠᠬᠤ ᠪᠦᠭᠡᠳ | ᠬᠡᠯᠡ ᠰᠤᠷᠤᠭᠰᠠᠨ ᠢᠶᠠᠨ ᠭᠠᠶᠢᠬᠠᠭᠤᠯᠵᠤ ᠦᠵᠡᠭᠦᠯᠬᠦ ᠰᠠᠶᠢᠨ ᠲᠤᠬᠢᠶᠠᠯ ᠮᠦᠨ᠃ ᠵᠣᠬᠢᠶᠠᠯ ᠨᠢ ᠲᠡᠷᠡ | ᠴᠢᠭ ᠢᠶᠠᠷ ᠢᠶᠠᠨ ᠰᠤᠷᠤᠭᠴᠢ ᠶᠢᠨ ᠡᠭᠦᠳᠦᠨ ᠪᠦᠳᠦᠭᠡᠯ ᠪᠣᠯᠬᠤ ᠲᠤᠯᠠ ᠮᠠᠰᠢ ᠦᠨᠡ ᠥᠷᠲᠡᠭ ᠲᠠᠢ ᠶᠤᠮ᠃ ︽ | ᠤᠷᠮᠠ ᠶᠢ ᠨᠢ ᠬᠤᠭᠤᠯᠬᠤ ᠪᠠᠷ ᠤᠭᠤᠴᠠ ᠶᠢ ᠨᠢ ᠬᠤᠭᠤᠯ︾ ᠭᠡᠳᠡᠭ ᠢᠶᠠᠷ ᠵᠣᠬᠢᠶᠠᠨ ᠪᠢᠴᠢᠯᠭᠡ ᠳᠤ | ᠤᠷᠮᠠᠰᠢᠭᠤᠯᠬᠤ ᠨᠢ ᠬᠡᠯᠡ ᠪᠢᠴᠢᠭ ᠰᠤᠷᠬᠤ ᠮᠠᠰᠢ ᠰᠠᠶᠢᠨ ᠠᠷᠭᠠ ᠪᠣᠯᠠᠢ᠃ ᠮᠢᠨᠦ ᠰᠤᠷᠤᠭᠴᠢ ᠠᠴᠠ | ᠠᠩᠭᠢ ᠪᠠᠷ ᠢᠶᠠᠨ ᠲᠡᠭᠦᠪᠦᠷᠢ ᠭᠠᠷᠭᠠᠴᠢᠬᠠᠳᠠᠭ᠂ ᠦᠪᠡᠷ ᠢᠶᠠᠨ ᠲᠡᠭᠦᠪᠦᠷᠢ ᠭᠠᠷᠭᠠᠭᠰᠠᠨ ᠵᠢᠱᠢᠶᠡ ᠬᠡᠳᠦ ᠪᠣᠢ᠃ | ᠵᠣᠬᠢᠶᠠᠯ ᠢ ᠰᠠᠶᠢᠨ ᠪᠢᠴᠢᠵᠤ ᠴᠢᠳᠠᠵᠤ ᠪᠠᠶᠢᠨᠠ ᠭᠡᠳᠡᠭ ᠴᠢᠨᠢ ᠬᠡᠯᠡ ᠪᠠᠨ ᠰᠠᠶᠢᠨ ᠰᠤᠷᠴᠤ ᠪᠠᠶᠢᠨᠠ ᠭᠡᠵᠦ | ᠦᠵᠡᠬᠦ ᠳᠤ ᠲᠠᠰᠢᠶᠠᠷᠠᠬᠤ ᠦᠭᠡᠢ ᠪᠣᠢ ᠶᠠ᠃ | 2. ᠦᠭᠡ ᠦᠭᠦᠯᠡᠪᠦᠷᠢ ᠪᠠᠨ ᠡᠵᠡᠮᠰᠢᠭᠦᠯᠬᠦ᠂ ᠬᠡᠯᠡᠨ ᠤ ᠮᠡᠳᠡᠷᠡᠮᠵᠢ ᠶᠢ ᠲᠡᠭᠡᠭᠰᠢᠯᠡᠭᠦᠯᠬᠦ᠂ ᠬᠡᠯᠡᠨ ᠤ | ᠬᠤᠷᠠᠮᠳᠤᠭᠤᠯᠤᠯ ᠢ ᠪᠠᠶᠠᠯᠢᠬᠵᠢᠭᠤᠯᠵᠤ᠂ ᠣᠩᠰᠢᠯᠭᠠ ᠶᠢ ᠵᠢᠯᠤᠭᠤᠳᠬᠤ ᠶᠢ ᠴᠢᠬᠤᠯᠠᠴᠢᠯᠠᠨᠠ᠃ ᠡᠨᠡ ᠲᠠᠯᠠ ᠪᠠᠷ | ᠬᠢᠲᠠᠳ ᠬᠡᠯᠡ ᠪᠠ ᠮᠣᠩᠭᠤᠯ ᠬᠡᠯᠡᠨ ᠤ ᠵᠢᠭᠠᠨ ᠰᠤᠷᠭᠠᠯᠲᠠ ᠨᠢᠭᠡᠳᠦᠯᠳᠡᠢ ᠪᠠᠶᠢᠨᠠ᠃ ᠦᠭᠡ ᠦᠭᠦᠯᠡᠪᠦᠷᠢ ᠪᠠᠨ ᠵᠦᠪ | ᠣᠩᠰᠢᠵᠦ᠂ ᠵᠦᠪ ᠪᠢᠴᠢᠵᠦ᠂ ᠵᠦᠪ ᠬᠡᠷᠡᠭᠯᠡᠵᠦ ᠴᠢᠳᠠᠬᠤ ᠪᠣᠯ ᠭᠡᠯᠠ ᠰᠤᠷᠬᠤ ᠶᠢᠨ ᠵᠠᠩᠬᠢᠯᠠᠭᠠ ᠮᠦᠨ᠃ ᠬᠡᠯᠡ | ᠰᠤᠷᠬᠤ ᠶᠢᠨ ᠪᠠᠰᠠ ᠨᠢᠭᠡᠨ ᠵᠣᠷᠢᠯᠭᠠ ᠮᠦᠨ᠃ ᠬᠦᠮᠦᠰ ᠣᠩᠰᠢᠯᠭᠠ ᠪᠠᠷ ᠲᠠᠮᠵᠢᠨ ᠬᠡᠯᠡᠨ ᠤ ᠮᠡᠳᠡᠷᠡᠮᠵᠢ ᠶᠢ ᠣᠯᠵᠤ | ᠬᠡᠯᠡᠨ ᠤ ᠬᠤᠷᠠᠮᠳᠤᠭᠤᠯᠤᠯ ᠲᠠᠢ ᠪᠣᠯᠳᠠᠭ᠃ ᠣᠯᠨᠨ ᠨᠣᠮ ᠣᠩᠰᠢᠵᠦ ᠪᠠᠶᠢᠨᠠ ᠭᠡᠳᠡᠭ ᠴᠢᠨᠢ ᠦᠭᠡᠰ ᠤᠨ ᠰᠠᠩ ᠳᠤ | ᠥᠪ ᠬᠥᠷᠦᠩᠭᠡ ᠨᠡᠮᠡᠭᠳᠡᠵᠦ ᠪᠣᠢ ᠯᠡ ᠬᠡᠰᠡᠨ ᠦᠭᠡ᠃ | 3. ᠪᠠᠭᠰᠢ ᠨᠠᠷ ᠤᠨ ᠬᠤᠷᠰᠢᠨ ᠠᠵᠢᠯᠯᠠᠬᠤ ᠨᠢ ᠦᠷᠡ ᠪᠦᠳᠦᠮᠵᠢ ᠪᠠᠷ ᠨᠡᠩ ᠰᠠᠶᠢᠨ ᠪᠠᠶᠢᠳᠠᠭ ᠢ ᠤᠯᠠᠮ | ᠭᠦᠨᠵᠡᠭᠡᠢ ᠣᠶᠢᠯᠠᠭᠠᠯᠠ᠃ ᠪᠠᠭᠰᠢ ᠨᠠᠷ ᠤᠨ ᠬᠤᠷᠰᠢᠨ ᠠᠵᠢᠯᠯᠠᠵᠤ ᠪᠠᠶᠢᠭᠠ ᠶᠢ ᠪᠦᠸᠧ ᠯᠧ ᠳᠤᠮᠳᠠᠳᠤ | ᠰᠤᠷᠭᠠᠭᠤᠯᠢ ᠠᠴᠠ ᠬᠠᠷᠠᠯᠠ᠃ ᠲᠡᠳᠡ ᠨᠢᠭᠡ ᠬᠢᠴᠢᠶᠡᠯ ᠢ ᠬᠡᠳᠦᠨ ᠪᠠᠭᠰᠢ ᠪᠡᠯᠡᠳᠭᠡᠨ ᠵᠢᠭᠠᠬᠤ ᠳᠤ ᠪᠠᠨ ᠮᠡᠳᠡᠯᠭᠡ | ᠴᠢᠳᠠᠪᠤᠷᠢ ᠶᠢᠨ ᠬᠠᠷᠠᠯᠲᠠ ᠪᠠᠨ ᠬᠤᠪᠢᠳᠠᠨ ᠠᠪᠴᠦ ᠬᠠᠷᠢᠯᠴᠠᠨ ᠬᠠᠮᠵᠢᠬᠤ ᠬᠡᠯᠪᠡᠷᠢ ᠪᠠᠷ ᠵᠣᠷᠢᠯᠭᠠ ᠳᠤ ᠪᠠᠨ | ᠬᠦᠷᠳᠡᠭ ᠪᠠᠶᠢᠨᠠ᠃ ᠪᠠᠭᠰᠢ ᠶᠢᠨ ᠵᠢᠭᠠᠭᠰᠠᠨ ᠬᠢᠴᠢᠶᠡᠯ ᠢ ᠦᠨᠡᠯᠡᠬᠦ ᠳᠤ ᠪᠠᠨ ᠬᠡᠳᠦᠨ ᠪᠠᠭᠰᠢ ᠠᠴᠠ ᠠᠳᠠᠯᠢ ᠪᠣᠰᠤ | ᠬᠠᠷᠠᠭᠠᠰᠤ ᠠᠴᠠ ᠳ᠋ᠦᠩᠨᠡᠨ ᠶᠠᠷᠢᠵᠠᠢ᠃ ᠵᠢᠱᠢᠶᠡᠯᠡᠬᠦ ᠳᠤ᠄ ᠨᠢᠭᠡ ᠪᠠᠭᠰᠢ ᠨᠢ ᠬᠢᠴᠢᠶᠡᠯ ᠢ ᠳᠥᠰᠦᠪᠯᠡᠬᠦ᠂ ᠨᠢᠭᠡ ᠨᠢ | ᠬᠢᠴᠢᠶᠡᠯ ᠢ ᠵᠢᠭᠠᠬᠤ᠂ ᠨᠢᠭᠡ ᠨᠢ ᠰᠤᠷᠤᠭᠴᠢ ᠶᠢᠨ ᠰᠤᠷᠬᠤ ᠳᠤ ᠣᠷᠤᠯᠴᠠᠵᠤ ᠪᠠᠶᠢᠭᠠ ᠶᠢ ᠪᠠᠶᠢᠴᠠᠭᠠᠵᠤ᠂ ᠨᠢᠭᠡ ᠨᠢ | ᠪᠠᠭᠰᠢ ᠶᠢᠨ ᠬᠢᠴᠢᠶᠡᠯ ᠳᠤ ᠬᠢ ᠠᠵᠢᠯᠯᠠᠭᠠᠨ ᠢ ᠠᠵᠢᠭᠯᠠᠵᠤ᠂ ᠨᠢᠭᠡ ᠨᠢ ᠰᠤᠷᠤᠭᠴᠢ ᠶᠢᠨ ᠬᠢᠴᠢᠶᠡᠯ ᠳᠤ ᠬᠢ | ᠠᠵᠢᠯᠯᠠᠭᠠ ᠶᠢ ᠪᠠᠶᠢᠴᠠᠭᠠᠨᠠ ᠁ ᠭᠡᠬᠦ ᠮᠡᠲᠦ᠃ ᠬᠢᠴᠢᠶᠡᠯ ᠤᠨ ᠳᠠᠷᠠᠭᠠ ᠡᠳᠡᠭᠡᠷ ᠪᠠᠭᠰᠢ ᠨᠠᠷ ᠦᠪᠡᠷ | ᠦᠪᠡᠷ ᠤᠨ ᠬᠤᠪᠢᠳᠠᠭᠰᠠᠨ ᠠᠵᠢᠭᠯᠠᠯᠲᠠ ᠪᠠᠨ ᠬᠤᠪᠢᠶᠠᠯᠴᠠᠵᠤ ᠣᠯᠵᠤ ᠠᠯᠳᠠᠭᠰᠠᠨ ᠢᠶᠠᠨ ᠳ᠋ᠦᠡᠭᠨᠠᠵᠤ ᠪᠣᠢ᠃ ᠮᠦᠨ | ᠳᠠᠷᠠᠭᠠ ᠬᠢᠴᠢᠶᠡᠯ ᠤᠨ ᠬᠠᠷᠠᠯᠲᠠ ᠪᠠᠨ ᠶᠠᠷᠢᠯᠴᠠᠨ ᠲᠣᠭᠲᠠᠵᠤ ᠡᠭᠦᠷᠭᠡ ᠪᠠᠨ ᠬᠤᠪᠢᠳᠠᠨ ᠠᠪᠳᠠᠭ ᠪᠠᠶᠢᠪᠠ᠃ ᠡᠨᠡ | ᠳᠤᠷᠰᠢᠯᠭᠠ ᠶᠢ ᠠᠮᠢᠳᠤᠯᠢᠭ ᠠᠰᠢᠭᠯᠠᠵᠤ ᠪᠠᠭᠰᠢ ᠨᠠᠷ ᠦᠷᠭᠦᠯᠵᠢ ᠶᠢᠨ ᠴᠢᠨᠠᠷ ᠲᠠᠢ ᠬᠠᠮᠵᠢᠯᠴᠠᠪᠠᠯ ᠰᠠᠶᠢᠨ ᠳ᠋ᠠ᠃ | ᠪᠠᠰᠠ ᠨᠢᠭᠡᠨ ᠰᠤᠷᠤᠯᠴᠠᠭᠤᠰᠢᠲᠠᠢ ᠨᠢ ᠬᠢᠳᠡᠳ ᠪᠠᠭᠰᠢ ᠶᠢᠨ ᠬᠢᠴᠢᠶᠡᠯ ᠢᠶᠠᠨ ᠮᠠᠰᠢ ᠨᠠᠷᠢᠯᠢᠬ ᠪᠡᠯᠡᠳᠭᠡᠨ ᠨᠢᠮᠪᠠᠢ | ᠵᠢᠭᠠᠵᠤ ᠪᠠᠶᠢᠭᠠ᠂ ᠮᠠᠰᠢᠲᠠ ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢᠳᠡᠢ ᠲᠠᠢ ᠬᠠᠨᠳᠤᠵᠤ ᠪᠠᠶᠢᠭᠠ ᠣᠪᠤᠷ ᠵᠢᠴᠢ ᠪᠠᠭᠰᠢ ᠨᠠᠷ ᠨᠢ | ᠬᠢᠴᠢᠶᠡᠯ ᠲᠥᠷᠥᠯ ᠤᠨ ᠳᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ ᠪᠣᠯᠬᠤ ᠪᠠᠷ ᠴᠢᠷᠮᠠᠶᠢᠵᠤ ᠪᠠᠶᠢᠭᠠ ᠶᠢ ᠠᠩᠬᠠᠷᠴᠦ ᠮᠡᠳᠡᠯᠡ᠃ ᠡᠳᠡᠭᠡᠷ | ᠵᠢᠭᠠᠬᠤ ᠠᠷᠭᠠ ᠮᠤᠩᠭᠤᠯ ᠪᠠᠭᠰᠢ ᠶᠢᠨ ᠲᠤᠮᠳᠠ ᠠᠯᠠᠭᠠ ᠭᠡᠰᠡᠨ ᠪᠤᠰᠤ᠂ ᠬᠠᠷᠢᠨ ᠪᠦᠷᠢᠨ ᠲᠦᠬᠦᠷ ᠪᠣᠯᠵᠤ | ᠰᠢᠰᠲ᠋ᠧᠮᠴᠢᠯᠡᠵᠦ ᠲᠡᠶᠢᠯᠦᠭᠡ ᠦᠭᠡᠢ ᠪᠠᠶᠢᠭᠠ ᠪᠠᠨ ᠮᠡᠳᠡᠷᠡᠬᠦ ᠬᠡᠷᠡᠭᠳᠡᠢ ᠶᠤᠮ᠃ ︽ᠵᠢᠭᠠᠬᠤ ᠠᠷᠭᠠ ᠪᠣᠯ | ᠲᠤᠭᠲᠠᠭᠰᠠᠨ ᠪᠢᠰᠢ︾ ᠲᠤᠯᠠ ᠪᠢᠳᠡ ᠬᠢᠲᠠᠳ ᠤᠨ ᠵᠢᠭᠠᠨ ᠰᠤᠷᠭᠠᠯᠲᠠ ᠶᠢᠨ ︽ᠰᠢᠮᠡ ᠶᠢ ᠨᠢ ᠰᠢᠩᠭᠡᠭᠡᠵᠦ᠂ | ᠰᠢᠭᠠᠷᠤ ᠶᠢ ᠨᠢ ᠣᠷᠬᠢᠬᠤ︾ ᠣᠪᠤᠷ ᠢᠶᠠᠷ ᠬᠠᠨᠳᠤᠪᠠᠯ ᠪᠣᠯᠴᠢᠬᠠᠨᠠ᠃ ᠦᠪᠡᠷ ᠤᠨ ᠣᠨᠴᠠᠯᠢᠭ ᠲᠤ ᠪᠠᠨ | ᠳᠣᠬᠢᠷᠠᠭᠤᠯᠵᠤ ᠠᠮᠢᠳᠤᠯᠢᠭ ᠬᠡᠷᠡᠭᠯᠡᠪᠡᠯ ᠪᠣᠯᠴᠢᠬᠠᠨᠠ᠃ | 4. ᠬᠢᠳᠠᠳ ᠦᠨᠳᠦᠰᠦᠳᠡᠨ ᠡᠷᠳᠡᠨ ᠤ ᠣᠯᠠᠮᠵᠢᠯᠠᠯᠲᠦ ᠰᠤᠶᠤᠯ ᠤᠷᠤᠭᠤ ᠪᠠᠨ ᠶᠡᠭᠡᠳᠡ ᠦᠩᠭᠡᠶᠢᠨ ᠬᠠᠷᠠᠵᠤ | ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ ᠡᠷᠳᠡᠨ ᠤ ᠰᠢᠯᠢᠳᠡᠭ ᠥᠪ ᠤᠯᠠᠮᠵᠢᠯᠠᠯ ᠠᠴᠠ ᠪᠠᠨ ᠡᠷᠴᠢᠮ ᠬᠦᠴᠦ᠂ ᠰᠢᠮᠡ ᠲᠡᠵᠢᠭᠡᠯ | ᠠᠪᠬᠤ ᠨᠢ ᠵᠦᠢᠳᠡᠢ᠃ ᠬᠢᠲᠠᠳ ᠦᠨᠳᠦᠰᠦᠳᠡᠨ ᠤᠯᠤᠰ ᠤᠨ ᠰᠢᠯᠭᠠᠯᠲᠠ ᠶᠢᠨ ᠰᠡᠳᠦᠪ ᠲᠤ ᠪᠠᠨ ᠮᠦᠨ ᠡᠷᠲᠡᠨ ᠤ | ᠵᠣᠬᠢᠶᠠᠯ ᠪᠦᠳᠦᠭᠡᠯ ᠠᠴᠠ ᠪᠠᠨ ᠮᠠᠲ᠋ᠧᠷᠢᠶᠠᠯ ᠠᠪᠴᠤ ᠬᠡᠷᠡᠭᠯᠡᠬᠦ ᠵᠤᠷᠪᠣᠰ ᠲᠣᠭᠲᠠᠭᠠᠨ ᠬᠡᠷᠡᠭᠵᠢᠭᠦᠯᠵᠦ ᠪᠠᠶᠢᠨᠠ᠃ | ᠲᠡᠳᠡ ︽ᠳᠥᠷᠪᠡᠨ ᠪᠢᠴᠢᠭ︾ ︽ᠲᠠᠪᠤᠨ ᠨᠣᠮ︾ ᠢᠶᠠᠨ ᠰᠤᠷᠬᠤ ᠪᠢᠴᠢᠭ ᠲᠤ ᠪᠠᠨ ᠶᠡᠬᠡᠲᠡ ᠬᠡᠷᠡᠭᠯᠡᠵᠦ ᠪᠣᠢ᠃ | ᠪᠦᠸᠧ ᠯᠧ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠶᠠᠭ ᠰᠠᠶ᠋ᠢᠬᠠᠨ ᠡᠷᠲᠡᠨ ᠤ ᠬᠡᠯᠡᠨ ᠤ ᠵᠣᠬᠢᠶᠠᠯ ᠵᠢᠭᠠᠵᠤ ᠪᠠᠶᠢᠭᠠ ᠲᠠᠢ | ᠲᠠᠭᠠᠷᠠᠯᠠ᠃ ︽ᠰᠢᠯᠦᠭᠯᠡᠯᠲᠦ ᠨᠣᠮ︾ ᠠᠴᠠ ᠪᠠᠨ ᠰᠣᠩᠭᠤᠭᠰᠠᠨ ︽ᠬᠤᠯᠤᠰᠤ︾ ᠭᠡᠬᠦ ᠵᠣᠬᠢᠶᠠᠯ ᠢ ᠬᠤᠶᠠᠷ ᠪᠠᠭᠰᠢ | ᠠᠳᠠᠯᠢ ᠪᠣᠰᠤ ᠬᠠᠷᠠᠯᠲᠠ ᠠᠴᠠ ᠬᠢᠴᠢᠶᠡᠯᠯᠡᠯᠡ᠃ ᠨᠢᠭᠡ ᠨᠢ ᠵᠣᠬᠢᠶᠠᠯ ᠤᠨ ᠭᠤᠸᠠ ᠲᠠᠭᠠᠰᠢᠶᠠᠯ᠂ ᠤᠷᠠᠨ | ᠰᠣᠨᠢᠷᠬᠠᠮᠵᠢ ᠶᠢ ᠨᠢ ᠴᠢᠬᠤᠯᠠᠴᠢᠯᠠᠭᠰᠠᠨ ᠪᠠᠶᠢᠬᠤ ᠳᠤ ᠨᠦᠭᠦᠭᠡ ᠨᠢ ᠣᠩᠰᠢᠯᠭᠠ ᠶᠢ ᠵᠢᠯᠤᠭᠤᠳᠴᠤ ᠬᠡᠯᠡᠨ ᠤ | ᠮᠡᠳᠡᠷᠡᠮᠵᠢ ᠶᠢ ᠴᠢᠬᠤᠯᠠᠴᠢᠯᠠᠭᠰᠠᠨ ᠪᠠᠶᠢᠨᠠ᠃ ︽ᠲᠡᠨᠡᠭ ᠡᠪᠦᠭᠡᠨ ᠠᠭᠤᠯᠠ ᠶᠢ ᠨᠡᠭᠦᠯᠭᠡᠭᠰᠡᠨ︾ ᠭᠡᠬᠦ ᠬᠢᠴᠢᠶᠡᠯ ᠢ | ᠰᠤᠷᠭᠠᠭᠤᠯᠢ ᠶᠢᠨ ᠵᠠᠬᠢᠷᠤᠯ ᠨᠢ ᠵᠢᠭᠠᠯᠠ᠃ ᠣᠳᠤ ᠶᠢᠨ ᠳᠡᠭᠡᠳᠦ ᠬᠥᠭᠵᠢᠯ ᠲᠠᠢ ᠴᠠᠭ ᠲᠤ ᠡᠶᠢᠮᠦᠷᠭᠦᠤ ᠬᠠᠭᠤᠮᠠᠭᠠᠢ | ᠰᠢᠨᠵᠢ ᠲᠠᠢ ᠦᠯᠢᠭᠡᠷ ᠳᠣᠮᠤᠭ ᠢ ᠵᠢᠭᠠᠵᠤ ᠪᠠᠶᠢᠭᠠ ᠨᠢ ᠬᠢᠲᠠᠳ ᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠡᠷᠲᠡᠨ ᠤ | ᠰᠤᠶᠤᠯ ᠠᠴᠠ ᠪᠠᠨ ᠦᠭᠡ ᠬᠡᠯᠡ᠂ ᠦᠵᠡᠯ ᠰᠠᠨᠠᠭᠠ ᠡᠷᠢᠵᠦ ᠪᠠᠶᠢᠭᠠ ᠨᠢ ᠢᠯᠡ᠃ ᠰᠤᠷᠭᠠᠭᠤᠯᠢ ᠶᠢᠨ ᠵᠠᠬᠢᠷᠦᠯ ᠨᠢ | ᠲᠥᠮᠡᠨ ᠶᠠᠭᠠᠷᠠᠤ ᠶᠢᠨ ᠳᠤᠮᠳᠠ ᠬᠢᠴᠢᠶᠡᠯ ᠵᠢᠭᠠᠵᠤ᠂ ᠬᠢᠴᠢᠶᠡᠯ ᠢᠶᠠᠨ ᠰᠤᠨᠤᠰᠬᠠᠵᠤ ᠪᠠᠶᠢᠭᠠ ᠨᠢ ᠪᠠᠭ᠋ᠠᠷᠬᠠᠯᠲᠠᠢ | ᠰᠠᠨᠠᠭᠳᠠᠯᠠ᠃ ᠭᠠᠶᠢᠬᠠᠰᠢ ᠲᠥᠷᠦᠭᠦᠯᠦᠭᠰᠡᠨ ᠨᠢᠭᠡᠨ ᠵᠦᠢᠯ ᠢ ᠦᠭᠦᠯᠡᠪᠡᠰᠦ᠄ ᠨᠢᠭᠡᠨ ᠪᠠᠭᠰᠢ ᠶᠢᠨ | ᠰᠤᠷᠤᠭᠴᠢ ᠳᠤ ᠪᠠᠨ ᠦᠭᠭᠦᠭᠰᠡᠨ ᠰᠤᠷᠬᠤ ᠳᠥᠰᠦᠪ ᠲᠤ ᠨᠢ ᠶᠤᠸᠠᠨ ᠤᠯᠤᠰ ᠤᠨ ᠮᠣᠩᠭᠤᠯ ᠰᠢᠯᠦᠭᠴᠢ | ᠰᠠᠳᠤᠯᠠ ᠶᠢᠨ ᠰᠢᠯᠦᠭ ᠪᠠᠶᠢᠭᠰᠠᠨ ᠢ ᠦᠵᠡᠪᠡᠢ᠃ ᠲᠡᠷᠡ ᠨᠢ ᠰᠠᠳᠤᠯᠠ ᠶᠢᠨ ︽ᠮᠠᠨ ᠵᠢᠶᠠᠩ ᠬᠤᠩ ᠳᠠᠭᠤᠯᠠᠯ︾ | ᠬᠡᠮᠡᠬᠦ ᠪᠦᠳᠦᠭᠡᠯ ᠪᠠᠶᠢᠯᠠ᠃ ᠤᠤᠯ ᠨᠢ ᠡᠨᠡ ᠰᠢᠯᠦᠭ ᠨᠠᠨᠵᠢᠩ ᠲᠠᠢ ᠬᠤᠯᠪᠤᠭᠠ ᠲᠠᠢ ᠪᠠᠶᠢᠭᠰᠠᠨ ᠠᠴᠠ ᠬᠡᠷᠡᠭᠯᠡᠭᠰᠡᠨ | ᠪᠣᠯᠪᠠ ᠦᠦ᠃ ᠲᠡᠷᠡ ᠰᠢᠯᠦᠭ ᠲᠤ ︽ ᠶᠢᠨ ᠯᠢᠩ ᠳᠤᠷ ᠡᠷᠲᠡᠨ ᠢ ᠰᠠᠨᠠᠭᠠᠯᠵᠠᠭᠰᠠᠨ ᠢᠨᠦ︾ ᠭᠡᠵᠦ ᠲᠣᠳᠤᠷᠬᠠᠶᠢᠯᠠᠵᠤ | ᠪᠣᠢ᠃ ᠶᠣᠸᠠᠨ ᠤᠯᠤᠰ ᠤᠨ ᠦᠶᠡ ᠳᠤ ᠨᠠᠨᠵᠢᠩ ᠢ ᠶᠢᠨ ᠯᠢᠩ ᠭᠡᠵᠦ ᠳᠠᠭᠤᠳᠠᠵᠤ ᠪᠠᠶᠢᠵᠠᠢ᠃ ᠰᠠᠳᠤᠯᠠ ᠶᠢᠨ | ᠰᠢᠯᠦᠭ ᠲᠤ᠄ | ᠵᠢᠷᠭᠤᠭᠠᠨ ᠦᠶᠡ ᠶᠢᠨ ᠢᠳᠡᠷᠭᠡᠭ ᠰᠦᠷᠯᠢᠭ᠃ | ᠵᠤᠨ ᠪᠣᠯᠬᠤ ᠣᠶᠢᠷᠠᠲᠤᠪᠠᠢ᠂ | ᠵᠢᠭᠠᠬᠠᠨ ᠴᠤ ᠴᠢᠮᠡᠭᠡ ᠢᠮᠡᠭᠡ ᠦᠭᠡᠢ᠃ | ᠤᠶᠢᠳᠬᠠᠷᠯᠠᠨ ᠪᠠᠷᠠᠯᠠᠬᠤᠶᠠ ᠬᠤᠭᠤᠰᠤᠷ᠂ | ᠠᠭᠤᠯᠠ ᠤᠰᠤᠨ ᠤ ᠲᠥᠷᠰᠦ ᠭᠡᠳᠦ᠋ᠢᠳᠦᠭᠡᠳ | ᠤᠤᠯ ᠤᠨ ᠰᠢᠨᠵᠢ ᠨᠢᠭᠡᠨᠲᠡ ᠪᠣᠰᠤ᠂ | ᠸᠠᠩ᠂ ᠰᠢᠶᠧ ᠣᠪᠤᠭᠲᠤ ᠶᠢᠨ ᠬᠠᠷᠰᠢ ᠶᠢᠨ ᠡᠮᠦᠨᠡᠬᠢ ᠬᠤᠣᠰ ᠬᠠᠷᠢᠶᠠᠴᠠᠢ | ᠡᠦ ᠢ ᠭᠤᠳᠤᠮᠵᠢ ᠶᠢᠨ ᠠᠮᠠᠰᠠᠷ ᠳᠡᠭᠡᠷᠡ ᠲᠠᠨᠢᠯᠴᠠᠨ ᠥᠩᠬᠡᠷᠡᠪᠡᠢ᠃ | ᠦᠳᠡᠰᠢ ᠶᠢᠨ ᠭᠦᠨ ᠤ ᠤᠶᠢᠳᠬᠠᠷ ᠭᠠᠩᠰᠠᠷᠠᠯ ᠥᠨᠦᠴᠢᠨ ᠬᠤᠲᠠᠨᠠ ᠴᠣᠬᠢᠬᠤ ᠶᠢ ᠰᠣᠨᠤᠰᠬᠤᠶᠠ᠂ | ᠬᠠᠪᠤᠷ ᠤᠨ ᠲᠣᠯᠭᠢᠶᠠ ᠲᠠᠪᠴᠢᠭᠤ᠃ | ᠡᠮᠦᠨᠡᠬᠢ ᠬᠡᠷᠡᠭ ᠢ ᠡᠷᠭᠢᠴᠡᠭᠦᠯᠬᠦᠶᠡ | ᠦᠰᠦᠨ ᠠᠴᠠ ᠵᠤᠵᠠᠭᠠᠨ ᠵᠣᠪᠠᠨᠢᠯ᠃ | ᠦᠩᠬᠡᠷᠡᠭᠰᠡᠨ ᠤᠯᠤᠰ ᠢ ᠰᠠᠨᠠᠭᠠᠯᠵᠠᠬᠤᠶᠠ | ᠦᠯᠡᠳᠡᠭᠰᠡᠨ ᠮᠥᠷ ᠲᠡᠳᠦᠢ᠃ | ᠳᠠᠩᠳᠠ ᠬᠤᠶᠢᠯᠠᠷᠠᠭᠰᠠᠨ ᠤᠲᠤᠭᠠ ᠬᠤᠪᠠᠭ᠋ᠠᠶᠢᠷᠠᠭᠰᠠᠨ ᠡᠪᠡᠰᠦ᠂ | ᠲᠠᠰᠢᠭᠰᠠᠨ ᠨᠠᠷᠠᠨ ᠳᠤᠷ ᠬᠡᠷᠢᠶᠡ ᠰᠦᠯᠵᠢᠮᠦᠢ᠃ | ᠡᠷᠳᠡᠨᠢᠲᠦ ᠮᠣᠳᠤᠨ ᠲᠠᠭᠤᠯᠠᠯ ᠳᠣᠷᠦ᠋ᠢᠳᠠᠭᠤᠯᠵᠤ ᠬᠠᠪᠤᠷ ᠤᠨ ᠰᠢᠭᠦᠳᠡᠷᠢ ᠵᠢᠭᠡᠭᠦᠨ᠂ | ᠡᠩᠰᠡᠭᠲᠦ ᠬᠤᠳᠳᠤᠭ ᠰᠦᠢᠳᠴᠦ ᠡᠪᠳᠡᠷᠡᠬᠦᠶᠡ ᠬᠦᠢᠲᠡᠨ ᠤ ᠲᠠᠷᠴᠠ ᠤᠬᠢᠯᠠᠨᠠᠮ᠃ | ᠡᠨᠡ ᠡᠳᠦᠷ ᠪᠣᠯᠬᠤᠶᠠ᠂ | ᠵᠢᠶᠠᠩ ᠱᠠᠨ ᠠᠭᠤᠯᠠᠨ ᠭᠠᠭᠴᠠ ᠬᠥᠬᠡᠷᠡᠭᠡᠳ | ᠴᠢᠨ ᠬᠤᠸᠠᠢ ᠨᠣᠭᠤᠭᠠᠷᠠᠮᠤᠢ︾ ᠭᠡᠵᠦ ᠣᠶᠠᠩᠭᠠᠯᠠᠭᠰᠠᠨ ᠪᠠᠶᠢᠨᠠᠮ᠃ ᠰᠡᠳᠦᠪ ᠤᠨ ᠠᠰᠠᠭᠤᠯᠲᠠ ᠨᠢ᠄ ᠲᠤᠰ | ᠰᠢᠯᠦᠭ ᠲᠤ ︽ᠡᠷᠲᠡᠨ ᠢ ᠰᠠᠨᠠᠭᠠᠯᠵᠠᠬᠤ︾ ᠪᠠᠷ ︽ᠥᠩᠬᠡᠷᠡᠭᠰᠡᠨ ᠣᠴᠢᠷ︾ ᠢ ᠳᠤᠷᠠᠰᠤᠭᠰᠠᠨ ᠪᠣᠯ ︽ | ᠦᠰᠦᠨ ᠠᠴᠠ ᠵᠤᠵᠠᠭᠠᠨ ᠵᠣᠪᠠᠨᠢᠯ︾ ᠭᠡᠳᠡᠭ ᠤᠨ ︽ᠵᠣᠪᠠᠨᠢᠯ︾ ᠤᠨ ᠠᠭᠤᠯᠭᠠ ᠶᠢ ᠶᠠᠷᠢᠵᠤ ᠦᠵᠡᠭᠡᠷᠡᠢ ᠬᠡᠰᠡᠨ | ᠪᠠᠶᠢᠯᠠ᠃ ︽ᠮᠢᠩᠭᠠᠨ ᠣᠩᠰᠢᠬᠴᠢ ᠳᠤ ᠮᠢᠩᠭᠠᠨ ᠬᠠᠮᠧᠯᠲ ᠲᠠᠢ︾ ᠭᠡᠳᠡᠭ ᠢᠶᠠᠷ ᠡᠨᠡ ᠰᠡᠳᠦᠪ ᠲᠤ ᠣᠯᠠᠨ | ᠬᠠᠷᠢᠭᠤᠯᠲᠠ ᠲᠠᠢ ᠪᠠᠶᠢᠬᠠ ᠳ᠋ᠠ᠃ ᠤᠷᠠᠨ ᠵᠣᠬᠢᠶᠠᠯ ᠪᠠ ᠤᠯᠤᠰ ᠲᠥᠷᠦ ᠶᠢ ᠬᠤᠳᠬᠤᠵᠤ ᠪᠣᠯᠬᠤ ᠦᠭᠡᠢ ᠶᠤᠮ᠃ | ᠨᠡᠮᠡᠵᠦ ᠬᠡᠯᠡᠬᠦ ᠳᠤ ᠪᠠᠭᠰᠢ ᠶᠢᠨ ᠲᠠᠯᠪᠢᠭᠰᠠᠨ ᠠᠷᠪᠠᠨ ᠰᠠᠶᠢᠨ ᠠᠰᠠᠭᠤᠯᠲᠠ ᠠᠴᠠ ᠰᠤᠷᠤᠭᠴᠢ ᠶᠢᠨ ᠲᠤᠷᠠᠳᠣᠭᠰᠠᠨ | ᠨᠢᠭᠡ ᠮᠠᠭᠤ ᠠᠰᠠᠭᠤᠯᠲᠠ ᠲᠡᠭᠡᠷᠡ ᠪᠠᠶᠢᠬᠤ ᠲᠤᠬᠢᠶᠠᠯᠳᠤᠯ ᠪᠤᠢ᠃ | ᠪᠢᠳᠡ ᠴᠤ ᠣᠯᠠᠮᠵᠢᠯᠠᠯᠲᠦ ᠰᠤᠶᠤᠯ ᠢᠶᠠᠨ ᠵᠠᠯᠭᠠᠮᠵᠢᠯᠠᠵᠤ ᠬᠦᠭᠵᠢᠬᠦᠯᠵᠦ ᠪᠠᠳᠠᠷᠠᠭᠤᠯᠵᠤ ᠁ ᠬᠡᠮᠡᠨ | ᠣᠷᠢᠶᠠᠯᠠᠭᠰᠠᠭᠠᠷ ᠢᠷᠡᠯᠡ᠃ ᠣᠳᠤ ᠪᠣᠳᠠᠳᠠᠢ ᠬᠢᠬᠦ ᠯᠠ ᠦᠯᠠᠳᠠᠵᠤ ᠪᠤᠢ᠃ ᠮᠠᠨ ᠤ ︽ᠨᠢᠭᠤᠴᠠ ᠲᠤᠪᠴᠢᠶᠠᠨ︾ | ᠮᠠᠨᠢ ︽ᠭᠠᠨᠵᠤᠤᠷ ᠳ᠋ᠠᠨᠵᠤᠤᠷ︾ ︽ᠠᠷᠢᠭᠤᠨ ᠨᠤᠮ︾ ︽ᠺᠦᠷᠠᠨ ᠰᠤᠳᠤᠷ︾ ᠠᠴᠠ ᠲᠤᠤᠷᠠᠳᠠᠬᠤ ᠦᠭᠡᠢ ᠦᠨᠡᠳᠦ | ᠪᠥᠲᠦᠭᠡᠯ᠃ ︽ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠮᠠᠨᠢ ᠬᠡᠯᠡ᠂ ᠲᠡᠤᠬᠡ᠂ ᠤᠷᠠᠨ ᠵᠣᠬᠢᠶᠠᠯ ᠢ ᠤᠶᠠᠯᠳᠤᠭᠤᠯᠤᠭᠰᠠᠨ | ᠲᠠᠪᠳᠠᠭᠳᠠᠰᠢ ᠦᠭᠡᠢ ᠠᠪᠤᠷᠭᠤ ᠪᠦᠳᠦᠭᠡᠯ ᠪᠣᠯᠬᠤ ᠲᠤᠯᠠ ᠵᠢᠭᠠᠬᠤ ᠰᠤᠷᠬᠤ ᠳᠤ ᠪᠦᠷ ᠲᠤᠬᠢᠷᠠᠮᠵᠢᠳᠠᠢ ᠪᠦᠭᠡᠳ ᠨᠡᠩ | ᠴᠢᠬᠤᠯᠠ ᠨᠢ ᠵᠣᠷᠢᠭ ᠰᠠᠨᠠᠭᠠ᠂ ᠬᠡᠯᠡ ᠣᠬᠠᠭᠠᠨ ᠰᠤᠷᠬᠤ ᠨᠢ ᠦᠨᠡᠯᠡᠰᠢ ᠦᠭᠡᠢ ᠪᠣᠢ ᠶᠠ᠃ ︽ᠬᠡᠰᠡᠷ︾ ︽ | ᠵᠢᠩᠭᠠᠷ︾ ︽ᠠᠯᠲᠠᠨ ᠲᠤᠪᠴᠢ︾ ︽ᠡᠷᠳᠡᠨᠢ ᠲᠤᠪᠴᠢ︾ ︽ᠪᠣᠯᠤᠷ ᠡᠷᠢᠬᠡ︾ ︽ᠤᠶᠤᠨ ᠲᠦᠯᠬᠢᠭᠦᠷ︾ ︽ | ᠬᠦᠬᠡ ᠰᠣᠳᠤᠷ︾ ︽ᠮᠣᠩᠭᠤᠯ ᠣᠷᠠᠨ ᠵᠣᠬᠢᠶᠠᠯ ᠤᠨ ᠲᠡᠭᠡᠵᠢ ᠪᠢᠴᠢᠭ︾ ︽ᠠᠷᠠᠳ ᠤᠨ ᠠᠮᠠᠨ ᠦᠯᠢᠭᠡᠷ︾ ᠁ | ᠮᠡᠲᠦ ᠨᠡᠯᠦᠭᠡᠷ ᠶᠡᠭᠡ ᠡᠷᠳᠡᠮ ᠤᠨ ᠳᠠᠯᠠᠢ ᠠᠴᠠ ᠡᠷᠳᠡᠨᠢ ᠠᠭᠤᠳᠠᠯᠬᠤ ᠳᠤ ᠪᠠᠷᠠᠭᠳᠠᠰᠢ ᠦᠭᠡᠢ᠃ ᠴᠢᠨᠠᠭᠰᠢᠳᠠ | ᠦᠭᠦᠯᠠᠭᠦ ︽ᠮᠣᠩᠭᠤᠯ ᠠᠷᠠᠳ ᠤᠨ ᠲᠠᠭᠤᠤ︾ ᠶᠢ ᠰᠤᠷᠬᠤ ᠪᠢᠴᠢᠭ ᠲᠤ ᠲᠥᠯᠥᠪᠯᠡᠭᠡ ᠲᠠᠢ᠂ ᠬᠠᠷᠠᠯᠲᠠ ᠲᠠᠢ᠂ | ᠠᠯᠬᠤᠮ ᠳᠠᠷᠠᠭᠠ ᠲᠠᠢ ᠣᠷᠤᠭᠤᠯᠪᠠᠯ ᠰᠢᠯᠦᠭ ᠯᠡ ᠲᠡᠳᠦᠢ ᠪᠣᠰᠤ ᠬᠠᠷᠢᠨ ᠮᠠᠰᠢ ᠶᠡᠭᠡ ᠬᠦᠮᠦᠵᠢᠯ ᠤᠨ | ᠭᠠᠶᠢᠬᠠᠮᠰᠢᠭᠲᠤ ᠬᠦᠴᠦ ᠲᠠᠢ ᠭᠡᠵᠦ ᠦᠵᠡᠨᠡᠮ᠃ ᠠᠷᠠᠳ ᠤᠨ ᠳᠠᠭᠤᠤ ᠶᠢᠨ ᠦᠭᠡ ᠰᠢᠯᠦᠭ ᠢ ᠲᠠᠪᠠᠭ᠋ᠤ ᠰᠢᠯᠦᠭ | ᠴᠦᠭᠡᠨ ᠰᠢᠦ ᠳ᠋ᠠ᠂ ᠰᠤᠨᠤᠰᠤᠩᠭᠤᠲᠠ ᠴᠡᠭᠡᠵᠢᠯᠡᠭᠳᠡᠳᠡᠭ ᠶᠠᠮᠠᠷ ᠰᠠᠶᠢᠬᠠᠨ ᠬᠡᠯᠡᠯᠭᠡ ᠪᠣᠢ︕ ᠨᠤᠲᠤᠭ ᠤᠰᠤ ᠪᠠᠨ | ᠮᠠᠭᠲᠠᠭᠰᠠᠨ᠂ ᠠᠪᠤ ᠡᠵᠢ ᠪᠠᠨ ᠬᠠᠶᠢᠷᠠᠯᠠᠭᠰᠠᠨ᠂ ᠠᠮᠠᠷᠠᠭ ᠬᠤᠩᠭᠤᠷ ᠢᠶᠠᠨ ᠰᠠᠨᠠᠭᠰᠠᠨ᠂ ᠠᠭᠲᠠ ᠬᠦᠯᠦᠭ ᠢᠶᠠᠨ | ᠪᠠᠭ᠋ᠠᠷᠬᠠᠭᠰᠠᠨ᠂ ᠠᠷᠤᠤᠬᠠᠨ ᠪᠠᠭᠠᠲᠤᠷ ᠢᠶᠠᠨ ᠳᠠᠭᠤᠯᠠᠵᠤ ᠠᠲᠠᠭᠠᠲᠠᠨ ᠳᠠᠶᠢᠰᠦᠨ ᠳᠤ ᠬᠤᠷᠣᠰᠤᠭᠰᠠᠨ᠂ ᠦᠨᠡᠨ | ᠰᠠᠶᠢᠨ ᠰᠠᠶᠢᠬᠠᠨ ᠢ ᠬᠦᠰᠡᠵᠦ᠂ ᠬᠤᠳᠠᠯ ᠮᠠᠭᠤ ᠮᠠᠭᠤᠬᠠᠢ ᠶᠢ ᠵᠢᠭᠰᠢᠭᠰᠡᠨ ᠁ ᠶᠠᠮᠠᠷ ᠰᠠᠶᠢᠬᠠᠨ ᠰᠢᠯᠦᠭ ᠲᠠᠢ | ᠶᠠᠮᠠᠷ ᠤᠶᠠᠷᠠᠮᠠ ᠠᠶᠠᠯᠭᠤ ᠲᠠᠢ ᠳᠠᠭᠤᠤ ᠭᠡᠭᠴᠢ ᠪᠣᠢ᠃ ᠲᠡᠷᠡ ᠣᠷᠠᠨ ᠦᠭᠡ ᠠᠴᠠ ᠬᠡᠯᠡ ᠰᠤᠷᠴᠤ᠂ ᠲᠡᠷᠡ | ᠣᠶᠠᠩᠭᠠ ᠰᠡᠳᠭᠢᠯ ᠠᠴᠠ ᠬᠠᠶᠢᠷᠠ ᠬᠥᠷᠲᠡᠵᠦ ᠬᠦᠮᠦᠨ ᠪᠣᠯᠤᠨᠠ ᠰᠢᠦ ᠳ᠋ᠠ᠃ ᠪᠢ ᠦᠰᠦᠭ ᠲᠠᠨᠢᠬᠤ ᠠᠴᠠ ᠪᠠᠨ | ᠤᠷᠢᠳ ᠠᠷᠠᠳ ᠤᠨ ᠳᠠᠭᠤᠨ ᠤ ᠦᠭᠡ ᠠᠶᠠᠯᠭᠤ ᠶᠢ ᠲᠣᠭᠲᠠᠭᠠᠨ ᠳᠠᠭᠤᠯᠠᠵᠤ ᠭᠢᠩᠰᠢᠨ᠂ ᠤᠶᠠᠷᠠᠵᠤ ᠬᠠᠶᠢᠯᠠᠵᠤ | ᠭᠤᠨᠢᠵᠦ ᠪᠠᠶᠠᠰᠤᠨ᠂ ᠵᠢᠷᠭᠠᠵᠤ ᠵᠣᠪᠠᠵᠤ ᠦᠰᠦᠭᠰᠡᠨ ᠶᠤᠮᠰᠠᠨ᠃ ᠣᠳᠤ ᠶᠢᠨ ᠬᠡᠣᠬᠡᠳ ᠤᠨ ᠰᠣᠨᠢᠷᠬᠠᠨ | ᠲᠠᠭᠠᠰᠢᠶᠠᠳᠠᠭ ᠤᠷᠤᠰᠬᠠᠯ ᠲᠠᠭᠤᠤ᠂ ᠳᠡᠯᠭᠡᠷᠡᠭᠡ ᠲᠠᠭᠤᠤ᠂ ᠨᠠᠶᠢᠭᠤᠭᠠ ᠲᠠᠭᠤᠤ᠂ ᠬᠠᠰᠭᠢᠷᠤᠭᠠ ᠳᠠᠭᠤᠤ᠂ ᠬᠢᠲᠠᠳ | ᠳᠠᠭᠤᠤ ᠠᠴᠠ ᠲᠡᠶᠢᠮᠦᠷᠭᠦᠤ ᠬᠦᠮᠦᠵᠢᠯ ᠬᠦᠷᠲᠡᠬᠦ ᠭᠡᠭᠴᠢ ᠬᠥᠴᠢᠷ ᠠᠰᠠᠭᠤᠳᠠᠯ᠃ | ᠥᠷᠬᠦᠯᠵᠢᠯᠡᠨ ᠬᠤᠶᠠᠷ ᠡᠳᠦᠷ ᠡᠷᠳᠡᠮᠳᠡᠨ ᠪᠠᠭᠰᠢ ᠨᠠᠷ ᠤᠨ ᠢᠯᠡᠳᠭᠡᠯ ᠢ ᠰᠣᠨᠤᠰᠴᠠᠭᠠᠯᠠ᠃ ᠣᠢ ᠳᠣᠢ ᠳᠤ | ᠣᠷᠤᠮᠠ ᠦᠭᠡᠢ ᠰᠢᠨᠡ ᠰᠠᠶᠢᠬᠠᠨ ᠣᠨᠣᠯ ᠳᠤᠷᠠᠳᠴᠤ ᠪᠠᠶᠢᠯᠠ᠃ ᠣᠴᠢᠷ ᠢ ᠨᠢ ᠣᠯᠵᠤ ᠬᠤᠵᠢᠷ ᠢ ᠨᠢ ᠲᠤᠩᠭᠠᠪᠠᠯ | ᠶᠠᠭᠤᠮᠠ ᠪᠤᠯᠭᠠᠨ ᠰᠣᠳᠤᠯᠤᠭᠤᠰᠢᠲᠠᠢ ᠠᠵᠢ᠃ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠪᠠ ᠵᠢᠭᠠᠨ ᠰᠤᠷᠭᠠᠯᠲᠠ ᠶᠢ ᠠᠩᠭᠢᠲᠠ | ᠦᠵᠡᠳᠡᠭ ᠪᠣᠳᠤᠯ ᠮᠢᠨᠢ ᠠᠷᠠᠢ ᠬᠤᠪᠢᠷᠠᠵᠤ ᠡᠬᠢᠯᠡᠵᠦ ᠪᠠᠶᠢᠯᠠ᠃ ᠡᠶᠢᠮᠦᠷᠭᠦᠤ ᠪᠣᠯᠪᠠᠰᠤᠷᠠᠯ ᠮᠠᠨ ᠳᠤ ᠮᠠᠰᠢ ᠴᠢᠬᠤᠯᠠ | ᠪᠦᠭᠡᠳ ᠬᠤᠵᠢᠮ ᠬᠤᠶᠢᠰᠢᠲᠠ ᠮᠣᠩᠭᠤᠯ ᠪᠠᠭᠰᠢ ᠨᠠᠷ ᠢᠶᠠᠨ ᠢᠯᠡᠭᠦᠭᠡᠨ ᠳᠠᠶᠢᠴᠢᠯᠠᠵᠤ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ ᠢ | ᠬᠦᠮᠦᠵᠢᠭᠦᠯᠵᠦ ᠮᠤᠩᠭᠤᠯ ᠢᠶᠠᠷ ᠢᠯᠡᠳᠭᠡᠯ ᠬᠢᠯᠭᠡᠪᠡᠯ ᠬᠡᠴᠢᠨᠡᠭᠡᠨ ᠰᠠᠶᠢᠨ ᠪᠤᠢ᠃ ᠮᠠᠨ ᠳᠤ ᠴᠢᠩ ᠦᠨᠡᠨᠴᠢ | ᠰᠡᠳᠭᠢᠯ ᠢᠶᠠᠷ ᠠᠵᠢᠯ ᠬᠢᠳᠡᠭ ᠲᠠᠯᠠ ᠰᠢᠬ ᠰᠡᠳᠭᠢᠯ ᠲᠠᠢ ᠠᠭᠤᠯᠠ ᠰᠢᠬ ᠬᠦᠮᠦᠰ ᠬᠡᠷᠡᠭᠳᠡᠢ᠃ ᠰᠡᠭᠦᠯᠴᠢ ᠶᠢᠨ | ᠡᠳᠦᠷ ︽ᠠᠵᠢᠯ ᠤᠨ ᠬᠠᠮᠲᠤᠯᠢᠭ︾ ᠤᠨ ᠬᠢᠨ ᠨᠢᠭᠡ ᠵᠢᠯ ᠤᠨ ᠠᠵᠢᠯ ᠤᠨ ᠲᠥᠯᠥᠪᠯᠡᠭᠡ ᠪᠠᠨ ᠲᠤᠭᠳᠠᠭᠠᠨ᠂ | ᠣᠯᠠᠨ ᠳᠤ ᠶᠠᠷᠢᠵᠦ ᠦᠭᠭᠦᠭᠰᠡᠨ ᠪᠠ ᠪᠦᠭᠦᠳᠡᠭᠡᠷ ᠭᠠᠷ ᠬᠥᠳᠡᠯᠦᠯᠴᠡᠵᠦ ︽ᠰᠤᠷᠬᠤ ᠲᠦᠰᠦᠪ︾ ᠬᠢᠵᠡᠭᠡᠯᠡ᠃ | ᠣᠯᠠᠨ ᠬᠦᠮᠦᠨ ᠤ ᠣᠬᠠᠭᠠᠨ ᠭᠡᠭᠴᠢ ᠬᠡᠴᠡᠭᠦᠦ ᠯᠡ ᠳ᠋ᠠ᠃ ᠣᠯᠠᠨ ᠰᠠᠶᠢᠬᠠᠨ ᠲᠥᠰᠦᠪ ᠮᠡᠨᠳᠦᠯᠡᠵᠦ ᠪᠠᠶᠢᠯᠠ᠃ | ᠬᠠᠷᠢᠯᠴᠠᠨ ᠰᠣᠯᠢᠯᠴᠠᠵᠤ ᠣᠬᠠᠭᠠᠨ ᠲᠡᠯᠡᠵᠦ ᠪᠠᠶᠢᠯᠠ᠃ | ᠬᠥᠬᠡ ᠮᠦᠷᠡᠨ ᠤ ᠬᠦᠪᠡᠭᠡᠨ ᠳᠤ ᠬᠢ ᠨᠠᠨᠵᠢᠩ ᠠᠴᠠ ᠬᠦᠬᠡ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠲᠤ ᠪᠠᠨ ᠬᠡᠯᠡᠬᠦ | ᠶᠠᠭᠤᠮᠠ ᠲᠠᠢ᠂ ᠬᠢᠬᠦ ᠮᠥᠷᠦᠭᠡᠳᠦᠯ ᠲᠠᠢ ᠪᠤᠴᠠᠨᠠ ᠭᠡᠵᠦ ᠣᠯᠵᠠ ᠪᠣᠰᠤ ᠦᠦ︕ ᠡ᠊ᠨᠳᠡ ᠥᠪᠦᠷ ᠮᠣᠩᠭᠤᠯ | ᠤᠷᠤᠨ ᠤ ᠡᠷᠳᠡᠮᠳᠡᠨ ᠪᠠᠭᠰᠢ᠂ ᠬᠡᠯᠡᠨ ᠤ ᠳᠠᠷᠬᠠᠳ ᠲᠠᠢ ᠲᠠᠨᠢᠯᠴᠠᠨ ᠨᠠᠶᠢᠵᠠᠯᠠᠭᠰᠠᠨ ᠨᠢ ᠲᠣᠮᠤᠬᠠᠨ ᠣᠯᠵᠠ ᠪᠢᠯᠡ᠃ | ᠠᠯᠳᠠᠭ ᠣᠨᠤᠭ ᠲᠣᠭᠲᠠᠭᠠᠭᠰᠠᠨ ᠲᠦᠭᠦᠬᠡᠢ ᠱᠦᠭᠦᠷᠬᠡᠢ ᠪᠣᠳᠤᠯ ᠢᠶᠠᠨ ᠴᠢᠳᠠᠨ ᠶᠠᠳᠠᠨ ᠬᠡᠯᠬᠢᠵᠦ ᠬᠤᠯᠪᠤᠨ ︽ | ᠵᠢᠭᠠᠬᠤ ᠰᠤᠷᠬᠤ ᠰᠣᠳᠤᠯᠬᠤ ᠶᠢᠨ ᠣᠴᠢᠷᠯᠠᠯ︾ ᠬᠡᠮᠡᠪᠡᠢ᠃ ︽ᠣᠯᠵᠠ ᠶᠢ ᠣᠯᠠᠨ ᠢᠶᠠᠷ ᠢᠶᠠᠨ︾ ᠭᠡᠳᠡᠭ᠃ ᠦᠵᠡᠬᠦ | ᠮᠡᠷᠭᠡᠳ ᠰᠢᠭᠦᠮᠵᠢᠯᠡᠮᠦ︕ | | ᠬᠠᠶ᠋ᠢᠭ᠄ ᠣᠩᠨᠢᠭᠤᠳ ᠬᠤᠰᠢᠭᠤᠨ ᠤ ᠪᠣᠷᠤᠬᠤᠲᠠ ᠮᠣᠩᠭᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ | ︵ᠾᠥᠩ ᠮᠸᠢ ᠨᠠᠶᠢᠷᠠᠭᠤᠯᠪᠠ︶ | 2018 ᠣᠨ ᠤ 2 ᠳ᠋ᠤᠭᠠᠷ ᠬᠤᠭᠤᠴᠠᠭᠠ |